རྫོགས་ཆེན་དགོན་དུ་མཆོད་འབུལ།

དེ་རིང་ནས་བཟུང་ཉིན་གསུམ་རིང་ཁམས་རྫོགས་ཆེན་དགོན་དུ་༸གོང་ས་མཆོག་ལ་བརྟན་བཞུགས་དང་། རྒྱལ་གཅེས་དཔའ་བོ་དཔའ་མོ་རྣམས་ལ་བསྔོ་སྨོན་མཆོད་འབུལ་ཟབ་རྒྱས་ཤིག་གནང་མགོ་ཚུཊ་ཡོད་འདུག

དེ་རིང་འབྲེལ་ཡོད་མི་སྣས་འདི་ག་གསར་ཁང་ལ་གནས་ཚུལ་བཏང་འབྱོར་ལྟར་ན། འདས་པའི་ལོ་མང་རིང་ནས་བཟུང་ཁམས་སྡེ་དགེ་རྫོགས་ཆེན་ཤང་། རྫོགས་ཆེན་པད་མ་ཐང་ལུང་རྟོཊ་པད་མའི་དགའ་ཚལ་གྱི་འདུས་སྡེ་ནས་སེམས་བསྐྱེད་འབུམ་མཆོད་ཆེན་མོ་ཞེས་པ་རྒྱལ་བསྟན་དར་ཞིང་བསྟན་འགྲོའི་རྒུད་མུན་སེལ་བ་དང་། རང་ཅག་ཁ་བ་རི་བའི་སྐྱབས་གནས་དང་རེ་ལྟོས་ས་སྟེང་རྒྱལ་བསྟན་ཡོངས་རྫོགས་ཀྱི་མངའ་བདག ༧གོང་ས་མཆོག་སྐུ་ཚེ་ཞབས་པད་བརྟན་ཅིང་རླབས་ཆེན་གྱི་དགོངས་བཞེད་ཇི་བཞིན་འགྲུབ་པའི་སྨོན་འདུན་ཞུ་བཞིན་པ་ལྟར། དེ་རིང་བོད་ཟླ་ ༨ པའི་ཚེས་༤ ཉིན་དང་། ཕྱི་ཟླ་ ༩ པའི་ཚེས་ ༡༩ ཉིན་གྱི་ཉིན་གུང་ཡོལ་ཙམ་ནས་བཟུང་ཉིན་གསུམ་རིང་ཁམས་སྡེ་དགེ་རྫོགས་ཆེན་དགོན་པད་མ་ཐང་སྒྲུབ་སྡེ་རུ། རིས་མེད་སྐྱེས་ཆེན་དང་དགེ་འདུན་ཞལ་གྲངས་ ༨༠༠༠ ལྷག་འདུ་འཛོམས་ཀྱིས། ༧གོང་ས་མཆོག་སྐུ་ཚེ་ཞབས་པད་ཡུན་དུ་བརྟན་པ་དང་། ཐུཊ་ཀྱི་བཞེད་དགོངས་མཐའ་དག་མྱུར་འགྲུབ་ཡོང་བ། གངས་ལྗོངས་བསྟན་འགྲོའི་བདེ་དོན་ཆེད་སྐུ་གཤེཊ་པའི་རྒྱལ་གཅེས་དཔའ་བོ་དཔའ་མོ་རྣམས་ལ་བསྔོ་སྨོན་ཟབ་རྒྱས་གནང་མགོ་ཚུགས་ཡོད་འདུག

གནས་ཚུལ་མཁོ་སྤྲོད་པས་བརྗོད་པ་ལྟར་ན། ཐེངས་འདི་ནི། རྫོགས་པད་མ་ཐང་སྒྲུབ་སྡེ་རུ་༧གོང་ས་མཆོག་གི་ཞབས་བརྟན་གནང་ཐེངས་དགུ་བ་དེ་ཆགས་ཡོད་འདུག་ལ། འདི་ལོར་དམིགས་བསལ་མདོ་དབུས་ཁམས་གསུམ་གྱི་གྲྭ་བཙུན་མང་པོ་ཕེབས་འཆར་ཡོད་ཀྱང་། རྒྱ་གཞུང་གིས་བཀག་སྡོམ་བྱས་ཡོད་སྟབས། ཁམས་ཕྱོགས་ཀྱི་དགོན་སྡེ་ཁག་ལས་ས་གནས་གཞན་ནས་མང་པོ་ཕེབས་ཐུབ་མེད་པའི་གནས་སྟངས་ཆགས་འདུག

གསར་འགོད་པ། དོན་གོ