མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

བོད་ལ་རིག་གཞུང་རང་བཙན་དང་བསམ་བློ་རང་བཙན་གཉིས་ཐོབ་ཡོད།

བོད་ཀྱི་དུས་བབ།
༢༠༡༢/༠༥/༢༤
Share on FacebookShare on TwitterShare on EmailShare on Whatsapp

གཟའ་ལྷག་པའི་ཉིན་ངྷ་ས་མེག་གྷན་ཉིན་སློབ་ཚོགས་ཁང་དུ། ༸གོང་ས་བཅུ་གསུམ་པ་ཆེན་པོས་བོད་རང་བཙན་སླར་གསོའི་བསྒྲཊ་གཏམ་སྤེལ་ཏེ། ལོ་ ༡༠༠ ཙམ་འཁོར་བཞིན་པའི་སྔོན་འགྲོའི་དུས་དྲན་སྲུང་གཙི་གནང་ཡོད།

བོད་རང་བཙན་སློབ་ཕྲུག་ཚོགས་པའི་གོ་སྒྲིག་འོག ༡༩༥༡ ལོར་རྒྱའི་བཙན་འོག་ནས་ཆིངས་ཡིག་དོན་ ༡༧ ལ་མཚན་རྟགས་བཀོད་དེ་མི་ལོ་ ༦༡ འཁོར་བའི་ཉིན་མོ་སྟེ། ཁ་སང་ཕྱི་ཚེས་ ༢༣ ཉིན་གྱི་ཕྱི་དྲོ་ངྷ་ས་མེག་གྷན་ཉིན་སློབ་ཚོགས་ཁང་དུ། ༸གོང་ས་སྐུ་ཕྲེང་བཅུ་གསུམ་པ་མཆོག་གིས་ ༡༩༡༣ ལོར་བོད་རང་བཙན་སླར་གསོའི་ཡོངས་ཁྱབ་བསྒྲཊ་གཏམ་སྤེལ་ཏེ། ཁྱོན་མི་ ༡༠༠ ཙམ་འགྲོ་བཞིན་པའི་སྔོན་འགྲོ་དུས་དྲན་སྲུང་གཙི་གནང་ཡོད་ཅིང་། དུས་དྲན་མཛད་སྒོར་བོད་མི་མང་སྤྱི་འཐུས་འབའ་བ་སྐལ་བཟང་རྒྱལ་མཚན་དང་གསེར་རྟ་ཚུལ་ཁྲིམས། ཤར་གླིང་ཟླ་སྒྲོན་གསུམ་དང་། མི་རབས་གཉིས་ཀྱི་དཔང་མི་སྣར་སྐྱིད་ངག་དབང་དོན་གྲུབ། གཞུང་འབྲེལ་མིན་པའི་ཚོཊ་པ་ཁག་གི་སྐུ་ཚབ། རང་དབང་རྩོམ་པ་པོ། སློབ་ཕྲུག དེ་བཞིན་ངྷ་སའི་སེར་སྐྱ་མང་ཚོགས་དང་ཕྱི་རྒྱལ་བ་བཅས་ཁྱོན་མི་ ༣༠༠ ལྷག་འདུ་འཛོམས་བྱུང་ཡོད།

མཛད་སྒོའི་ཐོག་མར་ངྷ་ས་ས་གནས་བོད་རང་བཙན་སློབ་ཕྲུག་ཚོཊ་པའི་ཚོགས་གཙོ་རྡོ་རྗེ་ཚེ་བརྟན་ལགས་ཀྱིས། རྒྱ་དམར་གྱི་བཙན་གནོན་འོག་བཞག་པའི་ཆིངས་ཡིག་དོན་ཚན་བཅུ་བདུན་ལ་ངོས་ལེན་རྩ་བ་ནས་མེད་སྐོར་དང་། ཆིངས་ཡིག་དོན་ཚན་བཅུ་བདུན་བཞག་པ་བརྟེན་ནས་བོད་རང་བཙན་ཤོར་ཡོད་ཚུལ། ༸གོང་ས་བཅུ་གསུམ་པ་ཆེན་པོ་མཆོག་གིས་བོད་རང་བཙན་ཁྱབ་བསྒྲཊ་སྤེལ་ཏེ། མི་ལོ་བརྒྱ་ཙམ་འཁོར་བཞིན་བའི་སྔོན་འགྲོའི་དུས་དྲན་སྲུང་གཙི་དང་འབྲེལ། མ་འོངས་པར་རང་བཙན་སློབ་ཕྲུག་ཚོཊ་པས་འཛམ་གླིང་རྒྱལ་ཁབ་དང་ས་གནས་ ༡༠༠ ཙམ་ནང་། རང་བཙན་བསྒྲཊ་གཏམ་སྐོར་གྱི་ལས་འགུལ་སྣ་ཚོཊ་སྤེལ་རྒྱུ་ཡིན་སྐོར་ངོ་སྤྲོད་གནང་ཡོད།

བོད་ཀྱི་ཆབ་སྲིད་བཙོན་ཟུར་གྲྭ་དཔལ་ལྡན་རྒྱ་མཚོ་ལགས་ཀྱིས། ༸གོང་ས་བཅུ་གསུམ་པ་མཆོག་གི་རང་བཙན་བསྒྲགས་གཏམ་གྱི་ཐང་ག་དབུ་འབྱེད་གནང་རྗེས། བོད་ནང་འདས་གྲོངས་སུ་ཕྱིན་པའི་དཔའ་བོ་དཔའ་མོ་རྣམས་ལ་མྱ་ངན་གུས་འདུད་མཚོན་ཆེད། ཚོགས་ཞུཊ་པ་ཡོངས་ཀྱིས་དུས་ཡུན་སྐར་མ་གཅིག་རིང་ངག་བཅད་གནང་རྗེས་བོད་རྒྱལ་ཁབ་ཆེན་པོའི་རྒྱལ་གླུ་བཏང་སོང་ལ། དེའི་རྗེས་ཚོགས་པ་ཁག་དང་། སློབ་ཕྲུག མི་མང་བཅས་ཀྱི་སྐུ་ཚབ་རྣམས་ཀྱིས་བོད་དབྱིན་གཉིས་ཐོག བོད་རྒྱལ་ལོ་ ༢༠༤༠ རབ་བྱུང་བཅོ་ལྔ་པའི་ཆུ་གླང་ཟླ་ ༡ ཚེས་ ༨ ཉིན། ༸གོང་ས་བཅུ་གསུམ་པ་མཆོག་གིས་ཡོངས་བསྒྲགས་གནང་བའི་རང་བཙན་བསྒྲཊ་གཏམ་ཀློག་འདོན་གནང་ཡོད། 

མཛད་སྒོའི་སྟེང་བོད་བཙན་སློབ་ཕྲུག་ཚོཊ་པའི་ཚོགས་གཙོ་བསྟན་འཛིན་རྡོ་རྗེ་ལགས་ཀྱིས། ༸གོང་ས་བཅུ་གསུམ་པ་མཆོག་གིས་རྒྱ་འོག་ནས་རང་བཙན་བསྒྲཊ་གཏམ་སྤེལ་ཏེ། ལོ་ངོ་ ༡༠༠ ཙམ་འཁོར་བཞིན་པའི་སྔོན་འགྲོའི་དུས་དྲན་གྱི་གལ་གནད་སྐོར་ངོ་སྤྲོད་དང་། ལོ་རྗེས་མ་ནི་༸གོང་ས་བཅུ་གསུམ་པ་མཆོག་གིས་བོད་རང་བཙན་སླར་གསོའི་བསྒྲཊ་གཏམ་སྤེལ་ཏེ་མི་ལོ་ ༡༠༠ འཁོར་གྱི་ཡོད་སྟབས། ད་ལྟ་ནས་མགོ་བཙུགས་ཏེ་ ༢༠༡༣ ལོ་ཧྲིལ་པོ་དེ་དགའ་སྟོན་གྱི་ལོ་ཞིག་དང་ཁྱབ་བསྒྲགས་ཀྱི་ལོ་ཞིག་ལ་སྲུང་གཙི་ཞུ་རྒྱུ་ཡིན་སྐོར། ད་ལྟ་བོད་པ་ཚོར་རིག་གཞུང་རང་བཙན་དང་བསམ་བློ་རང་བཙན་གཉིས་ཀ་ཐོབ་ཡོད་སྟབས། ད་དུང་མུ་མཐུད་ནས་དཔལ་འབྱོར་རང་བཙན། མི་སྒེར་རང་བཙན། གྲོང་ཚོ་རང་བཙན། སྤྱི་ཚོགས་རང་བཙན་སོགས་གཞི་རིམ་གོམ་པ་རིམ་འཛེགས་ཀྱིོས་ལོ་རྒྱུས་ཀྱི་བདེན་པ་དངོས་རྩོད་དགོས་རྒྱུ་དང་། འཛམ་གླིང་ལོ་རྒྱུས་ཐོག་གི་དམར་ཤོག་ལོ་རྒྱུས་རིང་ཤོས་དེ་ལོ་ ༧༤ ཙམ་ལས་ཕྱིན་མེད་སྟབས། རྒྱ་ནག་དམར་གཞུང་འཐོར་བཤིག་ཏུ་འགྲོ་རྒྱུར་ལོ་བཅུ་གྲངས་ལྷག་མེད་པ་དང་། ད་ལྟ་རྒྱ་ནག་ནང་ཁུལ་དུ་རྩོད་རྙོག་ཆེ་རུ་འགྲོ་བཞིན་པའི་སྐབས་འདིར། ང་ཚོ་རྐྱེན་དང་གོ་སྐབས་ལ་འཕྲད་རྒྱུའི་རྒྱུ་སྔོན་ལ་བསྒྲུབ་དགོས་ཚུལ་ནན་བརྗོད་གནང་སོང་།

མཇུག་ཏུ་མི་རབས་གཉིས་ཀྱི་དཔང་མི་སྣར་སྐྱིད་ངག་དབང་དོན་གྲུབ་ལགས་དང་། སྤྱི་འཐུས་འབའ་བ་སྐལ་བཟང་དང་གསེར་རྟ་ཚུལ་ཁྲིམས། ཤར་གླིང་ཟླ་སྒྲོན། བཀྲས་མཐོང་ལྷ་སྒྲོན། བསྟན་འཛིན་བརྩོན་འགྲུས། གྲྭ་ཀ་ཉག་ཚེ་རིང་བཅས་ཀྱིས། འདས་པའི་ལོ་རྒྱུས་དང་ད་ལྟའི་སྤྱི་ཚོགས་གནས་བབ་ཐོག་བོད་རང་བཙན་གྱི་གལ་གནད་སྐོར་གཏམ་བཤད་སྤེལ་ཡོད།

བོད་རང་བཙན་སློབ་ཕྲུག་ཚོགས་པར་འཛམ་གླིང་རྒྱལ་ཁབ་ ༣༥ ནང་ཡན་ལག་ཚོགས་པ་ ༦༥༠ ལྷག་ཡོད་ཅིང་། ཚོགས་པ་དེར་རྒྱལ་ཁབ་དང་ས་གནས་འདྲ་མིན་ནང་མི་རིགས་དབྱེ་མེད་ཀྱི་ཚོགས་མི་ཁྲི་ཚོ་ལྷག་ཡོད་འདུག 

 གསར་འགོད་པ། དཔལ་ལྡན།

(གནས་ཚུལ་རྒྱས་པ་ཚེས་ ༣༡ ཉིན་གྱི་དུས་བབ་ཚགས་ཤོག་ལ་གཟིགས།)

 

འབྲེལ་ཡོད་གསར་འགྱུར།

འཕྲུལ་རིག་སྐད་བརྡའི་འཇུག་སྒོ། ཕེ་ཊོན་ (Python) ཞེས་པའི་དཔེ་དེབ། ༢༠༢༥།༦།༣༠
Mobile App

འཕྲུལ་རིག་སྐད་བརྡའི་འཇུག་སྒོ་ཞེས་པའི་དཔེ་དེབ་ཅིག་དབུ་འབྱེད་གནང་།

ཆུ་ཚོད་ ༩ སྔོན་ལ།
ལོ་རྗེས་མར་སྦེལ་ཀོབ་བདེ་སྐྱིད་སླར་གསོ་གཞིས་ཆགས་སུ་ཨ་ཕའི་རྐང་སྤོལ་རྩེད་འགྲན་འཚོག་རྒྱུ་ཡིན་འདུག ༢༠༢༥།༦། ༣༠ ཨ་ཕ་རྐང་སྤོལ་ཚོགས་པའི་པར།
Mobile App

རྡོ་རྗེ་གླིང་གཡག་རུ་ཁག་ལ་འདི་ལོའི་ཨ་ཕ་གསེར་གྱི་བུམ་པའི་རྟགས་མ་ཐོབ་སོང་།

ཆུ་ཚོད་ ༡༠ སྔོན་ལ།
༸གོང་ས་མཆོག གསར་འགྱུར།

བོད་ལྗོངས་མདོ་སྨད་ཆོལ་ཁས་༧གོང་ས་རྒྱལ་བ་རིན་པོ་ཆེ་མཆོག་ལ་བརྟན་བཞུགས་བསྟར་འབུལ་ཞུས།

༢༠༢༥/༠༦/༣༠
 འབུམ་རམས་པ་ལྷ་མོ་འཚོའི་དཔེ་དེབ་དབུ་འབྱེད་གནང་། བོད་ཀྱི་དུས་བབ་གསར་ཁང་གི་པར། ༢༠༢༥།༦།༢༧
Mobile App

འབུམ་རམས་པ་ལྷ་མོ་འཚོའི་དཔེ་དེབ་དབུ་འབྱེད་གནང་། 

༢༠༢༥/༠༦/༢༧
Mobile App

དབུས་གཙང་གཞོན་སྐྱེས་ཚོགས་ཆེན་ཐེངས་དང་པོ་འཚོག་བཞིན་འདུག

༢༠༢༥/༠༦/༢༧
In this handout image released by the Chinese Embassy on June 26, 2025, the first batch of Indian pilgrims at the Manasarovar Lake, in Tibet.
Mobile App

རྒྱ་གར་གྱི་གནས་མཇལ་བ་ཚོ་དངོས་སུ་བོད་ནང་གནས་མཇལ་དུ་ཕྱིན།

༢༠༢༥/༠༦/༢༧

མཆན། 18

  1. བཙན་བྱོལ་བ་ says:
    ལོ་ 13 སྔོན།

    རིག་གཞུང་རང་བཙན་ཟེར་བ་དང་བསམ་བློ་རང་བཙན་ཟེར་བ་ནི་སྙན་ངག་གི་ཚིག་གཅིག་ཡིན་པས་དོན་མ་རྟོགས་པར་སྙན་འདོགས་མ་བྱེད། བསྟན་རྡོར་ལྟ་བུ་དོན་དོན་ཐོག་ཁ་ཞེ་གཉིས་མེད་རྩོད་མཁན་ཞིག་གིས་རང་དབང་མེད་པའི་བོད་ནང་གི་ལུང་པར་རང་དབང་ཡོད་ཅེས་དུས་ནམ་ཡང་བཤད་མི་སྲིད། བྱས་ཙང་། གནས་ཚུལ་རྟོགས་ནས་བསམ་འཆར་འདོན་རོགས།

    Reply
  2. ཀེ་ཏ་ཀ says:
    ལོ་ 13 སྔོན།

    བོད་ཀྱི་རིག་གནས་པ་ཟེར་བ་དེ་སུ་རེད། ཁོང་གིས་རྩོད་གཞི་གཏིང་ཟབ་ཅིག་གི་མ་གདན་བཏིངས་འདུག ད་ཡང་རྩོད་པའི་འགོ་བསླངས་འདུག

    Reply
  3. ཡར་ཀླུང་ལྷ་རྗེ། says:
    ལོ་ 13 སྔོན།

    ཀྭ་ཡེ་བསྟན་རྡོར་ལགས། བསམ་བློ་རང་བཙན་དང་། རིག་གཞུང་རང་བཙན་ཐོབ་ཡོད་ན་ཁྱོད་ད་དུང་ཆབ་སྲིད་ཀྱིས་ལས་འགུལ་སྤེལ་དགོས་འདུག་གམ། མི་རིགས་ཆེན་པོ་ཞིག་གི་ཁྲིམས་མཐུན་དང་། ལག་ལེན་དངོས་ནང་ཕྱི་གསལ་ནང་གསལ་གྱིས་མི་རིགས་ཆུང་ངུ་དེའི་རིག་གཞུང་ཆ་ཚང་འཛིན་སྐྱོང་སྤེལ་གསུམ་བྱེད་རྒྱུའི་དབང་ཚད་དམ་རང་དབང་ཆ་ཚང་ཡོད་ན་བོད་རྒྱ་མཉམ་གནས་ཡོང་རྒྱུར་དཀའ་ངལ་མེད་ལ་ངེད་ཚང་ནས་དེ་ལྷག་ཐུབ་རྒྱུ་མེད་པ་དངོས་ཡོད་གནས་ཚུལ་ཡིན། ཡིན་ནའང་ཁྱེད་ནས་བོད་པའི་རིག་གཞུང་ངོ་མ་ཅི་ཞིག་ཡིན་མིན་མི་ཤེས་པའི་རྒྱུ་མཚན་གི་སྐད་ཆ་དེ་ཐལ་བ་ཡིན་ངེས། ཁྱེད་ཚོའི་སེམས་ཤུགས་ལ་རྗེས་སུ་ཡིད་རང་ཡོད། ལྟ་བ་ལ་རྒྱབ་སྐྱོར་མེད་འདི་ནི་རྨི་ལམ་རང་རེད་ལ་དེང་སྐབས་དངོས་ཡོད་གནས་སྟངས་མི་མཐུན་ལ་རྒྱབ་སྐྱོར་ཡང་བྱ་མཁན་ལུང་པ་སུ་གཅིག་ཡོང་གི་མ་རེད་ལ་ང་ཚོས་ཡང་འཇོན་གྱི་མ་རེད་དའོ།།

    Reply
  4. བསོད་ནམས་རྒྱ་མཚོ། says:
    ལོ་ 13 སྔོན།

    འོ་དེ་རེད་དངོས་ལོ་ལ་ཐུག་དུས་རྒྱལ་ཁབ་འཚོང་མཁན་དེ་ཚོ་ཐབས་སྡུག་ནང་གི་ཡང་སྡུག་རེད། འོ་ན་བོད་འདི་དམར་པོ་བཙན་བཟུང་བྱེད་པ་འདི་ཁྲིམས་མཐུན་རེད་དམ།
    ཡང་དག་རེད་དམ། ངོས་ལེན་ཡོད་དམ། ཁྱེ་ཀྱིས་དྲང་བདེན་དང་མཛུན་མ་གཉིས་ཀྱི་དབྱེ་མཚམས་ཅི་འདྲར་འཇོག་གི་ཡོད་དམ།
    ད་དུང་ཁྱོད་ཀྱིས།  ཕྱོགས་གཉིས་ཀྱི་མོས་མཐུན་ཡོད་པའི་རྩིས་མེད་གཏོང་སྟངས་དཔལ་ལྡན་མའོ་ཀྲུའུ་ཞིས་མཁྱེན་ན་མ་གཏོགས་སུས་ཀྱང་མི་ཤེས་ཟེར། མའོ་ཀྲུའུ་ཞིས་མཁྱེན་ན་མ་གཏོགས་སུས་ཀྱང་མི་ཤེས་པའི་ཁུངས་གཏུགས་རྒྱུ་ག་རེ་ཡོད་དམ། བྱས་ན་༧་གོང་ས་མཆོག་གིས་དོན་ཚན་བཅུ་བདུན་རྩིས་མེད་བཏང་བ་དེ་ནོར་བ་རེད་དམ། སྡིག་ཅན་ཤན་པ་ལག་དམར་མའོ་ལ། དཔལ་ལྡན་མའོ་ཟེར་སྟེ་གཙུག་ཏུ་བཀུར། ༧ གོང་ས་མཆོག་ལ་ཟུར་ཟ་བྱེད་ལུགས་ལ་ལྟོས་དང་། ཏང་གི་རྒྱུག་ཁྱི་སྐྱག་ཟན་དྭངས་མ་ཞིག་ཡིན་པ་རྟོགས་ཐུབ།

    Reply
  5. བསོད་ནམས་རྒྱ་མཚོ། says:
    ལོ་ 13 སྔོན།

    ༥ དོན་ཚན་བཅུ་བདུན་འདི་ཕྱོགས་གཉིས་ནས་བཞག་ཀྱང། འདི་ལ་ཕྱོགས་གང་ཞིག་ཆིངས་དོན་དང་འགལ་ཚེ་རྩིས་མེད་བཏང་ཆོག་པའི་ཆིངས་ཡིག་སྤྱི་མཚུངས་ལྟར་གྱི་ཆ་རྐྱེན་དེ་བཀོད་མེད། ཕྱོགས་གཉིས་ཀྱི་མོས་མཐུན་ཡོད་པའི་རྩིས་མེད་གཏོང་སྟངས་དཔལ་ལྡན་མའོ་ཀྲུའུ་ཞིས་མཁྱེན་ན་མ་གཏོགས་སུས་ཀྱང་མི་ཤེས།

    Reply
  6. གསེར་འབྲུག་སྡེར་ལྔ་ says:
    ལོ་ 13 སྔོན།

    རིག་གཞུང་གིས་མི་བསྐྱེད་པ་རེད་པས། མིས་རིག་གཞུང་བསྐྱེད་པར་བྱས་པ་རེད། བོད་ཀྱི་རིག་གཞུང་འདི་རྒྱའི་རིག་གཞུང་ལས་ལོགས་སུ་ཡོད་ཙང་འདིས་ཀྱང་རང་བཙན་ཡིན་པ་གསལ་བསྟོན་བྱེད་ཀྱི་ཡོད་པ་རེད། བྱས་ཙང་ད་ཆ་བཙན་བྱོལ་མཚོན་ན་རིག་གཞུང་ལ་མི་ཉམས་གོང་འཕེལ་དང་ཉམས་པ་སླར་གསོ་བྱེད་རྒྱུའི་རང་དབང་གཙང་མ་ཡོད་ཙང་རིག་གཞུང་ལ་རང་བཙན་ཐོབ་ཡོད་ལབ་པ་ཡིན་རྒྱུ། བསམ་བློ་ལ་རང་བཙན་ལབ་དུས་ཁྱོད་ལྟ་བུ་རྒྱ་ཞེན་ཅན་ལ་ནམ་ཡང་བསམ་བློར་རང་བཙན་ཞིག་ཐོབ་རྒྱུ་མེད་ཁོ་ཐག་རེད། ནམ་ཡང་རྒྱ་ལ་གཞན་དབང་སྟབས་བསྟུན་མ་གཏོག་རང་ཉིད་ལ་བསམ་བློ་གཏོང་རྒྱུའི་རང་དབང་ཡང་མེད་ཙང་བསམ་བློར་རང་བཙན་ཞིག་གང་ན་ཡོད།

    Reply
  7. གསེར་འབྲུག་སྡེར་ལྔ་ says:
    ལོ་ 13 སྔོན།

    བྱས་ན་འཇིགས་བསྐུལ་རིང་ལུགས་པ་ཡང་ཁྲིམས་མཐུན་ཡིན་རྒྱུ་རེད་པ། ས་དབང་ང་ཕོད། ཧ་ཧ་ཧ། ས་དབང་སྒེར་འཛིན་པ་མ་རེད་པས། བོད་འདི་ཏཱ་ཡང་སྟོང་སྒམ་ལ་བཙོངས་པ་མ་རེད་པས།
    དམངས་གཞས་སྙན་མོ་ཞིག་ཡོད་པ་རེད།
    ང་ཕོད་ངར་ནས་ཕྱིན་སོང་། ལྷ་ས་བཙོངས་ནས་ལོག་བྱུང་།
    དབྱིན་ཇིའི་པུ་གུས་བོད་དོན་བཤད་ན་འགྲིག་པ་རེད། ཁྱོད་བོད་ཀྱི་རིག་གནས་པས་རྒྱ་དོན་བཤད་དགོས་དོན་ཅི་རེད། དོན་མེད་མུ་ཅོར་མ་སྨྲ་ཨ། རང་སྐྱག་རང་གི་མཆོད་ཟེར་རྒྱུ་ཡིན།

    Reply
  8. གསེར་འབྲུག་སྡེར་ལྔ་ says:
    ལོ་ 13 སྔོན།

    བོད་ཀྱི་རིག་གནས་པ་རེད་མི་འདུག་རྒྱའི་རིག་གནས་པ་རེད་འདུག།
    དོན་མཚན་བཅུ་བདུན་ཁྲིམས་མཐུན་ཡིན་ན་ཁྲིམས་བསྒྲིག་ལག་བསྟར་མི་བྱེད་པ་ཅི་རེད། དེས་ན་ཁྱོད་ཁྲིམས་མཐུན་འོག་ན་མི་སྡོད་པ་ཡིན་ཅིག་ཡུལ་བགྱར་བྱེད་དགོས་དོན་ཅི་རེད།
    མི་རིགས་རྒྱ་མ་བོད། རྣམ་འགྱུར་ཡ་མ་བརླ། ཆ་ལུགས་ཡ་མ་ཟུང་ཟེར་ན་ཁྱོད་ལ་ཟེར་ལེ་རེད།

    Reply
  9. བོད་ཀྱི་རིག་གནས་པ། says:
    ལོ་ 13 སྔོན།

    བོད་ཀྱི་རིག་གནས་ཕར་ཞོག ཀ་ཁའི་འབྲི་ཀློག་ཙམ་ཡང་མི་ཤེས་མཁན་བསྟན་རྡོར་དང་ལྷ་སྒྲོན་ལྟ་བུས་བོད་ཀྱི་རིག་གཞུང་རང་བཙན་ཐོབ་ཡོད་ཟེར་ན་དགོད་བྲོ་བ་ཞིག་མ་རེད་དམ། རིག་གཞུང་ལབ་ན་ག་རེ་རེད། དང་པོ་རིག་གཞུང་འགྲེལ་བཤད་རྒྱབ། དེ་ནས་དེས་བསྐྱེད་པའི་མི་རིགས་འགྲེལ་བཤད་རྒྱབ་སྟེ། རིག་གཞུང་རང་བཙན་ཐོབ་ཡོད་མེད་གསུངས་དགོས་ཀྱང། ཁུངས་མེད་ལུང་མེད་ཀྱི་འཆལ་གཏམ་འདི་རིགས། ཨིན་ཇིའི་བུ་གུའི་ཁ་ནས་ཐོན་པར་ངེད་རང་ཤིན་ཏུ་གད་མོ་ཤོར། བོད་ལ་རིག་གཞུང་རང་བཙན་ཐོབ་ཡོད་ན། བོད་ཀྱི་རིག་གཞུང་གིས་བོད་མི་རིགས་སྐྱོབ་མ་ཐུབ་པ་ག་རེད། བསམ་བློའི་རང་བཙན་ཟེར་བ་ནི་ང་བོད་པ་ཡིན་ཟེར་བ་ཙམ་དང། ཚོར་བའི་རྗེས་སུ་འབྲངས་པའི་ལས་མེད་རུ་ཁག་གི་ལས་སྣེ་ཚོར་བཤད་ཀྱི་ཡོད་པ་རེད་པས།

    Reply
  10. བོད་ཀྱི་རིག་གནས་པ། says:
    ལོ་ 13 སྔོན།

    དོན་ཚན་བཅུ་བདུན་ཁྲིམས་མཐུན་རེད།

    དེ་རིང་སང་ཉིན་ལས་མེད་རུ་ཁག་གིས་ངའི་སྒེའུ་ཁུངས་ཕྱི་རོལ་ནས་དོན་ཚན་བཅུ་བདུན་ཟེར་བའི་མུ་ཅོར་གནམ་མཁར་བསྒྲགས། དྲན་པ་རྟིང་བརྗེད་དུ་གྱུར་ཟིན་པའི་གྲོས་མཐུན་དེ་ཡིད་ལ་འཁོར་དུ་བཅུགས། རྒྱུད་ལམ་གྱི་ཚོང་པ་ཚོས་ཀྱང་དོན་ཚན་བཅུ་བདུན་གྱི་རུས་པ་མུར་བཞིན་གདོང་པ་འཛུམ་གྱིས་ཁེངས། ང་ཉོབ་སོང། མི་ལ་ཉོབ་སོང། འགོ་མི་འཚོས་ནའང་ཆེན་པོ་ཞིག་བྱེད་རྒྱུ་ཡིན་ཟེར་མཁན་ཚོར་ཉོབ་སྟེ། ཉན་འཇོག་ལྟེབས་ཚགས་རྒྱབ། ཡིན་ནའང་དེས་ཀྱང་ང་གཅིག་པུའི་ཉན་འཇོག་ལྟེབས་པ་འདྲ་བས་ག་ལ་འགྲིག ངས་སླར་ཡང་རང་ཉིད་དམིགས་བསལ་གྱིས་མཁས་པའི་དོན་ཚན་བཅུ་བདུན་དེ་མིང་གསར་པ་ཞིག་འདོག་ན་འདོད་བྱུང། མིང་ལ་ཁྲིམས་མཐུན་དོན་ཚན་བཅུ་བདུན་ཟེར།

    དེ་ནི་དེང་གི་ལོ་རྒྱུས་སྨྲ་མདོག་སྟོན་མཁན་དང་ལས་མེད་རུ་ཁག་ཚོའི་ཁའི་ནང་དུ་གཟས་ནས་འཕྲེད་ཀྱིས་བཞག་པ་ཞིག་ཡིན་པ་ལས། གཞན་དུ་རྒྱུ་མཚན་གང་ཡང་མེད། ཡོད་དགོས་དོན་ཀྱང་མི་འདུག་སྟེ། དོན་ཚན་བཅུ་བདུན་གནའ་སྔ་མོ་ཞིག་ནས་རྩིས་མེད་བཏང་ཟིན་པ་རེད། རྩིས་མེད་བཏང་ཚར་བ་ཞིག་ཡང་སེ་དྲན་པ་བསླངས་ནས། རྩིས་མེད་བཏང་བ་དེར་ནུས་བ་མ་ཐོན་པ་ལྟ་བུའམ། ཡང་ན་རྩིས་མེད་གཏོང་མཁན་ལས་མེད་རུ་ཁག་ཡིན་པ་ལྟ་བུའི་བྱེད་སྟངས་འདི་འདྲ་ཐོན་པས། ངས་བསམ་གཟས་ནས་དོན་ཚན་བཅུ་བདུན་འདི་ཁྲིམས་མཐུན་རེད་ཟེར་གྱི་ཡིན་ལ། རྒྱུ་མཚན་ཡང་འདྲེན་རྒྱུ་ཡིན། མཁས་པ་ཚོའི་གུ་ཡངས་པོའི་ཐོག་ང་དང་མཉམ་དུ་བགྲོ་གླེང་གནང་རོགས།
    ༡ དོན་ཚན་བཅུ་བདུན་བཙན་འོག་ནས་བཞག་པས་ཆིངས་ཡིག་ཡིན་སྟབས་ཁྲིམས་མཐུན་མིན་ཟེར་ན། བཙན་འོག་ནས་བཞག་པའི་ཆིངས་ཡིག་ཁྲིམས་མཐུན་མིན་ཟེར་བའི་ཁྲིམས་ཀྱི་གཞི་འཛིན་ས་གང་ཡིན་ནམ། བཙན་འོག་ནས་བཞག་པའི་ཆིངས་ཡིག་ཁྲིམས་མཐུན་མིན་ཟེར་བའི་རྒྱལ་སྤྱིར་ཁྱབ་པའི་ཁྲིམས་ཡིག་ཅིག་གནམ་འོག་ན་མི་འདུག
    ༢ དོན་ཚན་བཅུ་བདུན་འཇོག་དགོས་པའི་གྲོས་འགོ་འདོན་མཁན་ས་དབང་ང་ཕོད་ངོ་ལས ༢༦ ཡིན་ཞིང། ཁོང་ཚོ་དང་མཉམ་དུ་གྲོས་མ་མཐུན་ཡང། ཝང་ཆི་མིན་ལྷ་སར་འགྲོ་རྒྱུར་སྐུལ་མ་བྱས་འདུག
    ༣ བཀའ་ཤག་གིས་མངགས་པའི་སྐུ་ཚབ་གཉིས་ལ་དབང་ཚད་བཀའ་ཡིག་ཕྱི་ནང་གཉིས་སྤྲད་པའི་ནང་མའི་ནང། རང་བཙན་མ་གཏོང་མཐུ་མེད་བྱུང་ན་བཅིངས་འགྲོལ་དམག་བོད་དུ་འཇོག་རྒྱུར་མོས་མཐུན་གནང་མི་ཆོག་ཅེས་བཀོད་འདུག བཀོད་པ་བཞིན་ང་ཕོད་འཁོར་བཅས་ཀྱིས་ལས་དོན་འགྲུབ་ཡོད་པ་རེད། དམག་སྲིད་ཨུ་ཡོན་ལྷན་ཁང་རང་སྐྱོང་ལྗོངས་གྲ་སྒྲིག་ཨུ་ཡོན་ལྷན་ཁང་དུ་བསྒྱུར་བ་རེད།
    ༤ དོན་ཚན་བཅུ་བདུན་བཞག་ནས་ལོ་མང་པོའི་རིང་འབྲུ་དོན་བཞིན་འགྲོ་ཐབས་བྱས་པ་དེས་ཀྱང་ལོ་བརྒྱད་ཀྱི་ནང་ཁྲིམས་མཐུན་ཆགས་ཚར་བ་སྟོན་ཐུབ།
    ༥ དོན་ཚན་བཅུ་བདུན་འདི་ཕྱོགས་གཉིས་ནས་བཞག་ཀྱང། འདི་ལ་ཕྱོགས་གང་ཞིག་ཆིངས་དོན་དང་འགལ་ཚེ་རྩིས་མེད་བཏང་ཆོག་པའི་ཆིངས་ཡིག་སྤྱི་མཚུངས་ལྟར་གྱི་ཆ་རྐྱེན་དེ་བཀོད་མེད། ཕྱོགས་གཉིས་ཀྱི་མོས་མཐུན་ཡོད་པའི་རྩིས་མེད་གཏོང་སྟངས་དཔལ་ལྡན་མའོ་ཀྲུའུ་ཞིས་མཁྱེན་ན་མ་གཏོགས་སུས་ཀྱང་མི་ཤེས།
    ༦ དོན་ཚན་བཅུ་བདུན་གྱི་ཟུར་རྒྱན་རྣམས་བོད་གཞུང་གི་སྐུ་ཚབ་ཚོར་རེག་སོན་མ་བྱུང་བ་དེས་ཀྱང་ཁྲིམས་མཐུན་ཡིན་པ། མོས་པ་རྩེ་གཅིག་ཏུ་ཡོད་པ། ཧ་ཅང་ལས་སླ་བོའི་ཐོག་བཞག་པའི་ཆིངས་ཡིག་ཡིན་པ་མཚོན་པས་བཙན་དབང་གི་ཆ་བཙལ་ནས་རྙེད་དུ་མེད།

    རྒྱུ་མཚན་ཆེན་པོ་བཞི་འདིའི་འགག་རྩ་གཏོར་བ་ཡིན་ན། ད་གཟོད་ལས་མེད་རུ་ཁག་གིས་ལས་ཀ་བཙལ་བར་ངས་ཡག་བྱུང་ཟེར་རྒྱུ་ཡིན། དེ་མིན་སྐད་ཅོར་མ་རྒྱག་ཅེས་ཀྱག་ཀྱག་བྱས་པ་ཡིན།

    Reply
  11. བློ་འཕེལ། says:
    ལོ་ 13 སྔོན།

    བོད་རང་དབང་སློབ་ཕྲུག་ཚོགས་པ་འདི་དངོས་གནས་མང་དོན་ལྡན་པ་ཞིག་ཏུ་མཐོང་གི་ཡོད། ཁོང་ཚོའི་ལས་འགུལ་གྱི་ཁ་ཕྱོགས་ཚང་མ་གུང་ཁྲན་དམར་གཞུང་ལ་གཏོད་པ་ལས་ནང་ཁུལ་དུ་ཟུར་ཟ་དང་སྐྱོན་བརྗོད་དེ་འདྲ་དེ་སྔ་མཐོང་མ་སོང་། གཞི་རྩའི་ལྟ་བ་འཛིན་ཕྱོགས་གཞོན་ལྷན་དང་གཅིག་མཚུངས་བོད་རང་བཙན་རྩོད་ལེན་གནང་མཁན་ཞིག་ཡིན་ཡང་། མི་འདྲ་ས་ཞིག་ལ། གཞོན་ལྷན་གྱིས་མི་མང་ལ་བརྡབ་གསིག་དང་། ནང་ཁུལ་དུ་ཟུར་ཟ་དང་རྩོད་རྙོག་ཤུགས་ཆེན་པོ་སློང་གིན་འདུག།།འདི་ཡང་ཤེས་ཡོན་གྱིས་ཕོངས་ཤིང་སྙིང་རྩ་ལྕགས་ལས་མཁྲེགས་པའི་འགོ་འཛིན་པ་ཁ་ཤས་ཀྱི་བྱས་ཉེས་སུ་སྣང་།
    དེ་ལས་ལྡོག་ཏེ་སློབ་ཕྲུག་ཚོགས་པ་འདི་དེང་དུས་ཀྱི་ཤེས་ཡོན་གྱིས་ཕྱུག་ལ། རྒྱལ་སྤྱིའི་འགྲོ་ལུགས་ཤེས་པ། ལས་འགུལ་སྤེལ་ལུགས་ཤེས་པ། ནང་ཁུལ་མཐུན་ལམ་ཤེས་པ་ཞིག་རེད། དགའ་བསུ་དང་རྒྱབ་སྐྱོར་ཡོད།
    འོན་ཀྱང་རྡ་ས་ས་གནས་སློབ་ཕྲུག་ཚོགས་པའི་ཚོགས་གཙོ་གཏམ་བཤད་ནང་་་ཆིངས་ཡིག་དོན་ཚན་བཅུ་བདུན་བཞག་པ་བརྟེན་ནས་བོད་རང་བཙན་ཤོར་ཡོད་ཚུལ་་་་བཤད་པ་འདི་ལ་ཞིབ་འཇུག་གནང་རོགས།

    Reply
  12. ལི་ཐང་གི་ལུག་རྫི། says:
    ལོ་ 13 སྔོན།

    ངས་ག་དུས་ཡིན་ན་ཡང་། བསྟན་འཛིན་རྡོ་རྗེ་ལགས་ལ་རྒྱབ་སྐྱོར་བྱེད་ཀྱི་ཡོད་པ་མ་ཟད། ཁོང་གིས་གསུང་པའི་སྐད་ཆ་རེ་རེའི་རྒྱབ་ལྗོངས་ལ་བསམ་བློ་གཏང་དུས་ངས་ལས་དོན་གྱི་ཁ་ཕྱོགས་གསར་པ་རེ་མཐོང་གི་འདུག དེ་ཙམ་མ་ཟད་ཁོང་གི་་གུ་ཡང་གི་བསམ་བློ་དང་སྣང་མེད་ཀྱི་སྐད་ཆ་དེའི་ཁྲོད་ན་བོད་མི་ས་ཡ་དྲུག་གི་བདེ་སྡུག་དང་། མདུན་ལམ་གསལ་གྱི་འདུག དེ་ཡང་མི་རབས་གསར་བའི་རླབས་ཆེན་གྱི་བྱ་བཞག་ཡིན་པར་ཚང་མས་ངོས་འཛིན་གསལ་བོ་ཐོབ་དགོས་པ་གལ་ཆེན་པོ་ཡིན་པར་སེམས་བཞིན་ཡོད།

    Reply
  13. རེབ་ཐོག་མདའ says:
    ལོ་ 13 སྔོན།

    ཁ་སང་དེ་རིང་གི་རྡ་རམ་ས་ལ་འདི་དངོས་འགྲན་བསྡུར་དག་དག་གི་ནང་དུ་འདུག།
    དཔེར་ན། གངས་སྐྱིད་དཀྱིད་གཞུང་ན་ལས་ཀྱིས་སྣེ་མོ་བ་དག་ལག་རྩལ་སྤོ་ལོ་འགྲན་བསྡུར་བྱེད་ཀྱིན་འདུག་ལ། ད་དུང་བོད་ཕྲུག་ཁྱིམ་སྡེ་ནས་རྒྱལ་ཡུམ་ཆེན་མོ་རྗེས་དྲན་རྐང་སྤོ་འགྲན་བསྡུར་མགོ་འཛུགས་ལ་ཉེ།
    དེ་གཉིས་ངའི་ཞཽར་ལ་ཅིག་བཤད་པ་ཡིན།
    ཡིན་ཡང་དེ་གཉིས་ལས་ལྷག་པའི་འགྲན་རྩོད་ནི་གཞཽན་ནུ་དང་སློབ་ཕྲུག་ཚོགས་པ་གཉིས་རེད། གཅིག་གིས་ཁ་སང་གྲོས་མཐུན་དོན་ཚུན་བཅུ་བདུན་ལ་ངོས་ལེན་མེད་པར་གསལ་བསྒྲགས་བྱས་བ་དང་དེ་རིང་བོད་རང་དབང་སློབ་ཕྲུག་ཚོགས་པའི་བོད་ལ་བསམ་བློ་རང་བཙན་དང་རིག་གཞུང་རང་བཙན་ཐོབ་ཡོད་ཟེར།།
    དངོས་གནས་བཤད་ན་དེང་སངས་ཚོགས་པ་འདི་དག་ཁོམ་ནས་ལས་རྒྱུ་མེད་ས་རེད། གལ་སྲིད་ང་ཚོས་གྲོས་མཐུན་དོན་ཚུན་བཅུ་བདུན་ལ་ངོས་ལེན་དང་རིག་གཞུང་དང་བསམ་བློ་རང་དབང་ཡོད་ན་ད་ང་ཚོས་དཀའ་བ་གྲངས་མེད་མྱོང་ནས་རྒྱ་གར་ལོངས་པ་ག་རེ་བྱེད་དུ་ཡོངས་ངམ། གལ་སྲིད་ང་ཚོས་ལ་བསམ་བློ་རང་དབང་དང་རིག་གཞུང་རང་བཙན་ཡོད་ན་ག་རེ་བྱས་ནས་རང་ལུས་རིན་པོ་ཆེ་དེ་མེ་རུ་སྒྲོན་དགོས། ཚོགས་པ་འདི་ཚོ་ལས་རྒྱུ་མེད་བཏང་ན་ད་ཅི་བཤད་འདི་བཤད་ཅིག་མི་འདུག།
    གལ་སྲིད་ང་ཚོ་ལ་རིག་གཞུང་རང་བཙན་ཡོད་ན་བཙན་བྱོལ་དུ་ཡོད་པའི་ཁྱོད་དང་ཁྱོད་ལྟ་བུ་ཁ་མ་འཁོར་ཏེ་སྐད་ཆ་ར་མ་ལུག་འདྲ་བོ་བཤད་དུས་ཁྱོད་ཀྱིས་ཁ་སེམས་གཉིས་ལ་གཟའ་རྒྱབ་བཏང་ནི་མིན་ན། ང་ཚོ་རིག་གཞུང་རང་བཙན་ཡོད་ན་དེང་སང་གི་གཞོན་སྐྱེས་ཚོས་ཀླད་པ་ནང་ལ་ཞག་བླུགས་བཏང་ནི་མིན་ན།བོད་ཡིག་གཙང་མ་ཞིག་ཕར་བཞག་ཞཽག་བོད་སྐད་དག་མ་ཞིག་ཀྱང་བཤད་མི་ཤེས་བ་ག་རེ་བྱས་བ་རེད

    Reply
  14. སྦྲ་གསར་དཀར་ལོ། says:
    ལོ་ 13 སྔོན།

    ཡག་པོ་རེད། མི་མཐུད་དུ་འཐབ་རྩོད་ཀྱི་ལས་འགུལ་གང་མང་སྤེལ་དགོས། འོན་ཀྱང་ལྷག་དཀར་སྲུང་རྩིས་གནང་མཁན་གྱི་ཚོགས་པ་རང་ཉིད་ཀྱི་ཚོགས་མི་རེ་ཟུང་ནས་བོད་ཆས་གྱོན་མི་འདུག་བས་ད་ག་འདྲ་བྱས་ནས་གཞན་ལ་སྐད་ཆ་བཤད། ཧ་ཧ་ཧ་ངོ་ཚ་རེད།

    Reply
  15. བསོད་ནམས་རྒྱ་མཚོ། says:
    ལོ་ 13 སྔོན།

    བོད་ལ་རིག་གཞུང་རང་བཙན་དང་བསམ་བློ་རང་བཙན་གཉིས་ཐོབ་ཡོད་ཟེར་དོན་ཅི་རེད། དོན་གཞན་ཞིག་འགྲེལ་རྒྱུ་ཡོད་ན་མ་གཏོགས། དོན་དངོས་སུ་བོད་ལ་རངབཙན་ཕར་ཞོག་རང་དབང་གང་ཡང་མེད། 

    བོད་ལ་རིག་གཞུང་རང་བཙན་དང་བསམ་བློ་རང་བཙན་གཉིས་ཐོབ་ཡོད། ཟེར་དོན་གང་མགྱོགས་སུ་འགྲེལ་བཤད་གནང་རོགས་ཞུའོ།། གལ་སྲིད་འགྲེལ་བཤད་མེད་ན་རྒྱ་དམར་ཀྱི་ལས་དོན་སྒྲུབ་ཀྱི་ཡོད་པར་ཐེ་ཚོམ་ཟ་ཡུལ་འགྱུར་ཉེན་ཆེའོ།། ལྷན་རྒྱས་རྣམ་པ་ལགས།།

    Reply
  16. གཡག་ཕྲུག། says:
    ལོ་ 13 སྔོན།

    ད་ལྟར་བོད་པ་ཚོར་བསམ་བློ་རང་བཙན་དང་། རིག་གཞུང་རང་བཙན་ཐོབ་ཡོད་ན། བོད་རང་དབང་སློབ་ཕྲུག་ཚོགས་པས་གོང་གསལ་ལས་ལྷག་པའི་རང་དབང་ག་རེ་རྩོད་ཀྱིན་ཡོད་དམ།།།།

    Reply
  17. མི་ཆུང་། says:
    ལོ་ 13 སྔོན།

    ((ད་ལྟ་བོད་པ་ཚོར་རིག་གཞུང་རང་བཙན་དང་བསམ་བློ་རང་བཙན་གཉིས་ཀ་ཐོབ་ཡོད་སྟབས། ))

    གོང་གི་ཚིག་དུམ་དེ་བོད་རང་བཙན་སློབ་ཕྲུག་ཚོགས་པའི་བསྟན་རྡོར་གྱི་སྐད་ཆ་རེད། ཁྱེད་ལ་རིག་གཞུང་དང་བསམ་བློ་རང་བཙན་ཨ་རིས་སྤྲད་པ་རེད་དམ།

    དེ་མིན་བོད་ནང་དུ། བོད་པ་གུང་ཁྲན་ཏང་ཡོན་དང་ལས་བྱེད་ལ་མ་ཟད། བོད་པ་སུ་ཞིག་གིས་ཀྱང་མི་རིགས་ཁ་བྲལ་དང་རྒྱབ་འགལ་གྱི་བསམ་བློ་ཙམ་བཏང་མ་ཡང་། ཆེས་ཚབ་ཆེའི་ནོར་འཁྲུལ་དུ་བརྩི་གི་ཡོད། དེ་བསམ་བློ་རང་བཙན་རེད་དམ།

    བོད་ནང་དུ་བོད་ཀྱི་སྐད་ཡིག་སློབ་ཁྲིད་ཐད། ཤུགས་ཆེའི་བཀག་འགོག་ཡོད་པ་དང་། གཞན་ཡང་བོད་ཀྱི་ཡུལ་སྲོལ་གོམས་གཤིས་འགའ་རེ། བོད་མི་རིགས་རང་བཙན་པའི་ངོ་བོར་བསྙད་དེ་བརྟན་འགོག་བྱེད་ཀྱི་ཡོད། དེ་ཚོ་རིག་གཞུང་རང་བཙན་རེད་དམ།

    གཅིག་བྱས་ན་ཁྱེད་ལ་ཕྱི་རྒྱལ་བ་ཞིག་གི་སློབ་ཁྲིད་འོག་སྐད་ཆ་ནོར་འཁྲུལ་ཅན་དེ་རིགས་བཤད་པ་རེད། ཡང་མིན་ན་མ་ཤེས་པར་རྨོངས་བཤད་བྱས་པ་རེད།

    གང་ལྟར་ཡང་ང་ཚོ་གཡང་ཁར་མ་བསྐྱུར་རོགས།

    Reply
  18. མི་རྒོད། says:
    ལོ་ 13 སྔོན།

    ༄་། གངས་རི་ཇོ་མོ་གླང་མའི་དཔའ་རྒོད་ཁྱེད་རྣམས་ད་འཐབ་པ་དང་། རྩོད་པའི་དུས་ལ་བབས་ཡོད་པས་བཀྲིན་ཆེ་དུས་དྲན་འདི་འདྲ་ཞིག་སྲུང་རྩི་ཞུས་པ་དང་། དེ་ཡང་འཆར་གཞི་ལྡན་པའི་ངང་བྱེད་ཐུབ་པ་ནི་ཧ་ཅང་གི་གཟི་བརྗིད་རེད། མི་ཁྱེད་ཚོར་འདབ་ཤོག་གཉིས་ལྡན་ཡིན་པས་དགྲ་རྒྱ་དམར་སླར་ཡང་དྲན་པ་ཐོར་ནས་རིལ་འགྲོ་བ་ཞིག་གཏན་གཏན་ཡོང་ངེས་རེད།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese