ཆབ་སྲིད་བཙོན་པའི་གནས་སྟངས།

ཨེ་ཤ་ཡ་རང་དབང་རླུང་འཕྲིན་ཁང་གིས་གནས་ཚུལ་སྤེལ་བ་ལྟར་ན། རྒྱ་ནག་གཞུང་གིས། ༢༠༠༨ ལོར་ཁམས་སྡེ་དགེ་ས་གནས་སུ་རྒྱ་གཞུང་ལ་ངོ་རྒོལ་སྐད་འབོད་དང་། བོད་རང་བཙན་གྱི་སྦྱར་ཡིག་འགྲེམས་སྤེལ་བྱས་པར་རྐྱེན་བྱས་ཏེ། སྐབས་དེར་ཁམས་སྡེ་དགེ་དགོན་གསར་དགོན་པའི་གྲྭ་བ་ ༡༡  ཙམ་འཛིན་བཟུང་གིས། ལོ་ཚད་འདྲ་མིན་གྱིས་ཁྲིམས་ཐག་བཅད་དེ་སི་ཁྲོན་ཞིང་ཆེན་མེན་ཡཱང་བཙོན་ཁང་སོགས་སུ་བཙོན་འཇུག་བྱས་ཡོད་པ་ལྟར། ཉེ་ཆར་སྐབས་དེར་འཛིན་བཟུང་བཙོན་འཇུག་བྱས་པའི་གྲྭ་བ་གཉིས་ཀློད་གྲོལ་བཏང་ཡོད་ཀྱང་། རྒྱ་གཞུང་གིས་བཙོན་ཁང་དུ་སྡུག་སྦྱོང་མནར་གཅོད་ཚད་ལས་བརྒལ་བ་བཏང་མཐར། རང་ལོ་ ༣༠ ཡས་མས་ཡིན་པའི་གྲྭ་ཡེ་ཤེས་རྒྱ་མཚོ་ལགས། གཟུགས་པོའི་ཕྱེད་ཀ་བེད་མེད་དུ་གྱུར་ཡོད་པ་མ་ཟད། སེམས་པ་བདེ་བོ་མེད་པའི་གནས་སུ་བསྐྱལ་ཡོད་འདུག

ཉེ་ཆར་དགོན་པ་དེས་འགྲོ་སོང་བཏང་སྟེ་གྲྭ་ཡེ་ཤེས་རྒྱ་མཚོ་དར་རྩེ་མདོ་སྨན་ཁང་དུ་བསྐྱལ་ཡོད་ཀྱང་། ཕན་ཐོཊ་མ་བྱུང་བར་ཕྱིར་རང་ཡུལ་དུ་ལོག་དགོས་བྱུང་ཡོད་འདུག་ལ།  རང་ལོ་  ༤༠ ཡས་མས་ཡིན་པའི་གྲྭ་བྱམས་པ་དབང་ཕྱུག་ལཊ་ཀྱིས། རྐང་པ་དང་སྐེད་པ་སོགས་ལ་རྨས་སྐྱོན་ཚབས་ཆེན་ཕོག་སྟེ་གཟུགས་པོའི་གནས་སྟངས་ཧ་ཅང་ཛ་དྲག་ཆཊ་ཡོད་འདུག