དེ་རིང་བདེན་པའི་མེ་ལྕེ་སིམ་ལར་སྐོར་བསྐྱོད་གྲུབ་སྟེ་བོན་གཞིས་ལ་རྩིས་སྤྲོད་གནང་སྟེ། ས་གནས་སེར་སྐྱ་མི་མང་སྟོང་ཕྲག་བརྒལ་བ་འདུ་འཛོམས་ཐོག་གདན་ཞུས་གནང་འདུག
.JPG)
དེ་རིང་ཕྱི་ཚེས་ ༢༤ ཉིན། རྒྱ་གར་བྱང་ཁུལ་གྱི་བདེན་པའི་མེ་ལྕེ་སིམ་ལར་སྐོར་བསྐྱོད་གྲུབ་སྟེ་བོན་གཞིས་ས་གནས་ལ་རྩིས་སྤྲོད་གནང་ཡོད་པ་ལྟར། བོན་གཞིས་ས་གནས་གཞིས་འགོ་དང་། བོན་གཞིས་ས་འཐུས་ཚོགས་གཙོ། རང་བདེན་ཚོགས་ཆུང་གི་ཚོགས་མི། གཡུང་དྲུང་བོན་འཛིན་སྐྱོང་ལྷན་ཚོགས་ཀྱི་སྐུ་ཚབ། བོན་གཞིས་སྨན་རི་གྲྭ་ཚང་གི་སྐུ་ཚབ། ས་གནས་གཞོན་ནུ་ཚོགས་པའི་ཚོགས་གཙོ། བོད་ཀྱི་བོན་པོའི་ཚོགས་པའི་ཚོགས་གཞོན་བཅས་ཀྱི་གྲུབ་པའི། བོན་གཞིས་ས་གནས་བདེན་པའི་མེ་ལྕེ་སྐོར་བསྐྱོད་ལས་འགུལ་གོ་སྒྲིག་ཚོགས་ཆུང་གིས། ས་གནས་ཨོ་ཇིའི་སྒར་དུ་བདེན་པའི་མེ་ལྕེ་རྩིས་ལེན་ཕེབས་བསུ་ཞུས་ཡོད་འདུག
བདེན་པའི་མེ་ལྕེ་བོན་གཞིས་སུ་འབྱོར་མ་ཐག ས་གནས་སེར་སྐྱ་མང་ཚོགས་དང་ཉིན་སློབ་ཀྱི་སློབ་ཕྲུག་སོགས་མང་ཚོགས་སྟོང་ལ་ཉེ་བ་ཙམ་གྱིས་སེར་ཕྲེང་སྒྲིག་ཏེ་བདེན་པའི་མེ་ལྕེ་གདན་ཞུས་ཐོག བོན་གཞིས་གསང་སྔགས་སྒོམ་སྒྲུབ་གླིང་དུ་མི་མང་འདུ་འཛོམས་གནང་སྟེ། བོན་གཞིས་ས་གནས་འགོ་འཛིན་ཀྱིས་བདེན་པའི་མེ་ལྕེ་སྐོར་ནས་གཏམ་བཤད་བཅས་གནང་ཡོད་འདུག ཕྱི་ཚེས་ ༢༥ ཉིན་ནས་ས་རྟགས་བསྡུ་རུབ་སོགས་ཀྱི་ལས་འགུལ་རིམ་བཞིན་སྤེལ་འཆར་ཡོད་འདུག
གསར་འགོད་པ། ཚེ་རིང་རྒྱལ།
ཤེར་དགེ་ལོ་ལོ། གཅིག་སྟོང་མ་རེད་ཆིག་སྟོང་རེད། ཚིགས་བཅད་འབྱོར་མོ་ཞིག་བྲིས་ནོ་ཡང་གཅིག་སྟོང་གིས་བརླག་བཞག་ཡོད་ཀི
གཡུང་བྷེ་ལོ་ལོ། ད་སྡོད། ད་སྡོད། ཧ་ཧ་ཧ།
གྲངས་ཀྱི་སྟོང་དང་མེད་པའི་སྟོང་། ཚིག་གི་སྦྱོར་བའི་སྦྱོར་སྟངས་ཀྱིས། སྐབས་དང་སྐབས་སུ་གོ་བ་ལས། གང་འདོད་གོ་བ་ལེན་མི་འོས།
གསར་འགོད་པས་ཚིག་སྦྱོར་གྱི་ཆ་ནས་ཅུང་ཙམ་ཟོན་མ་བྱས་པའི་སྐྱོན་ཡོད་པ་བདེན་པ་རེད། གལ་སྲིད་༼སྟོང་༽གི་སྔོན་དུ་༼གཅིག༽བྲིས་ཡོད་ན་དྲགས་པ་འདུག
ལོ་བྷེ་ལོ་ལོ་་་་་་་ (མང་ཚོགས་ཚར་ལ་ཉེ་བ་ཙམ་གྱིས་ཞེས་བའི་དོན་)་ཞེས་བ་དེའི་དོན་གང་ཡིན། བོན་གཞིས་ལ་མང་ཚོགས་སྟོང་ལ་ཉེ་བ་མེད་ཀི་ཟེར་གོ་ནི་མིན་ན་་་་་་་ཧ་ཧ་་་་་་
ཚེ་བྷ་ལོ་ལོ། (མང་ཚོགས་སྟོང་ལ་ཉེ་བ་ཙམ་གྱིས)་ཞེས་བ་དེ་མང་ཚོགས་ཚར་ལ་ཉེ་བ་ཙམ་གྱིས་ཞེས་བའི་དོན་རེད། ཧ་ཧ་ཧ།
བཀུར་འོས་གསར་འགོད་པ་ལགས། བཀའ་དྲིན་ཆེ། གོང་གི་༼བོད་གཞིས་༽ཞེས་པ་དེ་བོན་གཞིས་ལ་བཅོས་རོགས་ཞུ།
ཁྲི་གཡུང་བས་གུས་འཚམས་བཅས།