ཟླ་འདིའི་ཕྱི་ཚེས་ ༡༨ ཉིན། རྒྱ་ནག་ཁྲིན་ཏུའུ་རུ་ཝང་ལི་ཅོན་ལ་ཁྲིམས་ར་འཚོགས་ཏེ་ཁྲིམས་ཐག་གཅོད་རྒྱུ་ཡིན་འདུག
ཕྱི་ཚེས་ ༡༤ ཉིན་ཧོང་ཀོང་ཚོང་ལས་བརྙན་འཕྲིན་ཁང་གིས། རྒྱ་ནག་ཁྲིན་ཏུའུ་གྲོང་ཁྱེར་འབྲིང་རིམ་མི་དམངས་ཁྲིམས་ཁང་གི་མགྲིན་ཚབ་པའི་སྐད་ཆ་ལུང་འདྲེན་གྱིས་གནས་ཚུལ་སྤེལ་བ་ལྟར་ན། ཟླ་འདིའི་ཕྱི་ཚེས་ ༡༨ ཉིན་རྒྱ་ནག་ཁྲིན་ཏུའུ་གྲོང་ཁྱེར་ཁྲིམས་ཁང་དང་པོའི་ནང་ཡོངས་བསྒྲགས་ཐོག དེ་སྔའི་རྒྱ་གཞུང་ཁྲུང་ཆིན་གྲོང་ཁྱེར་གྱི་མགོ་གཙོ་གཞོན་པ་དང་ཉེན་རྟོག་སྡེ་ཁག་གི་མགོ་གཙོ་ཝང་ལིས་ཅོན་ལ་ཁྲིམས་ར་འཚོགས་ཏེ་ཁྲིམས་ཐག་གཅོད་རྒྱུ་ཡིན་འདུག
ཝང་ལི་ཅོན་གྱི་གྱོད་དོན་དེ་ནི། དེ་སྔའི་ཁྲུང་ཆིན་གྲོང་ཁྱེར་དམར་ཤོག་དྲུང་ཆེ་དང་། རྒྱ་གཞུང་ཆབ་སྲིད་ལྷན་ཁང་གི་འཐུས་མི་པའོ་ཞི་ལའེ་ཡི་གནད་དོན་དང་། པའོ་ཡི་ཆུང་མ་ཀུའུ་ཁའེ་ལའེ་ཡི་མི་གསོད་ཉེས་དོན་གཉིས་ལ་ཐད་ཀར་འབྲེལ་བ་དམ་ཟབ་ཡོད་པས། ཐེངས་འདིར་ཝང་ལི་ཅོན་ལ་ཁྲིམས་ཐག་ཅི་ལྟར་གཅོད་མིན་དེ། པའོ་ཞི་ལའེ་ཡི་ཆབ་སྲིད་གནད་དོན་ཅི་ལྟར་ཐག་གཅོད་མིན་གྱི་གཞི་རྩ་ཆགས་ཡོད།
ཟླ་འདིའི་ཕྱི་ཚེས་ ༥ ཉིན་རྒྱ་གཞུང་ཞིན་ཧྭ་གསར་ཁང་གིས། ཝང་ལི་ཅོན་ལ་བཅའ་ཁྲིམས་རྡོག་རོལ་དང་། ངོ་ལོག་བྲོས་བྱོལ། དབང་ཆ་ཐལ་སྤྱོད། ལྐོག་དངུལ་རུལ་སུངས་བཅས་ཉེས་པ་ ༤ ཐོག་ཞི་གཏུགས་བྱས་ཡོད་སྐོར་བརྗོད་འདུག
ཚེ་རིང་རྒྱལ་ལགས། ཁྱོད་རང་རྒྱ་ནག་ཉམས་ཞིབ་པ་ངོ་མ་ཞིག་ཆགས་འདུག ང་ཚོའི་བཙན་བྱོལ་སྤྱི་ཚོགས་ནང་ཧ་ཅང་དགོས་མཁོ་ཆེ་བའི་མི་སྣ་རེད། བོད་ཀྱི་དུས་བབ་རྩོམ་སྒྲིག་པའི་ཕྱག་རོགས་ཡག་པོ་ཞིག་ཡོང་བའི་རེ་བ་དང་ཡིད་ཆེས་ཆེན་པོ་ཡོ། ད་དུང་གཏིང་ཟབ་ས་ནས་རྒྱ་ནག་ཞིབ་འཇུག་དང་རྒྱ་ནག་སྔོག་འདོན། རྒྱ་ནག་འཚོལ་ཞིབ་བྱེད་དགོས་ཀྱིན་འདུག ཡིག་ནོར་སོགས་དག་ཆའི་ཕྱོགས་ལ་ཅུང་ཙམ་གཟབ་ནན་བྱ་དགོསཀྱི་འདུག་