བོད་པ་ཚོས་ནང་ཁུལ་འཆམ་པོ་བཟོ་རྒྱུ་དེ་གལ་ཆེ་ཤོས་རེད།

ཚེ་བརྟན་རྡོ་རྗེ་ལཊ་སུ་ཁྲིམས་ཐག་བཅད་དེ་ཟླ་ ༣ ཙམ་འགྲོ་བཞིན་པའི་སྐབས་འདིར། ཁོང་གི་ཕ་མ་གཉིས་བལ་ཡུལ་བཙོན་ཁང་ནང་ཁོང་ལ་ཐུག་འཕྲད་དུ་འགྲོ་འཆར་ཡོད་ཀྱང་། བཙོན་ཁང་དུ་བསྐྱོད་ཆོག་པའི་ཁྲིམས་མཐུན་ཡིག་ཆ་བཟོ་མ་ཐུབ་པར་ལྷག་ཡོད་འདུག

རྩོམ་པ་པོ་གླིང་ཚ་ཚེ་བརྟན་རྡོ་རྗེ་ལགས་སུ་བལ་ཡུལ་རྒྱལ་ས་ཀཱ་ཐཱ་མན་ཀྲི་ས་གནས་ཁྲིམས་ཁང་གིས། ཁྲིམས་འགལ་ཐོག་བལ་ཡུལ་ས་ཁོངས་སུ་འཛུལ་བའི་ཉེས་འཛུཊ་འོག་ཁྱོན་དུས་ཡུན་མི་ལོ་ ༢ ཀྱི་བཙོན་འཇུག་ཁྲིམས་ཐག་བཅད་དེ། ད་བར་ཟླ་ ༣ ལྷག་འགྲོ་བཞིན་ཡོད་སྟབས། ཕྱི་ཚེས་ ༡༤ ཉིན་འདི་གའི་གསར་འགོད་པ་ངྷ་སར་ཡོད་པའི་ཁོང་གི་ཕ་མ་གཉིས་ཀྱི་གམ་དུ་བཅར་ཏེ། ཁོང་བཟའ་མི་གཉིས་ཀྱི་འཚོ་བའི་གནས་སྟངས་དང་། བུ་ཚེ་རྡོར་ལཊ་སུ་གནས་ཚུལ་གསར་པ་འདྲ་ཡོད་མེད་རྒྱུས་ལོན་བྱས་ཡོད།

ཚེ་བརྟན་རྡོ་རྗེ་ཡི་ཨ་མ་ལྡོམ་པོ་སྐྱིད་ལཊ་ཀྱིས་བརྗོད་པ་ལྟར་ན། ཚེ་བརྟན་རྡོ་རྗེ་ལཊ་ད་ཆར་བལ་ཡུལ་རྒྱལ་ས་ཀཱ་ཐཱ་མན་ཀྲི་ཡི་ (Dilli Bazaar)ཞེས་པའི་བཙོན་ཁང་དུ་བཙོན་འཇུག་བྱས་ཡོད་པ་དང་། བཙོན་ཁང་དེར་ཉིན་རེར་ལྟོ་དུས་ཐེངས་གཉིས་རེ་དང་། ཟླ་རེར་སྐར་མ་ ༡༥ ཙམ་ལ་ནང་མིར་ཁ་པར་གཏོང་རྒྱུའི་ཐོབ་ཐང་ཡོད་པ་མ་ཟད། སོ་སོར་དངུལ་ཡོད་ན་བཙོན་ཁང་དེའི་སྒོ་རྭའི་ནང་གི་ཟ་ཁང་དུ་བསྐྱོད་ཆོག་གི་ཡོད་འདུག ཚེ་བརྟན་རྡོ་རྗེ་ལགས་ཀྱིས་ཁོང་གི་ཕ་མ་གཉིས་ལ་ཁ་པར་གཏོང་ཐེངས་རེར། ཁོ་རང་གི་ཕྱོགས་སུ་སེམས་ཁྲལ་གནང་མི་དགོས་ཤིང་། ཁོ་བཙོན་ཁང་དུ་སྡོད་པ་དེ་བོད་རྒྱལ་ཁབ་དང་མི་རིཊ་ཀྱི་རྩ་དོན་ཆེད་ཡིན་སྟབས། ཁྱིམ་ཚང་ཞིག་གི་གོད་ཆག་དང་མི་སྒེར་ཞིག་གི་སེམས་སྡུག་དང་འབྲེལ་བ་མེད་ཅིང་། ཁོའི་ཞི་བའི་འཐབ་རྩོད་ཀྱི་དམ་བཅར་ནམ་ཡང་འགྱུར་བ་མེད་པས། ཕ་མ་གཉིས་ཀྱི་སེམས་ལ་གྲ་སྒྲིག་དགོས་ཚུལ་བརྗོད་ཡོད་འདུག ཁོ་ལ་རེ་བ་ཞིག་ཡོད་པ་ནི། ཁོང་གིས་རྒྱ་གཞུང་ལ་བཏོན་པའི་ཞི་བའི་འབོད་ཚིག་ ༥ དེ་གང་ཐུབ་ཀྱིས་སྤྱི་ཚོཊ་ནང་ཁྱབ་བསྒྲཊ་བྱ་རྒྱུ་དེ་ཡིན་པ་དང་། བོད་མི་རྒྱབ་སྐྱོར་བ་ཁག་ཅིག་གིས་ཚེ་བརྟན་རྡོ་རྗེ་བཙོན་གྲོལ་གྱི་ལམ་ཁ་འཚོལ་བཞིན་ཡོད་ཀྱང་ཁོ་རང་ཉིད་ཀྱིས་མོས་མཐུན་གནང་མི་འདུག

ཨ་མ་ལྡོམ་པོ་སྐྱིད་ལགས་ཀྱིས་བརྗོད་ན། ད་ཆར་བལ་ཡུལ་མདོ་སྨད་ཀྱི་མི་གསུམ་གྱིས་བལ་ཡུལ་ཀཱ་ཐཱ་མན་ཀྲི་ས་གནས་བཙོན་ཁང་ནས་ཆོག་མཆན་ཡི་གེ་བླངས་ཏེ། བདུན་ཕྲག་རེར་དང་བླངས་ཐོག་བཙོན་ཁང་དུ་ཚེ་བརྟན་རྡོ་རྗེ་ལཊ་སུ་ཟ་མ་སྐྱེལ་བཞིན་ཡོད་པ་དང་། ཟ་མ་སྐྱེལ་མཁན་ཚོས་བཤད་ན་ཚེ་བརྟན་རྡོ་རྗེ་ལཊ་ཀྱི་ད་ལྟའི་གཟུཊ་པོའི་གནས་བབ་སྔོན་མ་ལས་ཅུང་ཡག་ཏུ་ཕྱིན་ཡོད་པ་དང་། ཚེ་རྡོར་ལཊ་སུ་བཙོན་འཇུག་ཁྲིམས་ཐག་མ་བཅད་གོང་རྒྱ་བལ་གནས་སྡོད་བོད་མི་ལྷག་བསམ་ཅན་མང་པོ་ཞིག་གིས་ཁོང་གི་སྙིང་སྟོབས་དང་དམ་བཅའ་ལ་རྒྱབ་སྐོར་གནང་སྟེ་ལག་འཁྱེར་གློག་ཀླད་དང་ཁ་པར། ལྭ་བ་སོཊ་ཉོས་ཏེ་རོགས་རམ་གནང་པར་སྙིང་ཐག་པ་ནས་ཐུགས་རྗེ་ཆེ་ཞུ་རྒྱུ་ཡིན་ཟེར། 

    ཚེ་བརྟན་རྡོ་རྗེ་ལཊ་སུ་ཁྲིམས་ཐག་བཅད་རྗེས་ཨ་མ་ལྡོམ་པོ་སྐྱིད་ཀྱིས་བསྐྱར་དུ་ཞི་བའི་འཐབ་རྩོད་མགོ་འཛུཊ་གནང་རྩིས་བྱས་ཀྱང་། འབོད་སྐུལ་ཞུས་པ་ལྟར་ལས་འགུལ་ནང་མཉམ་ཞུཊ་བྱེད་མཁན་མ་བྱུང་བ་དང་། མོ་རང་གཅིག་པུ་ཕྱིན་ན་སྐད་དང་ལམ་ཁ་མི་ཤེས་པའི་དཀའ་ངལ་འཕྲད་ངེས་ལ་བརྟེན་གོམ་བགྲོད་གནས་སྐབས་རིང་ཕྱིར་འཐེན་བྱས་ཡོད་འདུག

ཨ་མ་ལྡོམ་པོ་སྐྱིད་ཀྱིས་བརྗོད་དོན། “ གལ་སྲིད་ང་རང་གིས་རྒྱ་གར་སྐད་ཡག་པོ་ཞིག་མི་ཤེས་ཀྱང་དབུས་གཙང་སྐད་ཡག་པོ་ཞིག་ཤེས་རྒྱུ་ན། སོ་སོ་གཅིག་པུས་ཚེ་བརྟན་རྡོ་རྗེའི་ཞི་བའི་འབོད་ཚིག་ལྔ་འཁུར་ཏེ་མུ་མཐུད་གོམ་བགྲོད་བྱ་འདོད་ཡོད། ཁ་སྔོན་ང་རང་གིས་ངྷ་སར་གོམ་བགྲོད་ནང་འཛུལ་མཁན་བཙལ་ཡང་། ང་ལ་རོཊ་པར་འགྲོ་མཁན་གཅིག་ཀྱང་རག་མ་སོང་། རོཊ་པ་མེད་ན་ང་གཅིག་པུས་རང་མགོ་འཐོན་ས་མ་རེད། གལ་སྲིད་ང་རང་ཚེ་བརྟན་རྡོ་རྗེ་ལ་ངོ་མ་ཐུག་ན་ཉིན་ཞིག་བསྐྱར་དུ་གོམ་བགྲོད་མགོ་འཛུཊ་རྒྱུ་ཡིན། ང་རང་བུ་དང་མཉམ་དུ་བཙོན་ཁང་དུ་འགྲོ་མ་ཐུབ་པ་དེར་ང་འགྱོད་པ་ཆེན་པོ་འདུག”ཟེར།

ཨ་ཕ་ཚེ་མགོན་ལཊ་སུ་ཚེ་བརྟན་རྡོ་རྗེ་ལཊ་ཀྱི་གནས་སྟངས་སྐོར་དྲིས་པར། “ངེད་གཉིས་ཀྱིས་སྐད་ཤེས་ཀྱི་ཡོད་པ་མ་རེད། དེའི་ཐོག་ངེད་གཉིས་ཀྱི་ (RC) ཐོག་གནས་སྐོར་བརྒྱབ་ཡོད་དུས་བལ་ཡུལ་ནང་འགྲོ་ཐུབ་ཀྱི་མི་འདུག ད་གཞན་པའི་ལམ་ཁ་ཡོད་མེད་དང་། ཡིག་ཆ་འདྲ་བཟོ་རྒྱུ་ཡོད་མེད་ཧ་གོ་ཡི་མི་འདུག འདི་ལ་བོད་གཞུང་དང་ཚོཊ་པ་ཁག་གིས་རོཊ་པ་ཞིག་གནང་ཐུབ་ན་བསམ་བསྡད་ཡོད། ཐོག་མ་ངེད་གཉིས་ཀ་བལ་ཡུལ་དུ་ཚེ་བརྟན་རྡོ་རྗེ་ལ་བལྟ་རུ་འགྲོ་རྒྱུ་བྱས་ཀྱང་། ད་ལྟ་ངེད་གཉིས་ཀྱི་འཚོ་བ་ལྡོམ་པ་སྐྱིད་མོ་རང་གིས་མ་བྱིན་བྱེད་ཀྱི་ཡོད་པའི་གླ་ཆར་བརྟེན་བསྡད་ཡོད་པ་རེད། གལ་སྲིད་ངེད་གཉིས་ཕྱིན་པ་ཡིན་ན་རྗེས་མ་ལས་ཀ་དེའང་ཤོར་འགྲོ་བ་རེད། དེ་ནས་ངེད་གཉིས་གྲོས་བྱས་ཏེ་མོ་རང་གཅིག་པུ་འགྲོ་ཐབས་ཤིག་ལ་བསམ་བློ་བཏང་བ་ཡིན” ཞེས་བརྗོད།

གསར་འགོད་པས་ཨ་མ་ལྡོམ་པོ་སྐྱིད་ལཊ་སུ་མ་བུ་གསུམ་གྱི་གོམ་བགྲོད་སྐབས། སྤྱི་ཚོཊ་སྟེང་ངོ་རྒོལ་དང་རྒྱབ་སྐྱོར་བྱེད་མཁན་གཉིས་ཀ་བྱུང་ཡོད་པ་དེར་གཟིཊ་ཚུལ་ག་རེ་ཡོད་མེད་དྲིས་པར། “ ཚོཊ་པ་སོ་སོར་རང་གི་ལྟ་བ་དང་ལངས་ཕྱོཊ་རེ་ཡོད་པ་ལྟར། ང་ཚོའི་ལས་འགུལ་ལ་ངོ་རྒོལ་ཡོད་ཟེར་མཁན་ཚོར་ཡང་སོ་སོའི་ལངས་ཕྱོཊ་ཤིག་ཡོད་པ་རེད། ང་རང་ལ་ངོ་རྒོལ་དང་རྒྱབ་སྐྱོར་བྱེད་མཁན་ཚང་མར་དམིཊ་བསལ་བཤད་རྒྱུ་ཅི་ཡང་མེད། མ་གཞི་རང་བཙན་དང་ལམ་དབུ་མ་གང་ཡིན་རུང་། མཐའ་མའི་དམིཊ་ཡུལ་བོད་ལ་རང་དབང་འཐོབ་རྒྱུ་དེ་རེད། དེའི་སྟབས་ཀྱིས་བོད་པ་ཚང་མ་ནང་ཁུལ་འཆམ་པོ་བཟོ་རྒྱུ་གལ་ཆེན་པོ་རེད་བསམ་གྱི་འདུག” ཟེར།

གསར་འགོད་པ། དཔལ་ལྡན།

༼ བོད་ཀྱི་དུས་བབ་ཚགས་པར་ལས་བདམས་བཀོད་བྱས། ༽