དེ་རིང་ནས་དུས་ཡུན་ཉིན་གསུམ་རིང་༸གོང་ས་མཆོག་གིས་བཞུགས་སྒར་ཕོ་བྲང་དུ་རྒྱ་ནག་སྐམ་ས་ཆེན་མོ་གཙོས་རྒྱ་རིཊ་གནས་སྡོད་ཡུལ་གྲུ་ཁག་གི་ནང་པ་སྐོར་ཞིག་ལ་བཀའ་ཆོས་གསུང་མགོ་བཙུགས་འདུག
རྒྱ་ནག་སྐམ་ས་ཆེན་མོའི་རྒྱ་རིགས་ནང་པའི་དད་ལྡན་པ་ཁག་ཅིག་གིས་ཇི་ལྟར་གསོལ་འདེབས་ཞུས་དོན་ལྟར། དེ་རིང་ཕྱི་ཚེས་ ༣ ནས་ ༥ ཉིན་བར་༸གོང་ས་མཆོག་གིས་ངྷ་ས་བཞུགས་སྒར་ཕོ་བྲང་ནང་དུ། རྒྱ་ནག་སྐམ་ས་ཆེན་མོ་ནས་ཡོང་བའི་རྒྱ་རིགས་ཆོས་ཞུ་བ་སྐོར་ཞིག་དང་། ཐའེ་ཝན་དང་སིན་གྷ་ཕོར་བཅས་ནས་ཡོང་བའི་རྒྱ་རིགས་ནང་པའི་དད་ལྡན་པ་ཁག་ཅིག་ལ། བདེ་མཆོག་དྲིལ་བུ་ལྷ་ལྔ་གཙོ་བོར་གྱུར་བའི་བཀའ་དབང་ཁག་གསུམ་དང་།ནང་ཆོས་ངོ་སྤྲོད། དཔལ་མགོན་འཕགས་པ་ཀླུ་སྒྲུབ་མཆོག་གིས་མཛད་པའི་བྱང་ཆུབ་སེམས་འགྲེལ་བཅས་བཀའ་ཁྲིད་གནང་མགོ་བཙུགས་ཡོད་འདུག
འདིའི་ཐད་སྐུ་སྒེར་ཡིག་ཚང་གི་དྲུང་ཆེ་རྔ་པ་ཚེ་རྒྱམ་མཆོག་གིས་བརྗོད་དོན་ལྟར་ན། ཐེངས་འདིའི་ཆོས་འབྲེལ་འདི་ནི་རྒྱ་ནག་སྐམ་ས་ཆེན་མོའི་རྒྱ་རིགས་ཁག་ཅིག་གིས་ལོ་མང་སྔོན་ནས་གསོལ་འདེབས་ཞུས་པ་ཞིག་ཡིན་འདུག་ལ། གསུང་ཆོས་ཞུ་མཁན་རྣམས་ནི་རྒྱ་ནག་སྐམ་ས་ཆེན་མོ་གཙོས་རྒྱ་རིགས་གནས་སྡོད་ཡུལ་གྲུ་ཁག་ནས་ཕེབས་པ་ཞིག་ཡིན་འདུག
རྒྱ་ནག་སྐམ་ས་ཆེན་མོའི་རྒྱ་རིགས་ནང་པའི་དད་ལྡན་པ་ཁག་ཅིག་གིས་ཇི་ལྟར་གསོལ་འདེབས་ཞུས་དོན་ལྟར། དེ་རིང་ཕྱི་ཚེས་ ༣ ནས་ ༥ ཉིན་བར་༸གོང་ས་མཆོག་གིས་ངྷ་ས་བཞུགས་སྒར་ཕོ་བྲང་ནང་དུ། རྒྱ་ནག་སྐམ་ས་ཆེན་མོ་ནས་ཡོང་བའི་རྒྱ་རིགས་ཆོས་ཞུ་བ་སྐོར་ཞིག་དང་། ཐའེ་ཝན་དང་སིན་གྷ་ཕོར་བཅས་ནས་ཡོང་བའི་རྒྱ་རིགས་ནང་པའི་དད་ལྡན་པ་ཁག་ཅིག་ལ། བདེ་མཆོག་དྲིལ་བུ་ལྷ་ལྔ་གཙོ་བོར་གྱུར་བའི་བཀའ་དབང་ཁག་གསུམ་དང་།ནང་ཆོས་ངོ་སྤྲོད། དཔལ་མགོན་འཕགས་པ་ཀླུ་སྒྲུབ་མཆོག་གིས་མཛད་པའི་བྱང་ཆུབ་སེམས་འགྲེལ་བཅས་བཀའ་ཁྲིད་གནང་མགོ་བཙུགས་ཡོད་འདུག
རྒྱ་ནག་མི་རིགས་ཀྱིས་བོད་བརྒྱུད་ནང་བསྟན་གྱི་བླ་མ་རྣམས་ལ་དད་པ་ཡིད་ཆེས་བྱ་མཁན་གྲངས་ཀ་བརྩི་མི་ཐུབ།
དཔེར་ན་ཀརྨ་པ་ལ་་་་རྒྱ་ནག་སྐམ་སའི་ནང་པ་མི་རིགས་ཀྱིས་་་རགྱ་སྐད་ལ་་་་ཏ་པ་བ་ཝང་་་་ཟེར་ནས་སངས་རྒྱས་ལྟ་བུའི་འདུ་ཤེས་འཛིན་གྱི་འདུག
བོད་པའི་བླ་མ་འདི་ཚོས་རྒྱ་མི་རིགས་ལ་འབྲེལ་བ་བྱ་ནས་ག་ལེར་རྒྱ་ནག་མི་མང་ནང་པ་ལ་བསྒྱུར་ཐུབ་ན་བོད་དོན་ཟེར་བ་དེ་ཤུགས་ལ་འགྲུབ་ཡོང་བ་རེད།