ཨེ་ཤ་ཡ་རང་དབང་རླུང་འཕྲིན་ཁང་གི་ས་གནས་གསར་འགོད་པ་ཀུན་བཟང་བསྟན་འཛིན་ལགས་ཀྱིས་འདི་གར་གནས་ཚུལ་མཁོ་སྤྲོད་བྱས་པ་ལྟར་ན། མཚོ་སྔོན་ཞིང་ཆེན་བ་ཡན་རྫོང་བྲག་དམར་སྡེ་པ་ནས་ཡིན་ཞིང་།མདོ་སྨད་བྱ་ཁྱུང་དགོན་པའི་རང་ལོ་ ༤༣ ཡིན་པའི་དངུལ་གཉེར་བྲག་དམར་འཕེལ་རྒྱས་སམ་དངོས་མིང་ལ་འཕེལ་རྒྱས་ལགས། འདི་ལོའི་བོད་ཟླ་ ༥ བའི་ཚེས་ ༡ ཉིན་དགོན་པ་ནས་གློ་བུར་དུ་བོར་བརླགས་བྱུང་རྗེས། བདུན་ཕྲག་གཉིས་རིང་གྲྭ་བ་ཚོས་གང་སར་བཙལ་མཐར། ཁ་སང་ཕྱི་ཚེས་ ༡ཉིན་དགོན་པའི་ཉེ་འདབས་སུ་ཡོད་པའི་རྒྱ་ནག་ཉེན་རྟོག་ལས་ཁུངས་ཉེ་འཁྲིས་ཀྱི་ས་དོང་ཤིག་ནང་ཕུང་པོ་རྙེད་སོང་བྱུང་རྗེས། ཉེན་རྟོག་པས་དེ་མ་ཐག་གྲྭ་འཕེལ་རྒྱས་ལགས་ཀྱི་སྐུ་ཕུང་ཟི་ལིང་གྲོང་ཁྱེར་དུ་བཙན་ཁྱེར་བྱས་ཡོད་འདུག
ཁ་སང་ཕྱི་དྲོ་དགོན་པའི་དགེ་འདུན་པ་ ༡༥༠ ཙམ་དང་མང་ཚོགས་ཉེན་རྟོག་ལས་ཁུངས་སྒོ་འགྲམ་དུ་སོང་སྟེ་གནས་ཚུལ་དེའི་སྐོར་དྲིས་སྐབས། དྲག་ཆས་དམག་མིའི་རླུང་འཁོར་ཆེ་ཆུང་ ༨༠ ལྷག་འབྱོར་ཏེ་སྐྱ་སེར་གཉིས་ཀྱི་མཐའ་བསྐོར་ཡོད་འདུག་ལ། སྐབས་དེར་དགེ་འདུན་པ་ཚོས་གྲྭ་འཕེལ་རྒྱས་ལགས་ངན་གསོད་བྱེད་དགོས་དོན་གང་ཡིན་གྱི་རྕོད་པ་ཤུགས་ཆེར་བྱས་སྟབས། ཉེན་རྟོག་པ་དང་མི་མང་བར་ཁ་རྩོད་བྱུང་སྟེ་གྲྭ་བ་ལོ་ཆུང་ཞིག་ལ་རྨས་སྐྱོན་བཟོས་ཡོད་འདུག ཕྱིས་སུ་ཉེན་རྟོག་པས་མི་མང་ལ་ལག་དམར་སུ་ཡིན་བརྩད་གཅོད་བྱས་རྗེས་སང་ཉིན་བརྡ་ལན་སྤྲོད་རྒྱུ་ཡིན་ཚུལ་བཤད་དེ་ཕྱིར་མངགས་ཡོད་ཀྱང་། བྱ་ཁྱུང་དགོན་པའི་དགེ་འདུན་མང་པོ་ཞིག་གིས་མདང་དགོང་མཚན་གང་བོར་ཉེན་རྟོག་ལས་ཁུངས་སྒོ་འགྲམ་དུ་ཉལ་ཏེ་ངོ་རྒོལ་བྱས་ཡོད་འདུག
དེ་རིང་ཕྱི་ཚེས་ ༢ ཉིན་གྱི་སྔ་དྲོ་ཉེན་རྟོག་པས་དགོན་པའི་གྲྭ་བ་དང་མི་མང་ལ། དོན་རྐྱེན་དེ་བོད་ཟླ་ ༥ བའི་ཚེས་ ༡ དང་། ཕྱི་ཟླ་ ༦ པའི་ཚེས་ ༢༠ ཉིན་གྱི་མཚན་མོར་ལོ་མང་རིང་དགོན་པར་ལྟ་རྟོག་བྱེད་མཁན་རུས་མཱ་ཡིན་པའི་ཉེན་རྟོག་པ་ཞིག་གིས་མགོ་ལ་རས་ནག་པོས་དཀྲིས་ཏེ། གྲྭ་འཕེལ་རྒྱས་ལགས་ཀྱི་གྲྭ་ཤག་ཏུ་འཛུལ་ཏེ་བཙན་གྱིས་དངུལ་སྤྲོད་དགོས་བ་དང་། དངུལ་ཁང་གི་ལྡེ་མིག་འཁྱེར་ཤོག་ཅེས་བརྗོད་ཡོད་འདུག་པ་དང་། སྐབས་དེར་གྲྭ་འཕེལ་རྒྱས་ཀྱིས་དམག་མི་དེ་ངོ་ཤེས་བ་དང་། དེ་འདྲ་མ་བྱེད་རོགས་ཞེས་བརྗོད་སྐབས། ཉེན་རྟོག་པ་དེས་དེ་མ་ཐག་ཁོང་གི་ཁ་ནང་ལ་རས་བརྫངས་སྟེ་བསད་རྗེས་ས་དོང་ནང་གཡུག་ཡོད་པ་ར་འཕྲོད་བྱུང་ཡོད་སྐོར་གསལ་བཤད་བྱས་འདུག
དེ་རིང་ཉིན་གུང་ཆུ་ཚོད་ ༡༡ ཡས་མས་སུ་དགོན་པའི་ནང་ཚོགས་འདུ་ཚོགས་ཏེ་གྲྭ་བ་ཁག་ཅིག་སྐུ་ཕུང་ལེན་དུ་འགྲོ་རྒྱུའི་གྲོས་བྱས་ཡོད་འདུག་མོད། གནས་ཚུལ་དེར་རྐྱེན་བྱས་ཏེ་གྲྭ་བ་དང་མང་ཚོགས་ཀྱིས་ངོ་རྒོལ་བྱ་བར་དོགས་ཏེ་དགོན་པའི་ཉེ་འཁྲིས་དང་ས་གནས་ཀྱི་ལམ་ཁ་གང་སར་དམག་མི་འགྲེམས་འཇོག་གིས་དམ་དྲག་ཤུགས་ཆེར་བྱེད་ཀྱི་ཡོད་འདུག
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
རྒྱ་གཞུང་ནས་ང་ཚོ་བོད་པ་ཧ་མ་གོ་པ་ག་ཚད་དང་ག ་ཚད་ལྐོག་གསོད་གཏང་ཡོད་རེད། ད་དུང་དེར་མ་ཟད་2008ལོ་ལ་དགའ་ལྡན་དགོན་ པའི་སྐུ་ཞབས་ཀུན་ཁྱབས་རྡོར་རྗེ་ལགས་བཙན་འཁྲིད་བྱས་ནས་ད་དུང་་རག་མི་འདུག་ཕལ་ཆེར་ལྐོག་གསོད་གཏང་ཚར་ཡོད་ཀྱི་རེད།
རྒྱ་ནག་གཞུང་གིས་ཟེར་བ་ལས་རྒྱ་མིའི་ཉེན་རྟོག་པ་ཞིག་གིས་ཞེས་བརྗོད་ན་ལེགས།
འདི་ལྟར་སྤུན་ཟླ་མང་པོ་ཞིག་རྒྱ་ནག་དམར་གཞུང་གི་ངན་གཡོ་སྣ་ཚོགས་ཀྱི་དམར་གསོད་བྱེད་ཀྱི་ཡོད་རེད་འུ་ཚོས་དྲང་བདེན་གྱི་ལམ་ནས་འཛམ་གླིང་མི་མང་ལ་བསྒྲགས་ཀྱི་འུ་ཚོས་ལས་འགན་རེད་སྤུན་ཟླ་ཚོ་ཉལ་ནས་མ་འདུག་རོགས་ཞུ།
བ་ཡན་རྫོང་། རྒྱ་སྐད་དམ་དེང་སྐབས་དཔའ་ལུང་ཞེས་འབོད།