ད་ལོའི་ཕྱི་ཟླ་ ༩ པའི་ནང་ངྷ་སར་དབུས་གཙང་ཆོལ་ཁའི་ཚོགས་ཆེན་བསྐང་སྟེ། ༸རྒྱལ་བའི་སྐུ་ཕྱཱ་དང་བོད་ནང་རང་ལུས་མེར་བསྲེཊ། བཀའ་ཤག་གསར་པའི་སྲིད་བྱུས་ལ་རྒྱབ་སྐྱོར་གནང་ཕྱོགས་ཐོག་གྲོས་བསྡུར་གནང་རྒྱུ་ཡིན་འདུག
དེ་རིང་ཕྱི་ཚེས་ ༡༧ ཉིན་གྱི་སྔ་དྲོའི་ཆུ་ཚོད་ ༡༡ སྟེང་ངྷ་ས་མེག་གྷན་ཆིག་སྒྲིལ་ཚོགས་པའི་ཚོགས་ཁང་དུ། དབུས་གཙང་ཆོལ་ཁའི་སྤྱི་ཁྱབ་རྒྱུན་ལས་ཁང་གིས། ད་ལོའི་ཕྱི་ཟླ་ ༩ པའི་ནང་དབུས་གཙང་དབུས་ས་གཉིས་ཀྱི་འགན་འཛིན་ལྷན་ཚོགས་ཀྱི་ཚོགས་ཆེན་བསྐང་རྒྱུའི་གསལ་བསྒྲགས་སྤེལ་ཡོད་ཅིང་། ཚོགས་ཐོག་ཏུ་དབུས་རྒྱུན་ཚོགས་གཙོ་སྤྱི་འཐུས་ཟླ་བ་ཚེ་རིང་ལགས་ཀྱིས་ཐེངས་འདིའི་ཚོགས་འདུའི་དམིགས་ཡུལ་ནི། ༸རྒྱལ་བའི་སྐུ་ཕྱཱ་དང་བོད་ནང་རང་ལུས་མེར་བསྲེགས་གཏོང་བཞིན་པའི་གནས་སྟངས། ༸གོང་ས་མཆོག་གིས་སྲིད་དབང་རྩིས་སྤྲོད་གནང་རྗེས་བོད་མིའི་སྒྲིག་འཛུགས་ལ་རྒྱབ་སྐྱོར་གནང་ཕྱོགས་ཐོག་གྲོས་བསྡུར་གནང་རྒྱུ་ཡིན་སྐོར་བརྗོད་སོང་།
གསལ་བསྒྲགས་དེའི་ནང་འཁོད་དོན་ལྟར་ན། ད་ཐེངས་ཀྱི་ཚོགས་འདིའི་གྲོས་གཞི་ཁག་ནི་༸གོང་ས་མཆོག་གི་སྐུའི་ཉེན་སྲུང་སྐོར་དང་། བོད་ནང་གི་ཛ་དྲག་གནས་སྟངས་ཐོག་ལས་འགུལ་སྤེལ་ཕྱོགས། དབུས་གཙང་མི་མང་གིས་ལོ་ ༣༦༩ རིང་དགའ་ལྡན་ཕོ་བྲང་ལ་བློ་སྙིང་མཆིན་གསུམ་གཏད་དེ་ཞབས་འདེགས་ཞུས་ཡོད་པ་ལྟར། ད་དུང་ཡང་དབུས་བོད་མིའི་སྒྲིག་འཛུགས་ལ་དབུ་འོག་དཔུང་འདེགས་ཞུ་ཕྱོགས། དབུས་གཙང་སྒྲིག་འཛུགས་ཚགས་ཚུད་སྲ་བརྟན་གཏོང་ཐབས། བོད་ཀྱི་སྐད་ཡིག་རིག་གཞུང་སྤྱི་དང་། བྱེ་བྲག་དབུས་གཙང་ཆོལ་ཁའི་ལུང་ཚན་སོ་སོའི་སྐད་ཡིག་གོམས་སྲོལ་དང་བཅས་པའི་ལོ་རྒྱུས་ཕྱོགས་སྒྲིག དབུས་གཙང་མི་རབས་རྒན་པ་དང་བགྲེས་ཡོལ་ལས་བྱེད་སོགས་བྱས་རྗེས་ཅན་གྱི་ལོ་རྒྱུས་ཕྱོགས་སྒྲིག་དང་གཞོན་སྐྱེས་ཚོར་ལམ་སྟོན་གནང་ཕྱོགས་སྐོར་གྲོས་བསྡུར་གནང་རྒྱུ་ཡིན་འདུག
ཐེངས་འདིའི་ཚོགས་ཆེན་ལ་ཕེབས་མཁན་དག་ནི་དབུས་གཙང་ཆོལ་ཁའི་ཁོངས་གཏོགས་སྐྱིད་སྡུག་ཚོགས་པ་ཁག་གི་འཐུས་མི་དང་། མི་རབས་རྒན་པ། བཀའ་ཟུར་དང་གཞུང་ཞབས་ཟུར་པ། སྤྱི་ཟུར། དབུས་རྒྱུན་དང་ས་གནས་རྒྱུན་ལས་ཟུར་པ་སོགས་ཡིན་འདུག
དབུས་གཙང་ཆོལ་ཁའི་དབུས་སྤྱི་ཁྱབ་རྒྱུན་ལས་ཁང་ནི་ ༡༩༨༢ ལོར་གསར་དུ་བཙུགས་པ་དང་། ད་ཆར་ཚོགས་པ་འདིར་རྒྱ་བལ་འབྲུག་གསུམ་དང་། སུད་སི། ཨ་རི་བཅས་ཀྱི་ནང་ཡན་ལག་ཚོགས་པ་ ༢༥ ཙམ་ཡོད་འདུག
གསར་འགོད་པ། དཔལ་ལྡན།
ཏཱ་རེ་མ། ཁྱེད་རང་རྒྱ་ཁྱི་ཁུག་རྟ་རེད་། ངས་ཁྱེད་སུ་ཡིན་གསལ་པོ་ཤེས་ཀྱི་ཡོད་ཀྱང་ཁྱེད་གྱི་ང་སུ་ཡིན་ཤེས་མི་འདུག། སྙིང་རྗེ་དོན་མེད་གོ་ནོར་མ་ཐད་། ངོ་མ་ང་སུ་ཡིན་ཤེས་འདོད་ན་ངེད་རང་གི་སྒེར་གཉེར་དྲ་ཚིགས་ནང་ཕེབས་ཤོག། དོན་མེད་སྤྱི་ཚོགས་དཀྲོགས་ཅན་མ་བཟོ་། ཁྱེད་རང་ཟླ་བ་ཚེ་རིང་གི་ལག་ཏུ་ལེན་པའི་དངུལ་དེར་ང་རང་མཉམ་ལས་བྱེད་འདོད་མེད་།
འབྲས་སྤུངས་ཀི་བླ་རྒན་བཀོར་ཟན་ཐེ་ཝན་ཕོག་ཟན་གྱི་རིགས་རྒྱད་དྲང་བདེན་གྱི་སློང་མོ་བ་ཟེར་བ་འདི་ཚོས་དབུས་གཙང་ཚོགས་གཙོ་ཟླ་བ་ཙེ་རིང་ལ་ཅི་ལྟར་ལབ་ཀྱང་ཁོང་ནི་དབུས་གཙང་དམ་པ་ཆོས་ཀྱི་ཆོལ་ཁའི་ཚོགས་གཙོ་དང་། བོད་སྤྱི་ཐུས་ནང་གི་རེད་འདུག
དབུས་གཙང་དམ་པའི་ཚོགས་ཆེན་རྒྱལ་ལོ། བོད་རྒྱལ་ལོ། བྱ་བ་དོན་ཆེན་འགྲུབ་པར་སྨོན་ནོ།
རྣམ་པ་ཚོའི་དགོངས་པ་བཞེད་དང་ཟླ་བ་ཚེ་རིང་གི་བྱེད་སྟངས་མང་ཆེ་བ་སྤྱི་སྒྱུ་སྒེར་བདག་དང་སྤྱི་དོན་རང་དོན་གི་ཕྱོགས་ལ་འབད་བརྩོན་གནང་བ་ཞིག་མཐོང་ཐུབ། དེ་རིང་ཡང་ཁོ་པས་གསལ་བསྒྲགས་འདིའི་ནང་གཟིགས་དང་ད་ལོའི་ཕྱི་ཟླ་ ༩ པའི་ནང་དབུས་གཙང་ཚོགས་ཆེན་བསྐང་རྒྱུ་ཡིན་ལབ་པ་དེ་ནི་རང་གཞུང་གི་དམིགས་བསལ་ཚོགས་ཆེན་ཐེངས་གཉིས་པ་དེ། འདི་ལོའི་ཕྱི་ཟླ་ ༩ ཚེས་ ༢༥ ནས་ ༢༨ བར་ངྷ་རམ་ས་ལར་ཚོགས་གཏན་ཁེལ་པའི་གསལ་བསྒྲགས་གནང་བའི་རྗེས་སུ་བྱེད་པ་ཞིག་རེད་། དེ་ཡང་རང་གཞུང་གི་ཆེད་དུ་གདན་དྲང་པའི་བཀའ་སྤྱི་ཟུར་བ་དང་ད་ཡོད་གཞུང་གི་ལས་དོན་བྱེད་བཞིན་པ་སོགས་དབུས་གཙང་ཁོངས་ཀྱི་དམིགས་བསལ་ཚོགས་ཆེན་ལ་ཕེབས་མཁན་རྣམས་ཁོང་གི་རེ་བ་ལྟར་ན་དབུས་གཙང་ཚོགས་ཆེན་ལ་གདན་དྲང་པ་ལྟར་བུའི་ངོ་བོ་འགྱུར་རྒྱུའི་རེ་སྟོང་བཅངས་འདུག། འདི་ནི་རང་གཞུང་གི་དམིགས་བསལ་ཚོགས་ཆེན་གྱི་ནུས་ཤུགས་བཅག་ཐབས་དང་ཆོལ་ཁའི་ཕྱོགས་ལྷུང་རྒྱས་ཐབས་ཀྱི་ལས་འགུལ་ཞིག་མ་རེད་གམ། གལ་སྲིད་དེ་བཞིན་མདོ་སྟོད་སྨད་གཉིས་ནས་ཆོལ་ཁའི་ཚོགས་ཆེན་ལ་འགྱུར་ཐབས་གནང་བ་ཡིན་ན་དམིགས་བསལ་ཚོགས་ཆེན་དེ་ཆོལ་ཁའི་ཚོགས་ཆེན་ལ་འགྱུར་བ་རེད་།
དུས་བབ་ལགས་ངས་སྟོན་པའི་དབུས་གཅང་ཆོལ་ཁའི་མཆན་དེ་འགོད་རོགས་དེ་གལ་ཆེ་ཡིན་དེ་ལ་གསང་དགོས་རྒྱུ་ཅི་མེད་དོ།།།
ཁྱེད་རྣམས་ཀྱི་གྲོས་བསྡུར་བརྗོད་གཞི་ཁག་ལ་བགྲོ་གླེང་ལྷུགས་པོ་དང་ལམ་ལྷོངས་ཡོང་བའི་རེ་བ་ཧ་ཅང་ཆེ། དམིགས་བསལ་དུ། དབུས་གཙང་ཆོལ་ཁའི་ལུང་ཚན་ཁག་གི་ལོ་རྒྱུས་ཕྱོགས་བསྒྲིགས་བྱེད་ཐུབ་ན་ཧ་ཅང་དགེ་མཚན་ཆེ། དེ་ཡང་རབ་བྱུང་ན། སྐད་ཡིག་གསུམ་ལྡན་ཐོག་བྱུང་ན་དེ་བས་དགེ་མཚན་ཆེ། དབུས་གཙང་ཆོལ་ཁའི་ནང་དུ་མིའི་ནུས་པས་ཕོངས་མེད། ཡིན་ན་ཡང་ད་བར་དེའི་ཐོག་ལ་གོམ་པ་སྤོས་མ་ཐུབ་པར་ལུས་པ་རེད།