ཉེ་ཆར་རྒྱ་གཞུང་དབུས་འཐབ་ཕྱོགས་གཅིག་གྱུར་ཁང་གི་དཔོན་རིགས་ཚོ་བརྗེ་སྤོར་དང་། བོད་རྒྱ་འབྲེལ་མོལ་ལ་འགན་འཁུར་མཁན་ཀྲུའུ་ཝེ་ཆོན་རྒན་ཡོལ་བཏང་འདུག
ཉེ་ཆར་ཧོང་ཀོང་མེན་པའོ་གསར་ཤོག་གིས་གནས་ཚུལ་སྤེལ་དོན། ཐེངས་མང་༸གོང་ས་མཆོག་གི་སྐུ་ཚབ་དང་ལྷན་དུ་བོད་རྒྱ་འབྲེལ་མོལ་གནང་མཁན། རྒྱ་ནག་དབུས་འཐབ་ཕྱོགས་གཅིག་གྱུར་ཁང་གི་མགོ་གཙོ་གཞོན་པ་ཀྲུའུ་ཝེ་ཆོན་ལས་གནས་ནས་རྒན་ཡོལ་ལ་བཏང་ཡོད་པ་དང་། ཁོའི་ཚབ་ལ་དེ་སྔོན་བོད་ཁུལ་དུ་ཡུན་རིང་ལས་དོན་སྒྲུབ་མྱོང་བའི་ད་ལྟའི་རྒྱ་ནག་ཅང་ཞིས་ཞིང་ཆེན་གྱི་སྲིད་གྲོས་མགོ་གཙོ་(ཀྲུའུ་ཞི)ཀྲང་ཡིས་ཅཱོང་བསྐོ་བཞག་བྱས་ཡོད་པ་དང་། དེ་བཞིན། དབུས་འཐབ་ཕྱོགས་གཅིག་གྱུར་ཁང་གི་མགོ་གཙོ་གཞོན་པ་ཧུང་ཡའེ་ཅིན་ཅཱང་ཞིས་ཞིང་ཆེན་གྱི་སྲིད་གྲོས་མགོ་གཙོར་ལས་བསྒྱུར་བྱས་འདུག
ཀྲང་ཡིས་ཅཱོང་ནི་ད་ལྟ་ལོ་ ༥༧ ཡིན་པ་དང་། དེ་སྔོན་ཁོས་མཚོ་སྔོན་ཟི་ལིང་གྲོང་ཁྱེར་གྱི་དམར་ཤོག་དྲུང་ཆེ་ཡི་ལས་གནས་ཁུར་མྱོང་ཡོད་པ་མ་ཟད། ༢༠༠༦ ལོར་བོད་རང་སྐྱོང་ལྗོངས་ཀྱི་དམར་ཤོག་རྒྱུན་ལས་དྲུང་ཆེ་གཞོན་པ་དང་ཁྲིམས་སྲིད་ལྷན་ཁང་གི་དྲུང་ཆེ་བཅས་ཁུར་མྱོང་ཡོད་པ་དང་། འདི་ལོའི་ཕྱི་ཟླ་ ༢ པའི་ནང་རྒྱ་ནག་ཅཱང་ཞིས་ཞིང་ཆེན་གྱི་སྲིད་གྲོས་མགོ་གཙོར་ལས་སྤོར་བྱས་ཏེ་ཟླ་ ༤ ལས་མ་འགོར་བར། རྒྱ་གཞུང་དབུས་འཐབ་ཕྱོགས་གཅིག་གྱུར་ཁང་གི་མགོ་གཙོ་གཞོན་པར་བསྐོས་ཡོད་པ་རེད།
ཀྲུའུ་ཝེ་ཆོན་ནི་ད་ལྟ་ལོ་ ༦༥ ཡིན་པ་དང་། དེ་སྔོན་ཡུའུ་གྷོ་སི་ལ་ཝི་ཡཱ་ (Yugoslavia) ནང་རྒྱ་གཞུང་གསར་འགོད་པའི་ལས་ཀ་གཉེར་སྐབས། ཁོའི་རླངས་འཁོར་རྡབ་སྐྱོན་བྱུང་སྟེ་རྒྱ་ནག་གཞུང་ཚབ་ཀྱི་ཆུང་མ་དམར་གསོད་བཏང་བར་བརྟེན། ཡུའུ་གྷོ་སི་ལ་ཝི་ཡཱ་ཁྲིམས་ཁང་གིས་ལོ་ ༣ གྱི་བཙོན་འཇུག་ཁྲིམས་ཐག་བཅད་རྗེས། ཕྱིར་རྒྱ་ནང་དུ་ལོག་སྟེ་མི་དམངས་ཉིན་རེ་གསར་ཤོག་གི་རྩོམ་སྒྲིག་པའི་ལས་ཀ་གཉེར་ཡོད་པ་དང་། ༡༩༩༨ ལོ་ནས་བཟུང་རྒྱ་ནག་དབུས་འཐབ་ཕྱོགས་གཅིག་གྱུར་ཁང་གི་མགོ་གཙོ་གཞོན་པའི་འགན་ཁུར་བ་མ་ཟད། བོད་རྒྱ་ཞི་མོལ་སྐབས་རྒྱ་གཞུང་གི་མགྲིན་ཚབ་པ་གཙོ་བོའི་འགན་ཁྱེར་ཡོད་པ་རེད།
འདི་ལོའི་ཕྱི་ཟླ་ ༢ ཚེས་ ༡༣ ཉིན་རྒྱ་ནག་དབུས་དམར་ཤོག་སློབ་གྲྭར་སློབ་སྦྱོང་དུས་བབ་ཚགས་ཤོག་སྟེང་། ཀྲུང་ཝེ་ཆོན་གྱིས་རྒྱ་གཞུང་གི་མི་རིགས་སྲིད་ཇུས་ལ་བཅོས་བསྒྱུར་དགོས་སྐོར་གྱི་རྩོམ་ཡིག་ཅིག་སྤེལ་ཏེ། རྒྱ་ནག་གི་མི་སེར་ལག་དེབ་སྟེང་གི་མི་རིགས་ཀྱི་ཐོ་མིང་ཕྱིར་བསྡུ་དང་། མི་རིགས་རང་སྐྱོང་ལམ་ལུགས་མེད་པ་བཟོས་ཏེ། གྲངས་ཉུང་མི་རིགས་སློབ་གྲྭ་ཁག་རྒྱ་རིགས་སློབ་གྲྭ་དང་མཉམ་བསྲེས་བྱ་དགོས་པ་བརྗོད་པར་བརྟེན། རྒྱལ་སྤྱིའི་གསར་ལམ་ཁག་ཏུ་གླེང་སློང་ཤུགས་ཆེན་པོ་བྱུང་ཡོད།
ཧུང་ ཡའེ་ཅཱིན་ནི་ད་ལྟ་ལོ་ ༥༩ ཡིན་ལ། དེ་སྔོན་ཧྲང་ཧེ་གྲོང་ཁྱེར་གྱི་གུང་གཞོན་ཚོགས་པའི་དྲུང་ཆེ་དང་། ཧྲང་ཧེ་འཐབ་ཕྱོགས་གཅིག་གྱུར་ཁང་གི་མགོ་གཙོ། ༢༠༠༣ ལོ་ནས་རྒྱ་གཞུང་དབུས་འཐབ་ཕྱོགས་གཅིག་གྱུར་ཁང་གི་མགོ་གཙོ་གཞོན་པར་བསྐོས་ཡོད་ ལ། ཐེངས་འདིར་ཅཱང་ཞིས་ཞིས་ཆེན་གྱི་སྲིད་གྲོས་མགོ་གཙོར་ལས་བསྒྱུར་བྱས་འདུག
ཐེངས་འདིའི་རྒྱ་ནག་དབུས་འཐབ་ཕྱོགས་གཅིག་གྱུར་ཁང་གི་མགོ་གཙོ་གཞོན་པའི་ལས་གནས་བརྗེ་སྤོར་བྱ་སྟངས་ཏེ། རྒྱ་གཞུང་དབུས་འཐབ་ཕྱོགས་གཅིག་གྱུར་ཁང་གི་དཔོན་རིགས་བརྗེ་སྤོར་གྱི་རྒྱུན་སྲོལ་དང་མ་འདྲ་བ་ཞིག་ཆགས་ཡོད་སྟབས། གསར་འགྱུར་བརྒྱུད་ལམ་ཁག་གིས་དོ་སྣང་ཤུགས་ཆེན་པོ་བྱེད་བཞིན་ཡོད་འདུག
རྒྱ་རྒན་རེའི་སྐེ་ན་དར་དཀར་རེ། རྒྱ་དཔོན་ཚོས་བོད་་ཀྱི་རིགས་གཞུང་ལ་གདེང་འཇོག་བྱེད་རྩིས་ཡོད་པ་འདྲ།
ཨོ་རེད། ང་ཚོའི་སྐུ་ཚབ་དགོངས་ཞུ་གནང་བ་དང་རྒྱ་རྒན་འདི་གནས་དབྱུངས་བཏང་པ་གཉིས་ཀར་འབྲེལ་མེད་སྲིད་ཀྱང་དོན་དག་གཅིག་མཚུངས་ཡིན་སྲིད་དེ། སྐུ་ཚབ་གཅིག་གིས་རེ་བ་མི་འདུག་སྙམ་པ་དང་གཞན་ཞིག་གིས་ནི་ཅི་ཡང་འཇོན་གྱི་མི་འདུག་ཞེས་ནས་ཡིན་སྲིད།
རྒྱ་ནག་གི་དཔོན་རིགས་ཚོ་དང་རྒྱ་ནག་མི་དམངས་ཚང་མར་རྒྱ་ནག་གི་ཆབ་སྲིད་ལ་འགྱར་བ་གཏོང་རེ་དང་འགྲོ་རེ་ཡོད་པ་ཤིན་ཏུ་གསལ་བོ་རེད། འོན་ཀྱང་སྐྲག་ས་གཅིག་ཡོད་པ་དེ་ནང་གི་རྙོག་དྲ་རེད།་བོད་དང་ཤིན་ཅིང་། སོག་པོ་དང་ད་དུང་རྒྱ་ནག་ལྷོ་བྱང་སོགས་ནང་ཏུ་དཀའ་རྙོག་འདྲ་མིན་ལྷག་པའི་དོགས་པ་དེས་དེང་གི་དཔོན་རིགས་སུ་ཡིན་ཡང་གློ་རྡེག་པའི་འགྱུར་བ་ཞིག་གཏོང་མི་ནུས་པ་དོན་དངོས་རེད། འོན་ཀྱང་བཤད་དགོས་པ་དང་ཤེས་དགོས་པ་ནི་རྒྱ་ནག་ལ་འགྱུར་བ་སོང་བའམ། དམངས་གཙོའི་ལམ་དུ་སོང་ན་ང་ཚོ་བོད་གྱི་བདག་དབང་ཏག་གཅོད་ཅི་འདྲ་ཡོང་མིན་དང་ཚད་གཞི་གང་འདྲ་ཞིག་ཐོབ་མིན། མདོར་ན་རྒྱ་ནག་དམངས་གཙོར་གྱུར་རྗེས་ང་ཚོའི་གནད་དོན་ལ་གྲོས་བསྡུར་བྱ་དགོས་ན་ཅི་འདྲ་ཞིག་ཆགས་ས་རེད། རྒྱ་ནག་གི་སྲིད་ཇུས་ལ་འགྱུར་བ་མ་ཕྱིན་བར་དུ་བོད་དོན་ཏག་གཅོད་བྱེད་པར་རེ་བ་མེད་པ་ཡིན་ནམ།
ཨོ་ད་སྐད་ཆ་འདི་ཚོ་ཚང་མ་སྔར་ཚང་མས་བཤད་ཟིན་པ་རྣ་ལམ་དུ་བང་བང་གྲགས་བཤིན་པ་ཞིག་རེད་པ། ང་ཚོ་ཚང་མས་འདིར་བཤད་བཤད་པ་ཚང་མ་བསམ་ཚུལ་རྙིང་པ་རྙིང་སྡིག་ཅིག་ལས་བསམ་ཚུལ་གསར་པ་དང་བློ་རིག་གསར་པའི་དཔྱད་མཆན་ཞིག་ནི་སུས་བཏབ་མེད་ཅིང་འདེབས་ཀྱང་མི་ནུས་ཏེ། ཆབ་སྲིད་ལ་སློབ་སྦྱོང་མཁན་གྱི་བྱ་ཚང་འདིའི་ནང་ནས་འཚར་ལོངས་བངུ་བས་སོ།།
དེ་བས་ནང་ཁུལ་ལ་ཁྱོད་ངན་ང་བཟང་གི་ཡི་གེ་ཐར་ཐོར་རེ་བྲིས་ནས་མི་ཚེ་སྐྱེལ་རྒྱུ་རེད་དོ།།
ཀུ་རེ་ཡིན། ཚང་མས་བསམ་ཚུལ་གང་ཡོད་འདིར་སྤུངས་ཤོག དེ་ནས་རིག་པ་གསར་པ་རེ་ཟུར་དུ་ཐོན་ཡོང་ངེས།
དེ་སྔོན་༧གོང་ས་མཆོག་གི་སྐུ་ཚབ་རྣམ་གཉིས་དགོངས་ཞུ་གནང་རྗེས་ཆན་འདེབས་པ་མི་ཉུང་བ་ཞིག་གིས་ཁོང་གཉིས་ལ་ཁ་བརྡུང་ཚད་མེད་བཏང་སོང་། འོན་ཀྱང་ཆན་འདེབས་པ་སུ་ཞིག་གིས་ཀྱང་ད་རེས་རྒྱ་དམར་དེ་ཡང་ལས་གནས་ནས་སྤུད་པའམ་དགོངས་པ་ཞུས་པ་ཚོད་དཔག་ཐུབ་མེད། དེའི་རྟགས་མཚན་ནི་ང་ཚོ་ཚང་མ་གླན་པ་ལུག་ཤ་སྟག་ཡིན་སྟབས་ཚོར་བ་རྗེས་འབྲང་པ་ཙམ་ལས་རྗེས་དཔག་རང་བཞིན་གྱིས་མངོན་དཔག་བྱེད་ཐུབ་མཁན་སུ་ཡང་མེད་པ་རེད། དེ་གཅིག་ཡིན། འཐབ་ཕྱོགས་གཅིག་འགྱུར་གྱི་ལས་འགན་དེ་བོད་དོན་གཅིག་པོ་མ་རེད། དེས་གྲངས་ཉུང་མི་རིགས་ཚང་མའི་གནད་དོན་ཐག་གཅོད་བྱེད་ཀྱི་ཡོད་པ་རེད། དེས་ན་ད་རེས་རྒྱ་རྒན་དེ་དགོངས་ཞུ་བཏང་པ་དེ་ཡང་གནད་དོན་མང་པོ་དང་འབྲེལ་བ་ཡོད་ངེས་ལ་བོད་རྒྱའི་གནད་དོན་དེ་ཡང་འབྲེལ་བ་མེད་པ་མ་རེད། ཉེ་སྔོན་རྒྱ་རྒན་དེས་གྲངས་ཉུང་མི་རིགས་རྣམས་ཧན་རྒྱ་རིགས་སུ་བསྒྱུར་ཐབས་ཀྱི་རྩོམ་ཡིག་ཞིག་བྲིས་པ་དེས་རྒྱལ་སྤྱིའི་སྟེང་གླེང་སློང་མི་ཉུང་བ་ཞིག་བྱུང་བ་རེད་ལ་དེའི་ཐོག་ནས་རྒྱ་དམར་གྱིས་གྲངས་ཉུང་མི་རིགས་ལ་འཛིན་པའི་མི་མངོན་པའི་སྲིད་བྱུས་ལ་དོགས་གཞི་ཡང་མི་ཉུང་བ་ཞིག་བྱུང་པ་རེད། དེ་ཙན་དུ་མ་ཟད་བོད་རིགས་ནང་ཚུད་ཀྱི་གྲངས་ཉུང་མི་རིགས་ཁག་ལ་སེམས་ཚབ་ཀྱང་བསླངས་པ་རེད། མི་མང་པོ་ཞིག་གིས་ཁོ་པའི་རྩོམ་ཡིག་དེ་ཁོ་པ་སྒེར་གྱི་བསམ་ཚུལ་ཙམ་མིན་པར་དེ་བས་དེ་ནི་རྒྱ་ནག་གིས་མེ་མ་སྤར་གོང་ནས་དུ་བ་བཏང་པ་ཞིག་ལ་ངོས་འཛིན་བྱེད་ཀྱི་ཡོད་པ་རེད། དེས་ན་རྒྱ་དམར་གྱིས་ཁོ་པའི་རྩོམ་ཡིག་དེ་ལས་འཕྲོས་པའི་གླེང་སློང་དེ་རིགས་ལས་གཡོལ་ཆེད་དང་ཡང་ན་ཁོ་པའི་རྩོམ་དེ་རྒྱ་གཞུང་གིས་མི་རིགས་ཁག་ལ་འཛིན་པའི་ལང་ཕྱོགས་གསལ་སྟོན་བྱེད་ཀྱི་མེད་ལུགས་གསལ་སྟོན་ཆེད་རྒས་གཡོལ་ཞེས་པའི་མིང་སྙན་པོ་ཞིག་བཏགས་ནས་ཁོ་པ་གནས་དབྱུངས་བཏང་པ་ཡིན་སྲིད། དེང་གི་དུས་ཚོད་འདིར་རྒྱ་ནག་གི་ལྟ་བ་གུ་ཡངས་ཅན་གྱི་དཔོན་རིགས་ལ་མཁྲེགས་འཛིན་པ་རྣམས་ཟུར་འབུད་བྱེད་པའི་གོ་སྐབས་ཤིག་བྷོ་ཤི་ལས་ཀྱི་སྤྲད་ཡོད་པ་རེད། དེས་ན་ཁོ་ཚོས་གོ་སྐབས་དེ་དམ་འཛིན་བྱེད་ཀྱི་ཡོད་སྲིད་པ་རེད། ཁྱོད་ཚོར་བསམ་ཚུལ་ཅི་ཡོད་གསུངས་དང་།
རྒྱ་གཞུང་གི་མི་སྣ་འདི་གཉིས་ཀའི་སྐེ་དམཪ་པོ་གསོན་འབྲེག་བྱེད་དགོས་པ་ནི་གཅིག་མཚུངས་རེད། སྤྱང་ཀི་དང་འཕར་བ་ནང་བཞིན་ཤ་གཟན་གཅིག་ལས་གཅིག་ལྷག་ཡིན། བོད་ལ་རེ་བ་མེད། རྒྱ་ནག་དང་མཉམ་དུ་བོད་ལ་རེ་བ་ཡོད་རེ་སྐན།
རྒྱ་རི་དང་སྐལ་བཟང་རྒན་ཡོལ་དང་ཀྲུའུ་ཝེ་ཆོནརྒན་ཡོལ་དུས་མཉམ་ཡིན་པས། བོདམི་ཚོས་ངེས་པར་གཟབ་གཟབ་མ་བྱས་པ་ཡིན་ན། དེང་སྐབས་བོད་མི་ཚོས་རང་ལུས་མིེར་བསྲེག་གི་ལས་འགུལ་འདིར་གྲུབ་འབྲས་གང་ཡང་མེད་པ་བཟོ་མི་སྲིད་པ་མིན་པས། ངེས་པར་དུ་གཡོ་འོག་ཏུ་མ་ཚུད་པ་གནང་རོགས་ཞེས་འབོད་བསྐུལ་ཞུ་གི་ཡོད། དེང་ཕྱིན་མ་འགྱོད་པ་གནང་རྒྱུའང་བོད་མི་ཡོངས་ཀྱི་མིག་མདུན་དུ་བསྟར་ཡོད།
བོད་རེ་བས་ཕུང་། རྒྱ་དོགས་པས་ཕུང་། ཟེར་བ་ཅིས་མི་བདེན་གཅན་གཟན་སྤྱང་ཀིའི་ཚབ་ཏུ་འཕར་བ་སླེབས་པར་ཁྱད་པར་ཞིག་ཨེ་ཡོད། དགའ་བའི་སྐོར་བྲོ་དང་རང་རང་ས་ནས་དགའ་སྟོན་བྱེད་དགོས་པ་ཨེ་རེད། ཏཱིང་སྡུག་ཤི་རྒྱབས་ནས་ཅཱང་ལ་རེ་བ་ཡོད་རབས་བཤད་སོང་། དེ་ནས་ཅཱང་སྲིད་སྟེགས་ལས་བབས་དུས་ཧུའུ་འདི་བློ་རྒྱ་ཆེ་རབས་དང་བོད་ལ་རེ་བ་ཡོད་རབས་བཤད་སོང་། ད་དུང་སླེབས་ལ་ཉེ་བའི་འབྱུང་འགྱུར་གྱི་སྲིད་འཛིན་གསར་པ་དེ་༧པཎ་ཆེན་སྐུ་གོང་མ་དང་ཐུགས་འབྲེལ་ཆེ་རབས་དང་བོད་ལ་རེ་བ་ཡོད་རབས་རྐྱང་བཤད་ནས་མི་ཚེ་སྐྱེལ་བ་དང་ཅི་ཡང་མི་ལས་པར་རེ་འབོད་ཁེར་རྐྱང་ལ་བཅོལ་བའི་ལམ་ལུགས་འདི་བོད་མི་རིགས་ཀྱི་གནའ་ནས་ད་བར་ཡོད་ཡོད་པའི་གཤིས་རྒྱུད་ངོ་མ་དེ་རེད། དོན་དངོས་བྱས་ན་ཀྲུའུ་ཝེ་ཆོན་ཤི་བསྒུག་ལ་ཕྱིན་པའི་ཚབ་ཏུ་བོད་རིགས་སི་ཐར་ཁོང་སླེབས་ན་ཁོང་ག་ཚོད་སྡུག་ཀྱང་ཁོང་གི་ཁྲག་རྒྱུན་ཞུར་ས་གཏན་ནས་མི་འདྲ། ཀྲང་ཡཱི་ཅཱོང་ཁོ་པའི་གནས་རིམ་འཕར་སྟངས་ཀྱི་མྱུར་ཚད་ལ་ཅིག་བལྟོས་དང་ཀྲུང་ནན་ཧེའེ་ལ་བློ་དཀར་གཞུང་དྲང་ཅན་དང་བཀའ་གསུང་ཅི་བསྒྲུབ་ཞུ་མཁན་ཞིག་ཡིན་པ་མ་ཟད། དེ་སྔོན་བོད་ཁུལ་དུ་ལས་ཀ་བྱེད་མྱོང་ཡོད་ཙང་བོད་མི་རིགས་ལ་དྲག་སྣོན་གང་འདྲ་བྱེད་དགོས་མིན་ཆ་རྒྱུས་ཡ་རྒྱུས་ཡོད་ཙང་། ད་རེས་ཁོ་པར་གོ་སྐབས་དེ་རགས་ཙང་ཁོ་པའི་གདོང་གི་རྣམ་འགྱུར་དེས་བོད་དང་བོད་མི་རིགས་ལ་དམ་བསྒྲགས་སྔར་ལས་ལྷག་པ་དང་དྲག་སྣོན་སྔར་ལས་ལྷག་པ་ཞིག་བྱེད་རྒྱུའི་གྲ་སྒྲིག་ཨང་གསར་ཡོད་པ་མཚོན་ཐུབ།
དེས་ན་ཡུན་རིང་ཐེངས་མང་ཅོག་ཙེ་གཅིག་གི་སྟེང་གསོལ་སྟོན་ལ་རོལ་མྱོང་བའི་རྒྱ་ཡི་ཀྲུའུ་ཝེ་ཆོན་དང་བོད་ཀྱི་སྐུ་ཚབ་རྣམ་གཉིས་དུས་ཐུང་ནང་རྒྱ་དེ་རྒས་ཡོལ་ལ་བཏང་བོད་དེ་གཉིས་རྩ་དགོངས་ཞུས་བྱས་པ་དེས་མི་རྣམས་ཧང་སང་དུ་བཅུགས་པ་རེད། འོ་ན་བོད་རྒྱའི་འབྲེལ་མོལ་ལ་གྲུབ་འབྲས་མི་ཐོན་པ་དེ་ཀྲུང་ནན་ཧེ་ནས་ཀྲུའུ་ཝེ་ཆོན་གྱིས་མི་འཇོན་པ་རེད་ཟེར་ལབ་པ་རེད། ཡང་ན། བོད་ཀྱི་སྐུ་ཚབ་རྣམ་པ་གཉིས་ཀྱིས་ཁོང་རང་ཉིད་ཀྱིས་འཇོན་མ་སོང་དང་འཇོན་གྱི་མི་འདུག་ལབ་པ་རེད། དེ་ནི་ཡ་མཚན་སྐྱེ་གཞི་ཞིག་རེད་འདུག། འོན་ཀྱང་ང་ཚོར་འཐོབ་བྱའི་འབྲས་བུ་རང་སྐྱོང་ཡིན་ན་འདྲ་རང་བཙན་ཡིན་ནའང་འདྲ། གང་ལྟར་ཀྲུང་ནན་ཧེའེ་ཡི་ཏང་ཀྲུང་དབྱང་དམར་ཤོག་སྲིད་གཞུང་མགོ་རྟིང་མ་ལོག་བར་དུ་ཁག་པོ་བྱས་པ་རེད། དེས་ན་གནས་སྐབས་རིང་རེ་བའི་ཀློང་དུ་འཁྱམས་རྒྱུ་མ་གཏོག་ཐབས་ལམ་གཞན་འགགས་ཚར་བ་རེད་དོ།
༧གོང་ས་མཆོག་གི་ཡང་དག་པའི་བཞེངས་ཕྱོགས་དང། བོད་མི་མང་གི་ཁ་ཞེ་གཉིས་མེད་ཀྱི་མངོན་འདོད་ལ་འཁྱོག་བཤད་ཚད་ལས་བརྒལ་བ་བྱེད་མཁན་གྱི་ཀྲུང་ནན་ཧེའི་ཨབ་ཕྲུག་ཅིག་འདི་ལྟར་མི་ཚེ་རྫོགས་སོང་བར། བོད་མི་ཚོས་སྐྱོ་གདུང་སེམས་ལ་ཉར་བཞིན་དགའ་བའི་སྐོར་བྲོ་ཞིག་རྒྱག་ཐུབ་ག་ཚོད་ཡག་པོ་མི་འདུག རང་རང་གནས་སར་དགའ་སྟོན་བྱ་རོགས།།
ཆབ་སྲིད་ཀྱི་སྐད་ཆ་བཤད་སྟངས་བྱས་ན། ཀྲུའུ་རྒན་ཡོལ་ཕྱིན་པ་དེས་བོད་རྒྱ་འབྲེལ་མོལ་ལ་སྔར་ལས་རེ་བ་རྒྱབ་ཆོག་གི་རེད་འདོད། བཀའ་ཁྲི་བློ་བཟང་སེང་གེ་ད་རྒྱ་ནག་གི་གྲོགས་པོ་མཁས་དབང་ཚོར་བཀའ་བསྡུར་གནང་ནས་བོད་ཀྱི་ཆབ་སྲིད་ལ་དབང་བསྒྱུར་རོགས་ཨ། ད་ལྟ་བར་གྲགས་འགུལ་གེ་མ་བྱུང་མོད། ད་དུང་རེ་བ་རྒྱབ་ནས་བལྟས་བསྡད་ཡོད།
བཙན་བྱོལ་ནང་དུ་རྒྱ་ནག་གི་སྐོར་ཤེས་མཁན་ཡོད་མེད་གནད་དོན་འདིས་ཀྱང་གསལ་བཤད་ཞེ་དྲག་གནང་འདུག སེམས་སྐྱོ་བོ་ཞིག་རེད་དེ། གསར་འགོད་པས་འདི་འདྲའི་གསར་འགྱུར་བཀྲ་ཤིས་པ་ཞིག་ཁྱེར་ནས་སླེབས་པར་ཐུགས་རྗེ་ཆེ་ཞུ། འཛམ་གླིང་ཤར་ནུབ་ཀྱི་གསར་ལམ་ཁག་སྔོགས་ནས་དཀའ་ལས་བརྒྱབས་པ་དེ་ཆུང་ཆུང་མ་རེད། ཡག་བྱུང་ཞུ་རྒྱུ་ཡིན།།།།
ད་དུང་སྐེད་ལ་གོན་པའི་ཁ་བཏགས་དཀར་པོ་དེས། ཁོས་ད་བར་བོད་རིགས་གཙོས་མི་རིགས་གཞན་ལ་གཉའ་གནོན་ཁྲིམས་འགལ་ཚད་ལས་བརྒལ་བ་བྱས་པའི་ལོ་རྒྱུས་ཕྱིར་དྲན་བྱེད་དུ་བཅུགས་ཡོད་པ་ཐེ་ཚོམ་བྲལ། ཁ་བཏགས་དཀར་པོ་དེ་ལག་པ་འཆང་ཐེངས་རེར་སྔར་བྱས་ལ་འགྱོད་སེམས་ཀྱིས་ཁ་བཏགས་ལྕེབས་ཐག་ཀྱང་བྱེད་རྒྱུ་དྲན་མོད། དེ་འདྲ་མི་གནང་བར། མ་འོངས་པར་རྒྱ་ནག་གི་དཔོན་ངན་རུལ་སུངས་ཀྱི་ནག་ཉེས་ཐེར་འདོན་བྱས་ཏེ། ཀྲུའུ་རང་དང་རང་གི་ཁྱིམ་རྒྱུད་ལོ་རྒྱུས་ནས་དཀར་འདོན་བྱེད་ཨེ་ཐུབ་འབད་བརྩོན་བྱ་རོགས། བྱུང་ན། བྲོས་བྱོལ་དུ་ཕེབས་ཤོག ༧གོང་ས་མཆོག་དང་བོད་མི་མང་ལ་འགྱོད་གཤེགས་ཞུ་རུ་ཕེབས་ཤོག
ཀྲུའུ་ཡི་གདོང་པ་མཐོང་ན། གཅར་རྡུང་ཚད་ལས་བརྒལ་བ་བྱས་རྗེས་རྒན་ཡོལ་སྔ་ནུར་བཏང་བ་འདྲ་བོ་ཞིག་མི་འདུག་གམ། ད་འདིའི་རྒྱབ་ན་ལྟད་མོ་ག་ཚོད་མེད་དམ། སྔོན་ལ་ཐོན་ནས་ཀྲུང་ཧྭ་གཅིག་འགྱུར་གྱི་དར་ཆ་སྒྲེང་མཁན་འདིར་དེ་རིང་གློ་བུར་དཔོན་གནས་ཅི་གང་མེད་པར་ཆགས་པ་འདི་བོད་ཀྱི་བདེན་དོན་ནས་བཤད་ན། ལག་ཉིས་ཐལ་མོ་རྡེབ་འོས་པ་ཞིག་ཡིན་པ་རེད། ད་སྐུ་ཞབས་རྒྱ་རིའི་དགོངས་ཞུ་དེའང་ཕྱིར་འཐེན་བྱས་ན། ཨ་ལ་སྐུ་རྩེད་ཡིན། གང་ལྟར་ཡག་སོང། མི་གསོད་ལག་དམར་ཧུའུ་དང་དེའི་མེ་མདའ་ཀྲུའུ་གཉིས་སྔ་ཕྱིར་རྒས་ཡོལ་ལ་འགྲོ་བར་ཤོག རྒྱ་བོད་མི་མང་ལ་བདེ་སྐྱིད་ལྡན་པར་ཤོག གྲངས་ཉུང་མི་རིགས་ཀྱི་ལས་དོན་ཡར་རྒྱས་ཡོང་བར་ཤོག་ཅེས་ཀྲུའུ་ལ་ཁ་བཏགས་ཤིག་ཏུ་ཚབ་ཏུ་ཕུལ་ལོ།།
རེད། རྒན་ཡོལ་དང་དགོངས་ཞུ་སྔ་ཕྱིར་ཐོན་པའི་སྔོན་དུའང་སྐུ་ཚབ་ཀྱིས་སེམས་ཚབས་དགོངས་ཚུལ་ཞིག་ཨ་རིའི་སྡེ་ཚན་ཞིག་ལ་ཕུལ་བའང་སྣེ་ཁྲིད་ཅིག་ཡིན་སྲིད།
ཕྱོགས་གཞན་ཞིག་ནས་བོད་རྒྱ་ཕྱོགས་གཉིས་ཀས་ལག་པ་ཕྱིར་འཐེན་བྱས་པའང་མི་ཚང་མའི་མིག་གིས་མཐོང་སར་བྱས་པ་རེད་་་་རྣམ་འགྱུར་འདིས་ཆག་སྒོ་ཚབས་ཆེན་ཞིག་གི་འགོ་སློང་སྲིད་པ་ཞིག་མ་རེད་ཅེས་བཤད་མི་ཐུབ ་་་ཧེ་ཧེ་་་་་་ལྟོས་ཨ་་་་
གྲངས་ཉུང་མི་རིགས་ལ་རྣམས་གདུག་རྩུབ་གཏོང་མཁན་གྱི་ཧོ་ཡིས་ལག་གཡས་ཡིན་ལ། མི་ཤ་ཟ་མཁན་གྱི་གསོན་འདྲེ་ཞིག་ཀྱང་ཡིན། གསར་བ་སླེབས་པའི་གཟའ་འཁྱོག་དེ་ཡང་ཀྲོ་ལས་སྡུག་མིན་ཡག་པ་མིན་པ་ཐག་གཅོད་ཡིན། གུང་ཇག་ཕམ་པར་མ་རྒྱབ་ན་ཀྲོ་རྒན་གཡོལ་བྱས་པས་ང་ཚོ་ལ་བརྟག་རྒྱུ་ཅི་ཡང་མེད།
རེད། རྒལ་ཡོལ་དང་དགོངས་ཞུ་སྔ་ཕྱིར་ཐོན་པ་འདི་ལའང་བརྟག་རྒྱུ་ཞིག་འདུག