ཨ་རི་དང་རྒྱ་ནག་གི་ཡིག་ཐོག་དམག་འཁྲུག

ཡ་ཡ། མི་ལ་ལས་རྒྱ་དམར་འདི་སྨྲ་བརྗོད་རང་དབང་ཅན་དང་དྲང་བདེན་ཅན་ལ་བསྒྱུར་གྲབས་བྱས་འདུག་ག།
ཨ་རིས་ཁ་ཆེའིི་རྒྱལ་ཁབ་ལ་དམག་དྲངས་དགོས་པའི་རྒྱུ་མཚན་ཆ་མ་འཚལ་ཀྱང་གང་ལྟར་དཀྱིལ་ཤར་ཁ་ཆེའི་ཡུལ་གྲུ་ནང་དྲག་པོའི་སྲིད་དབང་སྒེར་འཛིན་ཅན་དང་གུ་དོག་པའི་ཁ་ཆེའི་ལྟ་གྲུབ་མཁན་མང་པོ་མེད་པར་བཟོས་པ་རེད་ལ། ལྷག་པར་དུ་བུད་མེད་དམར་གསོད་དང་ཁ་སྣ་གཅོད་དྲེག་བྱེད་སྲོལ་མང་པོ་ཞིག་མེད་པ་ཕྱིན་ཡོད་པ་རེད། སྤྱིར་སྟངས་དམག་འཁྲུག་རྒྱགས་རྒྱུ་ཟེར་བ་དེ་ཧ་ཅང་འཇིགས་སུ་རུང་བ་དང་མི་འོས་པ་ཞིག་ཡིན་པ་མ་ཟད་མི་སེར་དཀྱུས་མར་དཀའ་ངལ་མང་པོ་འཕྲད་ངེས་ཀྱང་། དེ་ནི་རང་དབང་དང་དམངས་གཙོའི་བཅོས་བསྒྱུར་བྱེད་དགོས་ན་ཡོང་སྲིད་པའི་ཆོས་ཉིད་ཞིག་རེད། མ་གཞི་ཨ་རིས་འཇིག་སྐུལ་རིང་ལུགས་པ་དམིགས་འབེན་དུ་བཟུངས་ནས་ཐལ་ཆ་ཆེ་བའི་དམག་འཁྲུག་བརྒྱབས་ཡོད་ཀྱང་དེའི་ནང་ལེགས་ཉེས་ཀྱི་ཆ་མང་པོ་ཡོད་པ་རེད། ཁ་རྒྱུན་ལ། སྟག་མོ་ཚང་འཛིང་ལྟ་བུའི་འཐབ་མོ་མ་བྱས་ན། ཞགས་པ་དོན་ཡོད་འདྲ་པོ་ག་ནས་འཐོབ། ཟེར་སྲོལ་ཡོད་པ་རེད། འོན་ཀྱང་ད་རེས་རྒྱ་ནག་གིས་དྲང་བདེན་ཡིན་མདོག་གིས་ཨ་རིར་སྐྱོན་བརྗོད་བྱས་པ་དེ། རང་སྐྱོན་རི་བོ་ཙམ་ཡང་ཁོང་དུ་སྦས། གཞན་སྐྱོན་ཟ་རུ་གང་དེ་ནམ་མཁར་འཕྱར། ཞེས་པ་ལས་མ་འདས། མ་ཟད་རྒྱ་ནག་ཨ་རིའི་གོང་དུ་འཛམ་གླིང་གཙོར་འཛིན་ལ་འདོད་མོས་ཆེན་པོ་ཡོད་པ་རེད། རེད་དེ་དམངས་གཙོ་དང་རང་དབང་འགྲོ་བ་མིའི་འཐོབ་ཐང་སོགས་གང་གི་ཆ་ནས་ཀྱང་ཆེས་རྗེས་ལུས་ཅན་ཡིན་པས་འགྲན་ཟླར་མི་འཕོད། དེས་ན་རྒྱ་ནག་ཨ་རིར་སྐྱོན་བརྗོད་བྱེད་པའི་ནུས་པ་འདང་ངེས་མི་འདུག་ལ་རང་ཉིད་ཀྱིས་ཞིམ་སྐྱག་སྦས་པ་ལྟ་བུའི་གྲངས་ཉུང་མི་རིགས་ལ་འཛིན་པའི་སྲིད་ཇུས་འོག་དམར་གསོད་དང་མནར་གཅོད་བཙོན་འཇུག། མི་ཆོས་ལས་འདས་པའི་རྡུང་རྡེག་ཚ་ནན་སོགས་འཚམས་འཇོག་བྱས་ན་མ་རེད་པས། ད་དུང་ཀྲུང་གོ་ཧྲིལ་པོ་དམངས་གཙོ་དང་འགྲོ་བ་མིའི་འཐོབ་ཐང་སྨྲ་བརྗོད་རང་དབང་སོགས་འགྲོ་བ་མིའི་ལྷན་སྐྱེས་ཀྱི་འཐོབ་ཐང་ཆ་ཚང་ལོངས་སུ་སྤྱད་བཅུགས་ན་ད་གཟོད་ཁྱོད་ཀྲུང་གོ་ཨ་རིར་སྐྱོན་བརྗོད་བྱེད་པའི་ནུས་པ་ལྡན་ཡོད། དེ་མིན་ཁྱོད་ཀྲུང་གོ་ཇུས་གཏོག་སྡུག་ཁ་བཙུམས་ཟེར་རྒྱུ་ཡིན།

རྒྱལ་ཁབ་གཉིས་ཀྱི་བར་སྐྱོན་བརྗོད་བྱེད་རེས་བྱས་པ་བཞིན་གཉིས་ཀར་བདེན་ཆ་ཡོད་ཐག་ཆོད་རེད། གང་ལྟར་ཚོང་ཁེ་ཁོ་ནའི་ཆེད་རང་གཞན་གྱི་མི་མང་ཚང་མ་སྡུག་ལ་སྦྱར་དང་སྦྱོར་བཞིན་པ་རེད། དྲང་བདེན་གྱི་སྒོ་ནས་རང་གི་མི་སེར་སྐྱོང་མཁན་ཕལ་ཆེར་མེད་ཅེས་བཤད་ཆོག

གཅན་བཟོད་རྒྱམ་འདི་རིག་པ་རྣོ་སེ་ཡོད།
ཁྱེད་ཀྱི་བསམ་ཚུལ་དེར་ང་ཡང་མོས་པ་ཡོད།
ང་ཚོས་ཨ་རི་ནི་ལྷ་ལྟ་བུ་ཞིག་ཏུ་བརྩི་བཞིན་ཡོད། ཅི་བྱས་ཐམས་ཅད་དག་པར་སྣང་མཁན་ཞིག་རེད། ང་ཚོས་ངེས་པར་དུ་བདེན་པ་ལ་བདེན་པ་ཤོད་དགོས།
ཨ་རི་ཡིས་མཚོ་ཁུག་གི་རྒྱལ་ཁབ་མང་པོ་ཞིག་ལ་དམངས་གཙོ་དང་འཇིགས་བསྐུལ་རིང་ལུགས་ཞེས་ཁ་གཡར་ནས་ཉོམ་ཆུང་ལ་ཐུབ་རྩོད་གཏོང་བཞིན་ཡོད། མ་ཟད་ཨི་རག་ལ་བྷུ་ཤུ་ཡིས་དམག་འཁྲུག་གཤོམ་དགོས་པའི་རྒྱུ་མཚན་ཨི་རག་ལ་ཆེས་འཇིགས་པའི་མི་ལྡེབ་གསོད་གཏོང་རྒྱུའི་མཚོན་ཆ་ཡོད་རབས་བཤད་ནས་རྒྱབ་པ་རེད། འོན་ཀྱང་རྗེས་སུ་མཚོན་ཆ་དེ་རིགས་གང་ཡང་མ་རྙེད་དུས། གཞི་ནས་དམངས་གཙོ་བཅོས་བསྒྱུར་བྱེད་པའི་ཆེད་དུ་ཡིན་ཅེས་བཤད་སོང། དམག་འཁྲུགས་ཀྱི་ནང་དུ་མི་སེར་དཀྱུས་མ་འབུམ་ཕྲག་མང་པོ་བསད་ཡོད། དེ་ཚོར་འཛམ་གླིང་རྒྱལ་ཁབ་དང་འགྲོ་བ་མི་ཡི་ཐོབ་སྟངས་རྩོད་མཁན་ཚོ་ཁ་བཙུམས་ནས་བསྡད་ཡོད། དེ་བཞིན་ཨབ་གྷ་ནིས་ཏན་ལ་དམག་འཁྲུག་རྒྱབ་ཡོད། དེ་ཡི་ནང་དུའང་མི་སེར་དཀྱུས་མ་འབུམ་ཕྲག་མང་པོར་བསད་ཡོད། མ་ཟད་ཁྱིམ་མཚེས་རྒྱལ་ཁབ་པ་ཀིས་ཏན་གྱི་མངའ་ཁོངས་ལ་ཆོག་མཆན་མེད་པར་མེ་ཤུགས་འཕུར་མདེལ་སོགས་འཕེན་ཏེ་ཁོང་ཚོའི་དམག་མི་དང་མི་སེར་དཀྱུས་མ་མང་པོ་བསད་ཡོད། འོན་ཀྱང་ཨ་རི་ཡིས་དེ་དག་ཐམས་ཅད་འཇིགས་བསྐུལ་རིང་ལུགས་པ་བསད་ཡོད་ཅེས་སྒྲོགས་ཀྱིན་ཡོད། ངོས་རང་ཨ་རིར་ཐེང་མང་འགྲོ་མཁན་ཞིག་ཡིན་པས། ཨ་རིའི་ཁང་སའི་ཉེ་འགྲམ་གྱི་སྒེར་གྱི་ས་ཐོག་ཏུ་ཕྱིན་ནས་ཁོང་ཚོས་ལམ་སེང་མེ་མདའ་འཁྱེར་ནས་ཡོང་གི་འདུག ངོ་མ་སྐྱི་གཡའ་ཞིང་འཇིགས་སུ་རུང་པའི་ཚོར་སྣང་དེ་འདྲ་ང་དང་ང་འདྲ་བར་མི་མང་པོར་བྱུང་འདུག ཁོང་ཚོའི་མི་སེར་ཕལ་ཆེ་བར་དེང་རབས་ཀྱི་མེ་མདའ་ཐོགས་ཡོད།
མ་ཟད་ཨི་རག་གི་བཙོན་ཁང་ནང་ལ་ཨ་རི་ཡི་དམག་གིས་བཙོན་པ་ཚོར་མི་སྤྱོད་ལས་འདས་པའི་ཐུབ་ཚོད་བཏང་བ་ཡུ་ཌུཔ་ནང་དུ་གཟིགས་དང། གཅེར་བུར་གཅིག་གི་སྟེང་དུ་གཞན་ཞིག་བཞག་པ་མཐོང་རྒྱུ་འདུག འོན་ཀྱང་ཨ་རི་ཡི་དམག་གིས་དེ་ལྟར་བྱེད་པའི་གནས་ཚུལ་བྱུང་མཚམས་ཨ་རི་ཡིས་འདི་ལྟར་བརྗོད་ཀྱིན་འདུག དམག་མི་དེ་ཡི་སེམས་ཁམས་བདེ་མོ་བྱུང་མི་འདུག ཡང་ན་དམག་མི་དེ་ཆང་རག་གིས་བཟི་འདུག་ཅེས་རྟག་ཏུ་གཡོལ་ཐབས་ཁོ་ནར་འབད་བཞིན་འདུག
ངོ་མ་འཛམ་གླིང་འདིར་ཆེ་བས་ཆུང་ཟོས་རྐྱང་རེད། ང་ཚོ་བོད་པ་ཚོར་ཨ་རི་ཡིས་རྒྱ་ནག་ལ་སྐད་ཆ་ཤོད་པ་དག་ནི་ཁོང་ཚོ་རང་གི་ཁེ་ཕན་ལས་གཞན་གང་ཡང་མེད། དོན་དམ་ངོ་མའི་དམངས་གཙོའི་ཆེད་དུ་ལས་ཀ་བྱེད་ཀྱི་ཡོད་ན། རྒྱ་ནག་གི་སྟེང་དུ་གྱིས་དང། གཞི་ནས་ང་ཚོར་ཁོང་ཚོས་རོགས་པ་བྱེད་ཀྱི་ཡོད་པར་ཤེས་ཐུབ།
དེ་མིན་ཚོང་གི་ཁེ་ཕན་ཁོ་ན་རེད།

རྒྱ་ནག་གིས་ཨ་རིར་བཤད་པ་ལས་བདེན་པ་མང་པོ་འདུག་སྙམ། ཨ་རིས་འཛམ་གླིང་གི་ཞི་དྲག་གཉིས་ཐད་ཀྱི་མི་གྲངས་པོ་ཞིག་བསད་ཡོད་པ་རེད། དམག་འཁྲུག་ཀྱང་རིམ་པ་མང་པོ་ཞིག་བརྒྱབས་པ་ཚང་མའི་མིང་ལ་༼ཞི་བདེའི་དམག་འཁྲུག་༽ཅེས་ཐ་སྙད་གསར་བ་སྙིང་རྗེ་པོ་ཞིག་བཏགས་ཡོད་པ་རེད། དོན་ལ་ཨེ་རག་གཙོས་ཁ་ཆེའི་རྒྱལ་ཁབ་མང་པོ་ཞིག་གི་མི་སེར་དཀྱིས་པ་མང་པོ་དམར་བསད་དང་སྡུག་བསྔལ་གྱི་མཚོར་བརྫངས་ཡོད་པ་བཤད་ཀྱང་ཕན་ཐོག་མེད་ཚོད་སྐྱེལ་ཡོད་པ་རེད།
ད་དུང་ཨ་རའི་མི་སེར་མང་ཆེ་བར་ཨ་རིའི་མི་ནི་འཛམ་གླིང་གི་མི་ངོ་མ་བོ་དེ་ཡིན་པ་དང་། གཞན་དག་ནི་ཁོང་ཚོས་དབང་བསྒྱུར་བྱའི་ཡུལ་ཡིན་པའི་འདུ་ཤེས་དེ་ཡོད་ཀི དེ་ནི་ཁོང་ཚོའི་སློབ་ཚན་དུའང་ཡོད་པ་རེད་ཟེར། གང་ལྟར་ང་རྒྱལ་ཆེ་ཞིང་སྒོར་མོ་ཁོ་ན་བསམ་མཁན་གྱི་མི་རིགས་རེད་འདུག་ཨང་སྙམ།