༸གོང་ས་མཆོག་གིས་ཡུ་རོབ་ཁུལ་གྱི་མཛད་འཆར་ཁག་ལེཊ་པར་གྲུབ་ཏེ། དེ་རིང་ཉིན་གུང་ཙམ་ལ་བོད་གཞུང་མང་གཉིས་ཀྱི་ཕེབས་བསུའི་འོག་ཕྱིར་བཞུགས་སྒར་ཕོ་བྲང་དུ་ཞབས་སོར་འཁོད་སོང་།
ཟླ་འདིའི་ཕྱི་ཚེས་ ༡༣ ནས་ ༢༨ ཉིན་བར་༸གོང་ས་མཆོག་གིས་དུས་ཡུན་ཟླ་ཕྱེད་ལྷག་གི་རིང་། ཡུ་རོབ་རྒྱལ་ཁབ་དབྱིན་ཡུལ་དང་སི་ཁོ་ཊོ་ལན་ཌི། ཨི་ཊ་ལི་བཅས་སུ་ཆིབས་བསྒྱུར་བསྐྱངས་ཏེ་ཡུལ་དེའི་ཆོས་ལུགས་ཁག་གི་དབུ་ཁྲིད་དང་། གྲོས་ཚོཊ་འཐུས་མི་དང་གཞུང་འཛིན་མི་སྣ་བཅས་མཇལ་འཕྲད་དང་། དེ་བཞིན་ས་གནས་མང་ཚོགས་དང་སློབ་ཕྲུག་ཚོར་བཀའ་སློབ་བསྩལ་ཡོད་ཅིང་། ཐེངས་འདིའི་ཡུ་རོབ་མཛད་འཆར་ཁག་ལེཊ་པར་གྲུབ་ཏེ། དེ་རིང་ཕྱི་ཚེས་ ༢༩ ཉིན་གྱི་ཉིན་གུང་ཆུ་ཚོད་༡༢ ཙམ་ལ། ༸གོང་ས་མཆོག་བོད་གཞུང་མང་གཉིས་ཀྱི་ཕེབས་བསུའི་འོག་ཕྱིར་བཞུགས་སྒར་ཕོ་བྲང་དུ་ཞབས་སོར་བདེ་བར་འཁོད་སོང་།
ད་ལོའི་སྐུའི་འཁྲུངས་སྐར་གྱི་རྗེས་སུ་༸གོང་ས་མཆོག་ལ་དྭགས་སུ་ཆིབས་སྒྱུར་གྱིས་ཁུལ་དེའི་ནང་པའི་དད་ལྡན་མང་ཚོགས་ལ། རྗེ་ཙོང་ཁ་པ་ཆེན་པོས་མཛད་པའི་༼ལམ་གཙོ་རྣམ་གསུམ་༽དང་། ཇོ་བོ་རྗེ་དཔལ་ལྡན་ཨ་ཏི་ཤས་མཛད་པའི་༼བྱང་ཆུབ་ལམ་སྒྲོན་༽གཉིས་བཀའ་ཁྲིད་གནང་རྒྱུ་ཡིན་འདུག
ཡིད་བཞིན་ནོར་བུ་ཁྱེད་ལ་སྐྱབས་སུ་འཆི།
གཟིམ་ཆུང་ཕུག་ཏུ་བཞུགས་དང་།།
དབུགས་ངལ་གསོ་བ་གནང་དང་།།
ས་སྟེང་ཞི་བའི་རྩ་བ།།
ཁྱེད་རང་ཉིད་ལ་ཐུག་འདུག།
སྒོ་གསུམ་ལྷ་ཕྱག་གྲངས་མེད་ཞུ།
མཛད་འཕྲིན་རྒྱས་ཤིང་འགྲོ་དོན་མཁའ་ཁྱབ་ཤོག