གཟའ་ལྷག་པའི་ཉིན་དབྱིན་ཡུལ་རྒྱལ་ས་ལོན་ཌོན་དུ། ༸གོང་ས་མཆོག་དང་དབྱིན་ཇིའི་རྒྱལ་སྲས་སྔོན་མ་ཆཱར་ལའེ་སི་རྣམ་གཉིས་མཇལ་འཕྲད་གནང་འདུག
ཟླ་འདིའི་ཕྱི་ཚེས་ ༢༠ ཉིན་དབྱིན་ཇིའི་རྒྱལ་སྲས་སྔོན་མ་ཆཱར་ལའེ་སི་(Prince Charles)ལགས་ཀྱིས་ཁོང་གི་སྐུ་ལྕམ་ཁའེ་མའེ་ལོན་ (Camilla) ལྷན་དུ། དབྱིན་ཡུལ་རྒྱལ་ས་ལོན་ཌོན་གྱི་ཁི་ལའེ་རན་སི་རྒྱལ་ཁང་ནང་༸གོང་ས་མཆོག་དང་མཇལ་འཕྲད་ཞུས་ཡོད་པ་དང་། མཇལ་འཕྲད་སྐབས་རྒྱལ་སྲས་མཆོག་གིས་ཕྱག་གཉིས་ཐལ་མོ་སྦྱར་ཏེ་གུས་ཞབས་ཆེན་པའི་ཕེབས་བསུ་ཞུས་ཡོད་པ་མ་ཟད། དུས་ཡུན་ཆུ་ཚོད་གཅིག་རིང་ཕན་ཚུན་བཀའ་མོལ་གསུང་གླེང་མཛད་ཡོད་འདུག
མཇལ་འཕྲད་གྲུབ་རྗེས་༸གོང་ས་མཆོག་དང་རྒྱལ་སྲས་རྣམ་གཉིས་ལྷན་དུ་མེ་ཏོག་ལྡུམ་རའི་ནང་ཕེབས་ཡོད་པ་དང་། སྐབས་དེར་༸གོང་ས་མཆོག་གིས་གསར་ལམ་ཁག་ཏུ། “ངོས་རང་ཐོག་དང་པོར་ཁོང་དང་ཐུག་འཕྲད་སྐབས། ཁོང་ཉིད་ནི་བྱམས་སྙིང་རྗེ་ལྡན་པ་དང་། ཤེས་སྤྱོད་གཉིས་འཛོམས་ཀྱི་མི་ཕུལ་ཏུ་བྱུང་བ་ཞིག་ཡིན་པའི་སེམས་ཚོར་བྱུང་།”ཅེས་གསུངས་ཏེ། རྒྱལ་སྲས་མཆོག་གིས་ཁོར་ཡུག་སྲུང་སྐྱོབ་ཀྱི་ལས་དོན་ཐད་མུ་མཐུད་འབད་བརྩོན་གནང་བཞིན་པར་བསྔགས་བརྗོད་གནང་འདུག
ཐེངས་འདིའི་མཇལ་འཕྲད་ནི་འདས་པའི་ལོ་བཞི་ནང་༸གོང་ས་མཆོག་དང་རྒྱལ་སྲས་ཆཱར་ལའེ་སི་རྣམ་གཉིས་མཇལ་འཕྲད་གནང་བ་ཐོག་མ་དེ་ཆགས་ཡོད་པ་རེད།
![FILE - Venezuelan opposition leader Maria Corina Machado gestures at a protest ahead of the Friday inauguration of President Nicolas Maduro for his third term, in Caracas, Venezuela January 9, 2025. [File photo: Reuters/Maxwell Briceno]](https://tibettimes.net/wp-content/uploads/2025/10/Maria-Corina-Machado--360x180.jpg)
![Hungary's Laszlo Krasznahorkai poses for photographers in London [File: Matt Dunham/AP]](https://tibettimes.net/wp-content/uploads/2025/10/Screenshot-2025-10-10-at-2.23.17-PM-360x180.png)
ཁྱེད་མེད་ན་ང་ཚོ་ཡུལ་གྱར་བ་རྣམས༌༌༌༌༌༌༌༌༌
ཁྱེད་ཀྱི་ཞབས་བཅགས་རེ་རེས།།
ང་ཚོའི་འགྲོ་ལམ་ཡངས་སོང་།།
ཁྱེད་ཀྱི་མཇལ་འཕྲད་རེ་རེས།།
ང་ཚོའི་མདུན་ལམ་བརྟན་སོང་།
ཁྱེད་ཀྱི་ཞལ་འཛུམ་རེ་རེས།།
ང་ཚོའི་དཀའ་སྡུག་བསལ་སོང་།།
ཁྱེད་ཀྱི་གསུང་ཚིག་རེ་རེས།།
གོ་ལ་བདེ་རུ་བཀོད་སོང་།།
ཁྱེད་ལ་རྟག་ཏུ་གུས་བཏུད་དོ།། སྐུ་ཚེ་བསྲིངས་ཤིང་མཛད་འཕྲིན་རྒྱས་འགྱུར་ཅིག