གྲོས་ཚོགས་ཚོགས་དུས་བཞི་པའི་ལས་ཉིན་གཉིས་པའི་ཉིན་བོད་མིའི་སྒྲིག་འཛུགས་ལྷན་ཁང་མ་ལག་དང་བཅས་པའི་ ༢༠༡༡ ནས་ ༢༠༡༢ ལོའི་བར་གྱི་ལས་བསྡོམས་སྙན་སྒྲོན་ཞུས་སོང་།
ཁ་སང་ཕྱི་ཚེས་ ༡༥ ཉིན་སྟེ། སྐབས་བཅོ་ལྔ་པའི་བོད་མི་མང་སྤྱི་འཐུས་ལྷན་ཚོགས་ཀྱིས་གྲོས་ཚོགས་ཚོགས་དུས་བཞི་པའི་ལས་ཉིན་གཉིས་པའི་ཞོགས་པར་སྤྱི་འཐུས་རྣམ་པ་སྐུ་བཞེངས་ཐོག འདི་ལོའི་ཕྱི་ཟླ་ ༣ པའི་ཚེས་ ༢༦ ཉིན་རྒྱ་གར་གྱི་རྒྱལ་ས་ལྡི་ལི་ཇན་ཏར་མན་ཏར་ས་གནས་སུ་རང་ལུས་མེར་བསྲེཊ་ཀྱིས་རྒྱ་གཞུང་ལ་ངོ་རྒོལ་སྐད་འབོད་གནང་སྟེ་འདས་གྲོངས་སུ་ཕྱིན་པའི་རྒྱལ་གཅེས་དཔའ་བོ་འཇམ་དཔལ་ཡེ་ཤེས་ལགས་སུ་སྐར་མར་གཅིག་རིང་ངག་བཅད་མྱ་ངན་གནང་རྗེས། དབུས་བོད་མིའི་སྒྲིག་འཛུགས་ལྷན་ཁང་ཁག་གི་བཀའ་བློན་རྣམ་པས་གོ་རིམ་བཞིན། ཕྱི་ལོ་ ༢༠༡༡ ལོའི་ཕྱི་ཟླ་ ༤ པའི་ཚེས་ ༡ ནས་ཕྱི་ལོ་ ༢༠༡༢ ལོའི་ཕྱི་ཟླ་ ༣ པའི་ཚེས་ ༣༡ བར་གྱི་ལས་ཁུངས་ཁག་གི་ལས་བསྡོམས་གྲོས་ཚོགས་ལ་སྙན་སྒྲོན་དང་། བོད་མིིའི་སྒྲིག་འཛུགས་ཀྱི་ལས་ཁུངས་མ་ལག་དང་བཅས་པའི་ལས་བསྡོམས་རྒྱས་པར་སྤྱི་འཐུས་རྒྱུན་ལས་ནས་བལྟ་ཞིབ་བྱས་པའི་གྲུབ་དོན་སྙན་ཐོའི་སྔོན་གླེང་། ཆབ་སྲིད་སྡེ་ཚན་དང་འཛིན་སྐྱོང་རྟོགས་ཞིབ་སྡེ་ཚན། རྒྱུན་འབྲེལ་སྡེ་ཚན་བཅས་གསུམ་གྱིས་ལས་ཁུངས་རེ་རེའི་ལས་བསྡོམས་ཐད་དོགས་འདྲི་དང་རེ་སྐུལ། མཐོང་ཚུལ་ཁག་སོགས་གྲོས་ཚོགས་ལ་སྙན་སྒྲོན་ཞུས་ཤིང་། དེའི་ཐོག་གཞུང་འབྲེལ་གྲོས་འཆར་གྲོས་ཆོད་བཅས་བཞག་སོང་།
མཇུག་ཏུ་ཚོགས་དྲུང་མཆོག་གིས་ཐེངས་འདིའི་གྲོས་ཚོགས་ཀྱི་དགོངས་ཤོག་སྙན་སྒྲོན་གནང་བ་ལྟར་ན། ཡུ་རོབ་སྤྱི་འཐུས་ཐུབ་བསྟན་དབང་ཆེན་ལགས། ཡུ་རོབ་ཀྱི་ཁུལ་གྱི་བདེན་པའི་མེ་ལྕེ་སྐོར་སྐྱོད་ལས་འགུལ་གོ་སྒྲིག་སྣེ་ཁྲིད་ཀྱི་ལས་དོན་ཆེད་གྲོས་ཚོགས་ཆ་ཚང་ལ་དགོངས་ཞུ་དང་། སྤྱི་འཐུས་ཀིརྟི་སྒྲོལ་དཀར་ལྷ་མོ་ལགས་སྐུ་གཟུགས་བདེ་མིན་གྱི་དབང་གིས་གྲོས་ཚོགས་ཆ་ཚང་ལ་དགོངས་ཞུ། སྤྱི་འཐུས་ཟླ་བ་ཚེ་རིང་ལགས་ཕྱི་ཚེས་ ༡༤ ནས་ ༡༧ བར་གྱི་ཉིན་བཞིའི་རིང་དགོངས་ཞུ། སྤྱི་འཐུས་འོད་དཀར་ཚང་གཡུ་སྒྲོན་ལགས་ཕྱི་ཚེས་ ༡༤ དང་ ༡༥ ཉིན་གཉིས་ལ་དགོངས་ཞུ། སྤྱི་འཐུས་ཆོས་སྐྱོང་དབང་ཕྱུགས་ཕྱི་ཚེས་ ༡༤ དང་ ༡༥ བཅས་ཉིན་གཉིས་ལ་དགོངས་ཞུ། སྤྱི་འཐུས་སྨན་པ་མཁྱེན་རབ་རྒྱ་མཚོ་ཕྱི་ཚེས་ ༡༥ ཉིན་རྒྱབ་ཀྱི་ཚོགས་ཐེངས་གཉིས་པར་དགོངས་ཞུ་གནང་ཡོད་འདུག
གསར་འགོད་པ། དོན་གོ
སྤྱི་འཐུས་ཡིན་པའི་ལས་འགན་ཆེ་ཤོས་ནི་ལོ་འཁོར་གཅིག་གི་བགྲོ་ཚོགས་རྐང་གཉིས་པོར་རང་ཉིད་ངོ་བཅར་དགོས་པ་དེ་ཡིན་པས། དེ་ལའང་མེད་པའི་རྫབ་ཆེན་རིགས་རྒྱུ་མཚན་ཡོད་མེད་ལ་མ་ལྟོས་པར་ཕྱིར་འཕུད་བཏང་དགོས་པ་རེད།
ཕ་གི་ན་མི་གསོན་པའི་སྟེང་ནས་མེ་འབར་གྱིན་རེད། འདི་ཚོས་་་་་
ལས་བསྡོམས་ལ་ལས་སྡོམ། ཁ་སང་འདི་མདང་། མེར་བསྲེཊ་ལ་མེར་བསྲེགས། སྤྱི་འཐུས་རྒྱུན་ལས་ནས་བལྟ་ཞིབ་བྱས་པ་་་་ འདི་ཡང་། སྤྱི་འཐུས་རྒྱུན་ལས་༼ནས་༽པས་བལྟ་ཞིབ་བྱས་པ་་་་
མདོ་སྨད་ཆོལ་ཁའི་ངོས་ཀརྟི་སྒྲོལ་དཀར་ལྷ་མོ་སྤྱི་མཐུས་ནས་དགོངས་ཞུ་བྱ་རྒྱུའི་འཆར་དགོས་བྱས་པ་དང། རང་ཉིད་ནས་ཀྱང་བཟང་སྤྱོད་ཀྱིས་དགོངས་ཞུ་བྱས་མེད་པ་དཔེ་རེད་ད། ཆོལ་ཁ་གཞན་གྱི་མི་ཞིག་ཡིན་ན་ད་ཆ་ཕྱིར་འབུད་བྱས་མ་ཟད་སྤྱི་ཚོགས་མིང་ཆད་མང་པོ་བྱུང་ཡོད་ངེས། མ་འོངས་གཞུང་ཞབས་དང་། སྤྱི་ལས་བྱ་མཁན་ཚོར་བློ་སྟོབས་སྤྲོད་རྒྱུའི་ལས་སྤྱོད་ཅིག་མ་ཡིན་ནམ། ད་དུང་ཡང་སྤྱི་འཐུས་ཀིརྟི་སྒྲོལ་དཀར་ལྷ་མོ་ལགས་སྐུ་གཟུགས་བདེ་མིན་གྱི་དབང་གིས་གྲོས་ཚོགས་ཆ་ཚང་ལ་དགོངས་ཞུ། ཞུ་སྟངས་དང་སྤྲད་སྟངས་ལྟོས་དང།
རྒྱལ་གཅེས་དཔའ་བོ་བྱེ་བྲག་པ་ལོགས་སུ་བཀར་ནས་ངག་བཅད་མྱ་ངན་ཞུས་དོན་གང་ཡིན་ནམ་སྙམ་བཞིན་ཡོད།
དེ་ནས་སྤྱི་དོན་ལས་རང་དོན་གལ་ཆེར་བརྩི་མཁན་གྱི་སྤྱི་འཐུས་དགོངས་ཞུ་མཁན་དེ་ཚོ་ལ་མཐའ་གཅིག་ཏུ་དགག་བྱ་ཡོད།