བལ་ཡུལ་ནང་གནམ་གྲུ་གས་འཐོར།

ད་ནངས་ཞོགས་པར་བལ་ཡུལ་རྒྱལ་ས་ནས་ཇོ་མོ་གླང་མའི་ཕྱོགས་སུ་འཕུར་མཁན་གྱི་གནམ་གྲུ་ཞིག་གས་འཐོར་བྱུང་སྟེ། ཕྱི་རྒྱལ་ཡུལ་སྐོར་སྤྲོ་འཆམ་པ་དང་ཁ་ལོ་བ་བཅས་མི་ ༡༩ རྐྱེན་ལམ་དུ་ཕྱིན་འདུག

དེ་རིང་ཕྱི་ཚེས་ ༢༨ ཉིན་གྱི་ཞོགས་པའི་ཆུ་ཚོད་ ༦ དང་སྐར་མ་ ༡༥ ཙམ་ལ་བལ་ཡུལ་རྒྱལ་ས་ཀཱ་ཐཱི་མན་ཌུ་ནང་གི་ཊི་རེ་བྷུ་ཡན་རྒྱལ་སྤྱིའི་གནམ་ཐང་(Tribhuyan International Airport) ནས་ཇོ་མོ་གླིང་མའི་ཕྱོགས་སུ་འཕུར་བཞིན་པའི་གནས་གྲུ་ཞིག་གས་འཐོར་བྱུང་ཡོད་ཅིང་། གནམ་གྲུ་དེའི་ནང་ཕྱི་རྒྱལ་ཡུལ་སྐོར་སྤྲོ་འཆམ་པ་ ༡༦ དང་། གནམ་གྲུའི་ཁ་ལོ་བ། ཁ་ལོ་བའི་ལས་རོགས། ཞབས་ཞུ་པ་བཅས་མི་ ༡༩ ཡོད་པ་ཚང་མ་རྐྱེན་ལམ་དུ་ཕྱིན་ཡོད་འདུག

གནམ་གྲུ་དེ་གནམ་ཐང་ནས་འཕུར་རྗེས་ཀྱི་སྐར་མ་འགའི་ནང་སྐྱོན་ཤོར་ཏེ། གནམ་ཐང་ནས་སྤྱི་ལེ་ ༢ ཙམ་གྱི་སར་ཡོད་པའི་མཱ་ནཱ་ཧ་རཱ་(Manahara river bank) གཙང་འགྲམ་དུ་ཟེགས་ཡོད་འདུག་ལ། བལ་ཡུལ་ཉེན་རྟོག་མགྲིན་ཚབ་པ་བྷེ་ནོ་ཌི་ཡིས། གནམ་གྲུར་སྐྱོན་ཤོར་མ་ཐག་ཁ་ལོ་བས་མར་འབབ་རྩིས་བྱས་ཡོད་ཚོད་འདུག་ཀྱང་། སྟབས་མ་ལེགས་པ་ཞིག་ལ་གནམ་གྲུ་ས་ངོས་སུ་ཐུག་མ་ཐུག་པའི་སྐབས་སུ་མེ་འབར་ཡོད་ཚུལ་བརྗོད་འདུག

གནམ་གྲུའི་ནང་གི་འགྲུལ་བ་ཕལ་ཆེ་བ་ཨི་ཊ་ལི་ནས་ཡིན་འདུག་ལ། བལ་ཡུལ་དབྱིན་ཇི་གཞུང་ཚབ་ཁང་གིས་རྐྱེན་འདས་སུ་གྱུར་པའི་ཁྲོད་དབྱིན་ཇི་བ་ཁག་ཅིག་ཚུད་ཡོད་ཚུལ་བརྗོད་འདུག

གསར་འགོད་པ། བནྡེ་སྐྱབས།