ས་གནས་མགོ་འཛིན་གྱི་གྲོས་ཆོད།

ས་གནས་མགོ་འཛིན་ཚོགས་ཆེན་ཐེངས་བརྒྱད་པའི་མཇུག་སྡོམ་སྟེང་། གྲོས་གཞི་དོན་ཚན་ ༡༠ སྤྱི་མོས་གྲོས་ཆོད་འཇོག་ཐུབ་ཡོད་པ་མ་ཟད། སྐབས་དེར་ཟུར་རྒྱན་གྲོས་ཆོད་ཁག་ཅིག་ཀྱང་བཞག་འདུག

བཙན་བྱོལ་བོད་མིའི་ས་གནས་མགོ་འཛིན་གྱི་ལོ་འཁོར་ཚོགས་ཆེན་ཐེངས་ ༨ པ་དེ། ཟླ་འདིའི་ཕྱི་ཚེས་ ༡༤ ནས་ ༡༦ ཉིན་བར་ངྷ་ས་གངས་སྐྱིད་སྤྱི་ཐབ་ཚོགས་ཁང་དུ་ཚོགས་ཡོད་ཅིང་། ཚོགས་འདུའི་ཉིན་མཐའ་མ་སྟེ་ཕྱི་ཚེས་ ༡༦ ཉིན་གྱི་ཚོཊ་ཆེན་ཐོག་གྲོས་གཞི་དོན་ཚན་ ༡༠ ལ་སྤྱི་མོས་གྲོས་ཆོད་འཇོག་ཐུབ་ཡོད་པ་མ་ཟད། སྐབས་དེར་ཟུར་རྒྱན་གྱི་གྲོས་ཆོད་ཁག་ཅིག་ཀྱང་བཞག་ཡོད་འདུག

ཐེངས་འདིའི་གལ་ཆེའི་གྲོས་ཆོད་ཁག་ནི། གཅིག གཞིས་ཆཊ་སྲ་བརྟན་ཡོང་ཆེད་ས་གནས་མགོ་འཛིན་རྣམས་མང་ཚོགས་ཀྱིས་ཐར་ཀར་འོས་འདེམས་བྱ་རྒྱུ། བལ་ཡུལ་དུ་ལས་བྱེད་བསྐོ་བཞག་གནང་རྒྱུར་ཆབ་སྲིད་གནས་སྟངས་འོག་ཡིག་ཆ་ཚད་ལྡན་མེད་པའི་དཀའ་ངལ་གྱིས་ད་ཆར་འཕྲལ་སེལ་དང༌ཉིན་གླའི་ངོ་བོར་མ་གཏོགས། དབུས་ནས་སྲི་ཞུ་བ་བསྐོ་བཞག་ཐུབ་མེད་ཀྱང་ངེས་པར་གཏོང་ཐབས་གནང་རྒྱུ། གཉིས། གཞིས་ཆཊ་ཁག་གི་ས་ཁང་བདག་དབང་ཁྲིམས་མཐུན་ཡོང་ཆེད་ཁོངས་སོ་སོས་ (RTC)ཐོབ་ཐབས་བྱ་རྒྱུ། གསུམ་པ། གཞིས་ཆཊ་ནང་སྤྱི་ལམ་དང་ཆུ་གློག་ (Infrastructure)གི་དགོས་ངེས་མཐུན་རྐྱེན་སྦྱོར་རྒྱུ། བཞི་བ། གཞོན་སྐྱེས་ཚོ་གཞིས་ཆཊ་ནང་འཚོ་གནས་ཐུབ་ཆེད་གཞོན་སྐྱེས་ཚོར་དམིཊ་ཏེ།(Call Centre/Gymnasium) གསར་སྐྲུན་དང༌། གང་ཐུབ་ཀྱིས་མ་དངུལ་བུན་གཏོང་བྱ་རྒྱུ། ལྔ། གཞིས་ཆཊ་ཁག་ཏུ་རྒད་ཁོག་ཚོས་ཞིང་ཁ་རྨོ་མི་ཐུབ་པ་དང་། གཞོན་སྐྱེས་ཚོས་ཞིང་ལས་ཐོག་དོ་སྣང་བྱེད་ཀྱི་མེད་སྟབས། སྟོང་པར་ལུས་པའི་ས་ཞིང་དག་བེད་སྤྱོད་ཡག་པོ་གཏོང་རྒྱུ།

དྲུག་པ། གཞིས་ཆཊ་ཁག་ནས་བོད་མི་སྐོར་ཞིག་ལོ་ལྟར་ཨེ་ཛི་རལ་དུ་སོ་ནམ་སྦྱོང་བརྡར་ལ་གཏོང་བཞིན་པ་ལྟར། མ་འོངས་པར་ཕྱིའི་རྒྱལ་ཁབ་གཞན་ལའང་ཐབས་ཤེས་བྱ་རྒྱུ། བདུན་པ། བལ་ཡུལ་དང་སྒང་ཏོག་ལ་སློབ་གྲྭ་ཚད་ལྡན་མེད་སྟབས། བོད་ཕྲུག་ཚོའི་སྐད་ཡིག་དང་ཆོས་དང་རིག་གཞུང་གི་ཤེས་ཚད་སྐྱོ་བོ་ཆགས་བཞིན་པར་བརྟེན། སྒང་ཏོག་ཏུ་བོད་མིའི་སློབ་གྲྭ་ཞིག་གསར་རྒྱག་དགོས་པའི་རེ་འདུན་ཞུས་པ་ལྟར། ས་གནས་མགོ་འཛིན་གྱིས་ཤེས་རིག་ལས་ཁུངས་སུ་འཆར་འབུལ་ཞུས་ཏེ་ངོ་བཤུས་ནང་སྲིད་ལས་ཁུངས་ལ་འབུལ་རྒྱུ། བལ་ཡུལ་ནས་བོད་ཕྲུག་རྣམས་བོད་ཁྱིམ་གཉིས་ནང་དམིཊ་བསལ་སློབ་འཇུག་ཡོང་བར་ས་གནས་མགོ་འཛིན་གྱིས་རོགས་རམ་བྱ་རྒྱུ། བརྒྱད། བོད་མིའི་སྒྲིག་འཛུཊ་མཛད་གཙོ་རྣམས་གཞིས་ཆཊ་ཁག་ཏུ་ཕྱོགས་སྐྱོད་སྐབས། ན་གཞོན་ལས་མེད་ཚོ་ཟུར་དུ་བསྡུ་སྐོང་གིས་གོ་བསྐོན་སློབ་གསོ་དང༌། ཁོང་ཚོའི་མངོན་འདོད་གང་ཡིན་རྒྱུས་ལོན་གནང་སྟེ་སྐབས་བསྟུན་གྱི་རམ་འདེགས་བྱ་རྒྱུ། དགུ་བ།  དབུས་ས་གཉིས་ཀྱིས་རྒྱུན་དུ་མང་ཚོཊ་ལ་གཞིས་ཆཊ་སྲ་བརྟན་གྱི་གལ་གནད་སྐོར་གོ་རྟོགས་སྤེལ་རྒྱུ། བཅུ་བ། རྒྱ་གར་ནང་རྗེས་འབྱོར་བོད་རིཊ་དང་གཞིས་སྐལ་མ་ཐོབ་པའི་རིཊ་ལ་གཞིས་ཆཊ་གསར་སྐྲུན་གནང་རྒྱུའི་ལས་འཆར་ཐོག་དམིཊ་བསལ་ཐུགས་འཁུར་གནང་རྒྱུ་བཅས་ཡིན་འདུག

གསར་འགོད་པ། དཔལ་ལྡན།