ཉེ་ལམ་བོད་མི་མང་སྤྱི་འཐུས་ཁག་ཅིག་ལྡི་ལིའི་ཕྱི་རྒྱལ་གཞུང་ཚབ་ཁག་ལ་བོད་དོན་ཞུ་འབོད་དུ་སྐྱོད་སྐབས། རྒྱ་ནག་གཞུང་ཚབ་ཀྱིས་སྔོན་ལ་ཡི་གེ་བཏང་སྟེ་བོད་པའི་སྐུ་ཚབ་ཚོར་མ་ཐུག་རོགས་ཟེར།
བོད་ནང་གི་ཛ་དྲག་གནས་སྟངས་ཐད་ཟླ་སྔོན་མའི་ཕྱི་ཚེས་ ༢༡ ཉིན་ནས་དུས་ཡུན་བདུན་ཕྲག་གཅིག་རིང་སྤྱི་འཐུས་ཚོཊ་གཙོ་སྤེན་པ་ཚེ་རིང་མཆོག་གིས་སྣེ་འཁྲིད་དེ་སྤྱི་འཐུས་དགེ་བཤེས་རོང་བོ་བློ་བཟང་སྙན་གྲཊ་དང་སྤྱི་འཐུས་ཆོས་སྐྱོང་དབང་ཕྱུག སྤྱི་འཐུས་ཨཅརྱ་ཡེ་ཤེས་ཕུན་ཚོཊ། སྤྱི་འཐུས་དབུ་དཀར་ཚང་གཡུ་སྒྲོན་བཅས་རྒྱ་གར་རྒྱལ་ས་ལྡི་ལིར་རྟེན་གཞི་བྱས་པའི་ཕྱི་རྒྱལ་ཁག་གི་གཞུང་ཚབ་ཁང་ ༢༠ ཙམ་དང་། རྒྱལ་སྤྱིའི་སྒྲིག་འཛུཊ་ཀྱི་ངོ་བོ་ལྡན་པའི་གཞུང་ཚབ་ ༣ ། གནད་ཡོད་ཆབ་སྲིད་མི་སྣ་ ༤༡ ཙམ་ལ་ཐུག་འཕྲད་བྱས་ཏེ། བོད་ནང་མེར་བསྲེཊ་གཏོང་བཞིན་པའི་ཛ་དྲག་གནས་སྟངས་དང་། ཁོང་ཅག་གི་ལོ་རྒྱུས་དང་ཞལ་ཆེམས་བཅས་གནས་ཚུལ་ཞིབ་ཕྲ་སྙན་འབུལ་ཞུས་ཡོད་ཡོད་འདུག་ལ། གཞུང་ཚབ་ཁག་གིས་ཀྱང་བོད་ནང་གི་གནས་སྟངས་ཐོག་གདུང་སེམས་མཉམ་སྐྱེད་ཡོད་པ་དང་། མ་འོངས་པར་མུ་མཐུད་བོད་དོན་ཐོག་རྒྱབ་སྐྱོར་གནང་རྒྱུའི་ཁས་ལེན་གནང་ཡོད་འདུག
བོད་མི་མང་སྤྱི་འཐུས་རྣམ་པ་ལྡི་ལིར་མ་འབྱོར་གོང་། ལྡི་ལིར་རྟེན་གཞི་བྱས་པའི་རྒྱ་ནག་གཞུང་ཚབ་ཁང་གིས་ཕྱི་རྒྱལ་གཞུང་ཚབ་ཁག་ཏུ་ཡི་གེ་ཞིག་བཏང་སྟེ། བོད་པའི་སྐུ་ཚབ་ཁག་ཅིག་ཡོང་འཆར་སྟབས། གཞུབ་ཚབ་པ་རྣམ་པས་ཐུག་འཕྲད་བྱས་ན་མི་འགྲིག་ཚུལ་སྐོར་བརྗོད་ཡོད་འདུག རྒྱ་ནག་གཞུང་ཚབ་ཀྱི་ཡི་གེ་དེའི་ནང་། “ ང་ཚོས་ཤེས་གསལ་ལྟར་ན། བོད་མི་མང་སྤྱི་འཐུས་ལྷན་ཚོཊ་ཀྱི་ཚོཊ་གཙོ་སྤེན་པ་ཚེ་རིང་ཟེར་བ་དང་། སྤྱི་འཐུས་སྐུ་ཚབ་ཁག་ཅིག་ལྡི་ལིའི་གཞུང་ཚབ་ཁག་ཅིག་དང་རྒྱལ་སྤྱིའི་སྒྲིག་འཛུཊ་ཁག་ཅིག་ལ། བོད་ནང་གི་གནད་དོན་ཟེར་བའི་ཐོག་ ༢༠༡༢ ལོའི་ཟླ ༨ ཚེས ༢༢ ནས་འབྲེལ་གཏུཊ་བྱ་རྒྱུ་རེད་འདུག རྒྱ་ནག་གི་ངོས་ནས་འདིའི་ཐོག་སེམས་འཚབ་ཆེན་པོ་ཡོད་ཞུ་རྒྱུ་ཡིན ”ཞེས་འཁོད་འདུག
ད་དུང་། “ཚང་མས་མཁྱེན་གསལ་ལྟར། བོད་དེ་རྒྱ་ནག་གི་ཁ་འབྲལ་ཐབས་མེད་པའི་ཆ་ཤས་ཤིག་ཡིན་པ་དང་། རྒྱ་ནག་ལ་བོད་ཐོག་མངའ་དབང་ཡོད་པ་རྩོད་མེད་ཡིན། དོན་དངོས་གནས་སྟངས་འདི་རྒྱལ་སྤྱིའི་སྤྱི་ཚོཊ་རྒྱ་ཆེ་བས་ངོས་ལེན་ཞུ་བཞིན་ཡོད། བོད་དོན་དང་འབྲེལ་བའི་གནད་དོན་འདི་རྒྱ་ནག་གི་མངའ་དབང་དང་ས་ཁོངས་གཅིག་སྡུད་ཀྱི་འབྲེལ་བ་ཙམ་མ་ཟད། རྒྱ་ནག་གི་གནད་དོན་གཙོ་བོ་དང་རྒྱ་ནག་མི་མང་གི་སེམས་ཚོར་དང་འབྲེལ་བ་ཆཊ་ཡོད། ཏཱ་ལའི་བླ་མ་བགྲེས་ཡོལ་ཆ་ཚང་ཐོན་ཡོད་ཟེར་ཡང་། ད་དུང་བཙན་བྱོལ་བོད་གཞུང་ཟེར་བ་དེར་མུ་མཐུད་བསམ་བློའི་ཇུས་འགོད་པའི་གནས་སྟངས་ཐོག་གནས་ཡོད་པར་མ་ཟད། རྒྱ་ནག་དང་ལྡོག་ཕྱོཊ་ཀྱིས་བོད་དེ་རྒྱ་ནག་དང་ཁ་བྲལ་གཏོང་ཐབས་དང་། རྒྱ་ནག་གི་བརྟན་བརླིང་ལ་གནོད་སྐྱོན་དང་། སྤྱི་ཚོཊ་དང་དཔལ་འབྱོར་ཡར་རྒྱས་ལ་གནོད་སྐྱོན་དུ་འགྲོ་བའི་ལས་གཞི་མཚམས་མ་ཆད་པར་སྤེལ་བཞིན་ཡོད། ཉེ་ལམ་བོད་ནང་རང་ལུས་མེར་བསྲེཊ་བཏང་བའི་གནད་དོན་དེ་ཚོ། ཏཱ་ལའི་རུ་ཁག་གིས་ཆབ་སྲིད་ཀྱི་དགོས་མཁོ་དམིཊ་བསལ་ཅན་གྱི་འོག་བརྒྱུད་སྐུལ་བྱས་པ་རེད། ”ཅེས་བཀོད་འདུག
ཡང་རྒྱ་ནག་གཞུང་ཚབ་ཀྱི་ཡི་གེ་དེར་འཁོད་དོན། “ གོང་གསལ་གནད་དོན་འདི་དག་གཞི་ལ་བཞག་སྟེ་སྤེན་པ་ཚེ་རིང་ཟེར་བ་དེ་ད་ཐེངས་རྣམ་པ་ཚོའི་སར་བཅར་དགོས་དོན་གཙོ་བོ་དེ། གནས་ཚུལ་ངོ་མ་མ་ཡིན་པ་བརྒྱུད་བསྒྲཊ་བྱེད་པ་དང་། ལྡི་ལིའི་གཞུང་ཚབ་པ་ཚོར་བསླུ་བྲིད་བཏང་སྟེ། རྒྱ་ནག་དང་རྒྱལ་ཁབ་གཞན་གྱི་བར་དང་། རྒྱ་ནག་དང་རྒྱལ་སྤྱིའི་ངོ་བོ་ལྡན་པའི་སྤྱི་ཚོཊ་བར་རྙོག་དྲ་བཟོ་ཆེད་ཡོང་བ་རེད། དེས་ན་རྒྱ་ནག་གཞུང་ཚབ་ངོས་ནས་ཏཱ་ལའི་རུ་ཁག་གི་ངོ་བོ་དང་མིང་གང་འདྲ་ཞིག་གི་ཐོག་གཞུང་ཚབ་ཁང་ཁག་དང་། རྒྱལ་སྤྱིའི་ངོ་བོ་ལྡན་པའི་སྒྲིག་འཛུཊ་ཁག་ལ་འབྲེལ་བ་ཞུ་འཆར་དེར་མཐའ་གཅིག་ཏུ་ངོ་རྒོལ་བྱ་རྒྱུ་ཡིན། ཁྱེད་རང་ཚོའི་ངོས་ནས། སོ་སོའི་གཞུང་ངོས་ནས་ལས་དོན་ཐོག་ཁས་ལེན་གནང་བཞག་པ་དེ་དག་བརྩི་བཀུར་ཞུ་དགོས་རྒྱུ་དང་། ཏཱ་ལའི་རུ་ཁག་གིས་དམིཊ་ཡུལ་ངེས་ཅན་དེ་དག་ལ་རྒྱུན་དུ་དོ་སྣང་དགོས་པ་དང་། བོད་མི་མང་སྤྱི་འཐུས་ལྷན་ཚོཊ་ཀྱི་སྐུ་ཚབ་ཚོར་སྣེ་ལེན་ཞུ་རྒྱུའི་མཚོན་པའི་ངོ་བོ་གང་གི་ཐོག་ཐུག་འཕྲད་གནང་སྟེ། ཕྱིའི་རྣམ་པའི་ཐོག་བརྡ་ལན་ནོར་འཁྲུལ་མི་འགྲོ་བ་དང་། ང་ཚོ་རྒྱལ་ཁབ་ཕན་ཚུན་བར་གྱི་སྤྱི་ཡོངས་ཀྱི་ཁེ་ཕན་སྲུང་སྐྱོབ་དགོས་པའི་རེ་འདུན་ཞུ་རྒྱུ་ཡིན་” ཅེས་འཁོད་ཡོད་འདུག
ཐེངས་འདིར་སྤྱི་འཐུས་རྣམ་པའི་མཇལ་འཕྲད་ཞུ་ཡུལ་ཁག་ནི། བླ་ཆེན་པོབ་ (Holy See.) མཆོག་གི་སྐུ་ཚབ་དང་འབྲེལ་རྒྱལ་ཚོཊ་སྐྱབས་བཅོལ་ལས་ཁུངས་འགན་འཛིན། རྒྱལ་སྤྱིའི་རྒྱ་ཀྲམ་དམར་པོའི་ཚོཊ་པའི་སྤྱི་ཁྱབ་འགན་འཛིན། ཨ་རི་དང་ཁེ་ཎ་ཌ། འཇར་མན། དབྱིན་ཇི། ཧྤ་རན་སི། ཅེག་སྤྱི་མཐུན་རྒྱལ་ཁབ། བྷེལ་ཇེམ། གྷེ་ཁེ་སི་ཐན། སོ་ལོ་ཝ་ཀེ་ཡ། ཇོར་ཌན། ཨོ་སི་ཊི་རི་ཡ། སུད་སི། ཐའེ་ཝན། ཧྥན་ལན་ཌི། ཉི་ཧོང་། ཧང་གྷ་རི། ནེའུ་ཛི་ལན་ཌི། རྒྱ་གར་ཆབ་སྲིད་ཚོཊ་པ་ཁག་གི་གྲོས་ཚོཊ་འཐུས་མི་བཅས་ཡིན་འདུག
གསར་འགོད་པ། དཔལ་ལྡན།
