དེ་རིང་ངྷ་ས་དེ་དོན་ཚོགས་ཁང་དུ་ཀཱང་ར་རྫོང་གི་རྫོང་དཔོན་གཞོན་པས་གསལ་བསྒྲགས་ཤིག་སྤེལ་ཏེ། ཉེ་ཆར་སིམ་ལ་མཐོ་རིམ་ཁྲིམས་ཁང་གིས་མཚོ་པདྨ་དང་ངྷ་རམ་ས་ལ་གཙོས་པའི་སྤྱི་དམངས་ལ་བདག་པའི་ཁོར་ཀུན་ལ་རླུང་རྟ་དང་དར་ལྕོག་འདོག་པ། རྡོ་ལ་རྐོ་རྒྱག་པ་དང་མཚོན་རིས་འབྲི་བ་སོགས་བྱེད་མི་ཆོག་པའི་ཐག་གཅོད་བྱས་ཡོད་ཟེར།
དེ་རིང་ཉིན་གུང་ཆུ་ཚོད་ ༡༢ དང་ཕྱེད་ཀའི་སྟེང་། ངྷ་ས་ས་གནས་མགོ་འཛིན་ལས་ཁུངས་ཀྱི་གོ་སྒྲིག་འོག ཁོར་ཡུག་ཚོགས་པའི་ཚོགས་ཁང་དུ་ངྷ་སའི་ཉེ་འཁོར་དུ་ཡོད་པའི་བོད་པའི་སློབ་གྲྭ་ཁག་དང་དགོན་པ། ཚོགས་སྐྱིད་ཁག་གི་འགན་འཛིན་བཅས་མི་གྲངས་ ༣༠ ཡས་མས་ཤིག་འབོད་འགུག་གིས། ཀཱང་ར་རྫོང་གི་རྫོང་དཔོན་གཞོན་པ་སྐུ་ཞབས་སན་ཌེ་པི་(Sandeep Sood) ལགས་ཀྱིས། ཉེ་ཆར་སིམ་ལ་(Shimla) མཐོ་རིམ་ཁྲིམས་ཁང་གིས་ངྔ་རམ་ས་ལ་དང་མཚོ་པདྨ་གཙོ་བོར་གྱུར་པའི་མན་ཌེ་(Mandi) དང་ཀང་རཱ་(Kangra)རྫོང་གཉིས་ཀྱི་ཁོངས་སུ་ཡོད་པའི་བོད་མིའི་འདུས་སྡོད་ཁག་ཏུ་སྤྱི་དམངས་ལ་བདག་པའི་ཤིང་ནགས་དང་རི་སྒང་སོགས་སུ་གང་བྱུང་ཤོག་བུའི་རླུང་རྟ་གཏོར་བ་དང་། རས་ཀྱི་དར་ལྕོགས་འདོག་པ་དང་རྡོ་ལ་རྐོ་རྒྱག་པ་སོགས་བྱ་མི་ཆོག་པའི་ཐག་གཅོད་བྱས་ཡོད་པའི་བཀའ་རྒྱ་ཁྱབ་བསྒྲགས་བྱས་སོང་།
སྐབས་དེར་རྫོང་དཔོན་སན་ཌེ་པི་ལགས་ཀྱིས་བརྗོད་པ་ལྟར་ན། ཁྲིམས་ཁང་གི་ཐག་གཅོད་དེ་ནི་བོད་པ་ཚོ་དམིགས་འབེན་དུ་བཟུང་པ་དང་བོད་མིའི་ཆོས་དད་དང་རིག་གཞུང་ལ་བརྩི་བཀུར་མ་བྱས་པ་ཞིག་མིན་པར། དེ་ནི་རྒྱ་གར་གྱི་ཁྲིམས་ལུགས་ནང་སྤྱི་དམངས་ཀྱི་རྒྱུ་དངོས་ལ་སྲུང་སྐྱོབ་ཅེས་པའི་ཁྲིམས་གཞིའི་འོག་ཐག་གཅོད་བྱས་པ་ཞིག་དང་། བོད་པ་གཅིག་པུ་མིན་པར་རྒྱ་གར་ཡུལ་མི་ལའང་ཁྲིམས་ལུགས་དེ་གཅིག་མཚུངས་ལག་བསྟར་བྱེད་ཀྱི་ཡོད་པ། གལ་སྲིད་བོད་མི་ཚོས་ཆོས་དད་དང་རིག་གཞུང་གི་བྱེད་སྒོ་དེའི་རིགས་སྤེལ་དགོས་ན་སོ་སོའི་ནང་དང་། སོ་སོར་བདག་པའི་ས་ཆའི་སྟེང་སྤེལ་རྒྱུ་ལས། སྤྱི་དམངས་ལ་བདག་པའི་ཤིང་ནགས་ནང་གང་བྱུང་རླུང་རྟ་དང་དར་ལྕོག་འདོག་པ། རྡོ་ལ་མ་ཎི་རྐོ་བ་དང་མཚོན་རྩི་འདྲི་མིན་གྱིས་ཐང་ག་དང་རི་མོ་སོགས་འབྲི་བའི་རིགས་བྱ་མི་ཆོག་ཚུལ་བརྗོད་སོང་།
སན་ཌེ་པི་ལགས་ཀྱིས་གཙུག་ལག་ཁང་གཡས་གཡོན་དང་ལྷ་རྒྱལ་རི་སོགས་ནི་མི་སྒེར་བའི་མིང་ཐོག་ན་ཡོད་སྟབས། དམིགས་བསལ་དཀའ་ངལ་འཕྲད་མི་སྲིད་ཀྱང་། གཙོ་བོ་མེག་གྷན་གྱི་རི་ངོས་སོགས་སུ་དར་ལྕོག་དང་རླུང་རྟ་འདོག་པ། རྡོ་ལ་རྐོ་རྒྱག་པ་དང་མཚོན་གཏོང་པའི་རིགས་བྱ་མི་ཆོག་ཚུལ་དང་། མི་འགྱངས་པར་སྤྱི་དམངས་ལ་བདག་པའི་ཤིང་ནགས་སོགས་སུ་དར་ལྕོག་དང་རླུང་རྟ་བཏགས་ཡོད་རིགས་ཕྱིར་བསྡུ་གཙང་མ་བཟོ་སྟབས། བོད་མི་ཚོའི་ཆོས་དད་ལ་ཕོག་ཐུག་བཟོ་བཞིན་ཡོད་པའི་སེམས་ཚོར་མི་ཡོང་པ་བྱ་དགོས་པ་དང་། དེ་ནི་ཡུལ་ཁྲིམས་ཡིན་སྐོར་བརྗོད་སོང་།
སྤྱི་དམངས་ལ་བདག་པའི་རྒྱུ་དངོས་ཟེར་པ་ནི། མི་སྒེར་སུ་ལའང་མ་བདག་པའི་རི་ཆུ་ནགས་གསུམ་ལ་ཟེར་གྱི་ཡོད་ཅིང་། ཐེངས་འདིའི་སིམ་ལ་མཐོ་རིམ་ཁྲིམས་ཁང་གི་ཐག་གཅོད་དེ་ནི། ད་ལོའི་ཕྱི་ཟླ་ ༧ ཚེས་ ༡༣ ཉིན་མན་ཌེ་རྫོང་ཁོངས་མཚོ་པདྨ་ནས་ཡིན་པ་རྒྱ་གར་བ་ཞིག་གིས་ཁྲིམས་གཏུག་བྱས་པ་ལ་བརྟེན་ནས་ཐག་གཅོད་བྱས་པ་ཞིག་ཡིན་པ་དང་། ཁྲིམས་ཁང་གི་བཀའ་རྒྱའི་ཡིག་ཆའི་ནང་། ཁྲིམས་ཁང་གི་ཐག་གཅོད་འདི་ད་ལོའི་ཕྱི་ཟླ་ ༡༠ ཚེས་ ༣༡ ནས་ལག་བསྟར་བྱ་དགོས་ཡོད་པར་བཀོད་འདུག
ངྷ་ས་ས་གནས་མགོ་འཛིན་བསོད་ནམས་རྡོ་རྗེ་ལགས་ཀྱིས་བརྗོད་པ་ལྟར་ན། གོང་གི་ཐག་གཅོད་དེ་བྱུང་རྗེས་དབུས་བོད་མིའི་སྒྲིག་འཛུགས་དང་ས་གནས་བདེ་དོན་ལས་ཁུངས་ཀྱིས་ཁྲིམས་ཁང་གི་བཀའ་རྒྱ་དྲིལ་བསྒྲགས་ལག་བསྟར་བྱ་དགོས་སྐོར་བརྗོད་བྱུང་པར། དེ་ནི་འབྲེལ་ཡོད་ཁྲིམས་ཁང་དང་རྫོང་གིས་ཐག་གཅོད་བྱས་པ་ཞིག་ཡིན་སྟབས་ཁོ་རང་ཚོ་ཡོང་ན་ལེགས་ཚུལ་བརྗོད་པ་ལྟར་ཡོང་པ་ཞིག་ཡིན་སྐོར་བརྗོད་བྱུང་ལ། ཡང་ཁོང་གིས་བོད་མི་ཚོས་སོ་སོ་གནས་ཡུལ་གྱི་ཁྲིམས་ལ་བརྩི་སྲུང་བྱ་དགོས་པའི་འབོད་སྐུལ་གནང་སོང་།
གཞན་གོང་གི་ཁྲིམས་གཏུག་བྱེད་མཁན་དེས། ངྷ་སའི་ཟློས་གར་ཚོགས་པའི་ལམ་རྒྱུད་དུ་ཡོད་པའི་བོད་མིའི་ཁྱིམ་ཚང་༢༠༠ ལྷག་སྤྱི་དམངས་ལ་བདག་པའི་ཤིང་ནགས་ནང་ཁྲིམས་འགལ་ཐོག་སྡོད་ཁང་བརྒྱབ་ཡོད་པའི་ཁྲིམས་གཏུག་བྱས་ཡོད་པ་ལྟར། སིམ་ལ་མཐོ་རིམ་ཁྲིམས་ཁང་གིས་སྡོད་ཁང་དེ་དག་ ༢༠༡༣ ལོའི་ཕྱི་ཟླ་ ༣ ཚེས་ ༣༡ བར་གཙང་ཤིག་བྱ་དགོས་པའི་ཐག་གཅོད་ཀྱང་བྱས་ཡོད་འདུག
ཟློས་གར་ཚོགས་པའི་ལམ་རྒྱུད་དུ་ཡོད་པའི་བོད་པའི་ཁྱིམ་ཚང་མང་པོ་ཞིག་གཙང་ཤིག་བྱ་དགོས་པའི་བཀའ་རྒྱ་དེའི་སྐོར་ལ་གསར་འགོད་པས་ངྷ་ས་གནས་མགོ་འཛིན་བསོད་ནམས་རྡོ་རྗེ་ལགས་སུ་བསྐྱར་དུ་བཀའ་འདྲི་ཞུས་པར་ཁོང་གིས། ཁྲིམས་གཏུག་བྱེད་མཁན་གྱིས་བོད་པའི་ཁྱིམ་ཚང་དེ་དག་དམིགས་འདོན་བྱས་ཡོད་ཀྱང་། གནད་དོན་དེ་བོད་པ་གཅིག་པུ་མིན་པར་ད་སྔ་མན་ཌེ་དང་ཀང་རཱ་རྫོང་གཉིས་ཀྱི་ཁོངས་སུ་གནད་དོན་དེ་འདྲ་ ༡༠༠༠ ལྷག་ཙམ་བྱུང་ཡོད་པའི་ཁྲོད་བོད་པ་ ༢༡༥ ཡོད་འདུག གལ་སྲིད་བཀའ་རྒྱ་དེ་ལག་བསྟར་བྱ་དགོས་ཚེ་གོང་གི་གནད་དོན་ ༡༠༠༠ ལྷག་ཙམ་ཡོད་པ་ཚང་མ་གཅིག་མཚུངས་ཐོག་ལག་བསྟར་བྱ་དགོས་པ་ཡོང་གི་རེད། ད་ལྟའི་ཆར་ངྷ་ས་བདེ་དོན་ལས་ཁུངས་དང་འབྲེལ་ཡོད་ཚོས་གནད་དོན་དེའི་ཐད་ཞུ་གཏུག་བྱེད་བཞིན་ཡོད་པ་དང་། སིམ་ལ་ཁྲིམས་ཁང་གི་ཐག་གཅོད་དེར་ཞུ་གཏུག་སོགས་ཀྱི་ལམ་ཁ་གཞན་གཅིག་ཀྱང་མེད་པ་དེ་འདྲ་མིན་སྟབས། ཐབས་ཤེས་བྱ་དགོས་པ་ཚང་མ་བྱ་རྒྱུ་ཡིན་སྐོར་བརྗོད་བྱུང་།
གསར་འགོད་པ། བནྡེ་སྐྱབས།
རི་སྟེང་དུ་རླུང་དར་འཛུགས་མི་ཆོག་པ་དང་ལྷག་པར་དུ་ཤིང་སྡོང་ཐོག་ཏུ་ ་རླུང་རྟ་དང་དར་ལྕོག་འདོག་མི་ཆོག་པ་འདིར་རྒྱུ་མཚན་ཡོད། དཔེར་ན་མེ་ཏོག་ཐོག་ཏུ་སྐུད་པ་བཏགས་ཏེ་ཡར་འཐེན་མར་འཐེན་བྱས་ན་མེ་ཏོག་དེ་ཉིད་སྐམ་སྟེ་འཕྲོ་བརླག་ཏུ་འགྲོ་བ་བཞིན་ཤིང་སྡོང་ལ་དར་ལྕོག་བཏགས་ཏེ་ཡར་འཐེན་མར་འཐེན་བྱས་ན་སྐྱེ་དངོས་ཤིང་རིགས་རྣམས་ལ་ཤིན་ཏུ་གནོད། དེས་ན་སྐྱེ་དངོས་འཁོར་ཡུག་ལ་གནོད་པའི་ལས་ཤིག་ཡིན་ན་དགེ་བ་དང་སྡིག་པ་གང་ཡིན་ཆ་མི་འཚལ་བ་ལྟ་བུ་ཡིན། ཤིང་སྡོང་རེ་རེའི་རིན་ཐང་བསམ་གྱིས་མི་ཁྱབ་སྟེ་ཨེ་ཌི་ནིས་ཤའི་ཚན་རིག་པ་ཞིག་གིས་ཤིང་སྡོང་གཅིག་གི་རིན་ཐང་ཞིབ་འཇུག་བྱས་ཏེ་གཏན་ལ་ཕབ་དོན་ལ་ཤིང་སྡོང་གཅིག་གི་རིན་ཐང་ནི་ཨ་སྒོར་ཁྲི་༢༣་ཡིན་ཟེར། དེ་ལ་རྒྱུ་མཚན་ཡོད་དེ་ཤིང་སྡོང་གཅིག་གིས་མི་ལྔ་ཡི་ཚེ་སྲོག་སྐྱེད་སྲིང་བྱེད་པ་དང་། དེ་བཞིན་ས་ཡོམས་དང་། ས་རུད། ཆུ་ལོག་སོགས་རང་བྱུང་གི་འཇིག་པ་ཕལ་མོ་ཆེ་ཤིག་རིགས་དག་གིས་སྔོན་འགོག་དང་སྲུང་སྐྱོབ་བྱེད་ཀྱི་ཡོད་ན་དེ་ལ་གནོད་པའི་ལས་ཤིག་བྱས་ན་དགེ་སྡིག་གང་ཡིན་བཤད་ཁག་པོ་རེད། རང་བྱུང་གིས་འཇིག་པ་རེ་འགའ་ཡོང་དུས་སྐྱེ་འགྲོ་ག་ཚད་ཀྱི་ཚེ་སྲོག་ལ་གནོད་པ་བྱེད་ཀྱི་འདུག་དེ་དག་ལ་ཐུགས་བསམ་བཞེས་ཏེ་ད་སྐབས་བོད་རིགས་སྤུན་ཟླ་རྣམས་ཀྱིས་ཆོས་སྲིད་ཀྱི་གནད་མཁྱེན་པའི་ཐོག་ནས་ལག་ལེན་དོན་མཐུན་གནང་རོགས་ཞུ།
དཔེར་ན་ནུབ་ཕྱོགས་དམངས་གཙོའི་ལུང་པར་ཡང་རི་སྟེང་སོགས་ས་སྟེང་གང་དུ་ཡང་དར་ལ་སོགས་པ་མཐའ་ན་ཤོག་བུ་གཅིག་ཀྱང་དབྱུགས་མི་ཆོག་པས་ཚང་མས་འགན་མཉམ་འཁུར་གྱིས་རི་མགོ་ཚང་མ་གཙང་མ་ཉར་ཐུབ་ཡོད་པ་རེད་དེ་ཡང་ཆོས་དང་འཇིག་རྟེན་གཉིས་ཀ་དང་མཐུན་པ་ཡིན།
ཡང་འདི་ན་ཁུག་རྟ་ཁ་ནག་འདིས་མ་རྩོམ་དང་འབྲེལ་མེད་དོན་གཞན་གྱིས་ནང་ཁུལ་དབྱེན་དཀྲུག་གི་མཆན་བཏབ་པ་འདིས་དྲ་བའི་སྒྲིག་གཞི་འགལ་བས་དྲ་བའི་སྒྲིག་གཞི་ལ་བརྩི་བསྲུང་མི་བྱེད་པའི་རྒྱུ་མཚན་གང་ཡིན་ནམ། ཁོས་ག་དུས་ཡིན་ན་ཡང་ལམ་དབུ་མའི་ནད་རྙིང་དེ་དྲ་སྟེང་དུ་དྲུད་གང་ཐུབ་བྱེད་ཀྱི་མི་འདག་གས།
རི་སྟེང་དུ་རླུང་དར་འཛུགས་མི་ཆོག་པ་དེ་རྒྱབ་སྐྱོར་ཡོད། འཁོར་ཡུག་རང་བཞིན་གཙང་མ་འཇོག་དགོས་པ་དེ་ང་ཚོ་ཚང་མའི་ལས་འགན་རེད། རི་སྟེང་དུ་རླུང་དར་བཙུགས་ནས་རླུང་རྟ་སྐྱེད་རྒྱུ་ཡོད་ན་སྔ་ས་ནས་སྐྱེད་ཚར་ཚོད་ཡིན། ང་ཚོའོ་རླུང་རྟ་ལ་གཅིག་ལྟོས་དང་མར་འགྲོའི་སྒང་ལ་ཁྱི་ལས་ཞི་མིས་སྡང་བ་མ་རེད་པས། རླུང་རྟ་འཕེལ་འདོད་ན་ནང་ཁུལ་དབྱེན་སྦྱོར་དང་ཕྲག་དོག་གིས་འགལ་ཟླ་བཟོ་གང་ཐུབ་མ་བྱེད་པར་མཉམ་གནས་དང་རྣམ་པ་འདྲ་མིན་ཐོག་ནས་གཡས་གཡོན་ཚང་མ་ནས་འཕྱར་བ་གྲུ་སྟེགས་གནང་དགོས་པ་རེད་ལ། ནང་སེམས་སོལ་བ་ནང་བཞིན་འཁྱེར་རྒྱུ་མེད་པ་དེ་རེད།
དཔེར་ན་ནུབ་ཕྱོགས་དམངས་གཙོའི་ལུང་པར་ཡང་རི་སྟེང་སོགས་ས་སྟེང་གང་དུ་ཡང་དར་ལ་སོགས་པ་མཐའ་ན་ཤོག་བུ་གཅིག་ཀྱང་དབྱུགས་མི་ཆོག་པས་ཚང་མས་འགན་མཉམ་འཁུར་གྱིས་རི་མགོ་ཚང་མ་གཙང་མ་ཉར་ཐུབ་ཡོད་པ་རེད།
༧གོང་ས་སྐྱབས་མགོན་ཆེན་པོའི་བཀའ་སློབ་དག་ལ་མཇལ་མཁན་ཞིག་ཡིན་ན། བོད་སྐྱབས་བཅོལ་དུ་འབྱོར་མ་ཐག་ནས་རྒྱ་གར་གཞུང་གི་སྲིད་བློན་ནེ་རུ་གཙོས་པའི་འབྲེལ་ཡོད་དཔོན་རིགས་ཆེ་ཕྲ་ཚང་མས་འདི་ལྟར་བཙན་བྱོལ་སྒྲིག་འཛུགས་ལ་སྟངས་འཛིན་རབ་དང་རིམ་པར་བྱས་པ་རྟོགས་ཐུབ་ལ། དེ་ལ་༧གོང་ས་མཆོག་གིས་མཁས་མཛངས་འཕྲུལ་གསུམ་གྱིས་ལན་འདེབས་དང། རང་གི་མི་མང་ནང་དུའང་དེ་བཞིན་ཐབས་མཁས་ཆེན་པོས་འཛིན་སྐྱོང་གནང་བའི་བྱུང་རབས་རྟོགས་ཐུབ་ཅིང། དེ་བཞིན་རྒྱ་གར་དབུས་སའི་གཞུང་གི་སྲིད་བྱུས་འདི་རིགས་གསར་པ་གང་ཡང་མིན་པའང་རྟོགས་ཐུབ་པ་རེད། ཡིན་ནའང། དེང་ང་ཚོའི་སྤྱི་ཚོགས་ནང་ཁ་རྒྱགས་པ་གནམ་ལ་འཕྲེད་ཀྱིས་གཡུག་མཁན་འཇམ་ནོར་སོགས་གང་ཟག་དང་སྒྲིག་འཛུགས་རེ་ཟུང་གིས། ཚོར་བ་ཁ་གང་གི་ལྗིད་ལ་འཐམས་ནས་གང་མིན་ཚད་བྱེད་རྒྱུ་ཡོད་རབ་ཀྱིས་མི་མང་ནང་དཀྲོགས་གཏམ་འདྲ་མིན་སྤེལ་གྱི་འདུག་པས། ད་ནི་༧གོང་ས་ཆེན་པོས་སྲིད་འགན་མི་མང་ལ་གནང་ཡོད་པས། སྤྱིར་༧གོང་ས་མཆོག་ལ་དམ་ཚིག་ལོག་པའི་སྐྱེས་བོ་དེ་དག་གིས་རྒྱ་གར་གཞུང་གི་སྲིད་བྱུས་འདི་རིགས་ལ་ལན་ལྡོན་རྒྱུ་ཡོད་ན་གནང་རོགས་གནང། འགོག་མཁན་སུ་གང་ཡང་མེད། ནུས་བ་ཐབས་བྱུས་ཡོད་ན་བོད་མི་ས་ཡ་དྲུག་གིས་གཟིགས་བསྡད་ཡོད་པ་རེད་ཅེས་ཞུ་འདོད་བྱུང། དེ་དང་མཉམ་དུ་བོད་རིགས་རྣལ་མ་དག་སྐྱེས་བོ་ལོག་སྨོན་ཅན་དེ་དག་གི་བཤད་རྗེས་གཡམ་རྒྱུགས་མི་བྱེད་པའི་རེ་སྐུལ་ཡང་སྟབས་གཅིག་ཞུ་འདོད་བྱུང།།
མ་གཞི་ནས་ང་ཚོ་བོད་ཀྱི་གནས་བབ་དང་ལྗིད་ཁོག་ཟེར་བ་དེ་འདི་འདྲ་ཞིག་རེད། དེ་ཚང་མས་གསལ་མཁྱེན་ཐུབ་ན་ཡག་གི་རེད་བསམས།།
རི་མགོ་ཁྱེད་ཚོའི་མ་རེད།། རི་ལ་དར་ལྕོག་མ་འཛུགས།། མྱི་སར་སྲིད་གཞུང་མ་བསྐྲུན།། ཁྱེད་ཚོ་ང་ཚོའི་མགྲོན་རེད།།
ཁ་སྟོང་ཚིག་སྟོང་མ་བཤད།། གཟི་བརྗིད་ཁོག་སྟོང་ཤེས་འགྲོ། ཐབས་མཁས་ཐུགས་རྗེ་མཛད་པར།། ཟུར་ཟ་བཤད་ཡམས་མ་སྤེལ།།
རང་བཙན་རྒྱལ་ཁབ་མ་ཟེར།། རྒྱ་གར་ཁྲེད་དགོད་ཤོར་འདུག། བོད་གཞུང་སྡུད་གསོག་མ་ཟེར།། གནས་ཚང་འདིའང་ཤོར་འགྲོ།
དཀྲོགས་གཏམ་ཁོག་ནག་མ་བྱེད།། བྱས་པའི་རྐུབ་ངན་བརྡོལ་འགྲོ། ཚོར་བ་ཚོར་བ་མ་ཟེར།། ཆོལ་ཁ་གསུམ་པོར་གནོད་འགྲོ།
སྐྱབས་ཀྱི་མགོན་དང་བྲལ་ན།། རླབས་ཆེན་དགོངས་གཞིར་གྱེས་ན།། ལྟ་ས་བརྟན་ཡུལ་མེད་པ།། མི་རབས་གསར་པ་ཆགས་འགྲོ།
གནའ་ནས་དམ་ཚིག་ལོག་པ།། ལོག་པའི་ལས་ལ་བྱང་བའི།། མི་ངན་རེ་ཟུང་ཁ་ལ།། རྡོ་རྗེ་རྒྱ་གྲམ་བསྟབས་སོ།།
ཤིག་དང་ཀརྨ་རྡོ་རྗེར་འདྲི་རྒྱུར། ཁྱིམ་ཚང་གཉིས་བརྒྱའི་གནས་ཚུལ་རྐུམ་མ་འདྲ་པོ་རེད། ཡིན་ནའང་རླུང་རྟ་སོགས་ཀྱི་སྐོར་དེ། རྒྱ་གར་ཡུལ་མི་རེ་ཟུང་གིས་མཐོང་སྣང་མ་འདོད་པ་ཙམ་དང་། ཟར་དང་ཟུར་ནས་བརྙས་འདོགས་པ་ཙམ་ལས། ཡུལ་ཁྲིམས་དང་རྒྱལ་ཁྲིམས་གང་ཡང་མ་རེད།
གལ་ཏེ་ཡིན་ན། དེ་རིང་བར། ཁྲིམས་ལུགས་དེ་ཚོ་བོད་མིའི་སྒྲིག་འཛུགས་ཀྱིས་མ་ཤཻས་པ་རེད་དམ། ཡང་ན་ང་ཚོའི་བྱ་སྤྱོད་དེ་ཚོ། རྒྱ་གར་གཞུང་གིས་མ་ཤཻས་པ་རེད། དེ་གང་ཡང་མ་རེད། འོན་ཀྱང་ད་ལྟའི་དུས་ཚོད་འདིར་ང་ཚོས་ཡུལ་མི་དང་ངེས་པར་དུ་བསྟུན་དགོས།
ཡུལ་ཆུ་འཐུང་ན་ཡུལ་ཁྲིམས་འཁྱེར་དགོས། ང་ཚོས་རྒྱ་གར་མི་མང་དང་གཞུང་གི་དཀའ་དྲིན་དང་རྡུར་ན་གནས་ཚུལ་དེ་ཆུང་ཆུང་རེད། དར་ལྕོག་དང་མ་ནི་སོ་སོར་བདག་པའི་ས་ཆ་ལ་སྟེང་ཡོད་ན་སེམས་པ་ཡང་སྐྱིད་པ་ཡོང་བའི་རེ་བ་ཡོད། ཡང་བོད་པའི་ཁྱིམ་ཚང་༢༠༠་ཙམ་ཞིག་སྡོད་ཁང་སྤྱི་བའི་ས་ཚ་རུ་རྒྱབ་ཡོད་ན་བོད་མི་དེ་ཚོས་རྐུན་མ་ཡིན་སྲིད། ང་ཚོས་སྤྱི་རྒྱུ་ལ་ཧམ་སེམས་དང་སྤྱི་རྟ་ལ་རྒལ་རལ་བྱས་ན་མ་རབས་ལས་བོད་མིའི་ཡ་རབས་ཀྱི་སྤྱོད་པ་དེ་ལས་ལྡོག་པ་ཡིན།
ད་ཕ་ཡུལ་ལ་ལོག་རན་ཡོད་པ་མ་རེད་པས། དབྱིག་པ་རེ་ཐོགས་ནས་ཕྱིར་འགྲོ་དགོས་པ་མིན་འགྲོ།
ཡུལ་ཆུ་འཐུང་ནས། ཡུལ་ཁྲིམས་འཁྱེར་དགོས། །ཞེས་པ་དང་མཐུན་འདུག་གམ།
ད་དངོས་གནས་རྒྱ་ནག་མིན་ན་ཡང་ཚང་མ་རྒྱ་ནག་དང་གཅིག་མཚུང་རེད་འདུག་
རི་སྒང་ལ་རླུང་རྟ་བཙུགས་ན་སུ་ཞིག་ལ་འགོག་རྐྱེན་འཕྲད་ཀྱི་ཡོད། མི་བྱེ་བྲག་པ་གཅིག་གིས་ཁྲིམས་གཏུགས་བྱས་ཏེ། རྒྱ་གར་གཞུང་གིས་ཐག་གཅོད་དེ་འདྲ་ཡོད་ན། རྡ་སའི་རྒན་གོན་ཁྱུ་གཅིག་གིས། ང་ཚོས་རི་མགོར་རླུང་རྟ་བཏང་ན། སྤྱི་མང་གི་རྒྱུ་ནོར་ལ་གནོད་སྐྱོན་ཇི་ལྟར་ཐེབ་བབ་ཅེས། ཁྲིམས་གཏུག་བྱེད་ཆོག
འདི་ནི་ས་ཡུལ་དོགས་དྲགས་པས་མི་ཡང་དོགས་པོར་གྱུར་ཡོད། མཐར་བཏུགས་ན་སོ་སོའི་ལུང་པར་མ་ལོག་བར། གཞན་གྱིས་བཙན་གནོན་ཡོང་ངེས་རེད།