ངྷ་སྟེང་བོད་ཁྱིམ་སློབ་གྲྭའི་སྤྱི་ཁྱབ་ཡིག་ཚང་གི་གཙོ་འགན་འོག ད་ལོའི་ཕྱི་ཟླ་ ༢ པའི་ནང་བཙོན་བྱོལ་སྤྱི་ཚོཊ་ཁྲོད་ཀྱི་རྒྱ་ཡིག་འཛིན་རིམ་ ༡༢ ཀྱི་ལག་འཁྱེར་ཡོད་པའམ། དེ་དང་མཉམ་པའི་ཤེས་ཚད་ཡོད་པ་སྐོར་ཞིག་ལ་འབྲི་རྒྱུཊ་དང་ངག་རྒྱུཊ་ཀྱི་ཡིག་ཚད་ཅིག་བཏང་སྟེ། ཡིག་རྒྱུཊ་ནང་ཚུད་པའི་སློབ་མ་ ༡༠ ལ་འདས་པའི་ཟླ་ ༥ རིང་ངྷ་སྟེང་བོད་ཁྱིམ་དུ་ཐའེ་ཝན་དགེ་རྒན་གཉིས་ཀྱིས་རྒྱ་ཡིག་སློབ་ཁྲིད་བྱེད་ཐབས་ཐོག་ཟབ་སྦྱོང་སྤྲད་ཡོད་ཅིང་། ཁ་སང་ཕྱི་ཚེས་ ༢༥ ཉིན་གྱི་སྔ་དྲོར་ངྷ་སྟེང་བོད་ཁྱིམ་ཞི་བདེ་གླེང་མོལ་ཚོཊ་ཁང་དུ་སློབ་ཐོན་མཛད་སྒོ་ཚོགས་ཏེ། བོད་ཁྱིམ་སྤྱི་ཁྱབ་ཡིག་ཚང་གི་འགན་འཛིན་ལྷན་ཚོགས་ཀྱི་ཚོགས་མི་རྣམ་པས་དགེ་རྒན་ཚོར་ཟབ་སྦྱོང་ཕྱག་འཁྱེར་གནང་ཡོད་པ་མ་ཟད།སྐབས་དེར་མི་ ༤ བྷེང་ལོར་དུ་ཡོད་པའིོ་ཏཱ་ལའི་བླ་མ་མཐོ་རིམ་སློབ་གཉེར་ཁང་དུ་ལས་བགོས་དང་། གཞན་པ་ ༦ ཀྱང་མི་འགྱངས་བར་བོད་ཁྱིམ་སློབ་གྲྭ་ཁག་ཏུ་ལས་བགོས་བྱ་རྒྱུ་ཡིན་འདུག
ཐེངས་འདིའི་ཟབ་སྦྱོང་ནང་ཞུགས་མཁན་ཁྱོན་མི་ ༡༠ ཡོད་པའི་ཁྲོད་ཟབ་སྦྱོང་སྣེ་ཁྲིད་པ་སྐལ་བཟང་སྐྱིད་ལགས་དང་། ཟབ་སྦྱོང་ནང་ཞུགས་མཁན་སྒྲོལ་དཀར། བསོད་ནམས་ལྷ་མོ། འཕགས་སྐྱབས་རྒྱལ་བཅས་བྷེང་ལོར་དུ་ཡོད་པའི་ཏཱ་ལའི་བླ་མའི་མཐོ་རིམ་སློབ་གཉེར་ཁང་གི་རྒྱ་ཡིག་དགེ་རྒན་དུ་ལས་བགོས་བྱས་ཡོད་པ་དང་། གཞན་མི་ ༦ དེ་དག་མི་འགྱངས་བར་ངྷ་སྟེང་བོད་ཕྲུག་ཁྱིམ་སྡེ་དང་གྷོལ་པཱ་པུར་བོད་ཁྱིམ། སུ་ཇཱ་བོད་ཁྱིམ་བཅས་སུ་ལས་བགོས་བྱ་རྒྱུ་ཡིན་འདུག
༸ཏཱ་ལའི་བླ་མ་མཐོ་སློབ་ཀྱི་རྒྱ་ཡིག་གི་ཁྲིད་གཞི་གཙོ་བོ་ནི། རྒྱ་ནག་མི་རིགས་སློབ་ཆེན་ཁག་གི་བསླབ་གཞི་ལྟར། གནའ་རབས་རྒྱའི་སྐད་ཡིག་དང་དེང་རབས་སྐད་ཡིག བརྡ་སྤྲོད་རིག་པ། རྩོམ་འབྲིའི་ཤེས་བྱ་སོགས་ཡིན་འདུག་ལ། ཆབ་སྲིད་དང་ལོ་རྒྱུས་སྐོར་ཐའེ་ཝན་གྱི་སློབ་ཆེན་ཁག་གི་ཁྲིད་གཞི་དང་བསྟུན་རྒྱུ་ཡིན་པ་དང་། ད་ཆར་མཐོ་སློབ་ཀྱི་ཁྲིད་གཞིའི་དཔེ་དེབ་རིགས་ ༥༠ ཙམ་གྲ་སྒྲིག་གནང་ཡོད་འདུག
༸ཏཱ་ལའི་བླ་མ་མཐོ་རིམ་སློབ་གཉེར་ཁང་ནི། ༢༠༠༩ ལོར་གསར་དུ་དབུ་བརྙེས་པ་ཞིག་ཡིན་ཞིང་། ད་ཆར་མཐོ་སློབ་འདིར་དགེ་ལས་སློབ་ཕྲུག་ ༣༠༠ ཙམ་ཡོད་འདུག་ལ། སློབ་གྲྭའི་ཁྲིད་གཞི་བོད་ཡིག་དང་ནང་ཆོས། དབྱིན་ཡིག གློག་ཀླད་སོགས་ཡིན་འདུག
ཡག་པོ་འདུག མ་མཐའ་ཡང་སྐུ་སྒེར་ཡིག་ཚང་ལ་སྐད་བསྒྱུར་ཞིག་གི་རེ་བ་རྒྱག་ཆོག་པ་མ་རེད་དམ།
བོད་ཁྱིམ་ཚང་གིས་དགོས་པའི་བོད་ཡིག་ཡར་རྒྱས་མི་བཏང་བར། མི་དགོས་པའི་རྒྱ་ཡིག་སློབ་ཁུལ་བྱས་པ་ནི་རང་སྲོག་བཅོད་པའི་སྟ་རེ་ཞིག་མང་དུ་སོང་བ་ལས་ཅི་ཡོད། ལས་ཀ་འགོ་འཇུག་མེད་ཀྱང་ཀྱང་རེད།
བོད་ཁྱིམ་འདི་བས་ནམ་ཡང་ཁུངས་མི་འཁྱོལ་བའི་ལས་ཀ་རྐྱང་བྱེད་ཀི་འདུག། རྒྱ་ཡིག་ཚོ་བཙན་བྱོལ་ནས་སློབ་དགོས་མ་རེད་ལ། སློབ་ན་ཡོང་གི་ཡང་མ་རེད། བོད་ནང་དུ་ཡོད་ཚད་རྒྱ་ངོ་ལ་འགྱུར་གི་ཡོད། ལྷག་པར་རྒྱ་མིན་བོད་མིན་གྱི་མི་འདི་ཚོ་རྒྱ་ཡིག་གི་ཡོན་ཚད་མེད་པ་ང་ལ་གསལ་ཆ་ཡོད།ལས་དོན་འདི་ལ་མཐའ་གཅིག་ཏུ་ངོ་རྒོལ་ཡོད།
ཆབ་སྲིད་དང་ལོ་རྒྱུས་སྐོར་ཐའེ་ཝན་གྱི་སློབ་ཆེན་ཁག་གི་ཁྲིད་གཞི་དང་བསྟུན་རྒྱུ་ཡིན་པ་དང་། ༽ འདི་ལྟར་གནོངས་དང་། མི་རིགས་ཆེན་པོ་ལྔ་དང་། ཁྲི་སྲོང་རྒྱ་ཚ། ཀོང་ཇོ་རྫུན་མ། མན་ཇུ་ཆེན་མོ་སོགས་ང་ཚོ་དང་ལོ་རྒྱུས་ཐད་ཤོར་བའི་འགལ་དུ་མཐའ་དག་པ་དེ་ག་རང་དུ་དང་ལེན་གནང་རྒྱུ་ལས་མ་འདས་པས། དེ་ལས་པེ་ཅིང་ལ་བསྟུན་ན་ཕྱོགས་གཞན་ནས་ལྟ་ས་ཡོད་ངེས་རེད།