ཟླ་འདིའི་ཕྱི་ཚེས་ ༢༤ ཉིན་གྱི་ཕྱི་དྲོའི་ཆུ་ཚོད་ ༤ བ་ཡས་མས་སུ་འབྲུག་རྒྱལ་ཁབ་ཀྱི་ལོ་ ༤༠༠ ལྷག་གི་ལོ་རྒྱུས་ལྡན་པའི་དབང་འདུས་ཕོ་བྲང་ཞེས་པར་མེ་སྐྱོན་བྱུང་ཡོད་པ་དང་། དུས་ཡུན་ཆུ་ཚོད་ ༥ རིང་གི་མེ་སྐྱོན་ཁྲོད་མི་གཉིས་ལ་རྨས་སྐྱོན་ཚབས་ཆེན་བྱུང་ཡོད་པ་མ་ཟད། ཕོ་བྲང་ནང་གི་རྩ་ཆེ་བའི་ལོ་རྒྱུས་ཀྱི་ཤུལ་རྫས་མང་པོ་འཕྲོ་བརླག་ཏུ་ཕྱིན་པ་དང་། རྫོང་གི་ལས་ཁུངས་མང་པོ་ཞིག་ལ་གཏོར་སྐྱོན་ཚབས་ཆེན་བྱུང་ཡོད་འདུག
ཉེ་ལམ་མེ་སྐྱོན་དེ་རྫོང་གི་ལས་ཁུངས་ཞིག་ནས་རིམ་གྱིས་མཆེད་པ་ཞིག་ཡིན་པ་ཙམ་ལས་མེ་སྐྱོན་གྱི་བྱུང་རྐྱེན་གསལ་བོ་ཤེས་ཀྱི་མེད་ཀྱང་། གནས་ཚུལ་བྱུང་རྗེས་འབྲུག་རྒྱལ་བོ་དང་ནང་སྲིད་བློན་ཆེན་སོགས་ས་གནས་སུ་གཟིགས་སྐོར་དུ་ཕེབས་ཏེ། ཐེངས་འདིའི་མེ་སྐྱོན་དེ་ནི་འབྲུག་རྒྱལ་ཁབ་དང་མི་དམངས་ཀྱི་ གྱོང་གུན་ཆེ་ཤོས་ཡིན་པར་འགྲེལ་བརྗོད་བྱས་ཡོད་འདུག
དབང་འདུས་ཕོ་བྲང་ནི། སྤྱི་ལོ་ ༡༦༣༨ ལོར་བོད་ཀྱི་བླ་མ་ཞབས་དྲུང་ངག་དབང་རྣམ་རྒྱལ་གྱིས་འབྲུག་ཡུལ་དབང་བསྒྱུར་བྱེད་པའི་སྐབས་སུ་གསར་བཞེངས་གནང་བ་ཞིག་དང་། འབྲུག་ཡུལ་གྱི་རྫོང་ཁག་རྙིང་ཤོས་གསུམ་པ་དེ་ཆགས་ཡོད་འདུག
ཕྱི་ཚེས་ ༢༡ ཉིན་རྒྱ་ནག་གི་སྲིད་བློན་ཝུན་ཅཱ་པའོ་དང་འབྲུག་རྒྱལ་ཁབ་ཀྱི་བློན་ཆེན་འཇིགས་མེད་འཕྲིན་ལས་གཉིས་སྦེལ་ཇམ་གྱི་རྒྱལ་ས་སྦེལ་སིལ་དུ་ཐུག་འཕྲད་ཀྱིས། རྒྱལ་ཁབ་གཉིས་ཀྱི་ས་མཚམས་དང་བདེ་འཇགས་སྐོར་ལ་གྲོས་མོལ་བྱས་ཡོད་འདུག་ལ། རྒྱ་ནག་གཞུང་འབྲེལ་དྲ་བའི་སྟེང་སྐབས་དེར་འབྲུག་གི་བློན་ཆེན་གྱིས་རྒྱ་ནག་གཅིག་གི་སྲིད་ཇུས་ལ་རྒྱབ་སྐྱོར་བྱས་ཡོད་པའི་གནས་ཚུལ་སྤེལ་འདུག ཐེངས་འདི་ནི་རྒྱ་ནག་དང་འབྲུག་གི་ཆེས་མཐོའི་དཔོན་རིགས་ཐུག་འཕྲད་བྱས་པ་ཐོག་མ་དེ་ཆགས་ཡོད་འདུག
གསར་འགོད་པ། དོན་གོ
རྒྱ་མིའི་ཀུབ་ལྡེག་འབྲུག་སྐྱག་ཟས་དམར་མོ་མེའི་འཇོམ་དུས་སྙིང་ཚིམས
གཅིག་ནས་འདི་ཡང་འཛམ་གླིང་གི་ཤུལ་ནོར་ལ་གྱོང་གུད་ཚབ་ཆེན་ཞིག་རེད།
གཉིས་ནས་ངེས་པར་དུ་མེ་སྐྱོན་བྱུང་བའི་རྒྱུ་རྐྱེན་ལ་བརྟགས་དཔྱད་ནན་པོ་བྱེད་དགོས་པར་འདོད།
སྤྱི་ཚེས་ ༢༡ ཉིན་འབྲུག་གི་བློན་ཆེན་འཇིགས་མེད་དང་རྒྱ་ནག་གི་སྲིད་བློན་ཧུན་ཇའོ་པའོ་གཉིས་ཐུག་འཕྲད་བྱས་རྗེས་འབྲུག་གི་ཕོ་བྲང་རྙིང་པར་མེ་སྐྱོན་ཚབས་ཆེན་ཤོར་བ་དེ་ནི་བཀྲ་མི་ཤིས་པའི་སྔ་བལྟས་གཅིག་ཡིན།
བོད་ཀྱི་གནའ་རབས་གཏམ་དཔེ་ལས་་་་་ནང་དུ་མེ་ཤོར་ན་་་ནང་དུ་རྒུད་ཤོར་་་་ཟེར་བའི་ངན་ལྟས་བཤད་སྲོལ་འདུག
དེ་ནི་གུང་ཁྲན་ཏང་གིས་ད་ཆ་རྒྱ་ནག་གི་གནའ་སྔ་མོའི་འབྲུག་གི་བྲིས་པའི་རི་མོ་དང་། འབྲུག་གི་རིག་གཞུང་སོགས་ཚང་མ་རྒྱ་ནག་ཆ་ཤས་ཤིག་ཡིན་པ་དེ་གསལ་བཤད་བྱ་རྒྱུའི་གོ་སྐབས་ཤིག་ཤར་བ་རེད།
འབྲུག་གི་བློན་ཆེན་གྱིས་ཀྲུང་གོ་གཅིག་གི་སྲིད་ཇུས་ལ་ཁས་ལེན་བྱས་ཚེ་བོད་དང་། ལ་དྭགས། མོན་རྟ་དབང་། ཨ་རུན་ཅལ་མངའ་ཁུལ། འབྲུག་བཅས་ཚང་མ་རྒྱ་ནག་གི་ཆ་ཤས་ཤིག་ཡིན་པ་ཁས་ལེན་བྱས་ཡོད།
ད་ཆ་ང་ཚོ་བོད་རིགས་ཚོས་ཀྱང་རྒྱ་ནག་གཅིག་གི་སྲིད་ཇུས་ལ་ཁས་ལེན་ངེས་པར་དུ་བྱེད་དགོས། གང་ཡིན་ཟེར་ན་ཚང་མས་ཀྲུང་གོ་གཅིག་གིས་སྲིད་ཇུས་ལ་བརྒྱབ་སྐྱོར་བྱས་ན་ང་ཚོས་ཀྱང་བརྒྱབ་སྐྱོར་བྱེད་དགོས།
གང་ཡིན་ཟེར་ན་བོད་དེ་རྒྱ་ནག་གི་ཆ་ཤས་ཤིག་ཡིན་པར་ཁས་ལེན་བྱས་ཏེ་ད་དུང་མོན་རྟ་དབང་དང་། ལ་དགས། འབྲུག་བཅས་ཚུད་པའི་མངའ་ཁུལ་དེ་ཚོ་ཚང་མ་ཡང་གཅིག་མཚུངས་སུ་ཀྲུང་གོའོ་ཆ་ཤས་ཤིག་ཡིན་པར་གཅིག་མཚངས་ཁས་ལེན་དགོས།
མཐར་གཏུགས་ན་བཤད་ན་ལན་གཅིག་ཕམ་པ་དེ་རྒྱལ་ཁའི་ཕྱོགས་འགྱུར་ཐུབ་པའི་ཕུགས་བསམ་དེ་བོད་རིགས་ཚོས་བློ་ཤོངས་ཐུབ་པ་བྱེད་དགོས།
གཅིག་བྱས་ན་འདི་རྐྱེན་ངན་གྲོགས་སུ་འགྱུར་ནས་མ་འོངས་པ་ན་བོད་དང་ཀྲུང་གོ་གཅིག་གྱུར་ཡོང་བའི་སྔ་ལྟས་ཤིག་ཡིན་སྲིད། སྲིད་དོན་པ་ཚོས་ཀླད་པ་དཀྲུགས་དགོས།
འབྲུག་གིས་སྔོན་དུས་ཤིག་ལ་མིའི་ལུས་ཐོག་ལ་རྩེད་མོ་རྩེས་ནས་ཝིར་ཏི་བརྒྱབས་པའི་ལོ་རྒྱུས་དེ་འདྲ་གོ་རྒྱུ་འདུག ད་དེའི་རྣམ་སྨིན་འཁོར་བ་མིན་འགྲོ།