བོད་ཁྱིམ་དང་ཅེ་ནེ་གཉིས་རྒྱལ་འདུག

གཟའ་མིག་དམར་གྱི་ཕྱི་དྲོའི་འགྲན་ཐེངས་གསུམ་གྱི་ཁྲོད་ནས། བོད་ཁྱིམ་དང་ཅེ་ནེ་རུ་ཁག་གཉིས་སོ་སོའི་འགྲན་ཡ་ལས་རྒྱལ་ཡོད་པ་དང་། གྷོ་བ་དང་ལྡི་ལི་གཉིས་འདྲ་མཉམ་ཆགས་འདུག

ཕྱི་ཚེས་ ༢༨ ཉིན་གྱི་འགྲན་ཐེངས་གསུམ་གྱི་ཁྲོད་ནས། སྡེ་ཚན་༼ག༽ནང་རུ་བགོས་གྷོ་བ་དང་ལྡི་ལི་མཉམ་འབྲེལ་རུ་ཁག་གཉིས་བར་རྩེད་འགྲན་མཇུག་འབྲས་ནི། རུ་ཁག་གཉིས་ཀྱིས་ཕར་ཚུར་ལ་སྤོ་ལོ་གཅིག་རེ་བླུགས་ཏེ་འདྲ་མཉམ་ཆགས་ཡོད་པ་དང་། སྡེ་ཚན་༼ཁ༽ནང་རུ་བགོས་ཝར་ཎ་མཐོ་སློབ་དང་བོད་ཁྱིམ་མཉམ་འབྲེལ་རུ་ཁག་གཉིས་བར་གྱི་རྩེད་འགྲན་མཇུག་འབྲས་ནི། ཝར་ཎ་མཐོ་སློབ་རུ་ཁག་གིས་སྤོ་ལོ་གཅིག་བླུགས་ཤིང་། བོད་ཁྱིམ་མཉམ་འབྲེལ་རུ་ཁག་གིས་སྤོ་ལོ་ ༣ བླུགས་ཏེ། བོད་ཁྱིམ་མཉམ་འབྲེལ་རུ་ཁག་རྒྱལ་འདུག སྡེ་ཚན་༼ང༽ནང་རུ་བགོས་ཅོན་གྷི་ར་དང་ཅེ་ནེ་རུ་ཁག་གཉིས་བར་རྩེད་འགྲན་མཇུག་འབྲས་ནི། ཅོན་གྷི་ར་རུ་ཁག་གིས་སྤོ་ལོ་ ༢ བླུགས་ཤིང་། ཅེ་ནེ་རུ་ཁག་གིས་སྤོ་ལོ་ ༤ བླུགས་ཏེ། ཅེ་ནེ་རུ་ཁག་རྒྱལ་ཡོད་པ་རེད།

ཕྱི་ཚེས་ ༣༠ ཉིན་གྱི་འགྲན་ཐེངས་གསུམ་དྷ་སྟེང་བོད་ཁྱིམ་རྩེད་ཐང་དུ་རྩེད་འགྲན་བྱ་རྒྱུ་དང་། སྡེ་ཚན་༼ཅ༽ནང་རུ་བགོས་འཕགས་ཞིང་ཀ་ཊི་མན་ཊོ་དང་གྷོ་བ་ལིར་རུ་ཁག་གཉིས་བར། ཉིན་རྒྱབ་ཆུ་ཚོད་༡: ༣༠སྟེང་རྩེད་འགྲན་དང་། སྡེ་ཚན་༼ཆ༽ནང་རུ་བགོས་ཕུན་ཚོགས་གླིང་ཨོ་རེ་ས་དང་སྦེལ་ཀོབ་བདེ་སླར་རུ་ཁག་གཉིས་བར། ཉིན་རྒྱབ་ཆུ་ཚོད་༣: ༡༥སྟེང་རྩེད་འགྲན། སྡེ་ཚན་༼ཀ༽ནང་རུ་བགོས་མེའོ་ཆོས་འཕེལ་གླིང་དང་ཀ་ལི་མན་ཊོ་དོན་གྲུབ་གླིང་རུ་ཁག་གཉིས་བར། ཕྱི་དྲོ་ཆུ་ཚོད་ ༥ སྟེང་རྩེད་འགྲན་བཅས་བྱ་རྒྱུ་རེད།