རང་བཙན་དབུ་མའི་བར་གྱི་སྡང་ཟུག་དེ་ཐབས་སྐྱོ་བོ་རེད།

དམིགས་བསལ་ཚོགས་ཆེན་ཐེངས་གཉིས་པའི་གྲོས་གཞི་དང་འབྲེལ་བའི་གནད་དོན་ཁག་ཅིག་གི་ཐོག ཁ་བ་དཀར་པོ་བོད་ཀྱི་རིག་གཞུང་སྲི་ཞུ་ཁང་གི་འཛིན་སྐྱོང་དོ་དམ་པ་དང་དྷ་ས་ས་གནས་མདོ་ཁམས་ཆུ་བཞི་སྒང་དྲུག་ཚོཊ་གཙོ་གེ་བ་ཚང་ངག་དབང་ཐར་པ་ལཊ་སུ་བཅར་འདྲི་ཞུས།

དྲི་བ། བོད་ནང་གི་ཛ་དྲག་གནས་སྟངས་ཐོག་བོད་གཞུང་མང་གཉིས་ཀྱིས་གདོང་ལེན་ཇི་ལྟར་བྱ་དགོས་པར་མཐོང་གི་ཡོད་དམ།

ལན། སྤྱིར་བོད་གཞུང་དམངས་གཉིས་ཀའི་ངོས་ནས་གང་ཐུབ་གནང་ཡོད་པ་རེད། བོད་གཞུང་གི་ངོས་ནས་བོད་ནང་རང་ལུས་མེར་བསྲེཊ་གཏོང་བའི་གནས་ཚུལ་ནམ་བྱུང་ལ་གཞུང་འབྲེལ་གུང་གསེང་བཞག་སྟེ། ཞལ་འདོན་དང་སྨོན་ལམ་སོཊ་གསུང་གི་ཡོད་པ་རེད། བཀའ་སྤྱི་གཉིས་ཀྱིས་རྒྱལ་སྤྱིའི་ཁྱོན་ཡོངས་ལ་འབོད་སྐུལ་གནང་བཞིན་པ་དང་། དེ་བཞིན་བོད་མི་མང་སྤྱི་འཐུས་ཀྱིས་བདེན་པའི་མེ་ལྕེའི་ལས་འགུལ་དེ་ཡང་འགྲོ་བཞིན་པ་རེད། གཙོ་བོ་ལས་འགུལ་ག་རེ་སྤེལ་ཡང་རང་གཞུང་བཀའ་ཤག་གི་ལམ་སྟོན་གནང་བ་བཞིན་ཐབས་ལམ་དང་འཆར་གཞི་ཡོད་པ། ཆེ་མཐོང་དང་ལྡན་པའི་སྒོ་ནས་ལས་འགུལ་སྤེལ་རྒྱུ་གལ་ཆེན་པོར་མཐོང་གི་ཡོད། གཞུང་དམངས་གཉིས་རྡོག་རྩ་གཅིག་ཏུ་བསྒྲིལ་དགོས་རྒྱུ་དེ་གནད་ཀྱི་དང་པོ་རེད། ང་རང་གིས་མི་མང་གི་ཁ་ཕྱོཊ་དང་རྡོག་རྩ་གཅིག་སྒྲིལ་གྱི་རྣམ་པ་དངོས་གནས་ཧ་ལས་པའི་ཡག་པོ་མཐོང་གི་འདུག དེང་སྐབས་རྒྱལ་སྤྱིའི་ཁྱོན་ནས་ང་ཚོར་མཐོང་སྣང་ཡག་པོ་ཡོད་པའི་གོ་སྐབས་འདི་དམ་འཛིན་བྱས་ཏེ། གཞུང་དམངས་གཉིས་ཀས་ལས་འགུལ་སྔར་ལས་ཤུགས་ཆེ་ཙམ་སྤེལ་དགོས་ཀྱི་འདུག ལས་འགུལ་མགོ་ཁྲིད་མཁན་ཚོས་ཀྱང་ཕར་ཕྱོཊ་ཀྱི་གནས་སྟངས་ཤེས་པའི་ཐོག་སྐད་ཆ་བཤད། མགོ་ཁྲིད་བྱས་ནས་དངོས་གནས་ཡག་པོ་ཡོང་གི་རེད། དེ་མིན། དེང་སྐབས་མིང་ཡོད་པའི་སྤྱི་ཚོཊ་ཐོག་ལས་ཀ་བྱེད་མཁན་ཁ་ཤས་ཀྱིས་ཕར་ཕྱོཊ་ཀྱི་གནས་སྟངས་ལ་བསམ་བློ་མ་བཏང་བར། ལམ་དབུ་མ་དང་རང་བཙན་གཉིས་བར་ཕ་ཤ་མ་གྱོད་ཡོད་པ་ལྟ་བུའི་སྡང་ཟུག་བྱེད་ཀྱི་ཡོད་པ་དེ་ཐབས་སྐྱོ་བོ་ཞེ་དྲག་རེད། དེང་སྐབས་ཁ་ནས་རྡོག་རྩ་གཅིག་སྒྲིལ་དགོས་རེད་ལབ་མཁན་དེ་ཚོས། དོན་ལ་དབུ་མ་དང་རང་བཙན་གཉིས་ཀྱི་ལྟ་བ་མཁྲེཊ་འཛིན་བྱས་ཏེ། སྤྱི་ཚོཊ་ནང་བརྡབ་གསིག་མང་པོ་འགྲོ་བཞིན་པའི་གནས་སྟངས་མ་ཡིན་པར། ༸གོང་ས་མཆོག་བོད་ལ་གདན་འདྲེན་ཞུ་རྒྱུ་དང་། བོད་མི་གཞིས་བྱེས་ལྷན་འཛོམས། བོད་སྤྱི་པའི་རྩ་དོན་བཅས་ཀྱི་ཆེད། ལས་འགུལ་སྤེལ་མཁན་སུ་བྱུང་ཡང་ཚང་མ་མཉམ་ཞུཊ་ཀྱིས་ཕན་ཚུན་གུ་ཡངས་བྱས་ན་ཡག་པོ་འདུག  

དྲི་བ། རྒྱལ་ཡོངས་ཚོཊ་ཆེན་དང་དམིཊ་བསལ་ཚོཊ་ཆེན་རིམ་པའི་སྐབས་ཀྱི་གྲོས་ཆོད་ཁག་ལ་གྲུབ་འབྲས་ཐོན་ཡོད་མེད་ཐོག་གཟིཊ་ཚུལ་ག་རེ་ཡོད་པ་དང་། ཐེངས་འདིའི་ཚོཊ་ཆེན་ཐོག་གྲོས་ཆོད་མང་པོ་ཞིག་ཡོང་གི་རེད། དེ་དག་ལག་ལེན་བསྟར་ཕྱོཊ་ཐོག་དགོངས་ཚུལ་ག་རེ་ཡོད་དམ།

ལན། ཚོཊ་ཆེན་དེ་འཚོཊ་ཐུབ་པ་ཙམ་གྱིས་རང་བཞིན་གྱིས་རྒྱལ་སྤྱི་དང་རྒྱ་ནག་ནང་དོ་སྣང་ཆེན་པོ་སླེབས་ཀྱི་ཡོད་སྟབས། ལས་འགུལ་རྒྱ་ཆེན་པོ་ཞིག་ལ་ངོས་འཛིན་བྱེད་ཀྱི་ཡོད། ཚོཊ་ཆེན་ཐོག་མི་ལྔ་བརྒྱ་དྲུག་བརྒྱ་རེ་ཡོང་གི་ཡོད་དུས་མི་ཚང་མའི་བསམ་ཚུལ་ལག་བསྟར་བྱ་རྒྱུ་ཁག་པོ་ཡིན་རུང་། བསམ་ཚུལ་མང་ཆེ་བ་ལག་བསྟར་བྱེད་བཞིན་པ་རྐྱང་རེད། འོན་ཀྱང་། དམིཊ་བསལ་ཚོཊ་ཆེན་ཐེངས་དང་པོའི་སྐབས་ཡིན་ན། མཐའ་མའི་ཐག་ཆོད་ཀྱི་མིང་ལ་ “རྒྱབ་གཉེར་སྙན་ཐོ་” ཞེས་བརྗོད་ཡོང་སྐབས། རང་བཞིན་གྱིས་ནུས་པ་མེད་པ་ལྟ་བུ་ཞིག་ཏུ་གྱུར་འགྲོ་གི་ཡོད། ཐག་གཅོད་དམ་ཡང་ན་གྲོས་ཆོད་ལྟ་བུ་བརྗོད་ཡོད་ན། རང་བཞིན་གྱིས་ལག་བསྟར་མི་བྱེད་ཐབས་མེད་ཀྱི་ནུས་པ་ཞིག་ཡོད། གཞན་རྒྱབ་གཉེར་ནི་རྒྱབ་གཉེར་རང་རེད། དམིཊ་བསལ་ལག་བསྟར་བྱས་ཀྱང་འགྲིག་གི་རེད་ལ། ལག་བསྟར་མ་བྱས་ཀྱང་འགྲིག་གི་རེད། དེ་ཡིན་དུས་ད་རེས་དམིཊ་བསལ་ཚོཊ་ཆེན་གྱི་མཐའ་བསྡོམས་དེ་ཐག་གཅོད་ཅེས་བརྗོད་ན་འོས་འཚམ་ཞིག་ཆཊ་ཡོད། གཞན་སྔོན་མ་ཚོཊ་པའི་རྒྱལ་ཡོངས་ཚོཊ་ཆེན་དང་དམིཊ་བསལ་ཚོཊ་ཆེན་རིམ་པའི་སྐབས་ཡིག་ཆ་མང་པོ་ཞིག་བཞག་པ་ཁག་ལ། གྲུབ་འབྲས་ཐོན་ཡོད་པ་མ་རེད་ཟེར་ནས་ཁ་ཚོན་བཅད་དེ་ཞུ་ཐུབ་ཀྱི་མི་འདུག་ཀྱང་། ཚོཊ་ཞུཊ་པ་ཚོར་མི་མང་གི་རེ་བ་བཅོལ་བ་ནང་བཞིན་བྱུང་མེད་པ་དངོས་ཡོད་གནས་ཚུལ་ཪེད། ཐེངས་འདིའི་ཚོཊ་ཆེན་ཡག་པོ་ཡོང་བའི་ཡིད་ཆེས་དང་རེ་བ་བྱེད་ཀྱི་ཡོད། ཚོཊ་མི་ཚང་མ་ཤེས་འཇོན་གཉིས་ལྡན་དང་། སྤྱི་ཚོཊ་ནང་འགན་འཁུར་མཁན། དེ་བཞིན་ཚོཊ་མི་མང་ཆེ་བ་འདས་པའི་ ༢༠༠༨ ལོའི་དམིཊ་བསལ་ཚོཊ་ཆེན་དང་། ༢༠༡༠ ལོར་ལྷོ་ཕྱོཊ་སུ་ཚོཊ་པའི་རྒྱལ་ཡོངས་ཚོཊ་ཆེན་གཉིས་ཀ་མཐོང་མྱོང་མཁན། ཡར་ཐོན་ཅན་གྱི་རྒྱལ་ཁབ་ཁག་ནས་ཉམས་མྱོང་ཅན་གྱི་མི་སྣ་དང་མཁས་དབང་། ལས་འགུལ་བ་སྐད་གྲཊ་ཅན་རྐྱང་སླེབས་ཡོང་གི་ཡོད། མང་ཆེ་བས་རྒྱལ་ཡོངས་ཚོཊ་ཆེན་དང་དམིཊ་བསལ་ཚོཊ་ཆེན་གཉིས་ལས་བློ་སྐྱེད་མང་པོ་རག་ཡོད་དུས། ཚོཊ་ཆེན་འདི་ཏན་ཏན་ཡག་པོ་ཞིག་ཡོང་གི་རེད་བསམ་གྱི་འདུག

དྲི་བ། ལོ་སྔ་ཕྱིར་བོད་ནས་བཙན་བྱོལ་དུ་ཡོང་མཁན་ཇེ་ཉུང་དང་། ཕྱིར་བོད་དུ་ལོག་མཁན་ཇེ་མང་དུ་འགྲོ་བཞིན་ཡོད་པའི་ཐད་དགོངས་ཚུལ་ག་རེ་ཡོད་དམ།

ལན། བཙན་བྱོལ་དུ་ཡོང་མཁན་ཉུང་དུ་འགྲོ་བཞིན་པ་དངོས་ཡོད་གནས་ཚུལ་རེད། དེ་ནི་རྒྱ་གཞུང་གི་ཧི་མ་ལ་ཡའི་ས་མཚམས་ཚང་མར་སྲུང་རྒྱ་དམ་པོ་བྱས་པ་མ་ཟད། བོད་ཀྱི་རྒྱལ་ས་ལྷ་ས་གཙོས་གྲོང་ཁྱེར་ཁག་ཏུ་དམ་དྲག་ཆེན་པོ་བྱས་རྐྱེན། བོད་ནས་གསར་འབྱོར་བ་མང་པོ་ཡོང་ཐུབ་ཀྱི་མེད་པ་རེད། ཕྱིར་བོད་དུ་ལོག་མཁན་མང་པོ་ཡོད་པ་དང་། ཕྱི་རྒྱལ་ཁག་ཏུ་འགྲོ་མཁན་ཡང་མང་པོ་རེད། ཁོང་ཚོ་ཐོག་མར་བཙན་བྱོལ་ནང་ཡོང་། དེ་ནས་སློབ་སྦྱོང་གི་གོ་སྐབས་ཐོབ། རྒྱལ་སྤྱི་དང་བོད་དོན་གྱི་གནས་སྟངས་གང་འཚམ་ཤེས་རྟོཊ་བྱུང་རྗེས་ཕྱིར་བོད་ལ་ལོག་ཐུབ་ན་ཧ་ཅང་ཡག་པོ་རེད། བོད་གཞུང་དང་༸གོང་ས་མཆོག་གི་དགོངས་གཞི་ཡང་དེ་རེད། གང་ལྟར་གཞིས་བྱེས་གཉིས་ཀྱི་བར་འབྲེལ་བ་དང་། གནས་ཚུལ་ཤེས་རྟོཊ་མང་དུ་སོང་ན་བོད་དོན་འཐབ་རྩོད་ལ་ཕན་ཐོཊ་ཆེན་པོ་ཡོང་གི་རེད།

གསར་འགོད་པ། དཔལ་ལྡན།

༼  བོད་ཀྱི་དུས་བབ་ཚགས་པར་ལས་འདིར་བཀོད། ༽