གཟའ་པ་སངས་ཉིན་བལ་ཡུལ་ཆབ་སྲིད་ཚོགས་པ་ཁག་གིས་མཉམ་སྒྲིལ་གཞུང་གསར་པ་འཛུགས་རྒྱུ་དང་རྩ་ཁྲིམས་གཏན་འབེབ་བྱ་རྒྱུ་བཅས་ཀྱི་ཐད་གྲོས་མཐུན་བྱུང་ཡོད་འདུག
ཁ་སང་ཕྱི་ཚེས་ ༣ ཉིན་བལ་ཡུལ་མའོ་དམར་ཤོག་ཚོགས་པ་དང་། བལ་ཡུལ་ཀཱོང་གྷི་རེ་སི་ཚོགས་པ། བལ་ཡུལ་མཱ་ཁེ་སི་ལེ་ཉན་རིང་ལུགས་དམར་ཤོག་ཚོགས་པ། མཉམ་སྒྲིལ་དམངས་གཙོ་ཚོགས་པ་བཅས་ཀྱི་བར་གྲོས་མཐུན་བྱུང་སྟེ། སྲིད་བློན་བྷ་བྷུ་རམ་(Baburam Bhattarai) གྱི་སྣེ་ཁྲིད་འོག ཉིན་ ༢ ནང་གཞུང་གསར་པ་འཛུགས་རྒྱུ་དང་། གཞུང་གསར་པ་བཙུགས་རྗེས་ཀྱི་ཉིན་ ༣ ནང་རྩ་ཁྲིམས་ཟིན་བྲིས་འགོད་ཕྱོགས་ཐད་ཆབ་སྲིད་ཚོགས་པ་ཁག་བར་གྱི་འགལ་རྐྱེན་ཆེ་རིགས་སྐོར་ལ་གྲོས་བསྡུར་ཐག་གཅོད་ཀྱིས་གཅིག་གྱུར་བཟོས་ཐོག ཟླ་འདིའི་ཚེས་ ༢༧ གྱི་སྔོན་ལ་རྩ་ཁྲིམས་གཏན་འབེབ་ཐུབ་པ་བྱ་རྒྱུ་བྱས་ཡོད་འདུག
རྩ་ཁྲིམས་གཏན་འབེབ་སྐབས་ཀྱི་གཞུང་གསར་པ་དེ་ཆབ་སྲིད་ཚོགས་པ་ཁག་མཉམ་སྒྲིལ་ཐོག་འཛུགས་རྒྱུ་དང་། ཁ་གཏད་ཚོགས་པ་ཁག་གིས་སྲིད་བློན་བྷ་བྷུ་རམ་དགོངས་ཞུའི་ཐོག རྩ་ཁྲིམས་ཟིན་བྲིས་ལ་མཐུན་འགྱུར་རོགས་རམ་བྱ་དགོས་པའི་སྐུལ་མ་བཏང་ཡོད་འདུག་ལ། ཉིན་དེར་སྲིད་བློན་མ་གཏོགས་བློན་ཆེན་ཚང་མས་དགོངས་ཞུ་བྱས་ཤིང་། སྲིད་བློན་གྱིས་བློན་ཆེན་ལྷན་ཚོགས་བསྐྱར་འཛུགས་བྱ་རྒྱུའི་ཕྱོགས་སུ་སྐུལ་འདེད་བྱས་ཡོད་འདུག
ཐེངས་འདིའི་གྲོས་མཐུན་གྱི་ནང་དུ་རྩ་ཁྲིམས་གཏན་འབེབ་ཟིན་རྗེས་ད་ལྟའི་སྲིད་བློན་ལས་གནས་ནས་དགོངས་པ་ཞུས་ཏེ། བལ་ཡུལ་རྒྱལ་ཡོངས་འོས་བསྡུ་མ་བྱས་བར་དུ་བལ་ཡུལ་ཀཱོང་གྷི་རེ་སི་(Nepali Congress) ཡིས་བར་བརྒལ་གཞུང་འཛིན་རྒྱུ་བྱས་ཡོད་པ་དང་། ད་ལྟའི་ཆར་རྩ་ཁྲིམས་གཏན་འབེབ་དང་འབྲེལ་བའི་གླེང་སློང་ཤུགས་ཆེན་ཡོང་བཞིན་པ་ནི། བལ་ཡུལ་མངའ་སྡེ་ཅི་ཙམ་དུ་ཁག་བགོས་བྱ་རྒྱུ་ཡིན་མིན་དང་། མ་འོངས་པར་སྲིད་འཛིན་ལམ་ལུགས་དང་གྲོས་ཚོགས་ལམ་ལུགས་གང་གི་ཐོག་བསྐྱོད་དགོས་མིན་བཅས་ཡིན་འདུག
༢༠༡༠ ལོར་བལ་ཡུལ་རྩ་ཁྲིམས་གཏན་འབེབ་བྱ་རྒྱུ་བྱས་ཡོད་ཀྱང་། ད་ལྟའི་བར་དུས་འགྱངས་ཀྱིས་ལེགས་འགྲུབ་བྱུང་མེད་པ་དང་། ད་ཆར་བལ་ཡུལ་ཆེས་མཐོའི་ཁྲིམས་ཁང་གིས་ཐེངས་འདིའི་རྩ་ཁྲིམས་གཏན་འབེབ་ཀྱི་དུས་ཚུགས་ལ་དུས་འགྱང་བྱ་མི་ཆོག་པའི་བཀའ་རྒྱ་བཏང་ཡོད་པ་རེད།
གསར་འགོད་པ། བནྡེ་སྐྱབས།
༄༅༎ཕྱི་ཟླ་༥ཚེས་༣རེས་གཟའ་ཕུར་བུའི་ཉིན་བལ་ཡུལ་ནང་གི་ཧུ་རོན་ཞེས་པའི་འགྲོ་བ་མིའི་ཐོབ་ཐང་ལས་ཁང་ནས་བལ་ཡུལ་ནང་གསར་དུ་ཟིན་བྲིས་གཏན་འབེབ་བྱེད་བཞིན་པའི་རྒྱལ་ཁབ་ཀྱི་རྩ་ཁྲིམས་ནང་བལ་ཡུལ་ནང་གི་སྐྱབས་བཅོལ་བ་ལྟ་རྟོག་དང་འགྲོ་བ་མིའི་ཐོབ་ཐང་སྲུང་སྐྱོབ་ཆེད་ཀྱི་ཁྲིམས་ཡིག་དོན་ཚན་ཞིག་འཁོད་དགོས་པའི་འབོད་སྐུལ་གྱི་ཞུ་ཡིག་ཅིག་གྲོས་ཚོགས་པ་ཕུལ་ཡོད་པའི་སྐོར་ཨེ་ཤེ་ཡ་རང་དབང་རླུང་འཕྲིན་ཁང་གི་གསར་འགོད་པ་ཐུབ་སྟན་སངས་རྒྱས་ལགས་ནས་གནས་ཚུལ་ཕྱོགས་སྒྲིག་ཞུས་པར་གསན་རོགས༎
མི་རྒོད་ནས་གཅིག་ལུས་འདུག
བོད་རྒྱུད་ནང་བསྟན་རྗེས་འཛིན་པས་སྐུ་ཚོང་རྟེན་གསུམ་རྐུས་ཚོང་བྱེད་ས།
ལོ་ཆུང་བྱིས་པ་བྲན་གཡོག་ཏུ་བཀོལ་ས།
ད་དུང་བོད་མི་ཚོས་ཁྲིམས་འགལ་གྱིས་ས་ཚོང་རྒྱབ་ས།
འོ་མང་པོ་འདུག བལ་པོ་ལ་བརྙེས་བཅོས་བྱེད་མི་ཉན་ཡ། གནས་ཚང་གཡར་བར་བཀའ་དྲིན་མེད་པར། གནས་མོ་རྐུ་རྒྱབ་བྱས།
ཅེས་པ་ལྟར་རེད།
ལྷ་ཐོག་སྤྲིན་ཕུང་སྐད་ཆ་འདི་ལྕེ་མ་ཐོན་གོང་གིས་སྐད་ཆ་རེད། ངས་བལ་བོས་མི་སྣ་ཤེས་ལྡན་པ་གང་ཙམ་ངོ་ཤེས་ལ་རྒྱུས་མངའ་ཡང་ཡོད་གཙོ་བོ་དེ་ཁོ་ཚོས་ཆབ་སྲིད་ལང་ཕྱོགས་དེ་རེད། དེ་ལ་འགྱུར་བ་གཏོང་གི་མ་རེད། དེ་རྒྱ་གར་དང་གཅིག་པ་རེད། དགོས་གལ་ཆགས་ཚེ་ཁོ་ཚོས་རྩ་ཁྲིམས་དོན་མཚན་འདི་དང་འདི་ཞེས་ལག་སྟར་བྱས་ཡོང་གི་རེད། དེ་དུས་བོད་པ་ཚང་ག་ལེས་གཉིད་དྭངས་འགྲོ་ཡི་རེད། ཡིན་ཡང་བསམ་བློ་སྔོན་ལ་གཏོང་བ་མཁས་པ་རེད་མ་གཏོགས་འགྱོད་པ་རྗེས་སུ་སྐྱེ་བ་མཁས་པ་མ་རེད་ཞེས་རིག་གཞུང་ནང་གསུངས་ཡོད་ རིག་པ་སྒྲུང་པོས་ཐོག་གྲལ་སྒྲིག་ཡོད་པ་ཞིག་གཏན་གཏན་དགོས་པ་རེད།།
རྩ་ཁྲིམས་གཏན་འབེབས་ཟིན་རྗེས་བོད་མི་རྣམས་དཀའ་ངལ་ཆེ་རུ་འགྲོ་རྒྱུ་རེད།།
རྒྱུ་མཚན་ནི་ད་ལྟ་ནང་ཁུལ་གྱི་རྙོག་འཛིང་ལ་ཟིངས་ཏེ་རྒྱལ་ནང་གི་གནས་ཚུལ་མང་ཆེ་བ་ལྷོད་གཡེངས་ཤོར་ཡོད།།
བོད་མི་མང་པོ་ཁྲིམས་འགལ་ཐོག་སྡད་ཡོད་པ་མ་ཟད་ལས་ཀ་འདྲ་མིན་ཡང་བྱེད་ཀྱི་ཡོད།།
རྗེས་སུ་བོད་ཐོག་གི་སྲིད་ཇུས་སྡུག་ཏུ་འགྲོ་རྒྱུ་གཏན་ཁེལ་རེད།།
བལ་ཡུལ་ནི་ཧ་ཅང་ཆབ་སྲིད་རྗེས་ལུས་དང་དཔོན་ངན་གྱིས་རྒྱ་ནག་རྒྱ་གར་གཉིས་འཇུག་མ་རྒྱུགས་དྲགས་ནས་ཕམ་ཉེས་ཤོར་བའི་རྒྱལ་ཁབ་ཡིན་པ་དང་། དེ་སླར་གསོས་པ་ལ་ད་དུང་ལོ་ངོ་ཉི་ཤུ་ལྷག་ཙམ་འགོར་བ་ཆབ་སྲིད་མཁས་པས་ཤེས་རྟོགས་བྱུང་ཡོད། གཉིས་པ་མི་རིགས་ལ་རང་རྒྱལ་ཁབ་ཀྱིས་ལ་ཞེན་མེད་པ་དེ་རེད། དེ་ཤེས་ཡོན་རྗེས་ལུས་པ་གྲངས་ཚད་མཐོ་བའི་ཞན་ཆ་ཡིན་པ་ནང་གསལ་ལེ་རེད། ཉིན་ཞིག་སྔ་མོའི་དཔེ་ལྟར་
སྐྱིད་མ་འཁྱོལ་རྙོག་ཁྲའི་སྒམ་ཆུང་ཉོས།།
མཐའ་མ་གཉིས་ཀ་ཕུང་པའི་རྒྱུ་རུ་འགྲོ། ཞེས་པ་ཆགས་སྲིད་པ་དང་། དེའི་སྐབས་འགྱོད་པ་སྐྱེས་ན་བོད་ཤོར་བ་ལྟར་ཕྱི་འགྲོ་ལེ་རེད། ལྐོག་ཟ་ངན་ལེན་སྦྱང་ས་དང་། བུ་མོའི་ལུས་ནད་ཨེཙི་སྤེལ་ས། མགོ་འཁོར་བསླུ་ཁྲིད་མིག་ལྟོས་ངན་པ་བལྟ་ས། རྒྱ་མིའི་གསོ་པ་སྦྱང་ས། གྲྭ་ལོག་བརྩུན་ལོག་ཤེས་མེད་མི་འབོར་སྤེལ་ས། དབྱེན་སྦྱོར་དཀྲུག་ཤིང་སྦྱང་ས་འདི་ན་ཡོད་རེད། ལས་དོན་འདི་དང་བོད་པ་ཚང་མི་ཉུང་བ་ཞིག་ཧ་ཅང་འབྲེལ་བ་ལྡན་ལ་ལྷག་པར་དུ་ ཕོ་གསར་འཁྱམ་ཉུལ་བྱས་ནས་ནད་རེག་དུག་གབ་སྟེ་ཁྱབ་སྤེལ་བྱེད་ས་ཡང་འདི་ན་ཡོད་རེད། དེར་བོད་པ་གཞོན་ནུ་རྣམས་ཡིད་གཟབ་དགོས་པ་རེད། བློས་བོད་པར་བཀལ་བོད་པས་རེག་དུག་རྔན་པ་སྤྲད་ཚེ་ལྐུག་པ་ཤི་གསོན་མི་ཤེས་མཁན་ཞིག་ཆགས་རྒྱུ་རེད། དེ་ལས་མང་་་་་་་
བལ་བོའི་རྒྱལ་ཁབ་འདི་ཡི་ཕྱིའི་འཁོར་ཡུག་ལ་བསམ་ན། རི་བོ་ཧི་མ་ལའི་རི་ཞོལ། ས་ཆ་མཐོ་དམན་རན་ལ་དྲོ་གྲང་ལེགས་པ། ནགས་ཚལ་དང་རི་སྐྱེས་སྲོག་ཆགས་ཀྱི་གང་བ། ཆབ་དང་ཆུ་བོའི་འབྱུང་ཁུངས། འབྲུ་རིག་སྣ་ལྔ་སོགས་རོང་འབྲོག་གི་འཚོ་བའི་མཐུན་སྐྱེན་འཛོམས་སའི་ས་ཆ་ཤིན་ཏུ་ལེགས་པོ་ཞིག་རེད།
བལ་ཡུལ་རྒྱལ་ཁབ་སུ་གང་གིས་མ་འདོད་པར་ལྷག་སོང་བ་ལས་ཁོང་ཚོ་འཇོན་དྲག་ནས་ལུས་སོང་བ་མ་རེད། ད་དུང་ར་ཤི་ཡ་སྐུབ་ལུག་ཟིན་པ་རེད་ལ་རྒྱ་ནག་སྐུབ་ལུག་གྲབ་རེད་འདི་ཚོ་ཆེས་སྔོན་ཐོན་ཅན་ཇི་ལྟར་གྱུར་སོང་བ་རེད།
ཐུབས་བསྟན་གྱི་སྐད་ཆ་ལ་གོ་རྒྱུ་ཅི་ཡང་མི་འདུག
རྒྱལ་ཁབ་སུ་ཞིག་ཡིན་ནའང་དང་པོ་རང་གི་ཁེ་ཕན་གཙོར་བཟུང་བྱེད་པ་ལས་གཞན་ཕན་གཙོ་བོ་བྱེད་མཁན་སུ་གཅིག་མེད། མགོ་འབུལ་ལུས་འབུལ་བྱེད་ས་ཨ་རི་ལའང་ལྟོས་དང་། གནད་འགག་ཐུག་དུས་ཅི་ཞིག་བྱེད་ཀྱི་འདུག
བལ་པོ་ནི་བོད་མི་རིགས་ལ་བཀའ་དྲིན་ཆེ་ཤོས་ཀྱི་རྒྱལ་ཁབ་གཅིག་པོ་དེ་ཡིན་ཟེར་ན་མ་འགྲིག་པ་གང་ཡང་མེད། བལ་ཡུལ་མེད་ན་ད་ལྟ་བོད་ནས་གསར་དུ་འབྱོར་བའི་བོད་མི་གཅིག་ཀྱང་ཕལ་ཆེར་ཡོང་མི་སྲིད། རྒྱ་གར་དང་བོད་ཀྱི་ས་མཚམས་ནས་ཕར་འགྲོ་ཚུར་འགྲོ་བྱེད་པའི་བོད་མི་འདུག་གམ། འབྲུག་ནས་འདུག་གམ། སྡུག་ཀྱང་རུང་ལེགས་ཀྱང་རུང། བལ་ཡུལ་མེད་ན་གཞིས་བྱེས་འཛོམས་རྒྱུའི་སྐལ་པ་མེད་དེ་ཤེས་དགོས།
སྤྱིར་བལ་པོ་ཚང་འདིའི་མི་འཇོན་པ་འདྲ་ཡང་། ང་ཚོ་བོད་ཚང་དང་བསྡུར་ན་ཁོ་ཚོ་ཧ་ཅང་འཇོན་ཐང་ཅན་རེད། མ་མཐའ་ཡང་རང་གི་རྒྱལ་ཁབ་བཟུང་ནས་ད་དུང་ཡང་བསྡད་ཡོད། མ་ཟད་འཇམ་གླིང་ན་ཆེས་སྔོན་ཐོན་གྱི་རྒྱལ་ཁབ་རྒྱ་ནག་དང་ར་ཤི་ཡའི་ལྟ་བ་ད་དུང་ཡང་རྒྱུན་སྐྱོང་བྱེད་འདོད་རེད།
རང་ཡུལ་དགྲ་བོ་རྒྱ་དམར་གྱི་ལག་ཆར་བེད་སྤྱོད་བྱེད་པའི་བལ་ཡུལ། ལོ་ངོ་སྟོང་ཕྲག་མང་པོའི་མཛའ་མཐུན་གྱི་ཁྱིམ་འཚེས་སུ་ཡིན་ངོ་མི་ཤེས་པའི་བལ་ཡུལ། དྲིན་ཆེན་ཕ་མ་ལྟ་བུའི་རང་གི་དཔོན་པོའམ། རྒྱལ་པོའི་བཀའ་དྲིན་ངོས་མི་ཟིན་པར་དམར་སོད་བྱེད་པའི་བལ་ཡུལ། རང་ཉིད་དང་ཁྱིམ་མཚེས་རྒྱལ་ཁབ་བཅས་ཀྱི་ལོ་རྒྱུས་ནག་བསུབ་གཏང་བའི་བལ་ཡུལ། འཛམ་གླིང་དམངས་གཙོའི་ལམ་ལ་བསྐྱོད་སྐབས་དམར་པོའི་རང་ལམ་ལ་ཕྱིར་ནུད་རྒྱག་པའི་བལ་ཡུལ། ལྐོག་ཟ་རུལ་སོང་གི་བདག་པོ་བལ་ཡུལ།
ཨོ་ཁྱོད་རང་ཚོར་ཐུག་་་་ཅི་ཞིག་བཟོ་ན་བཟོས་་་་འཆམ་པོ་ཨེ་ཡོང་ལྟོས་་་་
རེ་བ་མེད་པའི་བལ་ཡུལ།