ཟླ་འདིའི་ཕྱི་ཚེས་ ༢༢ ཉིན་ཨ་རིའི་གྲོས་ཚོཊ་རྒྱ་ནག་ལས་དོན་ཚན་པས། བོད་ཀྱི་ས་ཁུལ་གང་སར་རང་ལུས་མེར་བསྲེཊ་ཀྱི་ལས་འགུལ་བསྟུད་མར་བྱུང་བཞིན་པའི་ཐད་དམིགས་བསལ་སྙན་ཐོ་ཞིག་བཏོན་ཡོད་འདུག་ལ། གྲོས་ཚོགས་ཀྱི་བཏོན་པའི་སྙན་ཐོའི་ནང་། བོད་ནང་བོད་མི་མང་པོས་རང་ལུས་མེར་བསྲེཊ་བཏང་སྟེ། རིམ་གྱིས་བོད་ཀྱི་ས་ཁུལ་གང་སར་ཁྱབ་བཞིན་པ་དེས། རྒྱ་གཞུང་གིས་བོད་ཐོག་འཛིན་པའི་སྲིད་ཇུས་ཕམ་ཉེས་ཕྱིན་ཡོད་པ་བསྟན་ཡོད་ཀྱང་། རྒྱ་གཞུང་གིས་ད་དུང་དེ་ལས་ལྡོག་ཏེ་རང་ལུས་མེར་བསྲེཊ་ཀྱི་གནས་ཚུལ་དེ་རྒྱལ་ཁབ་ཀྱི་བདེ་འཇགས་དང་སྤྱི་ཚོགས་བརྟན་བརླིང་ལ་གཏོར་བཤིག་གཏོང་བའི་བྱ་སྤྱོད་ཁོ་ནར་ངོས་འཛིན་གྱིས། མུ་མཐུད་དྲག་གནོན་གྱི་སྲིད་ཇུས་ལག་བསྟར་བྱེད་ཀྱི་ཡོད་ཚུལ་དང་། ཐོག་མར་རང་ལུས་མེར་བསྲེཊ་གཏོང་མཁན་དགེ་འདུན་པ་དང་རིམ་གྱིས་མི་སྐྱ་མང་པོས་རང་ལུས་མེར་བསྲེཊ་གཏོང་གི་ཡོད་པ་དང་། ས་ཁུལ་གྱི་ཆ་ནས་དེ་སྔོན་རང་ལུས་མེར་བསྲེཊ་ཀྱི་ལས་འགུལ་མང་ཆེ་བ་སི་ཁྲོན་ཞིང་ཆེན་མངའ་ཁོངས་ཀྱི་བོད་མིའི་འདུས་སྡོད་ཁག་ཏུ་བྱུང་ཡོད་ནའང་། དེང་སྐབས་རིམ་གྱིས་བོད་རང་སྐྱོང་ལྗོངས་དང་མཚོ་སྔོན། ཀན་སུའུ་བཅས་སུ་འབྱུང་བཞིན་པའི་སྐོར་སོགས་བཀོད་ཡོད་པ་མ་ཟད། རང་ལུས་མེར་བསྲེཊ་ཀྱི་གནས་ཚུལ་དེ་ནི། རྒྱ་གཞུང་གིས་མི་མང་ཐོག་དྲག་གནོན་ཁོ་ན་བེད་སྤྱད་དེ་བོད་མིའི་ཆོས་དང་རིག་གཞུང་གཏོར་བཤིག་དང་། བོད་མི་ཚོར་གང་བྱུང་གཅར་རྡུང་མནར་གཅོད་བཏང་བ། ༧གོང་ས་མཆོག་གི་སྐུ་ཚབ་དང་ལྷན་དུ་གྲོས་མོལ་རིམ་པར་བྱས་ཀྱང་བཟང་ཕྱོགས་ཀྱི་གྲུབ་འབྲས་མ་ཐོན་པ་སོགས་ཀྱི་དབང་གི་ཡིན་ཚུལ་སོགས་བཀོད་ཡོད་འདུག
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
ཨ་ཕ་ཨ་རི་ཚང་ལ་དཀའ་དྲིན་ཞུ་་་་ཁྱེད་ཚང་ལྟ་བའི་སྟོབས་ཆེན་རྒྱལ་ཁབ་ཚས་རོགས་རམ་བྱས་ན་་་་ངེད་ཚང་གི་རེ་བའི་ཉི་ཟེར་ལ་ལྷག་ཏུ་འོད་མདངས་རྒྱས་རྒྱུ་རེད།
ཐུགས་རྗེ་ཆེ། སྔ་ཕྱིས་ཀུན་ཏུ་ཡིན་ཡང་ཉམས་ཆུང་གི་བོད་མི་རིགས་ལ་རོགས་སྐྱོར་གནང་བཞིན་པས་ཨ་རི་གཞུང་ལ་སྙིང་དག་པ་ནས་ཐུགས་རྗེ་ཆེ་ཞུ།