ཨེ་ཤ་ཡ་རང་དབང་རླུང་འཕྲིན་ཁང་གིས་གནས་ཚུལ་སྤེལ་བ་ལྟར་ན། རྒྱ་ནག་གཞུང་གིས། ༢༠༠༨ ལོར་ཁམས་སྡེ་དགེ་ས་གནས་སུ་རྒྱ་གཞུང་ལ་ངོ་རྒོལ་སྐད་འབོད་དང་། བོད་རང་བཙན་གྱི་སྦྱར་ཡིག་འགྲེམས་སྤེལ་བྱས་པར་རྐྱེན་བྱས་ཏེ། སྐབས་དེར་ཁམས་སྡེ་དགེ་དགོན་གསར་དགོན་པའི་གྲྭ་བ་ ༡༡ ཙམ་འཛིན་བཟུང་གིས། ལོ་ཚད་འདྲ་མིན་གྱིས་ཁྲིམས་ཐག་བཅད་དེ་སི་ཁྲོན་ཞིང་ཆེན་མེན་ཡཱང་བཙོན་ཁང་སོགས་སུ་བཙོན་འཇུག་བྱས་ཡོད་པ་ལྟར། ཉེ་ཆར་སྐབས་དེར་འཛིན་བཟུང་བཙོན་འཇུག་བྱས་པའི་གྲྭ་བ་གཉིས་ཀློད་གྲོལ་བཏང་ཡོད་ཀྱང་། རྒྱ་གཞུང་གིས་བཙོན་ཁང་དུ་སྡུག་སྦྱོང་མནར་གཅོད་ཚད་ལས་བརྒལ་བ་བཏང་མཐར། རང་ལོ་ ༣༠ ཡས་མས་ཡིན་པའི་གྲྭ་ཡེ་ཤེས་རྒྱ་མཚོ་ལགས། གཟུགས་པོའི་ཕྱེད་ཀ་བེད་མེད་དུ་གྱུར་ཡོད་པ་མ་ཟད། སེམས་པ་བདེ་བོ་མེད་པའི་གནས་སུ་བསྐྱལ་ཡོད་འདུག
ཉེ་ཆར་དགོན་པ་དེས་འགྲོ་སོང་བཏང་སྟེ་གྲྭ་ཡེ་ཤེས་རྒྱ་མཚོ་དར་རྩེ་མདོ་སྨན་ཁང་དུ་བསྐྱལ་ཡོད་ཀྱང་། ཕན་ཐོཊ་མ་བྱུང་བར་ཕྱིར་རང་ཡུལ་དུ་ལོག་དགོས་བྱུང་ཡོད་འདུག་ལ། རང་ལོ་ ༤༠ ཡས་མས་ཡིན་པའི་གྲྭ་བྱམས་པ་དབང་ཕྱུག་ལཊ་ཀྱིས། རྐང་པ་དང་སྐེད་པ་སོགས་ལ་རྨས་སྐྱོན་ཚབས་ཆེན་ཕོག་སྟེ་གཟུགས་པོའི་གནས་སྟངས་ཧ་ཅང་ཛ་དྲག་ཆཊ་ཡོད་འདུག
ད་ལྟའི་ཆར་ས་གནས་བོད་མི་ཚོས་དཔལ་འབྱོར་གྱི་མཐུན་རྐྱེན་སྦྱར་ཏེ་ཁོང་གཉིས་ཀྱི་སྨན་བཅོས་ཐད་རོགས་རམ་བྱེད་ཀྱི་ཡོད་ཀྱང་། ན་ཚ་ལྕི་དྲག་པའི་དབང་གིས་ཕན་ཐོགས་ཅི་ཡང་མེད་པར་ལྷག་ཡོད་སྐོར་ས་གནས་བོད་མི་ཞིག་གིས་བརྗོད་ཡོད་འདུག
གསར་འགོད་པ། དོན་གོ
ཅི་འདྲའི་ཡ་ང་བ་དང་འཇིགས་ཡེར་བའི་རྒྱོབ་གསོད་ཀྱི་མི་ལོ་ལྔ་བཅུའི་རིང་ལ་གདུག་རྩུབ་དང་མནར་གཅོད་ཀྱི་མུན་ནག་གི་དུས་ཚོད་འགྲོ་དཀའ་བའི་ལོ་ཟླ་དང་ཉིན་ཞག་རེ་རེ་བཞིན་འདས་ཟིན་ཡང་། ད་དུང་ཡང་ཁྲག་དང་མིག་ཆུའི་དུས་ཡུན་དེ་ཇི་ཙམ་རིང་ངམ། སུས་ཀྱང་བརྗོད་མི་ཐུབ་པ་དེ་མ་འོངས་པ་རེད། ཨ་ཁ་ངེད་གདོང་དམར་བོད་འདིའི་ལས་ངན་འབྲས་བུ་རྫོགས་པའི་དུས་ཀྱི་མཐའ་དེ་ནམ་ཞིག་ཡིན་པར་ལུང་བསྟན་མཁན་མེད་ནའང་། མི་རིགས་མ་རྫོགས་གོང་ནས་བདེ་སྐྱིད་ཀྱི་ཉི་མ་ཞིག་ཤར་རྒྱུ་ཡོད་མེད་གསུང་ཐུབ་མཁན་ཞིག་ཨེ་ཡོད། དེའང་ཁག་པོ་རེད། སློབ་དཔོན་པད་འབྱུང་གི་ལུང་ལས། མཐའ་མ་བོད་འདི་རྒྱའི་འོག་ཏུ་འཇུག་ཟེར་བའི་ལུང་བསྟན་དེ་ལ་ཡིད་ཆེས་ཡོད་དམ། ཡོད་ན་ལུང་དོན་དེ་འགྲེལ་ཐུབ་མཁན་དང་ཕོད་མཁན་ད་བར་བྱུང་མེད། རྒྱ་དམར་འདིས་མི་གྲངས་ས་ཡ་བརྒྱད་བཅུ་ལས་བརྒལ་བའི་རྩ་མེད་བཏང་ཟིན་ནའང་ལས་ངན་གྱི་འབྲས་བུ་སྨིན་མི་དགོས་པ་ཅི་ལ་ཐུག གཏམ་དཔེར། ཕོ་རྒོད་པོ་དམྱལ་བ་ནང་དུ་ལན་གསུམ་རྒོད་ཟེར་སྲོལ་ལྟར་རེད་ལབ་ན། ནག་པོ་ཁ་དར་རེད་ཟེར་སྲིད། རྒྱ་ནག་པོ་ཁ་དར་ཡིན་ན་བོད་ཀྱི་ལས་ངན་རྫོགས་སུ་མེད་དོན་ཅི་རེད།