དེ་རིང་ཧྥ་རན་སིའི་སྲིད་འཛིན་གསར་པ་ཧོ་ལན་ཌེ་གློ་བུར་དུ་ཨབ་གྷན་ནང་ཕྱོགས་ཐོན་གྱིས། ཨབ་གྷན་ནང་ཡོད་པའི་ཧྥ་རན་སིའི་དམག་མི་འདི་ལོའི་ལོ་མཇུག་བར་ཡོངས་སུ་ཕྱིར་འཐེན་བྱ་རྒྱུའི་ཁྱབ་བསྒྲགས་བྱས་འདུག
ཐེངས་འདིར་གསལ་བསྒྲགས་སོགས་གང་ཡང་མ་བྱས་པར་ཧྥ་རན་སིའི་སྲིད་འཛིན་གསར་པ་ཧོ་ལན་ཌེ་ (Francois Hollande) གློ་བུར་དུ་ཨབ་གྷན་ལ་ཕྱོགས་ཐོན་ཐོགཨབ་གྷན་ནང་ཡོད་པའི་ཎ་ཊོ་དམག་གི་ཁྱབ་ཁོངས་ཧྥ་རན་སིའི་དམག་གི་རྟེན་གཞིར་ཕྱིན་ཏེ། ད་ལོའི་ལོ་མཇུག་བར་ཨབ་གྷན་ནང་ཡོད་པའི་ཧྥ་རན་སིའི་དམག་དཔུང་ཕྱིར་འཐེན་བྱ་རྒྱུ་དང་། དེ་ནི་ཧྥ་རན་སིའི་གཞུང་གསར་པའི་ཐག་གཅོད་ཡིན་པ་བརྗོད་འདུག
༢༠༠༡ ལོར་ཨབ་གྷན་ནང་ཎ་ཊོའམ་ནུབ་རྒྱ་མཚོའི་གནའ་མཐུན་ལྷན་ཚོགས་ཀྱི་དམག་དཔུང་བཏང་ཡོད་པ་དང་། ཧྥ་རན་སི་ནི་དེའི་ཁྲོད་ཀྱི་དམག་ཤུགས་ཆེ་ཤོས་ཨང་ ༥ དེ་ཡིན་པ་དང་། ད་ཆར་ཨབ་གྷན་ནང་གི་ཎ་ཊོ་མཉམ་འབྲེལ་དམག་གི་སྒྲིག་ཁོངས་སུ་ཧྥ་རན་སིའི་དམག་མི་ ༣༤༠༠ ལྷག་དང་།དམག་སྤྱོད་ཐད་འཕུར་གནམ་གྲུ་ ༡༤ ། དམག་སྤྱོད་རླངས་འཁོར་ ༩༠༠ ཙམ་བཅས་ཡོད་འདུག་ལ། ད་སྔ་ཧྥ་རན་སིའི་དམག་མི་ ༨༣ ཙམ་ཨབ་གྷན་དམག་འཁྲུག་ཁྲོད་འདས་གྲོངས་སུ་གྱུར་ཡོད་འདུག
![AfD party members celebrate victory in Saxony-Anhalt on Sunday [Matthias Schrader/AP]](https://tibettimes.net/wp-content/uploads/2026/09/WhatsApp-Image-2026-09-11-at-4.20.04-PM-360x180.jpeg)
ཏག་ཏག་རེད་་་དམག་ལ་འགྲོ་སོང་གཏོང་བ་ལས་སོ་སོའི་རྒྱལ་ཁབ་ཡར་རྒྱས་ལ་གཏོང་དགོས་པ་རེད་་་་རྒྱལ་ཁབ་སྐྱོ་པོ་དེ་ཡར་རྒྱས་སོང་ན་དེ་ལས་ཡག་ཅིག་གང་ན་ཡོད་་