བོད་ཀྱི་ཆབ་སྲིད་བཙོན་པའི་སྐབས་བཅུ་གསུམ་པའི་གློག་ཀླད་སྦྱོང་བརྡར་འཛིན་གྲྭ།
༄༅། ། བོད་ཀྱི་དགུ་བཅུ་གསུམ་ལས་འགུལ་ཚོགས་པ་ནས་བོད་ཀྱི་ཆབ་སྲིད་བཙོན་པ་ཟུར་པ་རྣམས་ཀྱི་ཤེས་ཚད་གོང་མཐོར་གཏོང་རྒྱུར་དམིགས་ཏེ་དུས་ཡུན་ལོ་གཅིག་རིང་གློག་ཀླད་ཤེས་བྱ་གཙོ་གྱུར་དབྱིན་ཇི་དང། བོད་ཡིག་སྦྱོང་བརྡར་འཛིན་གྲྭ་ཞིག་ད་བར་བོད་ཀྱི་དགུ་བཅུ་གསུམ་ལས་འགུལ་ཚོགས་པར་ཚུགས་མུས་ལ་བརྟེན། སྐབས་བཅུ་གཉིས་པའི་སློབ་མ་རྣམས་སློབ་མཐར་ཕྱིན་ལ་ཉེ་བས་སླར་ཡང་སྐབས་བཅུ་གསུམ་པའི་སློབ་མ་བསྡུ་འཆར་ལགས་ན་འདི་ག་སློབ་ཁོངས་སུ་་འཛུལ་བཞུགས་བྱ་འདོད་མཆིས་པའི་ཆབ་སྲིད་བཙོན་ཟུར་རྣམས་གཤམ་འཁོད་ཆ་རྐྱེན་ཚང་བའི་ཐོག་སོ་སོའི་ལོ་རྒྱུས་ཁ་གསལ་དོ་བདག་གི་ལག་བྲིས་ངོ་མ་ཤོག་གྲངས་གསུམ་ལས་མི་ཉུང་བ་དང། སྙན་ཞུ། འདྲ་པར་གཉིས་བ་བཅས་སྤྱི་ལོོ་ ༢༠༡༢ ཟླ་བ་ ༦ ཚེས་ ༢༠ ནང་ཚུད་གཏོང་གནང་ཡོད་པ་ཞུ་རྒྱུ། ཡིག་རྒྱུགས་ལ་འཛུལ་བཞུགས་བྱ་རྒྱུ་འཐུས་མིན་འདི་ནས་ཞིབ་འཇུག་གིས་བརྡ་ལན་འབུལ་རྒྱུ་དང། འདི་ག་ཚོགས་པ་ནས་སློབ་མ་གྲངས་ ༡༩ ཡིག་རྒྱུགས་ལམ་ནས་བསྡུས་ཏེ་དུས་ཡུན་ལོ་གཅིག་རིང་གོང་འཁོད་སློབ་ཚན་ཁག་སློབ་འཁྲིད་བྱ་རྒྱུ་གཏན་འཁེལ་བས་བློ་གསལ་དོན་གཉེར་ཅན་རྣམས་ཀྱིས་སྙ་ཞུ་དུས་ཐོག་ཏུ་འབུལ་དགོས་པ་དང། དུས་ཐོག་མ་འབྱོར་ཚེ་རྩེས་མེད་གཏོང་རྒྱུ་ཡིན།
འཛུལ་ཞུགས་ཆ་རྐྱེན།
༡༽ དོ་དག་རང་ཉིད་ཆབ་སྲིད་བཙོན་ཟུར་དང་འབྲེལ་ཡོད་ཡིན་པ།
༢༽ མ་མཐར་བོད་ཡིག་འཛིན་རིམ་བརྒྱད་པའི་ཤེས་ཚད་ཡོད་པ།
༣༽ དབྱིན་སྐད་རྨང་གཞི་ཅུང་ཡོད་པ།
༤༽ སློབ་མཐར་ཕྱིན་རྗེས་བོད་པའི་སྤྱི་ཚོགས་ནང་ཞབས་ཞུའི་བློ་མོས་ཡོད་པ།
༥༽ སྦྱོང་བརྡར་དུས་ཡུན་ནང་སློབ་ཕྲུག་གི་ངོ་བོར་སྡོད་ཐུབ་པ།
༦༽ རང་བཙན་ལག་དེབ་ཀྱི་རྒྱལ་གཅེས་མ་དངུལ་གཙང་འབུལ་ཟིན་པའི་འདྲ་བཤུས།
༧༽ རྒྱ་གར་ནང་གནས་སྡོད་ཆོག་པའི་ལག་ཁྱེར་ RC ཡོད་ཚེ་དེའི་འདྲ་བཤུས་བཅས་ངེས་པར་དུ་ཚང་དགོས།
མཐུན་རྐྱེན་ནི།
༡༽ བཞུགས་ཡུལ་གོ་སྒྲིག།
༢༽ གསོལ་ཇ་དང་ཞལ་ལག།
༣ ནད་མནར་རིགས་ལ་སྨན་བཅོས་མཐུན་རྐྱེན་བཅས་ཡོད།
འབྲེལ་བ་བྱ་ཡུལ།
བོད་ཀྱི་དགུ་བཅུ་གསུམ་ལས་འགུལ་ཚོགས་པའི་སློབ་སྤྱི་ལྷ་ཆབ་སྦྱིན་པ།
འབྲེལ་གཏུགས་ཁ་པར་ཨང་གྲངས། ༨༦༧༩༠༢༥༡༥༢
བོད་ཀྱི་དགུ་བཅུ་གསུམ་ལས་འགུལ་ཚོགས་པའི་ཡིག་ཚང་ནས།
