ཡུལ་ཤུལ་ཁྲི་འདུ་རྫོང་ལབ་དགོན་པའི་གྲྭ་བསོད་ནམས་རབ་ཡངས་ལགས་ཀྱི་རྐང་པ་གཡས་པ་གཏུབ་ཡོད་པ་མ་ཟད། སྦུ་གུ་དྲངས་ཏེ་ཟ་མ་སྤྲོད་དགོས་པའི་ཛ་དྲག་གི་གནས་སྟངས་འོག་ལྷག་ཡོད་འདུག
རྒྱ་གར་ལྷོ་ཕྱོགས་སེར་བྱེས་འདབ་མ་ཁམས་ཚན་གྱི་གྲྭ་ངག་དབང་སྟོབས་ལྡན་ལགས་ཀྱིས་གསར་ལམ་དུ་གནས་ཚུལ་མཁོ་སྤྲོད་བྱས་པ་ལྟར་ན། ཟླ་སྔོན་མའི་ཕྱི་ཚེས་ ༨ ཉིན་བོད་ནང་གི་ཉིན་གུང་ཆུ་ཚོད་ ༡ ཡས་མས་སུ་ཡུལ་ཤུལ་ཁྲི་འདུ་རྫོང་ལབ་དགོན་པའི་རང་ལོ་ ༣༧ ཡིན་པའི་གྲྭ་བསོད་ནམས་རབ་ཡངས་ལགས་ཀྱིས་རང་ལུས་མེར་བསྲེགས་ཀྱིས་རྒྱ་གཞུང་ལ་ ངོ་རྒོལ་བྱེད་སྐབས་དེ་མ་ཐག་ཉེན་རྟོག་པས་ཁོང་གི་ལུས་སྟེང་གི་མེ་བསད་རྗེས་བཙན་འཁྲིད་བྱས་ཏེ། ད་ལྟའི་ཆར་གར་ཡོད་ཅི་བྱུང་གི་གནས་ཚུལ་ཅི་ཡང་ཤེས་ཐུབ་མེད་ཀྱང་། ཉེ་ཆར་ཁོང་གི་ནང་མིས་ཁོང་ཟི་ལིང་གྲོང་ཁྱེར་གྱི་དམག་མིའི་སྨན་ཁང་ཞིག་ཏུ་རྐང་པ་གཡས་པ་གཏུབ་ཡོད་ཚུལ་དང་སྦུ་གུ་དྲངས་ཏེ་ཟ་མ་སྤྲོད་དགོས་པའི་ཛ་དྲག་གི་གནས་སུ་གྱར་ཡོད་ཚུལ་གོ་ཡོད་པ་མ་ཟད། ད་ལྟའི་ཆར་ཁོང་གི་སྨན་རིན་དུ་རྒྱ་སྒོར་ཁྲི་ ༢༠ ལྷག་ཕྱིན་ཡོད་ཀྱང་། རྒྱ་ནག་གཞུང་གིས་སྨན་རིན་ཆ་ཚང་ནང་མིས་སྤྲོད་དགོས་པའི་བརྡ་ལན་སྤྲད་ཡོད་འདུག
གསར་འགོད་པ། དོན་གོ
ཡོངས་རྫོགས་བློས་གཏོང་གནང་མཁན་གྱི་དཔའ་བོ་ཞིག་ལ་རྐང་ལག་བཞི་ཀའང་དགོས་མཁོ་མེད་ནའང་། ང་ཚོའི་མིག་ལམ་ནས་སྐུ་ཉིད་སྐར་ཆ་གཅིག་ཡིན་ནའང་འཚོ་ན་འདོད་ཡོད། ད་དངོས་གནས་བོད་རིགས་ཞིག་ལ་སྐྱེས་ནའང་ཁྱེད་དང་མཉམ་དུ་དེ་ཙམ་གྱིས་བློས་གཏོང་གི་བསམ་འཁོར་གྱི་མི་འདུག འོན་ཀྱང་བོད་མི་རིགས་ལ་མི་ཕན་ནའང་གནོད་པ་མི་བྱེད་པའི་དམ་བཅའ་ངས་དེ་རིང་ཁྱེད་ལ་འཇོག་པར་སྤོབས་སོང་།
རྒྱལ་གཅེས་དཔའ་བོ་ཚོར་ཡི་རངས་བསྔགས་བརྗོད་བྱས་པ་ཙམ་མ་ཡིན་པར། ཁོང་ཚོའི་ཐུགས་ཀྱི་བཞེད་པ་ཡོད་ཚད། རང་ཅག་བོད་མི་མི་རེ་རེས་ལག་ལེན་དུ་བསྟར་ཨེ་ཐུབ་ལ་འབད་དགོས་པ་ནི། གནད་ཀྱི་དོན་པོ་དེ་ཡིན།
༧གོང་ས་མཆོག་གིས་བོད་ནང་རང་ལུས་མེ་སྲེག་གི་དགོངས་ཚུལ་སྔར་ནས་གསུང་ཡོད་ན་མི་མང་པོ་མེ་བསྲེགས་བཏང་ཨེ་ཡོད། ད་ཁོང་གི་དགོངས་ཚུལ་ཅི་འདྲ་ཡིན་མིན་ཚང་མས་ཤེས་སོང་ངམ། གལ་སྲིད་མ་ཤེས་ན་ཨེ་ཤེས་ཡི་རང་དབང་རླུང་འཕྲིན་བོད་སྐད་ནང་ལ་གསན་དང་། གསལ་པོར་ཤེས་ཀྱི་རེད་དོ།
རང་ལུས་མེ་ལ་བསྲེགས་ན་རང་ཉིད་སྡུག་གྱོང་རེད་ཟེར་དོན་འདི་ཡིན།
མི་ཚེའི་ཕམ་ཁ།
ན་ཟུག་གི་ཕམ་ཁ།
རྒྱུ་གྱོང་གི་ཕམ་ཁ།
འདི་ལ་ཕམ་ཁ་ལས་རྒྱལ་ཁ་ཞིག་གཏན་ནས་མེད།
འདི་ནི་ངའི་ལྟ་ཚུལ་ཡིན།
གཅིག་བྱ་ན་ང་རང་རྒྱ་མིའི་ཉུལ་མ་དང་ཤུགས་ལྡན་ཚོགས་པའི་མིང་སྤྲད་ངེས་ཀྱང་འབྱར་ནི་མི་ཡོང་ཁྱད་པར་གང་མེད།
ལྷོད་ཀྱིས་ཕེབས་དང་གང་ཡང་བྱེད་ཀྱི་མ་རེད། ཉིས་ལྡབ་ཤོར་ནས་འདུག བཅོས་ན་ལེགས།