ཡིག་སྒྱུར་ཡག་པོ་ཡོད་མཁན་ཚོར་གཞུང་སྒེར་ཚང་མས་རོགས་རམ་བྱོས།

ངྷ་ས་བོད་ཀྱི་དཔེ་མཛོད་ཁང་གིས་འདས་པའི་ལོ་ངོ་ ༧ ཙམ་རིང་། བོད་རིཊ་མཐོ་རིམ་སློབ་མ་གཙོས་ཡིག་སྒྱུར་ལས་ཀར་དོ་སྣང་ཡོད་མཁན་ ༢༡༠ ཙམ་ལ་ཡིག་སྒྱུར་ཟབ་སྦྱོང་སྤྲད་ཡོད་འདུག་ལ། ཟབ་སྦྱོང་ལས་གཞི་དེ་བོད་མིའི་ཆོས་དང་རིག་གཞུང་སྲུང་སྐྱོབ་དང་ནུབ་ཕྱོཊ་རིག་གསར་ནང་འདྲེན་ཆེད་ཡིན་འདུག

ལོ་ལྟར་ངྷ་ས་བོད་ཀྱི་དཔེ་མཛོད་ཁང་གིས་བཙན་བྱོལ་བོད་རིཊ་མཐོ་རིམ་སློབ་མ་གཙོས་དོན་གཉེར་ཅན་ ༣༠ རེ་ལ་བཞུཊ་སྒར་དུ་དུས་ཡུན་ཟླ་ངོ་གསུམ་ཙམ་རིང་། ཡིག་སྒྱུར་དང་འབྲེལ་བའི་ཐོག་ཟབ་སྦྱོང་ཞིག་གོ་སྒྲིག་ཞུ་བཞིན་ཡོད་ཅིང་། ད་ལོ་ནི་ཡིག་སྒྱུར་ཟབ་སྦྱོང་ཐེངས་བདུན་པ་དེ་ཆགས་ཡོད་འདུག འདི་ལོའི་ཟབ་སྦྱོང་དེ་ཕྱི་ཟླ་ ༧ ཚེས་ ༢ ཉིན་ནས་ཕྱི་ཟླ་ ༩ ཚེས་ ༢༨ བར་གངས་སྐྱིད་དཔེ་མཛོད་ཚོཊ་ཁང་དུ་འཚོཊ་བཞིན་ཡོད་པ་དང་། ཐེངས་འདིའི་ཟབ་སྦྱོང་སྐབས་བོད་ཀྱི་དཔེ་མཛོད་འགན་འཛིན་དགེ་བཤེས་ལྷག་རྡོར་ལགས་གཙོས། ཡིག་སྒྱུར་བ་བསྟན་འཛིན་ཚེ་དཔག་དང་ཆུང་ཚེ་རིང་། དགེ་བཤེས་བློ་བཟང་བརྩོན་འགྲུས། ན་ག་སངས་རྒྱས་བསྟན་དར། ལྕམ་ལིན་ཌ་ (Ms. Linda)།  བསྟན་འཛིན་སྨོན་ལམ་ལཊ་བཅས་ཀྱིས། ནང་པའི་ལྟ་གྲུབ་དང་ཡིག་སྒྱུར། བོད་ཡིག དབྱིན་ཡིག་སོཊ་བསླབ་གཞི་འདྲ་མིན་ཐོག་ཟབ་ཁྲིད་གནང་བཞིན་ཡོད་འདུག

བོད་ཀྱི་དཔེ་མཛོད་ཁང་གིས་གོ་སྒྲིག་ཞུ་བཞིན་པའི་ཡིག་སྒྱུར་ཟབ་སྦྱོང་ལས་གཞི་དེ་ནི། དཔེ་མཛོད་འགན་འཛིན་དགེ་བཤེས་ལྷག་རྡོར་ལགས་ཀྱིས་སྣེ་ཁྲིད་འོག་ ༢༠༠༦ ལོར་ཐོག་མར་གསར་འཛུཊ་གནང་བ་ཞིག་དང་། ལས་གཞི་དེའི་དམིཊ་ཡུལ་གཙོ་བོ་བོད་ཀྱི་ཐུན་མོང་མིན་པའི་ཆོས་དང་རིག་གཞུང་སྲུང་སྐྱོབ་དང་། དེང་དུས་ཚན་རིག་དང་བཟོ་ལས་རིག་རྩལ་སློབ་སྦྱོང་བྱས་ཏེ་བོད་ཀྱི་ཤེས་ཡོན་གནས་སྟངས་ཡར་རྒྱས་གཏོང་ཆེད་དུ་ཡིན་འདུག

ཡིག་སྒྱུར་ཟབ་སྦྱོང་གི་ལས་གཞི་དེའི་ཐད་དཔེ་མཛོད་འགན་འཛིན་དགེ་བཤེས་ལྷག་རྡོར་ལཊ་ཀྱིས་ངོ་སྤྲོད་གནང་བ་ལྟར་ན། ཡིག་སྒྱུར་ཟབ་སྦྱོང་དེ་ནི་འདས་པའི་ལོ་མང་རིང་༸གོང་ས་མཆོག་གིས་གསུང་སྒྱུར་ཞུས་པའི་ཉམས་མྱོང་ལས་བསླབ་བྱ་བླངས་ཏེ་མགོ་འཛུཊ་གནང་བ་ཞིག་དང་། ཟབ་སྦྱོང་དེ་ནི་བོད་པའི་སྤྱི་ཚོཊ་ཁྲོད་ཀྱི་གཞོན་སྐྱེས་ཚོར་ཡིག་སྒྱུར་ལས་རིཊ་ཐོག་དོ་སྣང་ཡོང་ཐབས་དང་། ཡིག་སྒྱུར་གཙོས་ནང་པའི་ལྟ་གྲུབ་དང་བོད་ཡིག དབྱིན་ཡིག་བཅས་ཁྲིད་སྤེལ་བྱ་རྒྱུར་དམིཊ་པ་ཞིག་ལས་ལོ་ཙཱ་བ་སྐྱེད་སྲིང་བྱ་རྒྱུའི་དོན་དུ་མིན་སྐོར་བརྗོད་སོང་།

དགེ་བཤེས་ལྷག་རྡོར་ལགས་ཀྱིས་མུ་མཐུད་བརྗོད་ན། བོད་ཀྱི་དཔེ་མཛོད་ཁང་གིས་འདས་པའི་མི་ལོ་ ༧ ཙམ་རིང་བཙན་བྱོལ་བོད་རིཊ་མཐོ་རིམ་སློབ་མ་དང་། དགོན་སྡེ་ཁག་དང་ཚོཊ་པ་ཁག་གི་སློབ་མ། ལག་འཁྱེར་མེད་ཀྱང་ཤེས་ཚད་ཡོད་པའི་མི་སྒེར་བ། ཧི་མ་ལ་ཡའི་རི་རྒྱུད་ཀྱི་མི་རིཊ་དང་ཕྱི་རྒྱལ་བ་བཅས་ཁྱོན་མི་ ༢༡༠ ཙམ་ལ་ཡིག་སྒྱུར་སྐོར་གྱི་ཟབ་སྦྱོང་སྤྲད་ཡོད་ཅིང་། དེ་དག་ཁྲོད་དབུས་བོད་མིའི་སྒྲིག་འཛུཊ་ཀྱི་ལས་ཁུངས་ཁག་དང་བོད་ཀྱི་དཔེ་མཛོད་ཁང་གཙོས། གཞུང་འབྲེལ་མིན་པའི་ཚོཊ་པ་ཁག་ཏུ་ཡིག་སྒྱུར་ལས་དོན་ཐོག་སྲི་ཞུ་སྒྲུབ་མཁན་གང་འཚམ་བྱུང་ཡོད་ལ། དཔེ་མཛོད་འཛིན་སྐྱོང་ཚན་པས་ཡིག་སྒྱུར་ཟབ་སྦྱོང་ནང་ཞུཊ་པའི་སློབ་མ་རྩེ་གྲས་ཁག་ཅིག་ལ་སྐབས་བསྟུན་ཡིག་སྒྱུར་ཀྱི་ལས་ཀ་གོ་སྒྲིག་དང་། ཁོང་ཚོའི་བོད་བསྒྱུར་ཞུས་པའི་བརྩམས་ཆོས་ཁག་པར་སྐྲུན་འགྲེམས་སྤེལ་ཞུ་བཞིན་ཡོད་འདུག

དཔེ་མཛོད་ཁང་གི་ཡིག་སྒྱུར་ཟབ་སྦྱོང་ལས་འཆར་དང་ཟབ་ཞུཊ་སློབ་མ་འདེམས་སྒྲུག་གནང་ཕྱོཊ་ཡིག་ཆའི་ནང་འཁོད་དོན་ལྟར་ན། ཟས་དོད་དང་སྡོད་ཁང་འགྲོ་སོང་དཔེ་མཛོད་ཀྱིས་ནར་གཏོང་གནང་བའི་མཐོ་རིམ་སློབ་ཕྲུག་ ༡༥ དང་། འགྲོ་སོང་སློབ་མ་རང་ངོས་ནས་གཏོང་དགོས་པའི་གཞུང་འབྲེལ་མིན་ཚོཊ་པ་ཁག་གི་སློབ་ཕྲུག་དང་མི་སྒེར་བ། ཧི་མ་ལ་ཡའི་རི་རྒྱུད་ཀྱི་སློབ་ཕྲུག་དང་ཕྱི་རྒྱལ་བ་བཅས་ ༡༥ དང་ཁྱོན་སློབ་མ་ ༣༠ ཙམ་ཡོད་འདུག

ཟབ་སྦྱོང་ནང་ཞུཊ་མཁན་སློབ་མ་ཚོར་སྔོན་འགྲོའི་ཆ་རྐྱེན་འགའ་ཚང་དགོས་པ་ནི། ཁྲིམས་མཐུན་དུས་འགྱངས་ཞུས་པའི་སྐྱབས་བཅོལ་ལག་འཁྱེར་དང་། ཉེ་བའི་གཙུག་ལག་རབ་འབྱམས་པའམ་འཛིན་རིམ་བཅུ་གཉིས་ཀྱི་ཤེས་ཚད། ལས་ཀ་བྱེད་མུས་ཡིན་ཚེ་དགག་བྱ་མེད་པ། བོད་དབྱིན་གཉིས་ཐོག་རྩོམ་ཡིག་ཡིག་འབྲུ་ ༤༠༠ འབྲི་རྒྱུ། ཚོཊ་པ་ཁག་དང་མི་སྒེར་ཡིན་ན། ནང་ཆོས་ཤེས་ཚད་དང་ལས་ཀའི་ཉམས་མྱོང༌། གྲུབ་འབྲས་བཅས་ལ་བལྟ་རྒྱུ། ཕྱི་རྒྱལ་བ་ཡིན་ཚེ་ནང་ཆོས་ཤེས་ཚད་དང་དབྱིན་བོད་གཉིས་ཐོག་རང་རྐྱ་འཕར་བ་དགོས། དུས་ཡུན་ཟླ་གསུམ་གྱི་ཡིག་སྒྱུར་ཟབ་སྦྱོང་འགྲུབ་རྗེས། བོད་དབྱིན་གཉིས་ཀྱི་རྨང་གཞི་ལེཊ་པོ་ཡོད་པའི་སློབ་ཕྲུག་རྩེ་གྲས་རེ་ཟུང་ལ་དཔེ་མཛོད་ཀྱིས་ལས་ཀ་གོ་སྒྲིག་དང་། གཞན་རྣམས་སོ་སོའི་རང་ཁོངས་སུ་ལོག་དགོས་ཀྱི་ཡོད་འདུག

གསར་འགོད་པས་དགེ་བཤེས་ལྷག་རྡོར་ལཊ་སུ་ཡིག་སྒྱུར་ལས་གཞི་དེ་གལ་ཆེན་ཞིག་ཏུ་བརྩི་དགོས་དོན་གང་ཡིན་སྐོར་དྲིས་པར། ད་ལྟ་བོད་པ་ཚོར་འདོད་པ་ཡོད་མེད་ལ་མ་ལྟོས་པར། འཛམ་གླིང་ཤེས་རིག་མཉམ་དུ་སྡོད་དགོས་པ་དང་བསྡུར་དགོས་པའི་དུས་ལ་བསླེབས་ཡོད། བོད་པའི་ཆོས་དང་རིག་གཞུང་གཞན་ལ་མགོ་སྒུར་མ་དགོས་པ་ཞིག་ཡོད་ཀྱང་། དེང་དུས་རིག་གསར་ནང་ང་ཚོས་རྗེས་ལུས་ཐེབས་ཡོད་པ་དེར་ངོས་ལེན་བྱ་དགོས་པ་རེད། བོད་ཡིག་ནང་ཆབ་སྲིད་དང་དཔལ་འབྱོར་སོཊ་རིག་གསར་མང་པོ་ཞིག་བསྒྱུར་རྒྱུར་ལྷག་ཡོད་སྟབས། བོད་མི་སུ་ཡིན་རུང་སོ་སོའི་སྐད་ཡིག་རྒྱལ་སྤྱིའི་སྡིངས་ཆའི་ཐོག་བསླེབ་ཐུབ་ཆེད། རིག་གསར་ནང་འདྲེན་བྱ་རྒྱུར་ཚོཊ་པ་ཞིག་ལ་སྒུག་བསྡད་པ་མ་ཡིན་པར་ཚོཊ་སྒེར་ཚང་མས་ཤུཊ་རྒྱག་དགོས་ཀྱི་འདུག མ་གཞི། ཡིག་སྒྱུར་ཟེར་བ་མ་ཡིག་དང་བུ་ཡིག་གཉིས་ཀྱི་སྐད་ཆ་བཤད་ཀྱི་ཡོད། དེ་གཉིས་ཀར་གང་འཚམ་གྱི་གནས་ཚད་མཐོན་པོ་མེད་ན། འགྱུར་འཁྱ་རེ་ཁྱོར་རེ་ཡོང་སྲིད་ཀྱང་ཚད་ལྡན་ཡོང་གི་མ་རེད། སྔ་མོའི་ལོ་ཙཱ་བ་ཚོས་ཡིག་སྒྱུར་ཐོག་དཀའ་ལས་ཆེན་པོ་བརྒྱབ་ཡོད་པ་ལྟར། དེའི་ཐོག་རང་ཉིད་ལ་ཆོད་སེམས་དང་བློས་གཏོང་ཆེན་པོ་ཞིག་དགོས་པ་རེད། ཡིག་སྒྱུར་ཐོག་ཆོད་སེམས་གཏན་པོ་ཡོད་ཀྱང་དཔལ་འབྱོར་དཀའ་ངལ་ཡོད་མཁན་ཚོར། གཞུང་དང་ཚོཊ་པ་ཁག་གིས་རོགས་རམ་གནང་རྒྱུ་གལ་ཆེན་རེད་ཅེས་བརྗོད་སོང་།

ཟབ་སྦྱོང་ནང་ཞུཊ་མཁན་དབུས་སྨན་རྩིས་ཁང་གི་སྨན་རྩིས་ཉམས་ཞིབ་པ་བསྟན་འཛོམས་པ་ལགས་ཀྱིས་བརྗོད་དོན། ང་རང་གིས་སྨན་རྩིས་ཉམས་ཞིབ་སྡེ་ཚན་དུ་ལས་ཀ་བྱེད་ཀྱི་ཡོད། ང་ཚོས་བསྔོ་སྨན་ལ་ཉམས་ཞིབ་བྱས་ཏེ་དུས་དེབ་རེ་འདོན་དགོས་པ་རེད། དེབ་དེ་དབྱིན་ཡིག་ཏུ་བསྒྱུར་དགོས་སྟབས། ང་ལ་བསྒྱུར་མ་ཐུབ་པའི་དཀའ་ངལ་འཕྲད་ཀྱི་འདུག ཡིག་སྒྱུར་ཚད་ལྡན་དགོས་ན་སྐད་ཡིག་གཉིས་ལ་ཡག་པོ་དགོས་པ་རེད། དེའི་སྟབས་ཀྱིས་ང་རང་ཟབ་སྦྱོང་འདིར་སྐད་ཡིག་ཡར་རྒྱས་གཏོང་གི་ཡོང་བ་ཡིན་ཞེས་བརྗོད།

ཟབ་སྦྱོང་ནང་ཞུཊ་མཁན་སྐུ་ཞབས་འཇམ་དབྱངས་གྲཊ་པ་ལགས་ཀྱིས་བརྗོད་དོན། ང་རང་ཡིག་སྒྱུར་གྱི་ལས་ཀ་བྱེད་མཁན་ཞིག་ཡིན། ཐེངས་འདིའི་ཟབ་སྦྱོང་བརྒྱུད་ང་ལ་ཡིག་སྒྱུར་སྐོར་གྱི་ཉམས་མྱོང་མང་པོ་ཞིག་རག་སོང་། ཟབ་སྦྱོང་འདིས་མ་འོངས་པའི་ཡིག་སྒྱུར་གནང་ཕྱོགས་ཐོག་གདེང་ཚོད་ཆེན་པོ་ཞིག་སྐྱེས་སོང་ཞེས་བརྗོད་སོང་།  

གསར་འགོད་པ། དཔལ་ལྡན།