རྒྱལ་ཚོགས་ཨ་མ་དང་ཡན་ལག་ལས་ཁུངས་བཅས་ཀྱི་མདུན་དུ་ཟས་བཅད་ངོ་རྒོལ་གནང་སྟེ། བོད་དོན་གྲོས་ཆོད་ཁག་ལག་བསྟར་འབོད་སྐུལ་གནང་དགོས་ཟེར།
དེ་རིང་དམིགས་བསལ་ཚོགས་ཆེན་ཉིན་གཉིས་པར། ཚོགས་ཆུང་ཁག་ནང་ད་ལྟའི་བོད་ནང་གི་ཛ་དྲག་གནས་སྟངས་ལ་གདོང་ལེན་བྱ་ཕྱོགས་ཐད་བཙན་བྱོལ་གཞུང་དམངས་གཉིས་ཀྱིས་རྒྱལ་སྤྱིའི་ནང་ལས་འགུལ་རྒྱ་སྐྱེད་གཏོང་ཕྱོགས་སྐོར་ལ་བགྲོ་གླེང་གནང་ཡོད་འདུག
གསར་འགོད་པས་གསོལ་ཇའི་བར་གསེང་དང་བསྟུན་ཏེ་ཚོགས་ཆུང་དང་པོའི་ཚོགས་མི་བྱང་ཨ་རིའི་སྤྱི་ཟུར་དབང་ཕྱུག་རྡོ་རྗེ་ལགས་སུ། ཁོང་གི་ཚོགས་ཆུང་ནང་གྲོས་གཞིའི་ཐོག་བགྲོ་གླེང་གནང་སྟངས་གང་འདྲ་ཡོང་གི་ཡོད་མེད་སྐད་ཆ་དྲིས་པར་ཁོང་གིས། ཚོགས་ཆུང་དང་པོའི་ཚོགས་བཅར་པ་དག་གིས་བཀའ་མོལ་གནང་སྟངས་དང་ཆ་ཤས་ལེན་སྟངས་ཧ་ཅང་ཡག་པོ་ཡོང་གི་ཡོད་པ་དང་། བསམ་ཚུལ་གྱི་ཁ་ཕྱོགས་གཙོ་བོ་ཤར་ཕྱོགས་ཀྱི་སྤྱི་ཚོགས་ནང་བོད་པའི་རིག་གཞུང་བརྒྱུད་བོད་དོན་རྒྱབ་སྐྱོར་འཚོལ་རྒྱུ་དང་བོད་ནང་གི་གནས་ཚུལ་དྲིལ་བསྒྲགས་བྱ་རྒྱུ། དེ་བཞིན་ནུབ་ཕྱོགས་པའི་སྤྱི་ཚོགས་ནང་བོད་དོན་རྒྱབ་སྐྱོར་ཚོགས་པ་གསར་འཛུགས་དང་བརྒྱུད་ལམ་ཁག་ཏུ་བོད་གནས་ཁྱབ་བསྒྲགས་ཐོག་སྔར་ལས་ཤུགས་སྣོན་དགོས་ཚུལ་གསུང་གི་ཡོད་སྐོར་བརྗོད་བྱུང་།
ཡང་ཚོགས་ཆུང་གཉིས་པའི་ཚོགས་མི་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་ཚེ་དབང་རིག་འཛིན་ལགས་སུ་རྒྱལ་སྤྱིའི་ནང་ལས་འགུལ་རྒྱ་སྐྱེད་ཇི་ལྟར་གཏོང་དགོས་པའི་སྐོར་དྲིས་པར་ཁོང་གིས་ཚོགས་ཆུང་ནང་། རྒྱ་ནག་ལ་སྔར་བའི་གནོན་ཤུགས་སྤྲོད་ཐབས་སུ་སྲིད་གཞུང་ཁག་གི་གྲོས་ཚོགས་འཐུས་མི་དག་བརྒྱུད་སྲིད་གཞུང་དང་། རྒྱལ་ཚོགས་བཅས་ནས་བོད་ཀྱི་གནད་དོན་ཐད་ཚད་མཐོ་བའི་རྒྱབ་སྐྱོར་དང་བོད་ནང་རྒྱལ་སྤྱིའི་རྟོག་ཞིབ་ཚོགས་ཆུང་གཏོང་རྒྱུ། རྒྱ་གར་དང་ཨེ་ཤ་ཡའི་ནང་བོད་ཀྱི་འཁོར་ཡུག་དང་གཙང་པོ་ཁག་གལ་ཆེན་ཆགས་ཡོད་སྟབས། གནད་དོན་དེ་གཙོར་འདོན་གྱིས་རྒྱ་ནག་ལ་གནོན་ཤུགས་སྤྲོད་རྒྱུ་སོགས་གལ་ཆེན་པོ་ཡིན་པའི་བསམ་ཚུལ་བཏོན་ཡོད་སྐོར་བརྗོད་བྱུང་།
ཚོགས་ཆུང་བདུན་པའི་ནང་གི་ཚོགས་བཅར་པ་རྒྱལ་སྤྱིའི་བོད་དོན་འབྲེལ་མཐུད་ཁང་གི་ཨེ་ཤ་ཡའི་འབྲེལ་མཐུད་པ་ཚེ་རིང་ཆོས་གྲུབ་ལགས་སུ། ཐེངས་འདིའི་ཚོགས་ཆེན་གྱི་བསམ་ཚུལ་ཕྱོགས་བསྡོམས་ལག་བསྟར་བྱེད་ཕྱོགས་ཐད་བསམ་ཚུལ་གང་འདྲ་ཡོང་གི་ཡོད་མེད་དྲིས་པར་ཁོང་གིས། ཉེ་སྔོན་སྲིད་སྐྱོང་བློ་བཟང་སེང་གེ་མཆོག་གིས་ ༢༠༡༣ ནི་བོད་མིའི་ལས་འགུལ་གྱི་ལོ་ཞིག་ལ་སྲུང་གཙི་བྱ་རྒྱུན་ཡིན་སྐོར་གསུངས་པ་ལྟར་ལས་འགུལ་གྱི་ནུས་པ་རྒྱ་སྐྱེད་དང་། ཚང་མའི་སེམས་འཚབ་བྱེད་གཞི་ནི་ཐེངས་འདིའི་ཚོགས་ཆེན་སྟེང་གི་བསམ་ཚུལ་ཁག་ཐབས་ཇུས་ལྡན་པ་དང་གནད་དུ་འཁེལ་བ་ཞིག་ཡོང་རྒྱུ་དེ་ཡིན་སྐོར་བརྗོད་སོང་ལ། ཡང་ཁོང་གིས་འདས་པའི་ལས་འགུལ་ཁག་གི་ཕན་ནུས་ལ་བསྐྱར་ཞིབ་ཐོག་མ་འོངས་པའི་ལས་འགུལ་གོ་སྒྲིག་བྱ་རྒྱུ་གལ་ཆེན་པོ་ཡིན་པའི་བསམ་ཚུལ་བཏོན་བྱུང་།
ཚོགས་ཆུང་དགུ་པའི་ཚོགས་བཅར་བ་བློ་བཟང་དབྱིངས་མཚོ་ལགས་སུ་ཚོགས་ཆུང་ནང་བསམ་ཚུལ་གང་འདྲ་ཡོང་གི་ཡོད་མེད་དྲིས་པར་ཁོང་མོས། སྲིད་གཞུང་ཁག་གི་གྲོས་ཚོགས་ནང་བོད་དོན་གྲོས་ཆོད་འཇོག་ཐུབ་པ་ཙམ་མིན་པར་གྲོས་ཆོད་གང་བཞག་པ་རྣམས་ཁྲིམས་ཀྱི་ནུས་པ་ལྡན་པ་ཞིག་ཡོང་ཐབས་དང་། ཕྱི་རྒྱལ་ཁག་གི་སྐུ་ཚབ་དོན་གཅོད་དག་གིས་བོད་རིགས་ཚོགས་པ་ཁག་དང་མཉམ་འབྲེལ་གྱིས་གནས་ཡུལ་རྒྱལ་ཁབ་གང་དེའི་སྤྱི་ཚོགས་ནང་ལས་འགུལ་ཤུགས་ཆེ་ཙམ་སྤེལ་དགོས་པ། ཕྱི་རྒྱལ་ཁག་ཏུ་ཡོད་པའི་བོད་པའི་ཆོས་ཚོགས་ཁག་གི་བླ་སྤྲུལ་རྣམ་པས་ཆོས་ཕྱོགས་ཀྱི་ལས་དོན་རྐྱང་པ་མིན་པར། བོད་ཀྱི་ཛ་དྲག་གི་གནས་སྟངས་སྐོར་གཞན་ལ་ཁྱབ་སྤེལ་དང་ཕྱིའི་སྤྱི་ཚོགས་ཀྱི་རྒྱབ་སྐྱོར་འཚོལ་རྒྱུར་ཚོགས་བཅར་པ་ཡོངས་ཚུད་པའི་བཙན་བྱོལ་གཞུང་དམངས་གཉིས་ཀྱིས་འབོད་སྐུལ་ཞུ་རྒྱུ་སོགས་ཡིན་སྐོར་བརྗོད་བྱུང་།
བདེ་སྐྱིད་གླིང་ས་འཐུས་ཀརྨ་བསྟན་འཛིན་ལགས་སུ་ཁོང་གི་ཚོགས་ཚོགས་ཆུང་ནང་བགྲོ་གླེང་གང་འདྲ་ཡོང་གི་ཡོད་མེད་དྲིས་པར། མཉམ་འབྲེལ་རྒྱལ་ཚོགས་ཀྱི་ལས་ཁུངས་ཨ་མ་དང་ཡན་ལག་ལས་ཁུངས་ཡོངས་ཀྱི་མདུན་དུ་བོད་མི་ཚོས་ཉིན་བརྒྱ་དུས་གཅིག་ལ་ཟས་བཅད་ངོ་རྒོལ་གནང་སྟེ། དེ་སྔོན་རྒྱལ་ཚོགས་ནང་བོད་དོན་གྲོས་ཆོད་བཞག་ཡོད་པ་ཁག་ལག་བསྟར་དང་། བོད་ནང་རྒྱལ་སྤྱིའི་རྟོག་ཞིབ་ཚོགས་ཆུང་འཛུགས་དགོས་པ་བཅས་ལ་སྐུལ་འདེད་གཏོང་རྒྱུར་མང་མོས་ཐོབ་ཡོད་སྐོར་བརྗོད་བྱུང་།
གཞན། དེ་རིང་ཉིན་རྒྱབ་བཙན་བྱོལ་བོད་མིའི་སྲིད་སྐྱོང་བློ་བཟང་སེང་གེ་མཆོག་ཚོགས་ཆུང་ཁག་ཏུ་གཟིགས་ཞིབ་ཏུ་ཕེབས་ཏེ། ཚོགས་ཆུང་ཁག་ནང་གྲོས་གཞིའི་ཐོག་བགྲོ་གླེང་གང་འདྲ་ཡོང་གི་ཡོད་མེད་ལ་རྟོག་ཞིབ་གནང་ཡོད་པ་རེད།
ད་ལྟའི་བར་བོད་ཕྱི་ནང་གཉིས་ཀའི་ནང་བླ་མ་གྲྭ་པ་དགེ་བཤེས་སོགས་ཀྱིས་བོད་མི་རིགས་ཀྱི་དོན་དུ་བླ་ན་མེད་པའི་མཛད་རྗེས་བཞག་དང་བཞག་མུས་ཡིན་དེ་ལ་ཡིད་རང་བསྔགས་བརྗོད་གནང་ན་ཡག་པོ་ཡོད་ས་རེད་བསམ་གྱི་འདུག་་་་དེ་མིན་མགོ་མ་ཚུགས་པ་དང་ཧམ་ཆེ་མགའ་རས་བླ་མ་དགེ་བཤེས་གྲྭ་པ་སོགས་ཀྱིས་བོད་རྩ་དོན་ལ་ཕན་པའི་ལས་དོན་གང་ཡང་སྒྲུབས་ཀྱི་མེད་པ་བསམ་གྱི་ཡོད་ས་རེད་ལ་རྒྱུད་ལམ་ཁག་ཏུ་བཤད་མཁན་མགའ་རེ་བྱུང་ཡོད་་་བོད་ཀྱི་གྲྭ་པ་ཚོས་བོད་བསྟན་པ་ཆབ་སྲིད་ཀྱི་ལས་དོན་ནི་སུ་ཞིག་གིས་ཀྱང་རྗེས་སུ་མ་ཟིན་པའི་ནམ་ཡང་སྔོན་ཐོན་ཡིན་ཞེས་སྤོབ་པ་དང་ལྡན་པའི་ཐོག་ཞུ་ཆོག་སྙམ།
མི་རབས་གསར་བས་རྣམ་དཔྱོད་གསར་བ་བཏོན་ནས་ལས་དོན་ཚགས་ཚུད་གཏོང་བཞིན་པར་གུས་བཀུར་ཡང་ཡང་ཞུའོ།།
ཁྱེད་ཅག་གིས་གསུངས་སྟངས་ལ་རྟེན་འབྲེལ་ཞུ་འོས་པ་མ་ཟད་གནད་ལ་ཁེལ་བསམ་ཚུལ་རེད་འདུག
ཁྱེད་ཅག་གིས་གསུངས་སྟངས་ལ་རྟེན་འབྲེལ་ཞུ།
ང་ནོར་ཡོད་པ་མིན་ན། ཞུ་གཏུག་གི་ལོ་ནི་འདི་ལོ་སྟེ་ ༢༠༡༢ དང་། ༢༠༡༣ ལོ་ནི་ལས་འགུལ་གྱི་ལོ་ཡིན་པར་བརྗོད་སོང་།
དེ་མིན་གཟིགས་ཞུབ་ཅེས་བྲིས་འདུག་པ་དེ་་་་གཟིགས་ཞིབ་ཏུ་བཅོས་དགོས་པ་འདྲ། ཚོགས་ཆུང་དགུ་པའི་བསམ་ཚུལ་ནང་གི་བླ་སྤྲུལ་ཚོ་ལ་འབོད་སྐུལ་ཞུ་རྒྱུའི་ལས་དོན་དེ་ཧ་ཅང་གི་ཡག་པོ་རེད། བླ་སྤྲུལ་ཚོར་ཡང་བོད་མི་སྤྱི་མཚུངས་ལྟར་བོད་དོན་ཐད་ལས་འགན་ནི་ཡོད་ཡོད་པ་རེད།
བཀའ་ཟུར་ཟམ་གདོང་མཆོག་ནས་ཚོགས་ཆེན་སྐབས་མང་ཚོགས་ཀྱི་བསམ་འཆར་ང་ོམར་ཤེན་ཤུགས་མི་སླེབས་ཆེད་བཀའ་ཤག་གི་དགོངས་འཆར་རྟོག་ཞིབ་མ་གསུངས་མ་གནང་པར་ཚོགས་འདུར་ཞུགས་པ་དང་།
ད་ཐེངས་བོད་མིའི་སྲིད་སྐྱོང་ཆེན་མོ་མཆོག་ནས་ཚོགས་འདུའི་ཚོགས་ཆུང་ཁག་ཏུ་གཟིགས་ཞིབ་དང་རྟོག་ཞིབ་གནང་བར་ཆབ་སྲིད་ལྟ་སྟངས་ཤིག་ནས་ཁྱད་པར་ཞིག་ཡོད་པར་མཐོང་།