པེན་བོད་ཀྱི་རྩོམ་པ་པོའི་མཐུན་ཚོགས་ཀྱི་ཚོགས་ཆེན་སྐབས་བཞི་པ།

ནོར་གླིང་བོད་ཀྱི་རིག་གཞུང་གཅེས་སྐྱོང་ཁང་དུ། ༢༠༡༢།༩།༢༡–༢༣

ཚོགས་ཆེན་འདི་སྐབས་བཞི་བའི་རྒྱུནལས་གསར་འདེམས་དང་བསྟུན་ནས་བོད་ཀྱི་གནད་དོན་དང་འབྲེལ་བའི་བརྗོད་གཞི་འགའ་རེའི་ཐོག་ལ་བགྲོ་གླེང་གི་ཚོགས་འདུ་ཞིག་ཡིན། དེ་བས་ཚོགས་མི་གསར་རྙིང་ཚང་མ་ཚོགས་ཞུགས་བྱེད་རྒྱུ་གལ་ཆེན་པོ་ཡིན། ཚོགས་མི་ཞིག་ལ་མཚོན་ན་ཚོགས་ཆེན་ལ་ཞུགས་རྒྱུ་འདི་རང་གི་འོས་འགན་གཙོ་བོ་ཞིག་ཀྱང་ཡིན། གཞུང་འབྲེལ་མ་ཡིན་པའི་ཚོགས་སྡེ་ཁག་འགར་མགྲོན་ཤོག་བཏང་བ་བཞིན་ཚོགས་འདུའི་མཛད་སྒོར་དུས་ལྟར་འབྱོར་ཐུབ་པའི་རེ་བ་ཡོད། གཞན་ཡང་ཚོགས་འདུར་ཟུར་ཞུགས་གནང་མཁན་ཡོད་ན་ཡང་དགའ་བསུ་ཞུ། དྲི་བ་འདོན་པའི་ཐོབ་ཐང་ཡང་ཐོབ།

རྡ་ས་ཉེ་འཁོར་ན་ཡོད་པའི་ཚོགས་མི་རྣམས་ཀྱིས་མི་བཞི་རེས་ལྷན་དུ་གླ་འཁོར་རེ་གླས་ནས་ཕེབས་ན་འདི་ནས་ཡར་མར་གྱི་ལམ་གླ་རྩིས་རྒྱག་ཆོག ཐག་རིང་ནས་ཕེབས་པའི་ཚོགས་མི་གཉིས་རེས་ལྷན་དུ་ཉིན་རེར་སྒོར་ ༥༠༠ ལས་མ་བརྒལ་བའི་མགྲོན་ཁང་གླས་ན་ཡང་འགྲོ་སོང་གཏོང་འཐུས། ཚོགས་བཅར་བ་རྣམ་པས་གསལ་བརྡ་འདིའི་གཤམ་མཆན་ནང་དང་གློག་འཕྲིན་དང་ཁ་པར་གང་རུང་བརྒྱུད་ནས་ཐོ་འགོད་གནང་རོགས་ཞུ།

གཤམ་གསལ་བགྲོ་གླེང་གི་བརྗོད་གཞི་ཁག་ལ་བགྲོ་གླེང་བ་རྣམ་པས་གྲ་སྒྲིག་གང་ལེགས་གནང་ཡོད་པའི་རེ་བ་ཡོད། གལ་ཏེ་བརྗོད་གཞི་ལ་ལའི་སྐོར་ལ་དང་བླང་གཏམ་བཤད་གནང་མཁན་གཞན་དག་ཡོད་ན་ཡང་དགའ་བསུ་ཞུ། ཚོགས་མི་རྣམ་པས་ངེས་པར་བརྗོད་གཞི་ཁག་དང་འབྲེལ་བའི་བསམ་འཆར་ལྷུག་པོར་གནང་དགོས་པ་དང། རྒྱུན་ལས་གསར་བའི་འོས་མི་སུ་འོས་དག་ལ་བསམ་བློ་ལེགས་པར་བཏང་ནས་ཚོགས་ཞུགས་ཀྱི་འོས་འགན་ལེགས་སྒྲུབ་ཐུབ་པའི་རེ་བ་ཡོད།

ཉིན་དང་པོའི་ལས་རིམ།

༡༽ ༡༠།༠༠ སྐུ་མགྲོན་རྣམས་བཞུགས་གྲལ་དུ་འཁོད་རྒྱུ།
༢༽ ༡༠།༠༥ སྐུ་མགྲོན་གཙོ་བོ་བཀའ་ཟུར་ཀིརྟི་རིན་པོ་ཆེ་མཆོག་གིས་སྣང་གསལ་སྒྲོན་མེ་ཞལ་འབྱེད་དང་འབྲེལ་བོད་མི་རིགས་དང་བསྟན་སྲིད་ཆེད་སྐུ་སྲོག་བློས་བཏང་གནང་བ་རྣམ་པ་དང་ཁྲིམས་ཆད་མནར་གཅོད་མྱོང་བཞིན་པའི་དཔའ་བོ་དཔའ་མོ་ཡོངས་ལ་མྱ་ངན་གུས་འདུད་སྐར་མ་གཅིག་ཞུ་རྒྱུ།
༣༽ ༡༠།༡༠ མཐཱུན་ཚོགས་ཀྱི་ཕྱི་འབྲེལ་དྲུང་ཆེ་བུད་དྷ་སྐྱབས་ལགས་ཀྱིས་ཚོགས་ཆེན་ངོ་སྤྲོད་དང་འབྲེལ་པེན་གྱི་སྐོར་ལ་གཏམ་བཤད་གནང་རྒྱུ།
༤༽ ༡༠།༢༥ མཐུན་ཚོགས་ཀྱི་དྲུང་ཆེ་གངས་སྲས་ལགས་ཀྱི་ལོ་གསུམ་གྱི་ལས་སྡོམ་སྙན་སྒྲོན་དང་འབྲེལ་བའི་གཏམ་བཤད་གནང་རྒྱུ།
༥༽ ༡༠།༤༠ མཐུན་ཚོགས་ཀྱི་ཚོགས་གཙོ་ཆབ་བྲག་ལྷ་མོ་སྐྱབས་ལགས་ཀྱིས་ཚོགས་ཆེན་དང་འབྲེལ་བའི་གཏམ་བཤད་གནང་རྒྱུ།
༦༽ ༡༡།༡༠ སྐུ་མགྲོན་གཙོ་བོ་བཀའ་ཟུར་ཀིརྟི་རིན་པོ་ཆེ་མཆོག་གིས་བཀའ་སློབ་གསུང་བཤད་གནང་རྒྱུ།

བགྲོ་གླེང་གི་བརྗོད་བྱ་ཁག་དང་བགྲོ་གླེང་བ།

ཀ༽ ༡༡།༥༥ བགྲོ་གླེང་གི་བརྗོད་གཞི་དང་པོ། བོད་ཀྱི་རྩོམ་རིག་གོང་སྤེལ་དང་རྩོམ་པ་པོ་གསོ་སྐྱོང་སྐོར་གླེང་བ། བགྲོ་གླེང་བ། སྦྲོ་ཚིགས་ཆོས་གྲགས། ཉི་མ་རྒྱལ་མཚན།
ཁ༽ ༢།༠༠ བགྲོ་གླེང་གི་བརྗོད་གཞི་གཉིས་པ། བོད་ཀྱི་སྐད་ཡིག་འཁྲིད་ཐབས་ལེགས་བཅོས་སྐོར་གླེང་བ། བགྲོ་གླེང་བ། གཡུ་སྒང་འོད་ཟེར། (བགྲོ་གླེང་གནང་རོགས་རེ་ཡོད་པའི་རེ་བ་ཡོད།)
ག༽ ༣།༣༠ བགྲོ་གླེང་གི་བརྗོད་གཞི་གསུམ་པ། ཁྲིམས་ཆད་ཕོག་པའི་རྒྱ་ནག་ནང་གི་རྩོམ་པ་པོའི་སྐོར་གླེང་བ། བགྲོ་གླེང་བ། རྡོ་རྗེ་དབང་ཕྱུག (བགྲོ་གླེང་གནང་རོགས་རེ་ཡོད་པའི་རེ་བ་ཡོད།)

ཉིན་གཉིས་པའི་ལས་རིམ།

ང༽ ༩།༥༠བགྲོ་གླེང་གོ་བརྗོད་གཞི་བཞི་པ། བོད་ནང་གི་ཞི་རྒོལ་རིམ་བྱུང་གི་འཕེལ་རིམ་དང་དོན་སྙིང་སྐོར་གླེང་བ། བགྲོ་གླེང་བ། ཚངས་དབྱངས། (བགྲོ་གླེང་གནང་རོགས་རེ་ཡོད་པའི་རེ་བ་ཡོད།)
ཅ༽ ༡༡།༠༠ བགྲོ་གླེང་གོ་བརྗོད་གཞི་ལྔ་པ། བོད་ནང་གི་ཤེས་ཡོན་ཅན་རྣམ་པའི་བསམ་བློ་དང་འོས་འགན་སྐོར་གླེང་བ། བགྲོ་གླེང་བ། རེ་མདོ་སེང་གེ ཨ་རིག་དགེ་མཐོང།
ཆ༽ ༢།༠༠ བགྲོ་གླེང་གོ་བརྗོད་གཞི་དྲུག་པ། བཙན་བྱོལ་ནང་གི་ཤེས་ཡོན་རྣམ་པའི་བསམ་བློ་དང་འོས་འགན་སྐོར་གླེང་བ། བགྲོ་གླེང་བ། བསམ་གླིང་ཚེ་རིང་ལྷ་མོ། ཀླུ་མཁར་བྱམས།
ཇ༽ ༣།༣༥ བགྲོ་གླེང་གི་བརྗོད་གཞི་བདུན་པ། བོད་རྒྱ་སོག་ཡུ་གུར་དང་བཅས་པའི་རྩོམ་པ་པོའི་མཉམ་འབྲེལ་དང་འོས་འགན་སྐོར། བགྲོ་གླེང་བ། རྨོག་ཏུ་བསྟན་པ། ཆབ་བྲག་ལྷ་མོ་སྐྱབས།

ཉིན་གསུམ་པའི་ལས་རིམ།

ཉ༽ ༡༠།༠༠ བགྲོ་གླེང་གི་བརྗོད་གཞི་བརྒྱད་པ། པེན་བོད་ཀྱི་རྩོམ་པ་པོའི་མཐུན་ཚོགས་ཡར་རྒྱས་གཏོང་ཐབས་སྐོར་གླེང་བ། བགྲོ་གླེང་བ། སྒྲོལ་དཀར་སྐྱབས། (རྒྱུན་ལས་རྣམ་པ་དང་ཚོགས་མི་ཚང་མས་བསམ་འཆར་འདོན་རྒྱུ)
ཏ༽ ༡༡།༥༠ བགྲོ་གླེང་གི་བརྗོད་གཞི་དགུ་བ། སྒྲིག་གཞི་བསྐྱར་བཅོས་དང་བྱུང་སོང་རྩིས་ཁྲའི་སྐོར། (རྒྱུན་ལས་རྣམ་པ)
ཐ༽ ༢།༠༠ གྲོད་ཆོག་ཁག་གཏན་འབེབས།
ད༽ ༣།༢༠ རྒྱུན་ལས་གསར་འདེམས་དང་ལས་བགོ