དེ་རིང་འཛམ་གླིང་སྤྱི་བསངས་ཉིན་ངྷ་ས་གཙུག་ལག་ཁང་དུ་༸གོང་ས་མཆོག་དབུ་བཞུགས་ཐོག བོད་གཞུང་མང་གཉིས་ཀྱིས་པཎ་ཆེན་རིན་པོ་ཆེ་མཆོག་གི་མ་ཡུམ་དམ་པ་དེར་བསྔོ་སྨོན་མཆོད་འབུལ་གནང་སོང་།
མདོ་སྨད་དབུས་རྒྱུན་ལས་ཁང་དང་དྷ་ས་ས་རྒྱུན་གཉིས་ཀྱི་གོ་སྒྲིག་འོག དེ་རིང་འཛམ་གླིང་སྤྱི་བསངས་ཉིན་གྱི་ཞོགས་པའི་ཆུ་ཚོད་ ༨ པའི་སྟེང་བཞུགས་སྒར་ངྷ་ས་ཐེག་ཆེན་ཆོས་གླིང་གཙུག་ལག་ཁང་དུ། ༸གོང་ས་མཆོག་དབུ་བཞུགས་ཐོག་སྐྱབས་རྗེ་ཀིརྟི་རིན་པོ་ཆེ་མཆོག་གཙོས་བཞུགས་སྒར་ཁུལ་གྱི་དགོན་སྡེ་ཁག་གི་བླ་སྤྲུལ་དགེ་བཤེས་རྣམ་པ་དང་། དབུས་བོད་མིའི་སྒྲིག་འཛུགས་ཀྱི་བཀའ་བློན་ཁྲི་པ་བློ་བཟང་སེང་གེ་མཆོག་གིས་གཙོས་ཕྱག་རོགས་བཀའ་བློན་རྣམ་པ། སྤྱི་འཐུས་ཚོཊ་གཙོ་སྤེན་པ་ཚེ་རིང་མཆོག་དང་ཚོགས་གཞོན་མཁན་པོ་བསོད་ནམས་བསྟན་འཕེལ་རྣམ་གཉིས་གཙོས་སྤྱི་འཐུས་རྒྱུན་ལས་རྣམས། ཁྲིམས་ཞིབ་པ་ཆེ་བའི་གཙོས་ཁྲིམས་ཞིབ་ཁང་གི་ཁྲིམས་ཞིབ་པ་གཞན་དང་། དེ་བཞིན་ངྷ་སའི་སེར་སྐྱ་མང་ཚོགས་བཅས་ཁྱོན་མི་ ༤༠༠༠ ཙམ་འདུ་འཛོམས་ཐོག ཟླ་འདིའི་ཕྱི་ཚེས་ ༢༩ ཉིན་མདོ་སྨད་ཟི་ལིང་གྲོང་ཁྱེར་དུ་སྐུ་གཤེཊ་པའི་ཀུན་གཟིཊ་པཎ་ཆེན་རིན་པོ་ཆེ་མཆོག་གི་མ་ཡུམ་བསོད་ནམས་སྒྲོལ་མ་ལགས་ཀྱི་ཆེད་བསྔོ་སྨོན་མཆོད་འབུལ་རྒྱས་པ་ཞིག་གནང་སོང་།
བོད་མི་མང་སྤྱི་འཐུས་ལྷན་ཚོགས་ཀྱིས་པཎ་ཆེན་རིན་པོ་ཆེ་མཆོག་གི་མ་ཡུམ་སྐུ་གཤེགས་དམ་པ་དེའི་ནང་མི་ཉེ་འབྲེལ་ཚོར་ཐུགས་གསོའི་འཚམས་འཕྲིན་ཞིག་བཏང་བའི་ནང་འཁོད་དོན། “ཀུན་གཟིགས་པཎ་ཆེན་རིན་པོ་ཆེ་སྐུ་གཤེགས་ཏེ་བགྲང་བྱ་ ༢༣ ཕྱིན་པའི་རིང་། མ་ཡུམ་བསོད་ནམས་སྒྲོལ་མ་ལགས་ཀྱིས་མྱ་ངན་གྱི་ལོ་ཟླ་རེ་རེ་བསྐྱལ་བཞིན། རྒྱ་ནག་རྒྱལ་ཡོངས་སྲིད་གྲོས་ཀྱི་ཨུ་ཡོན་དང་། བོད་རང་སྐྱོང་ཆབ་སྲིད་གྲོས་ཚོཊ་ཀྱི་གཙོ་འཛིན་གཞོན་པའི་མཚན་གནས་ཁུར་ཏེ། པཎ་ཆེན་སྐུ་ཕྲེང་བཅུ་བ་མཆོག་གི་མཛད་འཕྲིན་གྱི་རྗེས་ཤུལ་བོད་རང་སྐྱོང་ལྗོངས་ཟེར་བ་དང་མཚོ་སྔོན། སི་ཁྲོན། ཀན་སུའུ། ཡུན་ནན་ཏེ་བོད་རིཊ་འདུས་སྡོད་མངའ་སྡེ་ཁག་ ༥ ནང་གསར་འཛུགས་བྱས་པའི་སློབ་གྲྭ་དང་དགོན་སྡེ། ཁོང་གི་འཁྲུངས་ཡུལ་ཡ་རྫི་རྫོང་ཞིན་ཧྭ་བོད་ཡིག་སློབ་འབྲིང་དང་བིས་མདོ་དགོན་ཆེན་བཅས་འཛུགས་བསྐྲུན་དང་། ས་གནས་མང་ཚོགས་ཀྱི་བདེ་སྡུག་ལ་ཕྱོགས་ཡོངས་ནས་ཐུགས་ཁུར་དང་། པཎ་ཆེན་སྐུ་གོང་མའི་བཞེངས་ཕྱོགས་བརྟན་པོར་འཛིན་པའི་དགོངས་པ་ཟབ་བཞེས་གནང་ཡོད་”ཅེས་འཁོད་འདུག
པཎ་ཆེན་སྐུ་ཕྲེང་བཅུ་བ་མཆོག་གི་མ་ཡུམ་དམ་པ་དེ་ད་ལྟ་དགུང་ལོ་ ༩༧ ཙམ་ཡིན་འདུག
གསར་འགོད་པ། དཔལ་ལྡན།
