དེ་རིང་གཟའ་ལྷག་པའི་ཉིན་ངྷ་ས་ས་གནས་བུད་མེད་ཚོགས་པས་བཞུགས་སྒར་དུ། ༸པན་ཆེན་སྐུ་ཕྲེང་བཅུ་གཅིག་པ་ཆུང་སྲིད་དགེ་འདུན་ཆོས་ཀྱི་ཉི་མ་མཆོག་དགུང་གྲངས་ ༢༣ ལ་ཕེབས་པའི་སྐུའི་འཁྲུངས་སྐར་སྲུང་གཙི་གནང་སོང་།
དེ་རིང་ཕྱི་ཚེས་ ༢༥ ཉིན་བཞུགས་སྒར་ངྷ་རམ་ས་ལར་ས་གནས་བུད་མེད་ཚོགས་པས་གོ་སྒྲིག་འོག མེག་གྷན་རླངས་འཁོར་འབབ་ཚུགས་སུ་༸པན་ཆེན་སྐུ་ཕྲེང་བཅུ་གཅིག་པ་ཆུང་སྲིད་དགེ་འདུན་ཆོས་ཀྱི་ཉི་མ་མཆོག་དགུང་གྲངས་ ༢༣ ལ་ཕེབས་པའི་སྐུའི་འཁྲུངས་སྐར་སྲུང་གཙི་གནང་ཡོད་ཅིང་། དེ་ཡང་ཞོགས་པའི་ཆུ་ཚོད་ ༦ པའི་ཐོག་བསང་གསོལ་དང་། ངྷ་ས་བཙུན་དགོན་དགའ་ལྡན་ཆོས་གླིང་དུ་ཆུང་སྲིད་རིན་པོ་ཆེའི་སྐུ་གཟུགས་གསལ་ཐང་དང་མྱུར་དུ་བོད་མི་རྣམས་དང་ཞལ་མཇལ་ཐུབ་པའི་སྨོན་ལམ་གནང་ཡོད་པ་མ་ཟད། ཆུ་ཚོད་ ༡༠ བའི་ཐོག་མེག་གྷན་རླངས་འཁོར་འབབ་ཚུགས་སུ་གཞུང་འབྲེལ་མིན་པའི་ཚོགས་པ་ཁག་གི་ཚོགས་མི་དང་། ས་གནས་མི་མང་བཅས་འདུ་འཛོམས་ཐོག ས་གནས་བུད་མེད་ཚོགས་གཙོ་ལགས་ཀྱིས་༸པན་ཆེན་དགེ་འདུན་ཆོས་ཀྱི་ཉི་མའི་སྐུ་པར་མཐོང་གྲོལ་རིན་པོ་ཆེར་མཇལ་དར་བསྒྲོན་འབུལ་དང་། སྐུ་མགྲོན་གཙོ་བོ་ངྷ་ས་ས་གནས་མགོ་འཛིན་མཆོག་ནས་སྣང་གསལ་མར་མེ་ཞལ་འབྱེད་བཅས་གནང་རྗེས། ནུབ་ཕྱོགས་ཀྱི་ལུགས་སྲོལ་ལྟར་དེར་ཡོད་མི་མང་ལ་མངར་ཟས་དང་སྒོང་ཟས་ (cake) བཅས་སྤྲད་དེ་ཆུང་སྲིད་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་གཙི་གནང་སོང་།
སྐབས་དེར་ངྷ་ས་ས་གནས་བུད་མེད་ཚོགས་པའི་ཚོགས་གཙོ་སྐལ་བཟང་གཡུ་སྒྲོན་ལགས་ཀྱིས། ༸པཎ་ཆེན་སྐུ་ཕྲེང་བཅུ་བ་བློ་བཟང་འཕྲིན་ལས་ལྷུན་འགྲུབ་ཆོས་ཀྱི་རྒྱལ་མཚན་མཆོག་གིས་བོད་བསྟན་སྲིད་དང་མི་རིགས་ཀྱི་ཆེད་དུ་སྐུ་ངལ་ཆེན་པོ་བསྐྱོན་ཏེ། ཕྱི་ལོ་ ༡༩༨༩ ལོར་དགོངས་པ་ཆོས་དབྱིངས་སུ་ཐིམ་པའི་ཡིད་སྐྱོའི་གནས་ཚུལ་བྱུང་བ་དེས་བོད་མི་རིགས་དང་བསྟན་སྲིད་ལ་གྱོང་གུད་ཕོག་ཡོད་པ་མ་ཟད། ཁོང་དགོངས་པ་རྫོགས་པའི་གནད་དོན་ཐད་བོད་མི་མང་ཚུད་པའི་རྒྱལ་སྤྱིའི་སྤྱི་ཚོགས་དོགས་གཞི་ཆེན་པོ་ཞིག་གི་འོག་ཏུ་ལྷག་ཡོད་པའི་སྐོར་དང་། ཆུང་སྲིད་དགེ་འདུན་ཆོས་ཀྱི་ཉི་མ་མཆོག་ཕྱི་ལོ་ ༡༩༨༩ ལོའི་ཟླ་ ༤ བའི་ཚེས་ ༢༥ ཉིན་ཡབ་དཀོན་མཆོག་ཕུན་ཚོགས་དང་ཡུམ་བདེ་ཆེན་ཆོས་སྒྲོན་གཉིས་ཀྱི་སྲས་སུ་ཁམས་ནག་ཆུ་ལྷོ་རི་རྫོང་དུ་སྐུ་འཁྲུངས་པ་དང་། ༡༩༩༥ ལོའི་ཟླ་ ༥ བའི་ཚེས་ ༡༤ ཉིན་༸གོང་ས་མཆོག་གིས་༸པཎ་ཆེན་སྐུ་ཕྲེང་བཅུ་བའི་ཡང་སྲིད་དུ་ངོས་འཛིན་གནང་སྟེ་ད་ལྟ་དགུང་ལོ་ ༢༣ ལ་ཕེབས་ཡོད་པ་དང་། ད་ལྟའི་བར་རྒྱ་ནག་གཞུང་གིས་ཁོང་དང་ཁོང་གི་ཡབ་ཡུམ་བཅས་འཛིན་བཟུང་བཙོན་འཇུག་བྱས་ཏེ་མི་ལོ་ ༡༧ ཕྱིན་ཡོད་པའི་སྐོར་། དེ་བཞིན། དེ་རིང་ངྷ་ས་བུད་མེད་ལྷན་ཚོགས་གཙོས་པའི་གཞུང་འབྲེལ་མིན་པའི་ཚོགས་པ་ཁག་དང་ས་གནས་ཁག་ཡོངས་སུ་འཁྲུངས་སྐར་སྲུང་གཙི་བྱེད་བཞིན་པ་སོགས་ངོ་སྤྲོད་གནང་སོང་།
གསར་འགོད་པས་ཁོ་མོར་བུད་མེད་ལྷན་ཚོགས་ཀྱི་ངོས་ནས་ཆུང་སྲིད་དགེ་འདུན་ཆོས་ཀྱི་ཉི་མ་མཆོག་སྐུ་འཚོ་བཞུགས་གནང་ཡོད་མེད་དང་། ད་ལྟའི་ཆར་གང་དུ་ཡོད་མེད་ཀྱི་སྐོར་ལ་ཤེས་རྟོགས་དང་རྩད་གཅོད་བྱས་ཡོད་མེད་དྲིས་པར་ཁོ་མོས། “ བུད་མེད་ལྷན་ཚོགས་ཀྱི་ངོས་ནས་ད་ལྟའི་ཆར་ཆུང་སྲིད་རིན་པོ་ཆེ་མཆོག་གི་སྐུ་གཟུགས་གནས་སྟངས་དང་། གར་ཡོད་གནས་ཚུལ་ཅི་ཡང་ཤེས་རྟོགས་ཐུབ་ཀྱི་མི་འདུག ” ཅེས་བརྗོད་བྱུང་།
དགུ་བཅུ་གསུམ་ལས་འགུལ་ཚོགས་པའི་ཚོགས་གཞོན་ཀླུ་མཁར་བྱམས་ལགས་ཀྱིས། བོད་རང་བཙན་སློབ་ཕྲུག་ཚོགས་པ་དང་བོད་ཀྱི་བུད་མེད་ལྷན་ཚོགས། དགུ་བཅུ་གསུམ་ལས་འགུལ་ཚོགས་པ།ངྷ་ས་ས་གནས་གཞོན་ནུ། རྒྱལ་སྤྱིའི་བོད་དོན་འབྲེལ་མཐུད་ཁང་བཅས་ཀྱི་ཚབ་བྱས་ཏེ།༸པཎ་ཆེན་ཆུང་སྲིད་དགེ་འདུན་ཆོས་ཀྱི་ཉི་མ་མཆོག་དགུང་ལོ་ ༢༣ ལ་ཕེབས་པའི་འཁྲུངས་སྐར་ཉིན་མོ་འདིར། གཞུང་འབྲེོལ་མིན་པའི་ཚོགས་པ་ཁག་གིས་ཉིན་གཅིག་རིང་རྒྱ་ནག་གཞུང་ཚབ་ཁང་དུ་མི་རེ་ངོ་རེ་ནས་ཁ་པར་དང་བརྒྱུད་ལམ་འདྲ་མིན་ཐོག ༸པཎ་ཆེན་ཆུང་སྲིད་རིན་པོ་ཆེ་གང་དུ་ཡོད་མེད་ཀྱི་གནས་ཚུལ་ནན་འདྲི་གནང་རྒྱུའི་འབོད་སྐུལ་དང་། རྒྱ་ནག་གཞུང་གིས་ད་ལྟའི་བར་རྒྱལ་སྤྱིའི་གཞུང་དང་གཞུང་འབྲེལ་མིན་པའི་ཚོགས་པ་ཁག མི་སྒེར་བཅས་ཀྱིས་༸པཎ་ཆེན་དགེ་འདུན་ཆོས་ཀྱི་ཉི་མིའི་བདེ་འཇགས་དང་། ཁོང་གང་དུ་བཞུགས་ཡོད་མེད་ཀྱི་བརྡ་ལན་ཁ་གསལ་དགོས་པའི་འབོད་སྐུལ་རབ་དང་རིམ་པ་བྱས་པའི་ཐད་ཡ་ལན་ཅི་ཡང་མེད་པའི་ཁར། ཁོང་དང་ཁོང་གི་ཡབ་ཡུམ་སྐུ་འཁོར་དང་བཅས་པ་གར་ཡོད་ཀྱི་གནས་ཚུལ་ཁུངས་སྣེ་ཙམ་ཡང་ཕྱིར་བསྒྲགས་མ་བྱས་པ་དེར་བློ་ཕམ་ཡོད་པའི་བསྒྲགས་གཏམ་ཞིག་ཀྱང་སྤེལ་སོང་།
དེ་རིང་དགོང་དྲོ་ཆུ་ཚོད་ ༥ བའི་ཐོག་བོད་རང་བཙན་སློབ་ཕྲུག་ཚོགས་པ་དང་བུད་མེད་ལྷན་ཚོགས། དགུ་བཅུ་གསུམ་ལས་འགུལ་ཚོགས་པ། ངྷ་ས་ས་གནས་གཞོན་ནུ།རྒྱལ་སྤྱིའི་བོད་དོན་འབྲེལ་མཐུད་ཁང་བཅས་མཉམ་རུབ་ཐོག ངྷ་རམ་ས་ལའི་ཉིན་སློབ་ཚོགས་ཁང་དུ་༸པཎ་ཆེན་སྐུ་ཕྲེང་བཅུ་པ་མཆོག་གིས་ཆོས་སྲིད་གཉིས་ཐད་ལ་མཛད་རྗེས་བླ་མེད་བཞག་པའི་བཀའ་དྲིན་རྗེས་དྲན་མཚོན་ཆེད། ལྷག་དཀར་སྲུང་གཙིའི་རྣམ་པའི་སྒོ་ནས་སྙན་ངག་གྱེར་འདོན་དང་པར་རིས་འགྲེམས་སྟོན། བརྙན་འཕྲིན་གཟིགས་འབུལ་བཅས་གོ་སྒྲིག་གནང་རྒྱུ་ཡིན་འདུག
ལེགས་སོ་ལེགས་སོ་ཆེད་རྩོམ་འདི་ཡག་པོ་འདུག་ནད་པ་ལགས་བཀྲིན་ཆེ།།
ཀྭ་ཡེ་ཉན་ཅིག་རྒྱ་དམར་འགོ་ཁྲིད་ཚོ།།
ཁ་ནས་སྐྱག་རྫུན་མེད་པར་དྲང་པོར་ཤོད།།
ག་ས་གང་དུ་པཎ་ཆེན་ཡོད་མེད་སྐོར།།
ང་ཚོ་བོད་འབངས་ཡོངས་ཀྱིས་འཚོགལ་བཞིན་ཡོད།།
ཅང་ཙེ་མིན་གྱིས་ཇུས་ངན་སྲིད་ཇུས་འོག།
ཆ་རྒྱུས་མེད་པའི་རྒྱ་ནག་ནང་སའི་ནང་།།
ཇ་འཐུང་སྤག་ཟས་ཙམ་གྱི་རང་དབང་མེད།།
ཉམ་ཆུང་བོད་ཀྱི་པཎ་ཆེན་ཀྱེ་མ་ཧུད།།
ཏྰ་ལའི་བླ་མས་བཀའ་ཡིག་ཕྱག་རྟགས་བསྩལ།།
ཐ་མ་བོད་འབངས་ཡོངས་ཀྱིས་མགྲིན་གཅིག་ཏུ།།
ད་ལྟའི་པཎ་ཆེན་དགེ་འདུན་ཆོས་ཉི་མཆོག།
ན་གཞོན་མེད་པ་དམངས་ཀྱིས་སྐྱབས་མཆོག་ཉིད།།
པ་ལགས་ཡབ་ཆེན་གང་དུ་ཡོད་མེད་དང་།།
ཕ་མ་གཉིས་དང་མཉམ་དུ་ཡོད་མེད་སོགས།།
བར་ལམ་ཞིག་ནས་རྒྱ་མིས་ཡོད་ཟེར་ཡང་།།
མ་གཞི་བོད་མིས་གང་ཡང་ཤེས་རྟོགས་མེད།།
རྩ་བའི་བླ་མ་བསྟན་འཛིན་རྒྱ་མཚོ་གཅིག།
ཚབ་མཚོན་བླ་མ་པཎ་དགེ་འདུན་གཉིས་།།
མཛའ་བཤེས་ཚད་ལྡན་ཀརྨ་པ་རྣམ་གསུམ།།
ཝ་ཡེ་བོད་རིགས་ཡོངས་ཀྱིས་གཙུག་རྒྱན་ཡིན།།
ཞྭ་གསེར་བསྟན་དང་ནང་བསྟན་སྤྱི་ཡོངས་ཀྱི།།
ཟབ་རྒྱས་གསུང་གི་པཎ་ཆེན་སྣང་མཐའ་ཡས།།
འོ་སྐོལ་རྣམས་ཀྱི་ལྷ་རྒྱལ་ཚེ་རབས་འཕྲེང་།།
ཡ་རབས་གངས་ཅན་བོད་མིའི་སྐཡབས་གནས་མཆོག།
རི་བོའི་རྩེ་མོར་འཛེགས་ཀྱང་མཇལ་རྒྱུ་མེད།།
ལ་ལུང་མང་པོ་བསྐོར་ཡང་གོ་རྒྱུ་མེད།།
ཤ་ཚ་ཅན་གྱི་གངས་ཅན་བོད་རིགས་ཚོས།།
ས་སྟེང་གང་སར་གང་དུ་ཡོད་མེད་དྲིས།།
ཧ་ཅང་སེམས་པ་སྐྱོ་བའི་པཎ་ཆེན་སྐོར།།
ཐོས་པ་ཙམ་གྱིས་སྙིང་ལ་ན་གཟུག་བསྟེར།།
ཨེ་མ་འོད་དཔག་མེད་མགོན་སྤྱན་རས་གཟིགས།།
ཐུགས་རྗེས་གཟིགས་ཤིང་ལུང་བསྟན་གནང་རོགས་གནང་།།
༸ རྒྱལ་བ་རྣམ་གསུམ་སྐུ་ཚེ་མཛད་འཕྲིན་རྒྱས།།
ཐུགས་མཐུན་ཁྲིམས་གཙང་རྒྱལ་བསྟན་ཉིན་མོར་འབྱེད།།
ཡངས་པའི་གངས་ལྗོངས་སྤྱི་དང་འཛམ་གླིང་གི།
འགྲོ་ཀུན་བདེ་ཞིང་ཚེ་རབས་རྗེས་འཛིན་ཤོག།
ཀྭ་ཡེ་ཉན་ཅིག་རྒྱ་དམར་འགོ་འཁྲིད་ཚོ།།
ཁ་ནས་སྐྱག་རྫུན་མེད་པར་དྲང་པོར་ཤོད།།
ག་ས་གང་དུ་པཎ་ཆེན་ཡོད་མེད་སྐོར།།
ང་ཚོ་བོད་འབངས་ཡོངས་ཀྱིས་འཚོགལ་བཞིན་ཡོད།།
ཅང་ཙེ་མིན་གྱིས་ཇུས་ངན་སྲིད་ཇུས་འོག།
ཆ་རྒྱུས་མེད་པའི་རྒྱ་ནག་ནང་སའི་ནང་།།
ཇ་འཐུང་སྤག་ཟས་ཙམ་གྱི་རང་དབང་མེད།།
ཉམ་ཆུང་བོད་ཀྱི་པཎ་ཆེན་ཀྱེ་མ་ཧུད།།
ཏྰ་ལའི་བླ་མས་བཀའ་ཡིག་ཕྱག་རྟགས་བསྩལ།།
ཐ་མ་བོད་འབངས་ཡོངས་ཀྱིས་མགྲིན་གཅིག་ཏུ།།
ད་ལྟའི་པཎ་ཆེན་དགེ་འདུན་ཆོས་ཉི་མཆོག།
ན་གཞོན་མེད་པ་དམངས་ཀྱིས་སྐྱབས་མཆོག་ཉིད།།
པ་ལགས་ཡབ་ཆེན་གང་དུ་ཡོད་མེད་དང་།།
ཕ་མ་གཉིས་དང་མཉམ་དུ་ཡོད་མེད་སོགས།།
བར་ལམ་ཞིག་ནས་རྒྱ་མིས་ཡོད་ཟེར་ཡང་།།
མ་གཞི་བོད་མིས་གང་ཡང་ཤེས་རྟོགས་མེད།།
རྩ་བའི་བླ་མ་བསྟན་འཛིན་རྒྱ་མཚོ་གཅིག།
ཚབ་མཚོན་བླ་མ་པཎ་དགེ་འདུན་གཉིས་།།
མཛའ་བཤེས་ཚད་ལྡན་ཀརྨ་པ་རྣམ་གསུམ།།
ཝ་ཡེ་བོད་རིགས་ཡོངས་ཀྱིས་གཙུག་རྒྱན་ཡིན།།
ཞྭ་གསེར་བསྟན་དང་ནང་བསྟན་སྤྱི་ཡོངས་ཀྱི།།
ཟབ་རྒྱས་གསུང་གི་པཎ་ཆེན་སྣང་མཐའ་ཡས།།
འོ་སྐོལ་རྣམས་ཀྱི་ཚེ་རབས་ལྷ་རྒྱལ་འཕྲེང་།།
ཡ་རབས་གངས་ཅན་བོད་མིའི་སྐྱབས་མཆོག་ཡིན།།
རི་བོའི་རྩེ་མོར་འཛེགས་ཀྱང་མཇལ་རྒྱུ་མེད།།
ལ་ལུང་མང་པོ་བསྐོར་ཡང་གོ་རྒྱུ་མེད།།
ཤ་ཚ་ཅན་གྱི་གངས་ཅན་བོད་རིགས་ཚོ།།
ས་ཆ་གང་དུ་ཡོད་མེད་ཚ་འདྲི་གཏོང་།།
ཧ་ཅང་སེམས་པ་སྐྱོ་བའི་པཎ་ཆེན་སྐོར།།
ཐོས་པ་ཙམ་གྱིས་སྙིང་ལ་ན་གཟུག་བསྟེར།།
ཨེ་མ་འོད་དཔག་མེད་མགོན་སྤྱན་རས་གཟིགས།།
ཐུགས་རྗེས་གཟིགས་ཤིང་ད་ལན་ལུང་བསྟན་མཛོད།།
༸ རྒྱལ་བ་རྣམ་གསུམ་མཛད་འཕྲིན་རྟ་བདུན་དབང་།།
ཐུགས་མཐུན་ཁྲིམས་གཙང་འབུམ་གྱིས་དྲུ་བ་འཁྱིལ།།
ཡངས་པའི་གངས་ཅན་རི་བོའི་རྩ་མོ་ནས།།
འགྲོ་ཀུན་བདེ་བའི་སྣང་བས་ཁྱབ་གྱུར་ཅིག།
བོད་ཆས་གྱོན་པ་བོད་ནང་ལ་དཔེ་གནང་ན་སྐབས་རེ་བཙན་ཤེད་ཀྱིས་སྲོག་ཆགས་ལྤགས་པ་གྱོན་པ་དང་ སྐབས་རེ་ཕྱི་ཕྱོགས་སུ་སྟོན་ཆེད་རྒྱ་དམར་གྱིས་བཙན་ཤེད་བྱེད་ཀྱི་ཡོད་རེད། ཡིན་ཡང་ད་ལྟ་ཨ་རིའི་རླུང་འཕྲིན་དང་ བརྙན་འཕྲིན་གཅིག་ལྕོགས་བོད་སྐད་ཚན་པ་འདི་ཁོང་རང་ཚོའི་འགྲོ་སྟངས་གང་ཡིན་མི་ཤེས་བཏབ་བརྗོད་དཀའ་ལ། དེ་མིན་བོད་ཀྱི་དམིགས་གསལ་དུས་ཆེན་ཁག་ལ་རྒྱུན་སྲོལ་སྲུང་རྩི་ཞུས་ན་ལེགས་པ་འདུག་དེར་བརྟེན་མལ་གྲོའི་བཙུན་པ་ལགས་སུ་མོས་མཐུན་ཡོད་ཁྱེད་ནས་པན་ཆེན་ཆུང་སྲིད་ཐད་ཐུགས་སྣང་བྱས་པར་བཀྲིན་ཆེ།།།།
ཁ་སང་ངའི་སམ་པར་པཎ་ཆེན་རིན་པོ་ཆེའི་འཁྲུངས་སྐར་སྲུང་གཙིའི་དུས་ཆེན་སྐབས་གཞུང་འབྲེལ་གྱི་མཛད་སྒོ་དང་བཀའ་བཤག་གི་གསུང་འཕྲིན་དེ་བཞིན་གྲོས་ཚོགས་ནས་གསུང་འཕྲིན་བཅས་ཡོད་ཤག་བྱས་ཀྱང་བློ་ཕམ་པ་ཞིག་ལ་དེ་ལྟར་མི་འདུག་དེར་མ་ཟད་དེའི་དགོང་མོ་VOAཨ་རིའི་རླུང་འཕྲིན་ཁང་གི་ལེ་མཚན་གཙོ་སྐྱོངས་པ་རྣམ་རྒྱལ་ཤསྟྲིརི་ཞེས་པ་དེ་ལ་བོད་ཆས་གྱོན་དགོས་པའི་རེ་སྐུལ་ནན་གཏན་བྱས་ཀྱང་ང་ཚོས་བསམ་བློ་གཏང་གི་ཡིན་ཞེས་ལབ་ནས་མི་འདོད་པའི་རྣམ་འགྱུར་གྱི་སྒོ་ནས་ཁ་པར་ཁ་བཀག། དེའི་སྔོན་མ་ཞིག་ལ་པདྨ་རྡོར་རྗེ་ཞེས་པ་ཁ་ལ་འདྲེ་ཐམ་པ་དེ་ལ་ཡང་སྔ་ལྟར་རེ་སྐུལ་བྱས་ཀྱང་བསྐད་ཆའི་ཟུར་ཙམ་ཐོས་པ་ནས་འཇིགས་སྣང་དངངས་སྐྲགས་ཀྱི་ཁ་པར་ཁ་བཀག་པའི་བྱེད་སྟང་ངན་པ་དེ་དག་དང་རྒྱ་གར་ནང་ལ་ཞུགས་པའི་བོད་མི་་ཁག་གཅིག་གི་ལྷག་དཀར་སྲུང་གཙི་ཞུས་ནས་བོད་ཆས་གྱོན་པ་དང་ཡང་བོད་ནང་གི་ཟུར་མཐོང་བརྙན་འཕྲིན་ཁང་གི་ལས་བྱེད་པ་རྣམས་ཀྱི་བོད་ཆས་ལེགས་པོ་གྱོན་ནས་གསར་འགྱུར་བཤད་པ་ལ་ལྟད་ན་གོང་གི་རྣམ་རྒྱལ་ཤསྟྲིརི་དང་པདྨ་རྡོར་རྗེས་གཙོས་པའི་ལས་སྣེ་བ་ཁག་གཅིག་ལ་ངོ་ཚ་ཡག་མི་འདུག་དངོས་གནས་ངོ་ཚ་ཡག་མི་འདུག་པ་མ་ཟད་ཀུན་གཟིཌ་པཎ་ཆེན་རིན་པོ་ཆེའི་འཁྲུངས་སྐར་གྱི་ཉིན་མོ་གལ་ཆེན་དེ་ལ་ཡང་བོད་ཆས་མ་གྱོན་པ་དེ་ལ་བློ་ཕམ་ཆེན་པོ་བྱུང་།
པན་ཆེན་གོང་མའི་འཕྲིན་ལས་མུ་མཐའ་མེད།།
ཆུང་སྲིད་དགྲ་འོག་འགྲིམས་པ་བོད་མིས་ལན།།
དེང་དུས་མིང་ཙམ་འཆར་བ་ཧ་ཅང་སྐྱོ།།
ཡ་དོང་གླུ་བ་མཁས་པ་སྐྱོ་གླུས་བརྒྱལ།།
ལས་འཕྲོ་དམ་དུ་བཅིངས་ཡོད་མགོ་ནག་ལ།།
ངལ་བ་ཁྱད་དུ་སད་ཡོད་བོད་ལྗོངས་སུ།།
མགོན་མཆོག་གསུམ་དམ་ཅན་བསྟན་བསྲུང་རྣམས།།
༧ སྐུ་བསྐལ་བརྒྱར་བརྟན་པའི་གྲོགས་མཛོད་ཅིག།།།