ཨུ་རུ་སུའི་མངའ་ཁོངས་བྷོ་རེ་ཡ་ཐུར་གནས་སྡོད་བོད་རིགས་ཡོངས་དང་སྒྲོལ་ལྗང་ཆོས་ཚོགས་ཐུན་མོང་གིས་གོ་སྒྲིག་འོག་༸གོང་ས་སྐྱབས་མགོན་ཆེན་པོ་མཆོག་དགུང་གྲངས་ ༧༧ ལ་ཕེབས་པའི་སྐུའི་འཁྲུངས་སྐར་སྲུང་གཙི་གནང་ཡོད་འདུག
གནས་ཚུལ་བཏང་འབྱོར་བྱུང་བ་ལྟར་ན། ཕྱི་ཟླ་ ༧ ཚེས་ ༦ ཉིན་གྱི་ཕྱི་དྲོ་ཆུ་ཚོད་ ༦།༣༠ སྟེང་ཨོ་ལོན་ཨོ་བདེ་གྲོང་ཁྱེར་གྱི་ཚོགས་ཁང་ཆེན་མོའི་ནང་མི་མང་ ༥༠༠ ལྷག་འདུ་འཛོམས་ཀྱིས་སྐུའི་འཁྲུངས་སྐར་སྲུང་གཙིའི་དགའ་སྟོན་ལ་རོལ་ཡོད་པ་དང་། མཛད་སྒོའི་ཐོག་མར་༸གོང་ས་མཆོག་གི་སྐུ་པར་མཐོང་གྲོལ་རིན་པོ་ཆེའི་མདུན་བོད་ཀྱི་དགེ་འདུན་པ་ཚོས་སྣེ་དྲངས་ཏེ་མང་ཚོགས་ཀྱིས་རྒྱལ་བའི་ཞབས་བརྟན་གསོལ་འདེབས་དབྱངས་འདོན་མཛད་པ་དང་། དེའི་རྗེས་ཨུ་རུ་སུའི་གྲགས་ཅན་གཞས་པ་གཞས་མ་སྐོར་ཞིག་གིས་སྐུའི་འཁྲུངས་སྐར་དང་འབྲེལ་བའི་གླུ་གཞས་བཏང་ཡོད་འདུག
ཉིན་དེར་དུས་དྲན་སྲུང་གཙི་དང་འབྲེལ་བོད་ཀྱི་ལོ་རྒྱུས་པར་རིས་དང་ཐང་ག་སོགས་འགྲེམས་སྟོན་ཞུས་ཡོད་པ་དང་། མཛད་སྒོའི་གནས་ཚུལ་ཁག་ཨུ་རུ་སུའི་བརྙན་འཕྲིན་དང་གསར་ལམ་ཆེ་ཁག་ཏུ་ཐོན་ཡོད་འདུག འདི་ནི་ས་གནས་བོད་རིགས་ཐུན་མོང་གིས་མཉམ་རུབ་ཐོག་སྲུང་གཙི་གནང་བ་ཐོག་མ་དང་། བྷོ་རེ་ཡ་ཐུ་མངའ་ཁོངས་སུ་གནང་བའི་སྐུའི་འཁྲུངས་སྐར་གྲ་རྒྱས་ཤོས་དེ་ཆགས་ཡོད་འདུག
སྲུང་གཙི་མ་རེད། སྲུང་བརྩི་རེད།