གཞན་བརྟེན་གྱི་བསམ་བློ་དོར་ཏེ་རང་ཁ་རང་གསོ་གནང་དགོས།

བོད་མིའི་སྒྲིཊ་འཛུཊ་ས་གནས་མགོ་འཛིན་ཚོཊ་ཆེན་ཐེངས་༨ པའི་སྟེང་། བཀའ་ཁྲི་མཆོག་གིས་གཞིས་ཆཊ་སྲ་བརྟན་དང་ཡར་རྒྱས་དགོས་ན་གཞན་བརྟེན་གྱི་བསམ་བློ་འདོར་དགོས་སྐོར་དང་། ད་ལོའི་སྐུའི་འཁྲུངས་སྐར་ཉིན་བོད་མི་ཚོས་ཡུལ་མིའི་མཐུན་ལམ་གཙོ་གནད་དུ་བཟུང་སྟེ་འཁྲུངས་སྐར་སྲུང་གཙི་གཟབ་རྒྱས་གནང་དགོས་པའི་འབོད་སྐུལ་ཞུས་སོང་།

བཙན་བྱོལ་བོད་མིའི་ས་གནས་མགོ་འཛིན་ཚོགས་ཆེན་ཐེངས་ ༨ པ་དེ། དབུས་བོད་མིའི་སྒྲིག་འཛུགས་ནང་སྲིད་ལས་ཁུངས་ཀྱི་གོ་སྒྲིག་འོག དེ་རིང་ཕྱི་ཚེས་ ༡༤ ནས་ ༡༧ ཉིན་བར་གངས་སྐྱིད་སྤྱི་ཐབ་ཚོགས་ཁང་དུ་མགོ་འཛུགས་གནང་ཡོད་ཅིང་། མཛད་སྒོའི་སྐུ་མགྲོན་དུ་བོད་མིའི་སྒྲིག་འཛུགས་ཀྱི་བཀའ་བློན་ཁྲི་པ་བློ་བཟང་སེང་གེ་མཆོག་གིས་གཙོས་ཕྱག་རོཊ་བཀའ་བློན་རྣམ་པ་དང་ལྷན་ཁང་ཁག་གི་དྲུང་ཆེ་རྣམ་པ། དེ་བཞིན་རྒྱ་བལ་འབྲུག་གསུམ་ནས་ས་གནས་མགོ་འཛིན་ ༤༡ ཙམ་ཆེད་བཅར་གནང་ཡོད།

མཛད་སྒོའི་ཐོག་མར་བོད་མིའི་སྒྲིག་འཛུགས་ནང་སྲིད་དྲུང་ཆེ་འཁོར་ལྷ་ཚང་བསོད་ནམས་སྟོབས་རྒྱལ་ལགས་ཀྱིས། བཙན་བྱོལ་བོད་མིའི་གཞིས་ཆགས་ཁག་གི་འཆར་འགོད་ལས་གཞི་ཉམས་ཆག་ཏུ་ཕྱིན་ཡོད་པ་དང་། གཞིས་ཆགས་ཁག་ཏུ་སྡོད་མཁན་ཚོས་སོ་སོའི་ས་ཆར་བདག་པོ་རྒྱག་དགོས་པའི་གལ་གནད་སྐོར་ངོ་སྤྲོད་དང་འབྲེལ། བལ་ཡུལ་ཇཱོ་ལཱ་ཀེམ་གཞིས་ཆཊ་དང་སྤོན་ཊ་གཞིས་ཆགས་བཅས་ཀྱི་ས་ཆའི་བདག་དབང་གི་དཀའ་ངལ་དང་། མ་འོངས་པར་བོད་མི་ཚོ་བཙན་བྱོལ་དུ་ད་དུང་མི་ལོ་ ༥༠ སྡོད་དགོས་ཀྱང་། གཞིས་ཆགས་ཁག་སྲ་བརྟན་དུ་བཏང་སྟེ་བོད་མིའི་ངོ་བོ་མ་བརླག་པ་ཞིག་གནང་ཐུབ་དགོས་པའི་འབོད་སྐུལ་བཅས་ཞུས་སོང་།

ཐེངས་འདིའི་ཚོཊ་ཆེན་སྟེང་གྲོས་གཞི་དོན་ཚན་ ༡༢ སྟེང་གྲོས་བསྡུར་གྱིས་ཉིན་མཐའ་མར་གྲོས་ཆོད་འཇོག་རྒྱུ་དང་། གྲོས་གཞི་ཁག་ནི་ཚོཊ་ཆེན་ཐེངས་  ༧པའི་གྲོས་ཆོད་ལ་བསྐྱར་ཞིབ། བཀའ་ཤག་སྐབས་ ༡༤ པའི་གཞི་རིམ་ལྟ་གྲུབ་གསུམ་གཞི་རྩར་བཞག་སྟེ། གཞིས་ཆཊ་དང་སྤྱི་ཚོཊ་སྒྲིག་འཛུཊ་སྲ་བརྟན། གཞིས་ཆཊ་སོ་ནམ་ལས་གཞི་རྒྱུན་འཁྱོངས་དང་རྒྱ་སྐྱེད། ལག་ཤེས་བཟོ་གྲྭ་སྒོ་བརྒྱབ་པའམ་བོཊ་མར་གཏོང་བའི་དཀའ་ངལ། ཁ་ཐོར་གཞིས་ཆཊ་ཁག་ལ་མངའ་སྡེ་ནས་རོཊ་དངུལ་ལེན་སྟངས། ས་ཆའི་བདག་དབང་ཡིག་ཆ་ཁྲིམས་མཐུན་བཟོ་ཕྱོཊ། ས་ཁང་བདག་དབང་གི་སྒྲིག་གཞི་བསྐྱར་བཅོས་དང་། གསར་འབྱོར་བ་དང་མཐུན་རྐྱེན་མེད་མཁན་གྱི་དཀའ་ངལ་སེལ་ཐབས། ས་གནས་མགོ་འཛིན་ཚོས་སྔོན་རྩིས་འཆར་འབུལ་གནང་སྒོ་གཏན་འབེབས་དུས་བཀག་ནང་ཚུན་འབུལ་རྒྱུ་དང་། རྩིས་ཁང་གིས་ས་གནས་ལ་སྔོན་རྩིས་དང་འབྲེལ་བའི་དོཊ་འདྲི་ཁག་ལ་དུས་ཐོག་ལན་འདེབས་གནང་རྒྱུ་སོགས་ཡིན་འདུག

མཛད་སྒོའི་སྟེང་བོད་མིའི་སྒྲིག་འཛུགས་ཀྱི་བཀའ་ཁྲི་བློ་བཟང་སེང་གེ་མཆོག་གིས། བཀའ་ཤག་སྐབས་བཅུ་བཞི་པའི་ངོས་ནས་བཙན་བྱོལ་བོད་མིའི་གཞིས་ཆཊ་ཁག་ཏུ། གཞི་རིམ་ལྟ་གྲུབ་གསུམ་ཡོད་པ་ལས་རང་ཁ་རང་གསོ་དེ་ཧ་ཅང་གལ་ཆེན་དུ་བརྩི་བཞིན་ཡོད་ཀྱང་། གཞིས་ཆཊ་ཁག་ཏུ་གཞིས་མི་ཚོར་རང་ཁ་རང་གསོའི་བསམ་བློ་མེད་པ་དང་གཞན་བརྟེན་བསམ་བློ་ཤུཊ་ཆེན་ཡོད་སྟབས། རང་ཉིད་ཀྱི་འཇོན་ཐང་དང་ནུས་པ་སྟོན་རྒྱུའི་བསམ་བློ་བོར་བརླག་ཏུ་ཕྱིན་སྐོར་དང་། སྔོན་ཆད་ཨ་ཧྥི་རི་ཁར་རང་བཙན་རག་ཀྱང་གཞན་རྟེན་བསམ་བློའི་ཤུགས་རྐྱེན་འོག རྒྱལ་ཁབ་དེ་ཡུན་རིང་ཞིག་ལ་ཡར་རྒྱས་ཕྱིན་མེད་ཚུལ་གསུངས་སོང་།

བཀའ་ཁྲི་མཆོག་གཞིས་ཆཊ་ཁག་ཏུ་འཚམས་གཟིགས་སུ་སྐྱོད་སྐབས། བོད་མི་རྒན་པ་ཁ་ཤས་ཀྱིས་གཞིས་ཆགས་དེའི་མི་ཉམ་ཆུང་ཡིན་ཚུལ་དང་འཚོ་བའི་གནས་སྟངས་སྐྱོ་བོ་ཡིན་པ། ཡུལ་མཐའ་འཁོབ་ཏུ་གནས་སྡོད་བྱས་ཡོད་སྐོར་བརྗོད་ཡོད་ཀྱང་། གཞིས་ཆཊ་གྲོང་པ་ཁག་ནང་རྒྱ་གར་ཡུལ་མི་གཡོག་པོར་ཉར་མཁན་དང་། གཞིས་ཆགས་ཀྱི་བྱིས་པ་ཚོར་སོ་སོ་སྐྱོ་བོ་དང་ནུས་མེད་ཡིན་ཚུལ་གྱི་གནོན་ཤུགས་སྤྲོད་བཞིན་ཡོད་སྐོར། ད་ཆར་གཞིས་ཆཊ་ཁག་ནས་ཡོང་བའི་སློབ་ཕྲུག་ཚོར་བོད་ནས་ཕེབས་པའི་གསར་འབྱོར་སློབ་ཕྲུག་དང་། ལས་བྱེད་བྱིས་པ་ལྟ་བུའི་སྙིང་སྟོབས་དང་སློིབ་སྦྱོང་གི་གྲུབ་འབྲས་ཡག་པོ་མེད་སྐོར་ནན་བརྗོད་གནང་སྟེ། “མ་འོངས་པར་གཞིས་ཆགས་ཡར་རྒྱས་དང་སྒྲིག་འཛུགས་ཚཊ་ཚུད་དགོས་ན། གཞིས་ཆཊ་ཁག་ནས་གཞན་བརྟེན་གྱི་བསམ་བློ་དོར་ཏེ་རང་ཁ་རང་གསོའི་ལམ་དུ་འགྲོ་དགོས ” ཞེས་གསུངས་བྱུང་།

མཇུག་ཏུ་བཀའ་ཁྲི་མཆོག་གིས་མུ་མཐུད་དུ་ད་ལོར་༸གོང་ས་མཆོག་གིས་བོད་མིའི་ཆབ་སྲིད་འགན་དབང་མང་ཚོགས་ཀྱིས་བདམས་པའི་མགོ་ཁྲིད་ཚོར་རྩིས་སྤྲོད་གནང་བ་དང་། ཊེམ་པེལ་ཊེམ་གཟེངས་རྟགས་བཞེས་པ་བཅས་ལ་བརྟེན། ད་ལོའི་སྐུའི་འཁྲུངས་སྐར་ཉིན་འཛམ་གླིང་གང་སར་གནས་སྡོད་བོད་མི་ཚོས། གནས་ཡུལ་རྒྱལ་ཁབ་ཁག་གི་ཡུལ་མིར་མཐུན་ལམ་གནང་རྒྱུར་གཙོ་གནད་དུ་བཟུང་སྟེ། སྐུའི་འཁྲུངས་སྐར་གཟབ་རྒྱས་ཤིག་གནང་དགོས་པའི་འབོད་སྐུལ་དང་། དམིགས་བསལ་སྐུ་ཚབ་རྣམ་གཉིས་དགོངས་ཞུ་གནང་བའི་རྒྱབ་ལྗོངས་ཀྱང་གསལ་བཤད་གནང་སོང་།

བོད་མིའི་སྒྲིག་འཛུཊ་ནང་སྲིད་བཀའ་བློན་རྒྱ་རི་སྒྲོལ་མ་མཆོག་གིས་བོད་མི་ཚོ་ཐོག་མར་བཙན་བྱོལ་དུ་འབྱོར་སྐབས། རྒྱ་གར་གཞུང་གིས་བོད་མིར་གཞིས་ཆཊ་ཁག་བགོས་ཀྱིས་ས་ཞིང་བགོ་འགྲེམས་གནང་སྟངས་དང་། ད་ཆར་གཞིས་ཆགས་ཁག་ཏུ་ཞིང་ཁ་བེད་མེད་དུ་བསྐྱུར་ཏེ་ཡུལ་མིའི་ལག་ཏུ་ཤོར་བ། བོད་མིའི་ས་ཁང་ཁྲིམས་མཐུན་བཟོ་བ་དང་ས་ཁང་ཉོ་བར་ལམ་སྟོན། ཉམ་ཐག་དང་། འབྲུག་དང་བལ་ཡུལ་བོད་མིར་རོགས་རམ་གནང་ཕྱོགས་སྐོར་གཏམ་བཤད་གནང་སོང་།

གཞན་ཡང་། ཕྱི་དྲིལ་བཀའ་བློན་བདེ་སྐྱི་ཆོས་དབྱིངས་མཆོག་གིས་ཕྱི་དྲིལ་ལས་ཁུངས་ཀྱིས་༸གོང་ས་མཆོག་གི་ཆིབས་བསྒྱུར་བདེ་འཇགས་ལ་འགན་འཁུར་ཕྱོགས་དང་། རྒྱལ་སྤྱིའི་སྲིད་གཞུང་ཁག་དང་གྲོས་ཚོགས།གཞུང་འབྲེལ་མིན་པའི་ཚོགས་པ།བོད་དོན་རྒྱབ་སྐྱོར་ཚོཊ་པ་དང་གསར་འགོད་པ། ཕྱི་རྒྱལ་བོད་རིཊ་ཚོཊ་པ་དང་མང་ཚོགས་ལ་འབྲེལ་བ་གནང་ཕྱོགས་ཐོག་གཏམ་བཤད་དང་། འཕྲོད་བསྟེན་བཀའ་བློན་ཚེ་རིང་དབང་ཕྱུག་མཆོག་གིས། འཕྲོད་བསྟེན་ལས་ཁུངས་ཀྱི་ཐོག་མའི་བྱུང་རིམ་དང་བར་དུ་ཡར་རྒྱས་ཇི་ལྟར་ཕྱིན་ཚུལ། ད་ཆར་རྒྱ་བལ་འབྲུག་གསུམ་དུ་སྨན་ཁང་ཁག་ ༥༤ ནང་། བཙན་བྱོལ་བོད་མི་ཚོར་གཉན་ནད་རེག་དུག་དང་གློ་ནད་ཊི་བྷེ། མཱ་ལེ་རི་ཡཱ། མཆིན་པའི་གཉན་ཚད། མཛེ་ནད་སོགས་སྨན་བཅོས་མཐུན་འགྱུར་གནང་བཞིན་ཡོད་སྐོར་དང་། བལ་ཡུལ་དུ་ཡོད་པའི་སྨན་ཁང་ཁག་ལ་ཆབ་སྲིད་དཀའ་ངལ་གྱིས་རྐྱེན་པས་ཐད་ལར་ལྟ་རྟོག་གནང་ཐུབ་མེད་ཚུལ་གསུངས་བྱུང་།

གསར་འགོད་པ། དཔལ་ལྡན།