ཉེ་ལམ་རྒྱ་གཞུང་གིས་མདོ་སྨད་འབོ་ར་དགོན་པའི་གྲྭ་སྐལ་བཟང་རྒྱ་མཚོ་ལཊ། གཙོས་གྲོང་ཁྱེར་གྱི་ཁྲུས་ཁང་ཞིག་ཏུ་གཟུཊ་པོ་བཀྲུ་སྐབས་གློ་བུར་དུ་འཇུ་བཟུང་བྱས་ཡོད་འདུག
རྒྱ་གར་ལྷོ་ཕྱོགས་ནས་བསོད་ནམས་ལགས་ཀྱིས་གནས་ཚུལ་མཁོ་སྤྲོད་བྱས་པ་ལྟར་ན། ད་ལོའི་ཕྱི་ཟླ་ ༨ ཚེས་ ༢༨ ཉིན་གྱི་དགོང་མོའི་ཆུ་ཚོད་ ༨།༣༠ ཙམ་ལ། མདོ་སྨད་ཀན་སུའུ་འབོ་ར་དགོན་པའི་གྲྭ་སྐལ་བཟང་རྒྱ་མཚོ་ལཊ་དང་ཁོང་གི་གྲོཊ་པོ་ཁག་ཅིག འབོ་ར་ནས་སྤྱི་ལེ་ ༢༠ ཙམ་གྱི་སར་ཡོད་པའི་གཙོས་གྲོང་ཁྱེར་གྱི་ཤར་ཕྱོཊ་ལམ་དང་པོའི་གཡས་ངོས་སུ་ཡོད་པའི་༼བདེ་སྐྱིད་ཁྲུས་ཁང་༽ནང་གཟུཊ་པོ་བཀྲུས་ཏེ་ཕྱིར་ལོག་སྐབས། ཁྲུས་ཁང་དེའི་སྒོ་འགྲམ་དུ་ས་གནས་ཉེན་རྟོག་པས་ཁོང་གློ་བུར་དུ་འཛིན་བཟུང་བྱས་ཡོད་འདུག
སྐབས་དེར་གྲྭ་སྐལ་བཟང་རྒྱ་མཚོ་ལཊ་ཀྱི་གྲོཊ་པོ་ཚོས་ཉེན་རྟོག་པར་ཁོང་ལ་ཉེས་པ་གང་ཡང་མེད་པ་དང་། ད་ལྟ་དགོན་པའི་དབྱར་གནས་ལ་ཁེལ་ཡོད་སྟབས་ཁོང་འཛིན་བཟུང་བྱས་ན་མི་འགྲིག་ཚུལ་བརྗོད་དེ། ཁོང་ཉེན་རྟོག་པའི་ལག་ནས་ཕྱིར་འཕྲོག་རྩིས་བྱས་འདུག་ཀྱང་། ཉེན་རྟོག་པ་ཚོས་ཁོང་གི་གྲོཊ་པོ་ཚོ་བཙན་ཤེད་ཀྱིས་སར་མནན་དེ་སྡིཊ་ར་སྣ་ཚོཊ་སྐུལ་ཡོད་པ་མ་ཟད། དགོན་པར་ཁོང་ཚོས་ཁ་པར་གཏོང་རྒྱུ་ཡིན་སྐོར་བརྗོད་ནས་ཁོང་རླངས་འཁོར་ནང་བཅུག་སྟེ་བཙན་ཁྲིད་བྱས་ཡོད་འདུག
ཕྱི་ཚེས་ ༢༩ ཉིན་གྲྭ་སྐལ་བཟང་རྒྱ་མཚོ་ལཊ་ཀྱི་ནང་མིས་གཙོས་ཁུལ་དང་བླ་བླང་རྫོང་བཅས་ཀྱི་འབྲེལ་ཡོད་ལས་ཁུངས་ཁག་ལ། གྲྭ་སྐལ་བཟང་རྒྱ་མཚོ་གང་དུ་བཙོན་འཇུག་བྱས་ཡོད་མེད་གནས་སྟངས་ཐད་བརྩད་གཅོད་བྱས་སྐབས། ས་གནས་ཉེན་རྟོག་པས་ལན་འདེབས་གང་ཡང་བྱས་མི་འདུག འབྲེལ་ཡོད་མི་སྣས་བརྗོད་ན། ཁོང་འཛིན་བཟུང་བྱེད་དགོས་དོན་ནི། ད་ལོའི་ཕྱི་ཟླ་ ༣ ཚེས་ ༢༠ ཉིན་འབོ་ར་དགོན་གྱི་གྲྭ་པ་ཚོས། རྒྱ་གཞུང་ལ་ངོ་རྒོལ་སྐབས་ཁོང་ལས་འགུལ་སྣེ་ཁྲིད་པ་ཡིན་པར་དོཊ་པ་བྱུང་ཡོད་འདུག
གྲྭ་སྐལ་བཟང་རྒྱ་མཚོ་ལཊ་ནི་རང་ལོ་ ༢༨ དང་སྐྱེས་ཡུལ་གཡག་པ་ཡར་ནས་སྡེ་པ་ནས་ཡིན་ཞིང་། ད་ལྟ་འབོ་ར་དགོན་པའི་དབུ་མ་འཛིན་གྲྭར་སློབ་སྦྱོང་བྱེད་ཀྱི་ཡོད་འདུག ཁོང་གི་ཕ་མིང་ལ་སྐལ་བཟང་ཚེ་རིང་དང་ཨ་མའི་མིང་ལ་མགྲོན་བུ་ཐར་ཞུ་ཡི་ཡོད་འདུག་ལ། ཁོང་ནི་ཁྱིམ་ཚང་དེར་བྱིས་པ་བཞི་ཡོད་པའི་ཁྲོད་ཀྱི་གཉིས་པ་དེ་ཡིན་འདུག
གཞན། གནས་ཚུལ་འབྱོར་གསལ་ལྟར་ན། ད་ལོའི་ཕྱི་ཟླ་ ༣ པའི་ནང་འབོ་ར་དགོན་པའི་གྲྭ་པ་ཚོས་རྒྱ་གཞུང་ལ་ངོ་རྒོལ་སྐབས། འཛིན་བཟུང་བྱས་པའི་ཚ་ངུ་ཐང་སྡེ་བའི་གྲྭ་དཀོན་མཆོག་རྒྱ་མཚོ་ལཊ་ཀྱང་ད་བར་གར་སོང་ཆ་མེད་དུ་གྱུར་ཏེ། ནང་མི་ཚོས་སེམས་ཁྲལ་ཆེན་པོ་བྱེད་ཀྱི་ཡོད་འདུག
གསར་འགོད་པ། དཔལ་ལྡན།
