དེ་རིང་ “བཀའ་བློན་ཁྲི་པ” ཚབ་ཏུ་ “སྲིད་སྐྱོང” ཞེས་བསྐྱར་བཅོས་གནང་རྒྱུར། བོད་མི་མང་སྤྱི་འཐུས་གྲོས་ཚོགས་ནང་སྤྱི་མོས་གཏན་འབེབ་བྱུང་སོང་།
དེ་རིང་ཕྱི་ཚེས་ ༢༠ ཉིན་ཏེ། སྐབས་བཅོ་ལྔ་བའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་བཞི་བའི་ཉིན་བདུན་པར། བདེ་སྲུང་བཀའ་བློན་འབྲོང་ཆུང་དངོས་གྲུབ་ལགས་ཀྱིས་ཁྲིམས་འཆར་བཏོན་པ་དང་། ནང་སྲིད་བཀའ་བློན་རྒྱ་རི་སྒྲོལ་མ་ལགས་ནས་རྒྱབ་སྐྱོར་གནང་བའི་གཞུང་འབྲེལ་བཙན་བྱོལ་བོད་མིའི་བཅའ་ཁྲིམས་བསྐྱར་བཅོས་ཁྲིམས་འཆར་ཡིག་ཆ་ཨང་ ༣༩ པའི་ཐོག ཉིན་ཕྱེད་ལྷག་རིང་གྲོས་ཚོགས་ནང་བོད་མི་མང་སྤྱི་འཐུས་རྣམས་ཀྱིས་བགྲོ་གླེང་གནང་མཐར། བཙན་བྱོལ་བོད་མིའི་བཅའ་ཁྲིམས་དོན་ཚན་བཅུ་དགུ་པས་མཚོན་པའི་བཅའ་ཁྲིམས་ནང་ “བཀའ་བློན་ཁྲི་པ” ཞེས་པའི་ཚབ་ཏུ་ “སྲིད་སྐྱོང་” ཞེས་བསྐྱར་བཅོས་གནང་རྒྱུ་སྤྱི་མོས་གཏན་འབེབ་བྱུང་སོང་།
སྤྱི་མོས་གཏན་འབེབས་བྱུང་རྗེས་ཚོགས་གཙོ་སྤེན་པ་ཚེ་རིང་མཆོག་གིས། “གྲོས་ཚོགས་འདིའི་ཐོག་ནས་སྤྱི་མོས་གཏན་ལ་ཕབ་ཐུབ་པ་དེར། ཚོགས་གཙོ་སྦྲེལ་བོའི་ངོས་ནས་སྤྱི་འཐུས་རྣམ་པ་ཚང་མར་བསྔགས་བརྗོད་ཞུ།” ཞེས་གསུངས་ཏེ། བཀའ་བློན་ཁྲི་པའི་ཐ་སྙད་དེ་སྲིད་སྐྱོང་ལ་འགྱུར་བ་བཏང་བའི་རྗེས་འབྲེལ་གྱི་དབང་གིས། སྲིད་སྐྱོང་གི་འགན་དབང་ལ་འགྱུར་བ་གང་ཡང་འགྲོ་མེད་པ་དང་། དེ་བཞིན། སྲིད་སྐྱོང་དུ་མཚན་བརྗེ་བོ་བརྒྱབ་པའི་རྒྱུ་མཚན་ལ་བརྟེན་ནས། རྒྱལ་ཁབ་རང་གི་དབུ་ཁྲིད་ཆགས་ཀྱིན་མེད་པར། ད་ལྟ་དབུས་བོད་མིའི་སྒྲིག་འཛུགས་ཀྱི་འགན་འཛིན་རང་གི་མཚན་གནས་ཐོག་ནས་གནང་བསྡད་ཡོད་པ་གསལ་བཤད་གནང་སོང་།
གསར་འགོད་པ། ཚེ་རིང་རྒྱལ།
དཔལ་ལྡན་བཀའ་ཤག་གིས་༧གོང་ས་ཆེན་པོའི་བཀའ་བཞིན་བཀའ་བློན་ཁྲི་པ་སྲིད་སྐྱོང་དུ་བསྒྱུར་རྒྱུའི་ཁྲིམས་འཆར་བསྣམས་ལ་ཐུགས་རྗེ་ཆེ་ལོས་ཞུ། ཡིན་ནའང། ༧གོང་ས་མཆོག་གིས་༼ གངས་ལྗོངས་རང་དབང་མང་གཙོའི་སྒྲིག་འཛུགས་སམ་ལྷན་ཁང་༽ཞེས་བཏགས་ན་ག་འདྲ་འདུག་ཅེས་དཔེ་མཚོན་དང་བཅས་བཀའ་གསལ་ཕེབས་ཡོད་པ་མིན་ནམ། དེ་ཡང་རྒྱལ་ཡོངས་ཚོགས་ཆེན་ཚོགས་བཅར་བ་ཡོངས་ཀྱི་མདུན་དུ་གནང་བ་མིན་ནམ། བཀའ་སློབ་ཡིན་པ་འདྲ་འདྲ་ཡིན་ནའང། དེ་ལ་དྲང་ངེས་ཀྱི་གོ་བ་ལེན་དགོས་རྒྱུ་འདྲ་ཡོད་ན་ལས། བཀའ་གཅིག་བརྩིས་ནས་བཀའ་གཅིག་ཟུར་དུ་བཞག་ན་སྣང་བ་འགྲོ་བོ་རང་མ་རེད་བསམས་སོང།
འདི་ནི་དོན་བཟང་ཞིག་རེད། གོང་ས་མཆོག་ནས་ཀྱང་སྲིད་སྐྱོང་ཞེས་གསུང་པ་ལས་བཀའ་ཁྲི་ཞེས་གསུང་གི་མི་འདུག དོན་ལ་ཡང་ཆབ་སྲིད་ཀྱི་སྐུ་དབང་ཡོངས་རྫོགས་མི་མང་གིས་གདམས་པའི་དབུ་ཁྲིད་ལ་གནང་ཟིན་པས་བཀའ་ཁྲི་ཞེས་འབོད་ན་འོས་འཚམས་མ་མཐོང་། བཀའ་ཁྲི་ཞེས་པ་ནི་རྒྱལ་པོ་ལྟ་བུ་ཞིག་གི་བཀའ་སྒྱུར་མཁན་གྱི་བློན་པོའི་མིང་ཡིན་པ་ལས་སྲིད་ཀྱི་དབང་ཆ་མཐོ་ཤོས་འཛིན་མཁན་གྱི་མིང་མ་རེད། ད་དངོས་གནས་མིང་དོན་མཚུང་པ་ཞིག་བྱུང་བ་རེད།
སྐབས་འཚོལ་བ་ཚོས་སོ་སོའི་སྒང་ལ་ཐུགས་དུས་མིང་དེ་གལ་ཆེན་པོ་འཛིན་ཡོད། ཁ་ནས་ག་དུས་ཡིན་ནའང་མིང་གལ་ཆེན་པོ་མིན་པའི་འགྲེལ་བཤད་རྒྱབ་ཏེ་མི་མང་མགོ་སྐོར་གཏོང་གི་ཡོད། སྐབས་ཚོལ་ཁྱེད་ཚོས་༸གོང་ས་མཆོག་གི་བཀའ་རེད་ཅེས་༼བཀའ་ཁྲི་ལ་༽སྲིད་སྐྱོང་ཅེས་བཅོས་སྒྱུར་བཏང་སོང་། ༸གོང་ས་ཚོགས་མི་ཡོངས་ལ་བོད་གཞུང་གི་མི་བརྗེ་འགྱུར་སྐབས་སུ་ཞལ་དྲོན་མོ་ནས་༼གངས་ལྗོངས་རང་དབང་དམངས་གཙོའི་སྒྲིག་འཛུགས་སམ་ལྷན་ཚོགས་།༽ཞེས་བཏགས་ན་ཡག་པོ་འདུག་གསུངས་འདུག་ཀྱང་སྐབས་འཚོལ་ཁྱེད་དེའི་སྐོར་གཅིག་ཀྱང་མི་གླེང་བ་ནི་༸གོང་ས་མཆོག་གི་བཀའ་སྒྲུབ་ཀྱི་མེད་པ་མངོན་གསལ་རེད་མི་འདུག་གམ། སོ་སོའི་སྒང་ལ་ཐུག་དུས་མིང་གལ་ཆེན་པོ་འཛིན་ཏེ་བརྗེ་བོ་བརྒྱབས། ༸གོང་ས་མཆོག་གི་བཀའ་དྲོན་མོ་དེར་གནང་མེད་གཏང་། སྐབས་འཚོལ་བ་ནི་་་་་་་་་་་་་་་་་་།
མིང་འདི་བརྗེ་བོ་རྒྱག་པ་དེ་དོན་འགྱུར་མེད་ཟེར
གང་ལྟར་མིང་དེ་བརྗེ་དགོས་པའི་རྒྱུ་མཚན་ཟུར་བཀོད་ཙམ་ཡང་མེད་པར་གང་ཞིག་ཡིན་ནམ
གང་ལྟར་གནད་དོན་ཐག་ཆོད་དེའང་ཉིན་ཞིག་གི་ནང་དེའང་དུས་ཚོད་ཐུང་ཐུང་ནང་དུ་འདི་ལྟར་ཐག་བཅོད་ཐུབ་པ་དེ་བྱོས་ཉེས་ཅི་ཞིག་ཡིན་ནམ
བརྟན་པོ་ངང་གནས་ན་མི་བཟང་ངམ་
༸གོང་ས་མཆོག་གིས་བོད་སྐད་ཡིག་ནང་བོད་གཞུང་ཟེར་བ་ངེས་པར་དུ་བསྒྱུར་དགོས་པའི་བཀའ་གནང་མེད་ཀྱང་། ད་ལྟ་བོད་གཞུང་དང་། བཀའ་བློ་ཁྲི་བ། གཉིས་གནས་དབྱུང་བཏང་འདུག
ངའི་བསམ་ཚུལ་ལ། ༸གོང་ས་མཆོག་གིས་བོད་སྐད་ཡིག་ཐོག་”བོད་གཞུང”མ་བརྗེས་ཀྱང་ཆོག་པའི་འགྲེལ་བཤད་བསྐྱོན་པ་དེ་དང་། དབྱིན་སྐད་ཐོག་ངེས་པར་བསྒྱུར་དགོས་པ་འདི་གཉིས་ཀྱི་བར་ན་དབུ་མར་གནས་པའི་ཆབ་སྲིད་ཀྱི་འགྲོ་སྟངས་ཤིག་ཡོད་རྒྱུ་རེད་དྲན། དཔེར་ན་༸གོང་ས་མཆོག་གིས་”ང་དང་ངའི་བཀའ་བློན་ཚོ་གང་དུ་ཡོད་ས་དེ་བོད་རྒྱ་ཆེ་མི་མང་གིས་བོད་གཞུང་ལ་ངོས་འཛིན་ཞུ་གི་རེད” ཅེས་གསུང་སྟངས་དེས་ཀྱང་འགྲེལ་བཤད་ཅིག་བསྐྱོན་འདུག བཀའ་གསུངས་ཅི་སྒྲུབ་ཞུ་དགོས་ཀྱང་། ཞུ་སྟངས་མ་ཤེས་པ་འདྲ་ཞིག་མཐོང་གི་འདུག
གཉིས་ནས། ནང་དོན་གཙོ་བོ་དེ་རྒྱ་གར་གཞུང་དང་། རྒྱལ་སྤྱི་ལ་ཁ་ཕྱོགས་ནས་དབྱིན་ཡིག་ནང་བེད་སྤྱོད་བྱ་སྟངས་དེས། ཁོ་ཚོའི་ཁྲིམས་ཀྱི་འགྲོ་སྟངས་དང་འགལ་ན་དཀའ་ངལ་ཞིག་འཕྲད་ངེས་པ་དེ་ཁོ་ན་རེད། བོད་སྐད་ཡིག་ཐོག་མིང་བརྡ་དེ་སྔར་ལྟར་གནས་ཀྱང་ཁྱད་པར་ཡོད་པ་མ་རེད། ད་ཐེངས་གྲོས་ཚོགས་ཀྱི་ཐག་གཅོད་དེའི་ཁ་ཕྱོགས་ལུགས་ནི། ཕྱི་ནང་གཉིས་ལས་ནང་ལ་དམིགས་པའི་ཐག་གཅོད་ཅིག་རེད་འདོད།
སྤྱིར་བོད་གཞུང་བོད་མིའི་སྒྲིག་འཛུགས་སུ་བསྒྱུར་ཏེ། བཀའ་བློ་ཁྲི་པར་སྲིད་སྐྱོང་ཞུས་ཀྱང་དོན་གྱི་ཐད་ཁྱད་པར་ཆེན་པོ་ཕྱིན་ཡོད་པ་མ་རེད་འདོད། གཅིག་ནས་ཕྱི་ཚུལ་གྱི་ལོ་རྒྱུས་དང་། གཉིས་ནས་སྐབས་འཕྲད་ཆབ་སྲིད་ཀྱི་ལག་པ་འཆང་ས་ཞིག་དང་། གསུམ་ནས་ང་ཚོའི་སེམས་ཀྱི་ཞེན་སྣང་ཙམ་དང་། འཛིན་སྟངས་ཙམ་རེད་མ་གཏོགས། ནང་དོན་རྒྱལ་སྤྱིའི་ལོ་རྒྱུས་དང་། ངོས་འཛིན་ཐད་ནས་ང་ཚོའི་ལྟ་སྟངས་ལ་འགྱུར་བ་གང་ཡང་བྱུང་ཡོད་པ་མ་རེད། ང་ཚོའི་གནས་བབ་བཙན་བྱོལ་པ་འབུམ་གཉིས་ལྷག་གིས་གྲུབ་པའི་སྤྱིའི་སྒྲིག་འཛུགས་ཤིག་ཏུ་ད་དུང་ཀྱང་གནས་མུས་རེད་ལ། མ་འོངས་པར་གནས་དགོས་པ་ཡང་དོན་དངོས་རེད། གྲོས་ཚོགས་ཀྱི་ཐག་གཅོད་ལ་བློ་ཕམ་ཡོད་ཀྱང་། མི་མང་གིས་ཀྱང་ཐག་ཆོད་གང་བྱུང་བ་དེའི་ཁ་ཕྱོགས་འཛིན་དགོས་པ། ཡང་དག་པའི་དམངས་གཙོའི་འགྲོ་སྟངས་དང་། ད་ལྟའི་ང་ཚོའི་བོད་པའི་ལས་དབང་གིས་ཕྱིར་དུ་རེད། ཨ་འཐས་མཁྲེགས་འཛིན་ཅན་དག་གིས་ལྟ་བ་ཙམ་གྱི་ཆེད་དུ་ལྟ་བ་འཛིན་པར་ཡང་དགོས་པ་མ་མཐོང་།
དགའ་ལྡན་ཕོ་བྲང་བོད་གཞུང་ལས་ལོག་སུ་ཐོན་པའི་འགྱུར་བ་དེའི་དབང་གིས་ལོ་རྒྱུས་ཐོག་བོད་ཡིག་ནང་བསྒྱུར་དགོས་རྒྱུ་ངོ་མ་དེ་ནི། བོད་རྒྱལ་ཁབ་ཆེན་མོའི་རྒྱལ་གླུར། ”གནམ་བསྐོས་དགའ་བ་བརྒྱ་ལྡན་དབུ་འཕང་དགུང་ལ་རེག” ཟེར་བ་དེ་རེད་འདོད། ཚང་མས་གསུང་དང་། རེད་དམ།
དེ་རིང་དངོས་ནས་གྲོས་ཚོགས་ལ་སྙིང་ཐག་པ་ནས་དགའ་བསུ་ཞུ་༸གོང་ས་མཆོག་གི་བཀའ་དགོངས་དང་མཐུན་པའི་གྲོས་ཆོད་བཞག་ཐུབ་པ་འཚམས་འདྲི་ཡོད།
སྲིད་སྐྱོང་བློ་བཟང་སེང་གེ་རྒྱལ་ལོ
སྐབས་འཚོལ་ཚོས། བཀའ་བློན་མིང་དེ། སྲིད་སྐྱོང་ལ་སྒྱུར་བ་དེ། ལེགས་ཉེས་ཅིན་ཡིན་ཆ་མ་མཆིས་སོ། ཁོང་ཚོའི་བླ་ཁ་མ་རྫོགས་ན། ༧གོང་ས་མཆོག་གི་བཀའ་དང་འགལ་ན་སྡིག་པ་མིག་བཙུམ་བྱེད་ཀྱང་རེད། ལོ་སྔོན་མ་ནས་རྗེ་མི་དགོས་པའི་རྒྱུ་མཚན་ཅི་ཞིག་ཡོད་ན། སྐབས་འཚོལ་ཕྱོགས་ཞེན་ཅན་འདི་ཚོས་ག་རེ་བྱེད་ཀྱིན་ཡོད་ན། རྦད་དེ་འཐོམ་སོང་ངོ་།
གང་ཞིག་སྒྲིག་པའམ་གང་ཞིག་འཛུགས་པའི་ཆོས་འདི་འགྱུར་བ་མེད་པ་རྟག་པ་ལྟའུ་གནས་པ་ནི་ག་ལ་སྲིད། གལ་ཏེ་དེ་ལྟར་འདོད་ན་བཙན་བྱོལ་བོད་མིའི་སྒྲིག་འཛུགས་བཟོས་པ་པོ་རྣམས་ཀྱང་རྟག་པ་བ་ཡིན་དགོས། དེ་མི་འདོད་ན། འགྱུར་བ་ཞེས་པ་དེ་ཁེ་ལེན་བྱེད་དགོས། དེ་ཁེ་ལེན་ཡོད་ན། གོང་ཚིགས་ལ་སྨོངས་པའི་སྨོངས་པ་ལས་གྲོལ་དགོས།
དགའ་ལྡན་ཕོ་བྲང་གི་མཚན་ཐམ། བཀའ་ཐམ་སྲིད་ཞུ་བདེ་སྐྱིད་མ། ཡི་མིང་ཡང་བསྒྱུར་དགོས་པ་མ་ཡིན་ནམ།
ད་གཞི་ནས་སྐད་ཆ་འདིའི༼རྒྱལ་ཁབ་རང་གི་དབུ་ཁྲིད་ཆགས་ཀྱིན་མེད་པར། ད་ལྟ་དབུས་བོད་མིའི་སྒྲིག་འཛུགས་ཀྱི་འགན་འཛིན་རང་གི་མཚན་གནས་ཐོག་ནས་གནང་བསྡད་ཡོད་པ་གསལ་བཤད་གནང་སོང་། ༽ ཧ་གོ་སོང་། དེ་བས། དྲི་བ་གཉིས་ཞུ་ཆོག་པ་ཞུ།
༡ སྲིད་སྐྱོང་ནི་ཆེས་མཐོ་བའི་ཆབ་སྲིད་ཀྱི་དབུ་ཁྲིད་དེ་ཡིན་ནམ་མིན།
༢ གལ་སྲིད་མིན་ན། སྲིད་འགན་རྩིས་སྤྲོད་ཀྱི་གོ་དོན་རྡོག་རྡོག་དེ་ཅི་ཞིག་ཡིན་ནམ།
འདི་དག་མི་མང་དཀྱུས་མ་ཚོས་ཤེས་འདོད་ཅིང་། ཤིན་ཏུ་ནས་གལ་ཆེ་བའི་གནད་དོན་ཞིག་ཡིན།
བཀའ་ཁྲིའི་ཚབ་ལ་སྲིད་སྐྱོང་བཞག་པར་སེམས་གཏིང་ནས་དགའ་ཡོད་་་་་་་་་་་འདི་ད་མྱི་སྐད་ཅིག་རེད།
བཀའ་བློན་ཁྲི་བའི་མཚན་བྱང”སྲིད་སྐྱོང”དུ་བསྒྱུར་བར་གོང་བཀུར་སྙིང་ནས་ཞུའོ།།
ང་ཚོའི་བོད་ལ་གཏམ་དཔེ་ཞིག་ཡོད་པ་དེ་ལས་མ་འདས་སོ།། བོ་ཏི་བབ་ལ་གྲིལ་ན་ཇེ་ཆུང་ཟེར་བ་དེའོ།།
ད་ལྟ་བོད་ཕྱི་ནང་གཉིས་ན་རེ་བ་བྱ་ས་ཞིག་མེད་པ་དེ་བདེན་ཐོག་ངོ་ཐོག་རེད།༼༸གོང་ས་མཆོག་མི་སྒེར་པ་ཕུད། ༽ ད་ཡང་བསྐྱར་ཡུལ་གྱར་བའི་སྐྱེ་བ་གཞན་ཞིག་ལེན་དགོས་པར་ཁེལ་བ་རེད། ཤུ་་་་་་ཡོད་ཚད་རྫུན་མ་རེད། ཐམས་ཅད་མགོ་སྐོར་རེད།
དོས་འདུན། འདི་དགོས་འདུན་ལ་བཅོས་ནས་ཀློག་རོགས།
ད་ནི་ང་ཚོ་ལྟ་ལྟ་་རེག་རེག་ལ་མར་བབ་རྒྱུ་མེད་ན་མ་གཏོགས་བབ་ཚར་སོང། དང་པོ་བོད་རང་བཙན་ནས་དབུ་མའི་ལམ་ལས་བབ། དབུ་མའི་ལམ་ནས་རང་སྲིད་རང་སྐྱོངས་ལ་བབ། རང་སྲིད་རང་སྐྱོངས་ནས་༸གོང་ས་མཆོག་བོད་དུ་གདན་ཞུ་བྱ་རྒྱུ་ལ་བབ་མཐའ་རྒྱ་རྒན་འོག་ཏུ་འཛུལ་བཅུག་རོགས་ཟེར་ནས་སྙན་ཞུ་རྒྱག་སར་མི་བབ་པའི་ངེས་པ་མི་འདུག ད་དུང་དགའ་ལྡན་ཕོ་བྲང་ཕྱོགས་ལས་རྣམ་རྒྱལ་ནས་བཙན་བྱོལ་བོད་གཞུང་ལ་བབ། བཙན་བྱོལ་བོད་གཞུང་དེ་བོད་མི་སྒྲིགས་འཛུགས་ལ་བབ་བོད་མི་སྒྲིགས་འཛུགས་དེ་རྒྱ་གར་གཞུང་ལ་བདེ་སྐྱིལ་ཟིན་པའི་ཚོགས་པ་ཞེས་ལ་བབ། བཀའ་བློན་ཁྲི་པ་ནས་སྲིད་སྐྱོང་ལ་བབ་སྲིད་སྐྱོང་ནས་བོད་མི་སྒྲིགས་འཛུགས་ཀྱི་ཚོགས་གཙོར་བབ། ད་གྲོས་ཚོགས་ཚོགས་དུས་རྗེས་མ་ག་རེ་ལ་བབ་ཀྱི་ཡོད་དམ།
ལོ་རྒྱུས།
སྔོན་དུས། བོད་གཞུང་དགའ་ལྡན་ཕོ་བྲང་ཕྱོགས་ལས་རྣམ་རྒྱལ།
བར་དུ། བོད་མིའི་སྒྲིག་འཛུགས།
དོས་འདུན།
མཐའ་མར། གངས་ལྗོངས་རང་དབང་དམངས་གཙོའི་སྒྲིག་འཛུགས།
སྔོན་དུས། སྲིད་སྐྱོང་རྟག་བྲག
བར་དུ། སྲིད་སྐྱོང་ཟམ་གདོང་།
མཐའ་མའང་། སྲིད་སྐྱོང་བློ་སེང་།
དེས་ན།
དགའ་ལྡན་བོད་མི་གངས་ལྗོངས། །
གཞུང་མིང་སོ་སོར་བཏགས་ཀྱང་། །
སྲིད་སྐྱོང་མི་རབས་བརྗེས་ཀྱང་། །
སྲིད་སྐྱོང་གོ་གནས་བརྗེས་མེད།
༸གོང་ས་མཆོག་གིས།
གངས་ལྗོངས་རང་དབང་དམངས་གཙོའི་སྒྲིག་འཛུགས།
གངས་ལྗོངས་རང་དབང་དམངས་གཙོའི་སྒྲིག་འཛུགས།
གངས་ལྗོངས་རང་དབང་དམངས་གཙོའི་སྒྲིག་འཛུགས།
དོན་འགྲུབ་བཀྲ་ཤིས་ལགས་ཀྱིས།
་་་་་༧གོང་ས་མཆོག་གི་དགོངས་བཞེད་ལ་གྲོས་ཚོགས་ཀྱིས་དང་ལེན་མ་བྱས་པའི་གནས་ཚུལ་གཉིས་ཡོད། ༼ སྲིད་སྐྱོང་བ། ༽འདི་རིང་གཞི་ནས་བཙོན་གྲོལ་ཐོབ་སོང་། ད་དུང་ཁྲིམས་བཟོ་ལྷན་ཚོགས་ཀྱི་བཟང་བཙོན་འོག ༼གངས་ལྗོངས་རང་དབང་དམངས་གཙོའི་སྒྲིག་འཛུགས།༽ཞེས་པ་འདི་ལྷག་ཡོད། ཟེར་བ་ནི་ཤིན་ཏུ་བདེན་པས།
བྱུང་ན། གངས་ལྗོངས་རང་དབང་དམངས་གཙོའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་ཅེས་པ་ཞིག་དགོས་འདུག་གོ །
ན་ནིང་ད་ལོའི་བོད་མིའི་ཆབ་སྲིད་ཀྱི་གཡོ་འཁྱོམ་ཆེན་པོ་འདིའི་ཁྲོད། བལྟས་བལྟས་རིག་རིག་ལ་༧གོང་ས་མཆོག་གི་དགོངས་བཞེད་ལ་གྲོས་ཚོགས་ཀྱིས་དང་ལེན་མ་བྱས་པའི་གནས་ཚུལ་གཉིས་ཡོད། ༼ སྲིད་སྐྱོང་བ། ༽ཞེས་པ་འདི་དེ་རིང་གཞི་ནས་བཙོན་གྲོལ་ཐོབ་སོང་། ད་དུང་ཁྲིམས་བཟོ་ལྷན་ཚོགས་ཀྱི་བཟང་བཙོན་འོག དབུས་བོད་མིའི་སྒྲིག་འཛུགས་ཀྱི་མཚན་བྱང་༼གངས་ལྗོངས་རང་དབང་དམངས་གཙོའི་སྒྲིག་འཛུགས།༽ཞེས་པ་འདི་ལྷག་ཡོད།
སྒྲིག་འཛུགས་ཤིག་གི་མགོ་ཁྲིད་ལ་སྲིད་སྐྱོང་གི་མིང་འདི་ཆེ་དྲགས་པས་ཁར་འོས་བབ་ཡོད་པ་ཞིག་ཏུ་མ་མཐོང་ལ། ལོ་རྒྱུས་རང་བཞིན་ཅན་གྱི་སྲིད་ཐམ་ཙམ་བདག་བཟུང་བྱས་པས་ཀྱང་སྲིད་སྐྱོང་ཡིན་པའི་ངེས་པ་གཏན་ནས་མེད། གང་ལྟར་སྣང་བར་གང་དྲན་གྱི་ཐ་སྙད་ཕཪ་བརྗེ་ཚུར་བརྗེ་མང་བ་དེས་མགོ་བོ་ཡོངས་སུ་འཐོམ་བཅུག་སོང་།
གྲོས་ཚོགས་རྒྱབ་ཚོགས་སྟོངས་ཚོགས
གྲོས་ཁ་མཐུན་རྒྱུ་མི་འདུག
གྲོས་ཆོད་རྒྱབ་བཞག་སྟོངས་བཞག
ལག་ལྟར་བྱེད་མི་འདུག
མིང་བྱང་ཕར་བསྒྱུར་ཚུལ་བསྒྱུར
མིང་ཆད་རག་རོགས་ཡིན་འགྲོ
མི་མང་གང་བཤད་མེད་ན
སྤྱི་མཐུན་འདོད་བྱེད་རོགས
སྲིད་སྐྱོང་ཞེས་པའི་ཐ་སྙད་ཀྱི་ལྗིད་ཁོག་འདིས་ང་ཚོར་ལོ་རྒྱུས་ཀྱི་རྒྱུན་རིང་པའི་མི་རིགས་ཤིག་གི་འཛིན་སྐྱོང་ངམ་སྲིད་གཞུང་གི་སྒྲོམ་གཞི་དྲན་སྐུལ་བྱེད་ཀྱི་རེད། དགའ་བསུ་ཞུ།
“བཀའ་བློན་ཁྲི་པ” ཚབ་ཏུ་ “སྲིད་སྐྱོང” ཞེས་བསྐྱར་བཅོས་གནང་བར་རྒྱབ་སྐྱོར་དང་གུས་བཀུར། ཆེ་བསྟོད་ཞུའོ། །
༼རྒྱལ་ཁབ་རང་གི་དབུ་ཁྲིད་ཆགས་ཀྱིན་མེད་པར། ད་ལྟ་དབུས་བོད་མིའི་སྒྲིག་འཛུགས་ཀྱི་འགན་འཛིན་རང་གི་མཚན་གནས་ཐོག་ནས་གནང་བསྡད་ཡོད་པ་གསལ་བཤད་གནང་སོང་། ༽ འདི་ག་རེ་ལབ་ཀྱི་ཡོད་པ་རེད་དམ། སྐྱིད་སྡུག་རང་གི་ངོ་བོར་མར་བབས་ཟིན་པ་རེད་དམ།