ད་ལོའི་ལོ་སྟོད་དུ་༼ངུ་འབོད༽ ཅེས་པའི་རི་མོ་ཞིག་ལ་འཛམ་གླིང་ནང་གི་རིན་གོང་ཆེ་ཤོས་སྤྲད་ཡོད་པ་དང་། མི་རིང་པར་ཨ་རིའི་ནེའུ་ཡོག་ཏུ་འགྲེམས་སྟོན་བྱ་རྒྱུ་ཡིན་འདུག
འདི་ལོའི་ཕྱི་ཟླ་ ༥ བའི་ནང་དུས་རབས་བཅུ་དགུ་བའི་ནང་གི་ནོར་ཝེའི་རི་མོ་བ་སྐད་གྲཊ་ཅན་མཱུན་ཆི་ (Edvard Munch) ཡི་༼ངུ་འབོད༽ ཅེས་པའི་རི་མོ་དེར་ཨ་སྒོར་ས་ཡ་ ༡༢༠ བྱས་ཏེ་མི་ཞིག་གིས་ཉོས་ཡོད་པ་དང་། དེ་ནི།འཛམ་གླིང་ནང་གི་རི་མོ་རིན་གོང་ཆེ་ཤོས་དེ་ཆགས་ཡོད་འདུག་ལ། འཆར་ཟླའི་ཚེས་ ༢༤ ནས་ཟླ་བ་དྲུག་རིང་ཨ་རིའི་ནེའུ་ཡོག་ཏུ་ཡོད་པའི་དེང་རབས་སྒྱུ་རྩལ་འགྲེམས་སྟོན་ཁང་ (Museum of Modern Art) དུ་བཤམ་སྟོན་བྱ་རྒྱུ་ཡིན་འདུག
རི་མོ་བ་མཱུན་ཆི་ཡིས་༼ངུ་འབོད༽ ཅེས་པའི་རི་མོ་མ་འདྲ་བ ༤ བྲིས་ཡོད་པ་ལས། རི་མོ་གཞན་གསུམ་དེང་སྐབས་ནོར་ཝེའི་རྒྱལ་ཡོངས་འགྲེམས་སྟོན་ཁང་དུ་ཡོད་འདུག
གསར་འགོད་པ། བནྡེ་སྐྱབས།
![FILE - Venezuelan opposition leader Maria Corina Machado gestures at a protest ahead of the Friday inauguration of President Nicolas Maduro for his third term, in Caracas, Venezuela January 9, 2025. [File photo: Reuters/Maxwell Briceno]](https://tibettimes.net/wp-content/uploads/2025/10/Maria-Corina-Machado--360x180.jpg)
ངས་འདི་ནས་གནས་ཚུལ་ཞིག་བསྐུར་ཡོད་
འདི་ནི་བོད་ནང་ནས་བསྐུར་འོང་བའི་ཡིག་གེ་སོར་བཞག་བྱས་ཡོད།
དེ་རིང་ཕྱི་ཚེས༢༡ཉིན་གྱི་ཕྱི་དྲོ་འཇོ་མདའ་རྫོང་དུ་བོད་མི་མི་ཉུང་བ་ཞིག་གིས་ཉེས་རྟོག་པར་ངོ་རྒོལ་བྱས་འདུག དེའང་གནས་ཚུལ་དེ་ཐོག་མར་འབྱུང་རྐྱེན་ནི། ཝ་རྭ་གྲོང་པའི། འགུ་རྒྱལ་དང་། བཀྲིས་དབང་འདུས་ཕ་བུ་གཉིས་རྫོང་དུ་འགྲོ་སྐབས་འཁོར་ཕྲན་ལམ་ཟུར་དུ་བཞག་རྐྱེན་གྱིས་ཉེས་རྟོག་པས་ཕ་བུ་གཉིས་རྡུང་རྡེག་ཚབས་ཆེན་བཏང་བར་བརྟེན། ཉེས་རྟོག་པ་དང་ཁོང་ཚོ་བར་ལག་ཐུག་ནས་བཟུང་བརྩིས་བྱས་ཀྱང་མི་དམངས་ཀྱིས།
ཁྲིམས་ལུགས་ལ་དྲང་བདེན་མེད་ཚུལ་དང་མི་ཉེས་མེད་བཟུང་མི་ཆོག་ཅེས་ཀི་སྒྲ་དང་སྐད་འབོད་སོགས་བྱས་ཏེ། ཁོང་གཉིས་ལ་རྒྱབ་སྐྱོར་བྱས་ནས་བཟུང་བཅུག་ཡོད་མི་འདུག་ཀྱང་། མཐར་དྲགས་ཆས་ཀྱི་ཉེས་རྟོག་པས་མི་དམངས་ཁ་འཐོར་བཏང་ནས་བུ་བཀྲིས་དབང་འདུས་བཟུང་ཡོད་འདུག བརྩོན་དུ་ད་ལྟ་་གནས་ཚུལ་གང་འདྲ་ཡོད་སུས་ཀྱང་ཤེས་མི་འདུག