ཟླ་འདིའི་ཕྱི་ཚེས་ ༣ ཉིན་དབུས་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཞོན་དོན་གྲུབ་ལྷ་དར་ལགས་དང་སྒྲིག་འཛུགས་འགན་འཛིན་སྤེན་པ་ཚེ་རིང་། རིག་གཞུང་འགན་འཛིན་འཇིཊ་མེད་གསུམ་གྱིས། རྒྱ་གར་གྱི་རྒྱལ་ས་ལྡི་ལིའི་ཇན་ཏར་མན་དར་ས་གནས་སུ་དུས་ཡུན་ངེས་མེད་ཀྱི་ཟས་བཅད་ངོ་རྒོལ་མགོ་འཛུཊ་གནང་ཡོད་ཀྱང་། ཉིན་དེའི་དགོང་མོའི་ཆུ་ཚོད་ ༡༢ ཙམ་ལ་རྒྱ་གར་ཉེན་རྟོག་པས་ཁོང་གསུམ་བཙན་འཁྲིད་བྱས་ཡོད་པ་དང་། ཁང་སང་ཕྱི་ཚེས་ ༦ ཉིན་གྱི་དགོང་དྲོའི་ཆུ་ཚོད་ ༩།༠༠ བའི་ཐོག་ཀློད་གྲོལ་བཏང་སྟེ། དེ་རིང་ཞོགས་པ་མུ་མཐུད་ཟས་བཅད་ལས་འགུལ་གནང་ཡོད་འདུག
འདིའི་ཐད་གསར་འགོད་པས་ཁ་པར་བརྒྱུད་དབུས་གཞོན་ནུའི་ཟུང་དྲུང་བསྟན་འཛིན་ནོར་བཟང་ལགས་སུ་བཅར་འདྲི་ཞུས་པར་ཁོང་གིས། “ ཟས་བཅད་མགོ་འཛུགས་གནང་བའི་ཉིན་གྱི་དགོང་མོའི་ཆུ་ཚོད་ ༡༢ ཙམ་ལ་རྒྱ་གར་ཉེན་རྟོག་པ་ཡོང་སྟེ་ཁོང་གསུམ་དང་། གཞན། ཁོང་ཚོར་ལྟ་རྟོག་བྱེད་མཁན་གཉིས་བཅས་བཙན་འཁྲིད་བྱས་སོང་ལ། ཉེན་རྟོག་པ་བཅུ་གྲངས་ཤིག་གིས་ཟས་བཅད་ངོ་རྒོལ་བའི་གུར་དང་འཕྲེད་དར་ཆ་ཚང་འཁྱེར་སོང་། ཕྱི་ཚེས་ ༤ ཉིན་གྱི་ཞོགས་པའི་ཆུ་ཚོད་ ༧ པའི་ཐོག་ཀློད་གྲོལ་བཏང་ཡང་ཉིན་གུང་ཆུ་ཚོད་ ༡།༣༠ བསྐྱར་དུ་འཛིན་བཟུང་བྱས་སོང་། ཉིན་དེར་གཞོན་ནུའི་ཚོགས་མི་ ༣༠ ཙམ་རྒྱ་ནག་གི་རྒྱལ་སྲུང་བློན་ཆེན་དང་རྒྱ་གར་གྱི་སྲིད་བློན་བཀའ་མོལ་གནང་ཡུལ་དུ་ངོ་རྒོལ་སྐབས་འཇུ་བཟུང་བྱས་པ་རེད། མཚན་ཆུ་ཚོད་ ༢ པའི་ཐོག་ཁོང་ཚོ་ཊེ་ཧར་(TIHAR)བཙོན་ཁང་དུ་འཁྲིད་སྐབས། ལམ་བར་དུ་རླངས་འཁོར་བརྡབ་སྐྱོན་ཤོར་ཏེ། ཚོགས་གཞོན་དོན་འགྲུབ་ལྷ་དར་ལགས་ཀྱི་སོ་གཉིས་སྐྱོན་བཟོས་ཡོད་པ་དང་ཁར་རྨས་སྐྱོན་ཚབས་ཆེན་ཕོག་འདུག གཞན་གཉིས་ཀྱི་གདོང་པར་རྨས་སྐྱོན་བཟོས་འདུག ཕྱིས་སུ་སྨན་ཁང་དུ་འཁྲིད་སྐབས་སྨན་པས་ཁབ་རྒྱག་དགོས་སྐོར་བརྗོད་འདུག་མོད། ཁོང་གསུམ་གྱིས་ངོས་ལེན་མ་བྱས་པར་ཡང་བསྐྱར་བཙོན་ཁང་དུ་འཁྲིད་པ་རེད། མདང་དགོང་ཆུ་ཚོད་༩།༣༠ ཐོག་ཁོང་ཚོ་གཙོས་པའི་ངོ་རྒོལ་བ་ཡོངས་ཀློད་གྲོལ་བཏང་བྱུང” ཞེས་བརྗོད་སོང་།
ཁོས་མུ་མཐུད་དོན། “ཁ་སང་ང་ཚོ་རྒྱ་གར་ཉེན་རྟོག་པའི་མགོ་བར་ཐུག་འཕྲད་བྱས་ཏེ། ཐེངས་འདིའི་ཟས་བཅད་ངོ་རྒོལ་ཇན་ཏར་མན་ཏར་ས་གནས་སུ་མུ་མཐུད་གནང་འཇུག་རྒྱུའི་ཆོག་མཆན་ཞུས་སྐབས་ཀྱང་། ཁོང་ཚོས་རྩ་བ་ཉིད་ནས་ངོས་ལེན་གནང་མ་སོང་སྟབས། མདང་དགོང་ཟས་བཅད་ངོ་རྒོལ་བ་གསུམ་ལྡི་ལི་བོད་སྒར་བསམ་ཡས་གླིང་གི་དགོན་པའི་ནང་ཉལ་དགོས་བྱུང་སོང་། དེ་རིང་ཞོགས་པ་བསྐྱར་དུ་ཇན་ཏར་མན་ཏར་ས་གནས་སུ་སོང་སྟེ་ཟས་བཅད་ངོ་རྒོལ་གནང་གི་ཡོད། ཡིན་ནའང་། དོ་ནུབ་གནས་སྟངས་གང་འདྲ་ཆགས་མིན་བཤད་ཐུབ་ཀྱི་མི་འདུག”ཅེས་གསུངས་བྱུང་།
མཇུག་ཏུ་གསར་འགོད་པས་ཁ་པར་བརྒྱུད་ཟས་བཅད་ངོ་རྒོལ་གནང་མཁན་སྤེན་པ་ལགས་སུ། ཐེངས་འདིའི་ལས་འགུལ་ཐོག་རྒྱ་གར་ཉེན་རྟོག་པས་འགོག་རྐྱེན་བཟོས་པ་དེ་རྒྱུ་རྐྱེན་གང་ལ་ཐུག་ཡོད་མེད་དྲིས་པར་ཁོང་གིས། “ ང་རང་གི་ངོས་ནས་རྒྱ་གར་གཞུང་གིས་ཐེངས་འདིས་ཟས་བཅད་ངོ་རྒོལ་གྱི་ལས་འགུལ་བཀག་འགོག་བྱེད་ཀྱིན་པ་དེ། རྒྱ་ནག་ནང་མགོ་འཁྲིད་བརྗེ་བསྒྱུར་གྱི་ལས་དོན་ཞིག་འགྲོ་བཞིན་ཡོད་པ་དང་། རྒྱ་ནག་གི་རྒྱལ་སྲུང་བློན་ཆེན་རྒྱ་གར་ནང་འཚམས་གཟིགས་སུ་སྐྱོད་ཀྱི་ཡོད་པ་བཅས་ལ་བརྟེན་ཏེ། རྒྱ་ནག་ལ་རེ་བ་ཆེན་པོ་ཞིག་དང་འབྲེལ་བ་བཟང་པོ་འཛུགས་པའི་ཆེད་དུ་བོད་པ་ཚོའི་ལས་འགུལ་ཐོག་བཀག་སྡོམ་བྱས་པ་རེད་བསམ་གྱི་ཡོད། ཡིན་ནའང་། ང་ཚོ་ཟས་བཅད་པ་གསུམ་དང་གོ་སྒྲིག་པའི་ངོས་ནས་ཐེངས་འདིའི་རྒྱ་གར་གྱི་བྱེད་སྟངས་ལ་ཧ་ཅང་བློ་ཕམ་ཆེན་པོ་ཡོད། གནས་ཚུལ་གང་འདྲ་ཞིག་བྱུང་ཡང་། ང་ཚོའི་ངོས་ནས་ཐོག་མའི་དམ་བཅའ་ལྟར་མུ་མཐུད་མཇུག་སྐྱོང་བྱ་རྒྱུ་ཡིན” ཞེས་བརྗོད་བྱུང་།
གསར་འགོད་པ། དོན་གོ
དྲྭ་གྲོགས་རྣམ་པ་ལྷན་རྒྱས་ལགས། ད་ལམ་རྒྱ་གར་གྱིས་ཟས་བཅད་ངོ་རྒོལ་ལ་འཛིན་པའི་སྲིད་བྱུས་འདིས་ང་ཚོར་བརྡ་ཞིག་བསྟན་ཡོད། རྒྱལ་ཁབ་སུ་ཡིན་རུང་རང་གི་ཁེ་ཕན་བློས་བཏང་ནས་གཞན་གྱི་དོན་བྱེད་ཀྱི་མ་རེད། དེ་ལ་བརྟེན་ནས་ང་ཚོས་བསམ་བློ་གཏོང་རྒྱུ་གལ་ཆེན་པོ་རེད། སེམས་ཤུགས་གཅིག་པུས་ཕན་ཐོགས་ཀྱི་མ་རེད། འགྲོ་ས་ཡོད་མེད་བལྟ་རྒྱུ་དེ་གཙོ་བོ་རེད། འགྲོ་ས་མེད་བཞིན་དུ་མགོ་བྲག་ལ་བརྡབ་ན་ཀླད་པ་འཐོར་རྒྱུ་ལས་མེད། དེ་རྩིས་ཚང་མས་ཁ་ཡོད་ལག་ཡོད་རེ་བ་ཆེ་སའི་ལམ་ཕྱོགས་བཟུང་རྒྱུ་གལ་ཆེ། བརྒྱ་བཤད་སྟོང་ལ་བཤད་ཀྱང་། ཡོས་ལ་འབབ་རྒྱུ་ཙམ་པ་ལས་མེད། ནང་ལ་ཤ་མེད་པར་མོག་མོག་བཟོ་ཡི་མ་ཟེར། དོན་མེད་ནང་ཁུལ་དཀྲོག་གཏམ་མ་བཟོ། རང་གིས་འཇོན་ཚོད་ཀྱི་བོད་དོན་ལ་ཕན་པའི་ལས་ཀ་བགྱིས། སྙིང་གཏམ་ཡིན།
ཆབ་སྲིད་པའི་ཁྲབ་སྟོན་ཙམ་མིན་པར། ཞེ་བསམ་པའི་གཏིང་ནས་དོན་འབྲས་སྨིན་པའི་ལས་འགུལ་ཞིག་སྤེལ་ཐུབ་ན། མི་དམངས་ཚོར་ཡིད་ཆེས་འབྱུང་ངེས་རེད།
བོད་ཀྱི་གཞོན་ཚོགས་པས་རང་མི་རིགས་དང་རང་རྒྱལ་ཁབ་ཆེད་དུ་སྣ་མང་ལས་འགུལ་སྤེལ་བར་དགའ་བསུ་དང་རྗེས་སུ་ཡི་རང་ཞུ། རྒྱ་དམར་གྱིས་ཁྱོད་རྣམས་པས་ལས་འགུལ་ལ་དགག་པ་རྒྱགས་པ་ཨ་ཙང་བརྗོད་ཡིན་པ་མ་ཟད་བཙན་བྱོལ་ནང་ཁྱོད་རྣམ་པའི་ལས་འགུལ་ལ་དགག་པ་རྒྱག་མཁན་ཡོད་འོན་ཀྱང་ཁྱོད་རྣམ་པའི་སྙིང་སྟོབས་དང་སྤོབས་པ་མ་ཞུམ། ཕ་མེས་ཀྱི་དུར་ས་ནས་རྣམ་ཤེས་མང་པོས་ཁྱོད་རྣམས་པར་གཟིགས་ཡོད་ལའང་ཁ་སང་དེ་རིང་གི་མེ་ལྩེ་ཕྲོད་ཀྱིས་དུང་སེམས་དང་རེ་སྨོན་ཁྱོད་རྣམས་ལ་བཅོལ་ཡོད། ད་དུང་མི་རིགས་ཀྱི་དུང་སེམས་རབས་ཏུ་འབར་གཞོན་སྐྱེས་མང་པོ་ཁྱོད་རྣམས་པའི་རྒྱབ་ནས་ཡོངས་བཞིན་ཡོད།
དཀའ་ངལ་དང་གནས་སྟངས་ཚང་མ་ཤེས་པའི་ཐོག་ནས་༸གོང་ས་མཆོག་གིས་དབུ་མའི་ལམ་གདམ་པ་རེད།
བོད་གཞུང་གི་མིང་དེ་བརྗེ་བསྒྱུར་བྱས་པ་རེད། དཀའ་ངལ་དང་ཚོར་བའི་རྗེས་འབྲངས་པ་ཚོས་འུར་རྒྱབ་པ་རེད། མཁྲེགས་འཛིན་བྱས་པ་རེད། ད་གང་འདྲ་འདུག་གམ། ཡང་དག་པའི་ལམ་སྟོན་གྱི་ངོ་བོ་དང་མི་ལོ་དྲུག་ཅུར་དཀའ་ངལ་བསྐྱོན་པའི་༸གོང་ས་མཆོག་གི་བཀའ་དྲིན་ལ་ཚང་མས་བསམ་ཤེས་ཐུབ་ན་རེད། དེ་མིན་ལས་འབྲས་ཀྱིས་ང་ཚོར་བརྡ་ཞིག་སྟོན་ངེས་རེད།
བོད་དོན་འཐབ་རྩོད་པ་རྣམས་ལ་ནམ་ཡང་གདུང་སེམས་མཉམ་བསྐྱེད་དང་རྒྱབ་སྐྱོར་ཡོད།
གཞོན་ལྷན་གྱིས་རྒྱ་ལ་ངོ་རྒོལ་བྱས། ཚོགས་སྐྱིད་མཉམ་འབྲེལ་ཞེས་པའི་རྡ་སའི་ཚོགས་པ་བཅུ་གཅིག་གིས་གཞོན་ལྷན་ལ་ངོ་རྒོལ་བྱས། ༧གོང་ས་མཆོག་གིས་མི་མང་ལ་དུས་རྒྱུན་ལམ་སྟོན་བཀའ་སློབ་གནང་། ཚོགས་པ་བཅུ་གཅིག་གིས་ནང་ཁུལ་གཏོར་བཤིག་གཏོང་ཐབས་བྱས།
སོ་གཉིས་སྐྱོན་བཟོས་པས་དངན་པ་ཤོར།།
གདོང་རྨས་སྐྱོན་བཟོས་པས་དངན་པ་ཤོར།།
ངས་དངན་པ་དངན་པ་དངན་པ་འཐེན།།
དོན་ལྷ་སོགས་མཉམ་དུ་དངན་པ་འཐེན།།
ལོ་རྒྱུས་ཀྱི་རང་བཞིན་ལྡན་པའི་རྒྱ་གར་སྟོབས་ཆེན་རྒྱལ་ཁྱབ་འདི་ཡང་རྒྱ་དམར་གྱི་གཡོ་སྒྱུ་ཁྲམ་གསུམ་འོག་ཏུ་ཚུད་ན། བལ་ཡུལ་ལྟ་བུ་ལྟ་ཅི་སྨོས།
ད་ལྟའི་གནས་སྟངས་ལ་དཔྱད་ཞིབ་བྱས་ན་བོད་དོན་དེ་དངོས་གནས་ཁག་པོ་ཆགས་འདུག
ད་རྒྱ་གར་ཚར་ཚར་བ་རེད། རྒྱ་མིས་པེ་ཤག་གིས་ཉོས་ཟིན་པ་འདྲ། ཁ་སང་རྒྱ་མིའི་དམག་སྤྱིས་རྒྱ་གར་གྱི་ཐད་འཕུར་གནམ་གྲུ་གཏོང་མཁན་ལའང་པེ་ཤག་གི་དངན་པ་སྤྲད་ནས་ཚོད་བགམ་ཡག་ཐག་ཆོད་ཅིག་གནང་འདུག་གཱ།