དེ་རིང་ཕྱི་ཚེས་ ༡ ཉིན་བོད་མི་མང་སྤྱི་འཐུས་ལྷན་ཚོགས་ཚོགས་དྲུང་ལས་ཁུངས་ཀྱིས། བཙན་བྱོལ་བོད་མིའི་བཅའ་ཁྲིམས་དོན་ཚན་ ༥༩ པའི་དགོངས་དོན་འོག འཆར་ཟླའི་ནང་འཚོགས་འཆར་ཡོད་པའི་དམིགས་བསལ་ཚོགས་ཆེན་ཐེངས་གཉིས་པའི་དང་བླངས་ཚོཊ་ཞུགས་རྣམས་ཀྱི་སྙན་ཞུ་དུས་ཡུན་འཕར་འགྱངས་བྱས་ཡོད་པའི་སྐོར་ལ་གསལ་བསྒྲགས་ཤིག་གནང་འདུག
གསལ་བསྒྲགས་དེའི་ནང་། ད་ལྟའི་བོད་ནང་གི་ཛ་དྲག་གནས་སྟངས་ལ་བོད་མིའི་སྒྲིག་འཛུགས་མང་ཚོགས་དང་བཅས་པའི་གདོང་ལེན་གནང་ཕྱོགས་ཐོག་གོ་བསྡུར་ཡོང་ཆེད། བཙན་བྱོལ་བོད་མིའི་བཅའ་ཁྲིམས་དོན་ཚན་ ༥༩ པའི་དགོངས་དོན་དམིགས་བསལ་ཚོགས་ཆེན་ཐེངས་གཉིས་པ། ཕྱི་ལོ་ ༢༠༡༢ སྐོང་ཚོགས་གནང་རྒྱུའི་ཚོགས་མིའི་ཡོང་ཁུངས་ནས་རྒྱ་བལ་འབྲུག་གསུམ་དང། དེ་མིན་ཡུལ་གྲུ་ཁག་ནས་དང་བླངས་འཛུལ་ཞུགས་ཀྱི་ཐད། དང་བླངས་འཛུལ་ཞུགས་ཀྱི་སྙན་ཞུ་ཁག་ཕྱི་ལོ་ ༢༠༡༢ ཕྱི་ཟླ་ ༧ ཚེས་ ༣༡ བར་བཞེས་རྒྱུའི་ཡོངས་ཁྱབ་གནང་ཟིན་ཡོད་ནའང། དང་བླངས་ཚོགས་ཞུགས་ཆེད་ད་དུང་ས་མིག་སྟོང་པ་གང་ཙམ་ལྷག་ཡོད་སྟབས། ཚོགས་ཞུགས་ཆོག་པའི་སྙན་ཞུ་ཕྱི་ལོ་ ༢༠༡༢ ལོའི་ཕྱི་ཟླ་ ༨ ཚེས་ ༡༥ བར་བཞེས་རྒྱུ་ཕར་འགྱངས་གནང་སོང་བ་ལྟར་དེའི་ནང་ཚུན་ངེས་འབུལ་ཐུབ་པ་གནང་དགོས། ཞེས་འཁོད་འདུག
གསར་འགོད་པ། དོན་གོ
ཚོགས་ཆེན་ལ་དང་བླང་ས་དམིགས་སྟོང་པ་ད་དུང་ལུད་བཞིན་བསྐྱར་དུ་གསལ་བསྒྲགས་བྱེད་དགོས་པ་ནི་མི་མང་ནང་ནས་སེམས་ཤུགས་མེད་ནས་ཡོང་མཁན་མེད་པ་ཞིག་མིན་པར་འདས་པའི་ཚོགས་ཆེན་གཉིས་ཚོགས་པའི་གྲོས་ཆོད་ཀྱི་དགོས་དོན་དེ་དག་ད་ཆ་ཡིག་སྣོད་ནང་ལྷུངས་ནས་འབུ་ཡི་ཟ་བཅའ་རུང་གྱུར་བ་ལས་གཞན་གང་ཡང་བྱུང་མེད་པས་ད་ཐེངས་ཚོགས་ཆེན་དེ་ཡང་གཞུང་གྲོན་འཕར་མ་དང་། ཁྱབ་བསྒྲགས་ཙམ་ལས་དགོས་དོན་གང་ཡང་གྲུབ་རྒྱུ་མེད་པར་སོང་ད་ཐེངས་དང་བླང་ཡོང་མཁན་མེད་པ་རྒྱུ་མཚན་ངོ་མ་དེ་ཡིན་པ་སྤྱི་མཐུས་དང་། བཀའ་ཤག་ནས་ངེས་པར་ཤེས་དགོས་པ་ཡིན།