ཟླ་འདིའི་ཕྱི་ཚེས་ ༡༡ ཉིན་རྒྱ་གར་ལྷོ་ཕྱོགས་མོན་གྷོ་ས་གནས་སུ་དང་བླངས་བོད་མི་ ༡༦ གིས། བོད་ནང་རང་ལུས་མེར་བསྲེགས་ཀྱི་རྒྱ་གཞུང་ལ་ངོ་རྒོལ་སྐད་འབོད་བྱེད་མཁན་རྒྱལ་གཅེས་ཚོར་གདུང་སེམས་མཉམ་སྐྱེད་མཚོན་ཆེད། མོན་གྷོ་ས་གནས་ནས་མགོ་འཛུགས་ཀྱིས་ཀ་ཎ་ཊ་ཀ་མངའ་སྡེ་དང་གྷོ་བ་གྲོང་ཁྱེར་བཅས་ས་གནས་ཁག་ ༡༦ ནང་སྦག་སྦག་སྐོར་སྐྱོད་བྱེད་བཞིན་ཡོད་ལ། དེ་རིང་སྦག་སྦག་སྐོར་སྐྱོད་པ་ཚོ་མེ་སོར་གྲོང་ཁྱེར་དུ་འབྱོར་ཡོད་འདུག
ཐེངས་འདིའི་སྦག་སྦག་སྐོར་བསྐྱོད་ལས་འགུལ་གྱི་དམིགས་ཡུལ་གཙོ་བོ་ནི། བོད་ནང་ ༢༠༠༩ ལོ་ནས་ད་བར་བོད་ཕྱི་ནང་གཉིས་སུ་བོད་མི་སྐྱ་སེར་ ༣༥ ཡིས་རང་ལུས་མེར་བསྲེགས་ཀྱིས་རྒྱ་གཞུང་ལ་ངོ་རྒོལ་སྐད་འབོད་བྱས་ཏེ་སྐུ་སྲོག་ཤོར་ཡོད་པ་ལྟར། རྒྱ་གར་ཡུལ་མི་ཚོར་རྒྱལ་གཅེས་དཔའ་བོ་དཔའ་མོ་རྣམས་ཀྱི་རེ་འདུན་དང་ཁ་ཆེམས། རང་ལུས་མེར་བསྲེགས་གཏོང་དགོས་པའི་རྒྱུ་མཚན་ངོ་སྤྲོད་དང་། བོད་ནང་གི་ཛ་དྲག་གནས་སྟངས་དང་བོད་དོན་དྲིལ་བསྒྲགས་བྱ་ཆེད་གོ་སྒྲིག་གནང་བ་ཞིག་ཡིན་པ་མ་ཟད། ལས་འགུལ་འདི་བརྒྱུད་དེ་ཁོང་ཚོས་རྒྱ་གཞུང་ལ་དོན་ཚན་དྲུག་ཅན་གྱི་དགོས་འདུན་ཞིག་ཀྱང་བཏོན་ཡོད་འདུག
དགོས་འདུན་དེ་དག་ལས་དང་པོ་ནི། བོད་ནང་རྒྱ་གཞུང་གིས་གདུག་རྩུབ་བཙན་གནོན་བྱེད་བཞིན་པའི་རྐྱེན་གྱིས། བོད་མི་ཚོས་རང་ལུས་མེར་བསྲེགས་བཏང་དང་གཏོང་བཞིན་པར་ང་ཚོས་རྒྱ་གཞུང་ལ་ངོ་རྒོལ་མཐའ་གཅིག་ཏུ་བྱེད་ཀྱི་ཡོད། གཉིས། རྒྱལ་གཅེས་ཆོས་གཅེས་ཀྱི་སློབ་གསོའི་རིགས་མྱུར་དུ་མཚམས་འཇོག་བྱ་དགོས། གསུམ། འཛམ་གླིང་རྒྱལ་སྤྱིའི་ངོས་ནས་ཕྱོགས་སུ་མ་ལྷུང་བའི་ཚོགས་པ་ཞིག་བོད་ནང་ལ་བཏང་ སྟེ་བོད་ནང་འགྲོ་བ་མིའི་ཐོབ་ཡོད་མེད་ཀྱི་དངོས་ཡོད་གནས་ཚུལ་གསལ་འདོན་བྱ་དགོས། བཞི། ཀུན་གཟིགས་པཎ་ཆེན་ཆུང་སྲིད་རིན་པོ་ཆེའི་གཙོས་བོད་ནང་གི་ཆབ་སྲིད་བཙོན་པ་ ཡོངས་འཕྲལ་དུ་ཀློད་གྲོལ་གཏོང་དགོས། ལྔ། འཛམ་གླིང་དབུ་ཁྲིད་ཚོས་བོད་ནང་གི་དངོས་ཡོད་གནས་སྟངས་ལ་འགན་འཁུར་བའི་ ཐོག་ནས་རྒྱ་ནག་མགོ་ཁྲིད་ཚོར། བོད་མིའི་མངོན་འདོད་དང་འཚམ་པའི་བཀའ་མོལ་དང་ཚེ་སྲོག་སྐྱོབ་དགོས་པའི་བཀའ་ མོལ་གནང་དགོས། དྲུག འཛམ་གླིང་མཉམ་འབྲེལ་རྒྱལ་ཚོགས་ཀྱིས་རྒྱ་གཞུང་ལ་གནོན་ཤུགས་སྤྲད་དེ་བོད་ནང་གི་དམག་མི་ཕྱིར་འཐེན་དང་། བོད་མིའི་གཞི་རིམ་ཐོབ་ཐང་དང་ཆོས་དད་རང་དབང་མྱུར་དུ་སྤྲོད་དགོས་། ཞེས་བཀོད་འདུག
ཐེངས་འདིའི་དང་བླངས་ལས་འགུལ་བ་དག་ནི་མོན་གྷོ་གཞིས་གྲོང་བརྒྱད་པའི་རང་ལོ་ ༣༡ ནས་ ༥༠ བར་ཡིན་པའི་
བོད་མི་ཁོ་ན་ཡིན་ཞིང་། ཁོང་ཚོ་ནི་བློ་བཟང་དཔལ་ལྡན་དང་མགུ་གྲགས། དགྲ་ལྷ་ཚེ་རིང་(ཀ)། འཇམ་དབྱངས་རྡོ་རྗེ། ཟླ་བ་རྒྱ་མཚོ། དགྲ་ལྷ་ཚེ་རིང་(ཁ)། བསྟན་འཛིན་བློ་གྲོས། བསྟན་འཛིན་དགྲ་ཆེན། བསྟན་འཛིན་གསུང་རབ། བསྟན་འཛིན་བློ་བཟང་། སྐལ་བཟང་རྡོ་རྗེ། བློ་བཟང་ཐུབ་སྟོབས། ཚེི་རིང་ཕུན་ཚོགས། ཚེ་རིང་རྡོ་རྗེ། ངག་དབང་རྡོ་རྗེ། ཚེ་བརྟན་དངོས་གྲུབ་བཅས་ཡིན་ལ། ཉིན་གྲངས་ ༡༠ ལྷག་གི་ཁོང་ཚོ་མོན་གྷོ་དང་བྷང་གྷ་བྷོར། བྷང་ལོར། མེན་ཊེ་ཡཱ། མེ་སོར། ཧོན་སུར། བྷེལ་ཀོབ། མེ་ཊེ་ཀེ་རེ། མན་ལོར། ཨོ་ཊེ་བྷེ། ཀར་ཝར། གྷོ་བ། བྷེལ་ཀེམ། ངྷེར་བ་ཊི། ཧོ་བྷེ་ལེ་བཅས་ས་གནས་ཁག་ ༡༦ ནང་སྦག་སྦག་སྐོར་སྐྱོད་དང་མཉམ་དུ་རང་ལུས་མེར་བསྲེགས་གཏོང་མཁན་ཚོའི་རེ་འདུན་དང་ཁ་ཆེམས་སོགས་ཀ་ཎ་ཊ་ཀ་དང་དབྱི་ཡིག ཧིན་རྡུ་སྐད་ཡིག་བཅས་ཀྱི་ཐོག་འགྲེམས་སྤེལ་བྱེད་བཞིན་ཡོད་པ་རེད།
ལས་འགུལ་བ་རྣམས་ནས་ཞལ་འདེབས་མ་བཞེས་པ་དེ་ཧ་ཅང་རིན་ཐང་ཆེ་ལ་ཐུགས་རྗེ་ལན་མང་དུ་ཆེ་ཞུ་རྒྱུ་དང་། མིག་དཔེར་འོས་པའི་བྱ་བཟང་གཅིག་ཀྱང་རེད་ཤག། ཡིན་ཡང་ཞལ་འདེབས་དམིཊ་དོན་ལྟར་སྒྲུབ་ན་ཧ་ཅང་ཡག་པོ་རེད་གང་ལ་ཟེར་ན་ཉིས་སྟོང་བརྒྱད་ལོ་ལ་ལབ་གླེང་མང་པོ་ཞིག་བྱུང་བ་རེད། དེ་བདེན་དང་། རྒྱ་ལྟོ་ཟ་མིས་བོད་ཚང་ནང་དཀྲུག་ཡིན་དཔྱད་པས་གྲོལ་དགོས་ལེ་རེད། སྤྱིར་བོད་ཚང་གི་བལྟ་སྤྱོད་གཉིས་ལྡན་ལ་འཛམ་གླིང་ཡོངས་ནས་བསྔགས་བརྗོད་ཡོད་མུས་རེད། ཡིན་ཡང་བྱ་བ་གང་འདྲ་ཞིག་ཀྱང་བརྒྱ་ཆ་བརྒྱ་ནས་བརྒྱ་སྒྲུབ་ཐུབ་རྒྱུ་དཀའ་བའི་ཆོས་ཉིད་རེད། དེར་བརྟེན་ང་ཚོ་བོད་ཚང་མི་རིགས་ཀྱིས་ལས་དོན་སྒྲུབ་སྐབས་ངེས་པར་དུ་བསམ་བློའི་ནང་འདི་བཞག་དགོས་པ་རེད། ད་བར་ལས་དོན་བསྒྲུབས་ཟིན་པ་ལ་ཀླད་དཔྱད་བྱས་ནས་བློ་གཟུར་གནས་ཀྱིས་བླང་དོར་བརྒྱབ་རྟེན་མི་མང་ནས་གནང་དགོས་ཤིང་། ད་ལྟ་སྒྲུབ་བཞིན་པ་དང་། མ འོང་སྒྲུབ་རྒྱུ་ལའང་དེ་གནང་གལ་ཆེན་པོ་འདུག་ཞེས་མི་རྒོད་རྨོང་པའི་རྨོང་གཏམ་ཐལ་ལོ་།
༄་། བདེན་པ་ཉིད་རྒྱལ་གྱུར་ཅིག།། བོད་རྒྱལ་གྱུར་ཅིག།།
ལས་འགུལ་བ་འདི་དག་ཁ་སང་ཕྱི་དྲོ་བྷེལ་ཀོབ་ཏུ་འབྱོར་ནས་མི་མང་གིས་ཁོང་རྣམས་ལ་དགའ་བསུའི་སྣེ་ལེན་བྱས་སོང་། ཐུགས་རྗེ་ཆེའི་མགུལ་དར་བསྒྲོནད་སོང་།
ཞལ་འདེབས་ཀྱང་འབུལ་བརྩི་ཡོང་པ་འདྲ། འོན་ཀྱང་ལས་འགུལ་འདི་དག་གིས་ང་ཚོས་ཞལ་འདེབས་མི་བླང་ཟེར་སོང་བས་འདི་ནི་ཆེས་རིན་ཐང་དང་མིག་ལྟོ་ཧ་ཅང་ལེགས་པོ་ཞིག་ཡིན་པར་སེམས།
གལ་ཆེ་ཤོས་ནི། འགྲུལ་སྐྱོད་སྐབས་ས་གནས་མི་མང་གིས་དོ་སྣང་ཆེན་པོ་བྱ་ངེས་ཡིན་པས་སྨྲ་སྒོ་བཟང་བའི་འབྲེལ་ལམ་སྤུས་དག་གནང་དགོས་པ་ནི་ཁྱེད་རྣམས་ཀྱི་ལས་འགན་ཆེ་ཤོས་དེ་ཡིན་པས་ཡིད་གཟབ་གནང་རོགས་གནང་།
དགོས་འདུན་ཧ་ཅང་མང་པས་ཕྱིས་སུ་ལས་འགུལ་ཅི་འདྲ་ཞིག་སྤེལ་ཀྱང་དགོས་འདུན་ཧ་ཅང་ཉུང་དགོས་པ་ལས་མང་ན་མི་དགའ་བས་དེ་ཡང་ཐུགས་སུ་འབོར་རོགས་གནང་།
འཕྲུལ་རྟར་བཅིབས་ནས་ཕེབས་རྒྱུ་ནི་དེ་ཙམ་གྱི་ལས་སླ་བའི་བྱ་བ་ཞིག་མིན་པས་བཅག་པོ་དང་ལྷོད་པོ་བག་ཡོད་གནང་གལ།
ཐུགས་རྗེ་ཆེ།
སྤུར་རྒྱལ་སྙིང་སྟོབས་གསོན་པོ་གཞིས་ཆགས་སུ་མེད་སྐད།།
འཕྲུལ་རྟ་བཅིབས་པ་གཞོན་སྐྱེས་བཅུ་དྲུག་གིས་སེལ་སོང་།།
སེང་དར་མཁའ་རུ་སྒྲེང་བཞིན་དྲང་བདེན་གྱི་འབོད་ཚིག།
དོན་ཚན་དྲུག་གིས་གཞིས་བྱེས་མྱུར་འཛོམ་ལ་སྦྲེལ་ཅིག།
ལས་དོན་ལ་བཀྲིན་བླ་མེད་དུ་ཆེ།།།།
ེཤེལ་དཀར་བློ་བཟང་བཙོན་དུ་ལྷུང་ལྟར་ཡལ།།
དེ་རིང་མཇལ་བ་དྲི་མ་ལྷང་ལྷང་རེད།།
དྲྭ་སྤྱོད་ཕོང་མཁན་ཤེལ་དཀར་པ་པ་།།
དྲི་མ་འཁྲུ་ན་ཡང་ཡང་འདི་རུ་བལྟ།།།། ཧ་ཧ་ཧ་།
བྱ་གཞག་མཐའ་དག་བགེགས་མེད་ལྷུན་གྲུབ་ཡོང་བའི་རེ་སྨོན་དང། འབྱུང་འགྱུར་ཡང་ང་ཚོ་ཚང་མས་འཇོན་ཚོད་དཔག་ཚོད་ཀྱིས་ལས་འགུལ་འདྲ་མིན་སྣ་ཚོགས་སྤེལ་རྒྱུར། ད་ལྟ་ནས་གྲ་སྒྲིག་ཨང་གསར་བྱེད་དགོས།།
གནམ་ལོ་འདི་ལ་གཞིས་བྱེས་ལྷན་དུ་འཛོམས། །
གངས་ཅན་མགོན་པོ་གངས་རི་ཞིང་དུ་ཕེབས། །
བདེ་སྐྱིད་ཉི་མ་བོད་འབངས་ཡོངས་ལ་ཤར། །
ཆོས་སྲིད་དཔལ་ཡོན་རྒྱས་པའི་བཀྲ་ཤིས་ཤོག །
མོན་གྷོ་འདོད་རྒུ་གླིང་གི་གྲོང་སྡེ་བརྒྱད་པའི་གཞོན་སྐྱེས་ ༡༦ ནས་མ་བསྐུལ་དྭངས་བླངས་ཀྱིས་ཀར་ཎ་ཌ་ཀ་མངའ་སྡེའི་གྲོང་འཁྱེར་ཆེ་ཁག་ ༡༦ ཙམ་གྱི་ནང་སྦག་སྦག་སྐོར་བསྐྱོད་ཀྱི་བརྒྱུད་ནས་བོད་དོན་དྲིལ་བསྒྲགས་ཀྱི་ལས་འགུལ་གནང་བཞིན་པ་མངགས་བརྗོད་དང་རྒྱབ་བསྐྱོར་ཞུ་གི་ཡོད། རང་གི་ནུས་པ་དང་འཇོན་ཐང་ལ་དཔག་པའི་ཚོགས་སྒེར་སུ་རུང་ནས་འདི་ལྟར་ལས་འགུལ་ཆེ་འབྲིང་ཆུང་གསུམ་གང་འོས་སྤེལ་དགོས་རྒྱུ་ནི་ཐོག་ཏུ་བབ་པའི་ལས་འགན་རེད་པས་ཚང་མས་དགོངས་བཞེས་གནང་སྐྱོང་ཞུ། བོད་རྒྱལ་ལོ།
ཁྱེད་རྣམ་པ་ཐུགས་རྗེ་ཆེ་ལམ་ལ་བར་ཆད་མེད་པར་ཤོག