བོད་ནང་གི་ཛ་དྲག་གནས་སྟངས་ཐོག་བོད་གཞུང་དམངས་གཉིས་ཀྱིས་གདུང་ལེན་གནང་ཕྱོགས་ཞེས་པའི་གྲོས་གཞིའི་ཐོག་དམིགས་
དྲི་བ། བོད་ནང་གི་ཛ་དྲག་གནས་སྟངས་ཐོག་བོད་གཞུང་མང་གཉིས་ཀྱིས་གདོང་ལེན་ཇི་ལྟར་བྱ་དགོས་པར་གཟིགས་ཀྱི་ཡོད།
ལན། བོད་ནང་ཡོད་པའི་བོད་མི་ཚོ་དངོས་གནས་དྲང་གནས་འཐབ་ས་རང་ལ་གནས་པའི་གདོང་ལེན་པ་རྐྱང་རྐྱང་ཆཊ་ཡོད་སྟབས། ཐོག་མཐའ་བར་གསུམ་དུ་བློས་གཏོང་ཚད་མེད་བྱས་ཏེ་དཀའ་ངལ་ལ་གདོང་ལེན་མ་བྱས་པ་གཅིག་ཀྱང་མེད་པ་རེད། རྒྱ་དམག་གིས་བོད་ལ་ཧམ་འཛུལ་བྱས་རྗེས་གཡོ་ཁྲམ་དང་འཇམ་རྩུབ་ཅི་རིཊ་ཐོག་བོད་མི་རིཊ་རྩ་མེད་དང་བོད་ཀྱི་ས་ཆ་ཚང་མ་ཟ་འདོད་བྱེད་ཀྱི་ཡོད་པ་རེད། ཡིན་ནའང་། བོད་མི་དམངས་ཀྱིས་བློ་ཐག་རྦད་ཆོད་ཀྱིས་གདོང་ལེན་མཐའ་གཅིག་ཏུ་བྱས་དང་བྱེད་མུས་ཡིན་ལ། ལྷག་པར་དུ་ ༢༠༠༨ ལོར་བོད་ས་སྟོད་སྨད་ཡོངས་སུ་རྒྱ་གཞུང་ལ་ཞི་བའི་ཐོག་ནས་གཞི་རྒྱ་ཆེ་བའི་ངོ་རྒོལ་བྱས་ཡོད། ༢༠༠༩ ལོའི་མགོ་སྟོད་ནས་ད་བར་བོད་མི་ཚོ་འཐབ་རྩོད་ཀྱི་རྩེ་མོ་ལྟ་བུར་བསླེབས་ཏེ། བོད་ཀྱི་ས་གནས་མི་འདྲ་བ་ ༡༧ ཙམ་ནང་། བོད་མི་ ༥༡ གིས་རང་ལུས་མེར་བསྲེཊ་བཏང་སྟེ་རྒྱ་གཞུང་ལ་ངོ་རྒོལ་བྱས་ཡོད། དེ་ཚོའི་ཁྲོད་ནས་བོད་མི་ ༤༡ སྐུ་གྲོངས་ཡོད་པ་རེད། བོད་གཞུང་དམངས་གཉིས་ཀྱིས་འདིའི་ཐད་གདུང་གྲོཊ་དང་རམ་འདེགས་བྱེད་ཕྱོཊ་གཙོ་བོ། བོད་ནང་གི་ཛ་དྲག་གནས་སྟངས་ངེས་པར་དུ་དུས་ཐོག་རྒྱལ་སྤྱིའི་བརྒྱུད་ལམ་ཆེ་ཁག་ཏུ་བསྐྱལ་དགོས་རྒྱུ་དེ་རེད། དེ་དང་མཉམ་དུ་རྒྱལ་ཚོཊ་དང་འཛམ་གླིང་རྒྱལ་ཁབ་ཁག་གི་མགོ་ཁྲིད་ཚོར་ཡང་ནས་ཡང་དུ་ཐུག་འཕྲད་གནང་སྟེ། བོད་ཀྱི་དངོས་ཡོད་གནས་སྟངས་ཞུ་གཏུག་དང་འགྲེལ་བརྗོད་བྱ་དགོས་པ་རེད། དེའི་ཐོག་བོད་གཞུང་དམངས་གཉིས་ཀྱིས་བོད་ནང་ངོ་རྒོལ་གནས་ཚུལ་ཆེན་པོ་བྱུང་ཐེངས་རེར། གདུང་སེམས་མཉམ་སྐྱེད་ཀྱི་མཆོད་འབུལ་སྨོན་ལམ་ཙམ་མིན་པར། ཞི་བའི་ལས་འགུལ་ཅི་རིཊ་སྤེལ་རྒྱུའི་གྲ་སྒྲིག་དགོས་པ་རེད་དྲན་ཡོད།
དྲི་བ། དེ་སྔའི་རྒྱལ་ཡོངས་ཚོཊ་ཆེན་དང་དམིཊ་བསལ་ཚོཊ་ཆེན་རིམ་པའི་གྲོས་ཆོད་ཁག་ལ་གྲུབ་འབྲས་ཐོན་ཡོད་མེད་ཐོག་གཟིཊ་ཚུལ་ག་རེ་ཡོད།
ལན། དྲང་པོར་བཤད་ན། སྐབས་སྔོན་མ་དག་གི་རྒྱལ་ཡོངས་ཚོཊ་ཆེན་དང་དམིཊ་བསལ་ཚོཊ་ཆེན་སོ་སོའི་གྲོས་ཆོད་ཁག་ལག་བསྟར་བྱས་པ་དང་། གྲུབ་འབྲས་ཐོན་བསྡད་པ་དེ་འདྲ་ཉུང་ཉུང་ཆཊ་ཡོད་པ་རེད། ཡིན་ནའང་ཐེངས་འདིའི་ཚོགས་འདུའི་སྐབས་གྲོས་ཆོད་འགའ་འཇོག་གི་རེད་ལ། ཚོགས་བཅར་བ་ཚོས་སོ་སོ་རང་ཉིད་ཀྱི་དགོངས་ཚུལ་དང་བསམ་འཆར་ལྷུག་པོར་འདོན་གྱི་རེད། གང་ལྟར་ཚོགས་ཞུགས་བའི་མང་མོས་ཀྱི་དགོངས་ཚུལ་གང་ཡིན་པ་དེ་གལ་ཆེ་ཤོས་དང་ནུས་པ་ལྡན་ཤོས་སུ་བརྩི་དགོས་པ་མ་ཟད། ཚོགས་ཐོག་ཏུ་གྲོས་ཆོད་གང་བཞག་པ་ཁག་ལ། ཆེད་དུ་ལྟ་སྐུལ་ཚོགས་ཆུང་ལྟ་བུ་ཞིག་བཙུཊ་ཏེ། ཚོགས་ཐོག་ཏུ་བཞག་པའི་གྲོས་ཆོད་ཁག་ལག་ལེན་བསྟར་གྱི་ཡོད་མེད་ཐོག་ལྟ་སྐུལ་དང་། རྗེས་འདེད་བྱ་རྒྱུ་དེ་གལ་ཆེན་རེད་བསམ་གྱི་འདུག དེ་མིན་སྒོར་མོ་དང་དུས་ཚོད་ཧ་ཅང་མང་པོ་བེད་སྤྱོད་བཏང་སྟེ། གཏན་ལ་ཕབ་པའི་ཚོཊ་འདུའི་གཟུངས་གཞུག་ལྟ་བུའི་གྲོས་ཆོད་ཁག དོན་དག་ངོ་མའི་ཐོག་ལག་བསྟར་བྱེད་མ་ཐུབ་ན་ཧ་ཅང་བློ་ཕམ་སྐྱེ་གཞི་རེད། དེ་འདྲ་ཡིན་དུས། ལྟ་སྐུལ་ཚོགས་ཆུང་འདིས་ཚོཊ་ཐོག་ཏུ་བཞག་ཟིན་པའི་གྲོས་ཆོད་ཁག འབྲེལ་ཡོད་ཚོཊ་སྡེ་གང་རུང་གིས་ལག་ལེན་བསྟར་གྱི་ཡོད་མེད་ཐོག་ལྟ་རྟོག་དང་། དྲན་གསོ་གཏོང་གི་བསྡད་ན་གྲོས་ཆོད་ཁག་ལག་ལེན་དུ་བསྟར་ཐུབ་རྒྱུར་ཕན་ཐོཊ་ཡོང་གི་རེད་བསམ་གྱི་ཡོད།
དྲི་བ། བོད་ནང་གི་རང་ལུས་མེར་བསྲེཊ་ལས་འགུལ་ལ་གྲུབ་འབྲས་འབྱུང་མིན་ཐོག་གཟིགས་ཚུལ་ག་རེ་ཡོད་དམ།
ལན། བོད་ཕྱི་ནང་གཉིས་ནས་བོད་མི་ ༥༦ གིས་རང་གི་གཅེས་པའི་ཚེ་སྲོག་མེར་བསྲེཊ་ཀྱི་ལམ་ནས་བོད་ཀྱི་རྩ་དོན་ཆེད་བློས་གཏོང་གནང་བ་རེད། བློས་བཏང་ཆེན་པོ་གནང་བའི་འབྲས་བུ་ཁ་ཐུག་ལ་ཡོང་ཐུབ་ཀྱི་མེད་ཀྱང་། ཁོང་རྣམ་པའི་རླབས་ཆེན་གྱི་བློས་བཏང་འདིས། རྒྱལ་སྤྱིའི་ཁྱོན་ཡོངས་ཀྱི་མི་མང་པོ་གི་སེམས་ལ་ན་ཟུག་བཞག་ཡོད་པ་བཤད་མ་དགོས་པ་ཞིག་རེད། བློས་བཏང་ཆེན་པོ་འདི་འདྲ་བྱས་ཡོང་དུས། འཛམ་གླིང་མི་དམངས་སུ་ཡིན་རུང་བོད་མི་ཚོས་ཅིའི་ཕྱིར་འདི་འདྲའི་བློས་གཏོང་གནང་གི་ཡོད་ན་བསམས་ཏེ། རང་ལུས་མེར་བསྲེཊ་བྱ་དགོས་པའི་རྒྱུ་མཚན་དང་དེའི་རྒྱབ་ལྗོངས་ཤེས་འདོད་ཆེན་པོ་བྱེད་ཀྱི་རེད། དེ་དང་འབྲེལ་ནས་རང་བསྲེཊ་གཏོང་དགོས་པའི་རྒྱུ་རྐྱེན་གང་ཡིན་རྩད་འཚོལ་བྱེད་ཀྱི་རེད། བོད་མིས་རང་བསྲེཊ་གཏོང་བ་དེས་བོད་ཀྱི་རྩ་དོན་ལ་ཕན་ཐོཊ་མིན་ཐད་དོཊ་པ་རྩ་བ་ནས་ཡོད་པ་མ་རེད། དཔེར་ན། རྒྱལ་གཅེས་དཔའ་བོ་འཇམ་དཔལ་ཡེ་ཤེས་ལཊ་ཀྱིས། བོད་ཀྱི་རང་དབང་སླར་གསོ་ཁོ་ནའི་ཆེད་བློ་ཐག་ཆོད་པོས་རང་ལུས་མེར་བསྲེཊ་བྱས་རྗེས། རྒྱལ་སྤྱིའི་ཁྱོན་ཡོངས་ཀྱི་དྲ་རྒྱ་ཆེ་ཤོས་དང་། ཚཊ་པར་དང་དུས་དེབ་མང་པོའི་མདུན་ངོས་གསར་འགྱུར་ནང་བཀོད་ཡོད་པ་རེད་ལ། དེའི་ཐོག་ཆེད་དུ་འོད་སྡེར་འགྲེམས་སྤེལ་བྱས་ཏེ་དྲིལ་བསྒྲཊ་ཤུཊ་ཆེན་པོ་བྱུང་ཡོད་པ་རེད།
གསར་འགོད་པ། དཔལ་ལྡན།
