རང་ལུས་མེར་བསྲེཊ་གནང་འདུག

སྙིང་ནས་མྱ་ངན་གུས་འདུད་ཞུཞུ་ཞུ་ཞུཞུ། དཔའ་བོ་དཔའ་བོ་དོན་གྱི་དཔའ་བོ་ངོ་མ།
འདི་མཚམས་སུ་གུས་པས་བསམ་འཆར་དང་སེམས་ཚོར་ཞིག་ཞུ་འདོད་བྱུང་།
བསྟན་སྲིད་གཉིས་ཆར་ལ་ཕུག་རྒྱང་རིང་པོའི་བསམ་གཞིག་གིས་ལང་ཚོ་རྒྱས་པ་གངས་ཅན་པའི་ཤེས་འཇོན་གཉིས་ལྡན་གྱི་གྲོགས་པོ་ཚོ། འདི་ལྟར་ཕ་ཡུལ་གྱི་མེ་ལྕེ་རྒྱལ་ཞེན་གྱི་དཔའ་བོ་དཔའ་མོ་རྣམས་ལ་གྲངས་ཀ་རྒྱག་གིན་མཆེད་དུ་བཅུག་པ་ནི་བོད་མི་རིགས་ཀྱི་བསྟན་སྲིད་ལ་སྙིང་ནས་དགའ་ཞན་ཞིག་ཡོད་ན། རིག་པའི་གནས་རྩ་བ་ནས་མིན་པར་སེམས། གུས་པས་འདིར་བཙན་བྱོལ་དུ་བཞུགས་པའི་གཞུང་མང་གཉིས་ཐད་ནས་མ་འཇོན་པ་དང་མ་བྱེད་པ་ཞིག་ལ་དུས་ནམ་ཡང་ཁ་སྨྲས་བཏང་མྱོང་མེད་ལ། བཏང་དགོས་པའི་རྒྱུ་མཚན་ཡང་མེད། འདིའི་ཁེ་ཕན་ལ་བསམ་གཞིག་གཏིང་ནས་བྱེད་དགོས་པ་བོད་མི་ཡོད་ཚད་ཀྱི་ཕྲག་ཏུ་ཡོད་པ་ཡིན་ཙང་། འདི་ལག་ཆ་ཞིག་ལ་གཏན་ནས་འཛིན་མི་རུང་། ལག་ཆ་འདི་ནི་སྡུག་གྱོང་རྡོ་སྒྱོག་མགོ་ལ་ཞུ་བ་ཉག་གཅིག་ལས། གཞིས་བྱེས་གཉིས་ཐད་ལ་ཕན་སྣང་ཞིག་དང་བཟང་ཐབས་ཤིག་གཏན་ནས་བྱུང་མ་སོང་། དེ་འདྲ་ཡིན་ཙང་༧གོང་ས་མཆོག་གི་དབུ་ཁྲིད་པའི་བཙན་བྱོལ་བའི་གཞུང་མང་ཡོངས་ཀྱིས་དུས་ད་ནས་བཟུང་རང་བསྲེགས་ཀྱི་ལས་འགུལ་འདི་གཞིས་བྱེས་གཉིས་ནས་དུས་ནམ་ཡང་མི་བྱེད་པའི་འབོད་བསྐུལ་གཞི་རྒྱ་ཆེན་པོ་ཞིག་མ་གནང་ན། འདི་བློ་རིགས་ཤེས་འཛང་ལྡན་པའི་ལས་འགུལ་ཞིག་གཏན་ནས་མ་རེད་སྙམས། རང་གི་སེམས་ལ་ཚོད་དཔག་ཙམ་བྱེད་དཀའ་བའི་ལྷག་བསམ་རྒྱལ་ཞེན་འཛམ་གླིང་འདིའི་སྒང་རྒྱལ་ཁབ་སུ་ལ་ཡང་བྱུང་མྱོང་མེད་པའི་ངེད་ཚོ་གངས་ཅན་པའི་དཔའ་བོ་དཔའ་མོ་འདི་ཚོ། རང་སྡུག་རང་གི་ཉོ་ནས་འདི་འདྲའི་ཀློང་དུ་གཅིག་རྗེས་ཉིས་མཐུད་ཀྱིས་བཞུད་ཤོར་ན། འདི་ནི་ང་ཚོའི་སྡུག་གྱོང་ནང་གི་སྡུག་གྱོང་ཞིག་ལས་རྒྱལ་ཁབ་དང་མི་རིགས་ལ་ཕན་རློབས་ཆེ་བའི་ལས་གཞི་ཞིག་གཏན་ནས་མིན་པར་འདོད། རང་སྡུག་རང་གི་ཁུར་བ་ནི་ཆོས་སྲིད་གཉིས་ཆར་གྱི་ཐད་ནས་གནོད་པ་ལས་ཕན་པ་ཞིག་གཏན་ནས་མིན། ང་ཚོ་རྒྱལ་ཁབ་དང་མི་རིགས་ཀྱི་རྩ་དོན་ཆེད་དུ་ཡིན་ན་འདིས་ཕན་པ་ཞིག་དང་ལྟ་ཞོག་གནོད་པ་ཚབ་ཆེན་པོ་བསགས་ཚར་བ་རེད། གང་ཡིན་ཞུ་ན། གཅིག འཛམ་གླིང་སྟོབས་ཆེན་རྒྱལ་ཁབ་ཚོས་དོ་སྣང་བྱེད་མདོགས་བྱེད་ཀྱང་དོན་ངོ་མ་ལ་ཕན་པའི་རོག་པ་སུས་ཀྱང་མེད་ཁར་ལས་གཞི་འདི་ནུས་མེད་ལ་ཟུབ་ཚར་བ་རེད།
གཉིས་པ། དམར་གཞུང་གི་གཞིས་བྱེས་གཉིས་ཀྱི་འགྲོ་འདུག་བྱ་ལས་ཡོད་ཚད་ལ་ནག་སུབ་ཆེ་ནས་ཆེ་རུ་ཕྱིན་པ་ལས་དོན་ཕན་ལྡན་པའི་གྲོས་མོལ་དང་ཞི་བདེ་ཁོད་ཡང་ཤ་ཚ་སྙིང་ཉེའི་ཡིད་ཆེས་ཤིག་གཏན་ནས་སྐྱེ་ཐབས་མེད།
གསུམ་པ། སྒྲུབ་བྱ་དང་སྒྲུབ་བྱེད་ཀྱི་འགལ་ཚབ་ཤིན་ཏུ་ཆེ་བས་དུས་ཇི་སྲིད་དུ་འཁོན་ཆེ་ནས་ཆེ་རུ་དཀའ་ལས་དང་ནང་འགལ་ཆེ་ནས་ཆེ་རུ་ཕན་ཚུན་མི་དགའ་བའི་འགལ་འདུ་ཆེ་ནས་ཆེ་རུ་ཕྱིན་པ་ལས།
དོན་ངོ་མའི་བོད་རྒྱ་གཉིས་ཀྱི་མཐུན་ལམ་རྩ་ཆད་དུ་འགྱུར་བ་ལས་རང་གཞན་སུ་ལ་ཡང་ཕན་ཐོག་གཏན་ནས་མེད་བ་བཟོ་བ་བཅས་ལས་མི་འདུག་པས་རང་བསྲེགས་ཀྱི་ལས་འགུལ་འདི་བོད་མི་གཞིས་བྱེས་སུས་ཀྱང་སྤེལ་རྒྱུ་མེད། དུས་དེ་རིང་ནས་བཟུང་རང་བསྲེག་མཚམས་འཇོག་བྱེད་དགོས།།།།
བོད་མི་རིགས་ཀྱི་དོན་དུ་ཕན་པ་ཞིག་སྒྲུབ་དགོས་ན་གསོན་པོར་གནས་ནས་ཕན་པ་སྒྲུབ་དགོས་པ་ཞིག་ལས་འཆི་ཚར་ནས་ཕན་པ་སུས་ཀྱང་སྒྲུབ་མི་ཐུབ་ལ། ཁ་ཆེམས་ལས་ཀྱང་དེ་བས་དོན་དམ་པའི་སྟེང་དུ་ཡིད་འཇོག་དང་ལག་ལེན་བྱེད་པ་ཤིན་ཏུ་དཀའ་བ་རེད།

༧རྒྱལ་བ་དོན་གྱི་བདག་པོས་ཀྱང་བསན་གྱི་ཡོད་ན། འདི་འདྲའི་གྲ་བསྒྲིག་ཞིག་གི་བར་ན་ཁྱེད་བོད་ལ་ཕེབས་ཐུབ་པའི་ལམ་ཁ་ཞིག་གཟིགས་ཀྱི་འདུག་པས། ཁྱེད་བོད་དུ་ཕེབས་པ་ལ་མི་ག་ཚོད་ཀྱིས་ལུས་པོ་བསྲེག་དགོས་ཀྱི་ཡོད་རེད། ཁྱེད་ཀྱིས་ཀྱང་། རེ་བ་ཆེ་ས་དང་གྲྭ་བསྒྲིག་སྡུག་ས་གསུང་པ་དེ་འདི་འདྲ་ཞིག་ལ་གསུང་པ་ཡིན་ནམ།
གུས་པ་སྒེར་གྱི་བསམ་ཚུལ་ཁོ་ན་ཡིན། སྔོན་མ་འཇམ་དཔལ་ཡེ་ཤེས་གང་གིས་རྒྱལ་ས་རྡི་ལི་རུ་སྐུ་ལུས་མེར་བཏང་སྐབས་སུ་ཡང་། རྡ་རམ་ས་ལ་ཐེག་ཆེན་ཆོས་གླིང་འབོད་པའི་གཙུག་ལག་ཁང་དེ་ཉིད་དུ་བོད་མི་སྟོང་ཕྲག་མང་པོ་མྱ་ངན་གྱིས་མིག་ཆུ་ག་ཚོད་ཙམ་བཏང་སོང་། དེ་སྐབས་སུ་༧རྒྱལ་བ་དོན་གྱི་བདག་པོས་གསུང་ག་འདྲ་ཞིག་ཕེབས་ཀྱི་ཡོད་ན། གཤིན་པོ་ལ་ག་འདྲ་ཞིག་བླ་བདེ་ལམ་བདེ་གནང་གི་ཡོད་ན་བསམ་ནས་སེམས་ཚོར་ལ་བརྗོད་མི་ཤེས་པ་ཞིག་ཡོད་ཀྱང་། ཚིག་རིས་ཤར་མ་ཞིག་གི་གཤིན་གསོན་གཉིས་ཀ་ལ་བཀའ་ཕེབས་མི་ཐུབ་པ་འདིའི་གནས་སྟང་མཐོང་དུས་ང་ངོ་མ་ཧང་སང་སོང་། དེ་རྒྱུ་མཚན་ག་རེ་རེད། བོད་མི་ཤི་བ་ལས་ལྷག་ཙམ་ག་རེ་ཡོང་རྒྱུ་ཡོད་རེད། གསལ་པོ་ཞིག་ཤེས་ཉན་བྲོ་གི་འདུག
ད་དུང་ག་ཚོད་ཙམ་གྱིས་ལྷོང་ཡང་གནང་དགོས་ཀྱི་རེད། ཁྱེད་རྣམ་པས་གུས་པའི་སེམས་ཚོར་འདི་ནོར་བ་འདུག་ན་འདི་འདྲ་ནོར་བའི་བཀའ་མོལ་ཞིག་ངེས་པར་དུ་གནང་སྐྱོང་ཡོང་བ་ཞུ། ངའི་སེམས་ཚོར་འདི་གཏན་ནས་བཟོད་ཀྱི་མི་འདུག

རང་ལུས་མེར་སྲེག་གི་ལས་འགུལ་འདི། གནས་སྐབས་ཅིག་མཚམས་ཆད་ན་མི་དྲག་གམ།

དཀོན་མཆོག་མཁྱེན། ད་གང་དྲགས་ བོད་མགོ་ནག་ཡོང་ཀྱི་སྐྱབས་མགོན་ཞེས་འབོད་བཞིན་འདི་ལྟར་ཞུད་བཞིན་འདུག ཁྱེད་ཀྱིས་གཟིགས་སམ། གལ་སྲིད་ཁྱེད་ཀྱི་འབང་འདི་ཚོ་མེ་ཤིང་ཞིག་ཡིན་པའི་དབང་དུ་གཏང་ཡང་ཇ་ཙམ་ཕར་བཞག་ཆུ་ཙམ་ཡང་ཁུལ་མི་ཐུབ་པའི་དོན་མེད་མེ་ཤིང་འཕྲོ་བརླགས་གཏོང་སྲིད་དམ། ཤ་རུས་གཅིག་པའི་སྤུན་ཟླ་དུ་དུ་མས་གཅེས་པའི་ལུས་སྲོག་མེ་ལ་སྒྲོན་བཞིན་ད་དུང་སྐྱབས་མགོན་ཞེས་འབོད་བཞིན་འདུག་ལ་ཤུས་ལུས་ཡ་ང་ཞིང་ཡིད་མུག་པའི་ད་ཕྲུག་དང་བློ་སེམས་གཅིག་དུ་སྒྲིལ་བའི་གཟའ་ཟླ་བཅས་མཐོང་ཡོང་དུས་ང་ཚོ་ཕལ་བ་རྣམས་ཀྱང་མིག་ཆུ་རང་དབང་མི་འདུག་ན་སྙིང་རྗེའི་བདག་ཉིད་ཁྱེད་ལ་གང་འདྲ་ཡོད་ན། ད་ནི་སྐྱབས་མགོན་ཁྱེད་ཀྱིས་ཡང་ན་བོད་བསྟན་སྲིད་ཆེད་དུ་མཆི་ན་དག་ཞིང་འདྲེན་པའི་ཞལ་བཞེས་ཞིག་གནང་རོགས། དེ་ལྟར་བྱུང་ན་ཤུལ་ལུས་རྣམས་བློ་བདེ་ལ་སྤུན་ཟླ་ངོ་ཚོ་ཡང་དགའ་འོས་པ་ཞིག་འདུག དེ་ལྟ་བུའི་འདེངས་ཚོད་ཁྱེད་ལ་མེད་ན་རང་ལུས་མེ་རུ་སྒྲོན་པས་ལས་འགུལ་མཚམས་འཇོག་དགོས་པའི་དཀའ་སློབས་ཞིག་ཕེབས་རན་པའི་མ་ཚད་ཕྱིས་ནས་འདུག སྤུན་ཟླ་དྲུག་བཅུ་ཉེ་བར་མེ་མཆོད་ཕུལ་ཚར་སོང་། ད་དུང་ལས་ཀ་དེ་རྫིག་རབ་ཡག་རབ་བཤད་སྡད་ན་ད་དུང་མུ་མཐུད་སྤུན་ཟླ་དུ་མའི་ཚེ་སྲོག་ཤོར་བ་སྨྲོས་མེད་ལ་དེ་བས་ད་ནི་མེ་འགོག་ལས་འགུལ་སྤེལ་བས་དུས་ལ་བབས་པ་སེམས། དེ་ནི་མགོ་ནག་བོད་འབངས་སྐྱུས་མ་ཞིག་གི་རེ་བ་དང་བསམས་ཚུལ་ཙམ་ཞིག་ལས་གཞན་གང་ཡང་མིན།

སྐད་གཉིས་སྨྲ་མཁན་ཤེས་ལྡན་པ་གང་ན་ཡོད་ན། གནས་ཡུལ་དེའི་གསར་ལམ་ཆེ་ཁག་དག་ལ་སྐྱེལ་རོགས། དེས་ང་ཚོས་བྱེད་ཐུབ་པ་དེ་གཅིག་པོ་རེད།

ཁྱེད་ཚོ་འདི་ལྟར་བཞུད་སོང་ན། ང་ཚོས་ཅི་ཞིག་བྱེད་དགོས་པ་རེད་དམ། ང་ཚོར་གནམ་ས་འགུལ་བའི་ཕྱག་ལས་གནང་རྒྱུ་མེད་པ་ཐག་ཆོད་ཡིན་བཞིན་དུ། ཁྱེད་ཚོས་གནམ་ས་གཉིས་ཀ་མེར་བསྲེགས་ནས་བཞུད་འགྲོ་བ་འདི་ཅི་ཞིག་ཡིན་ནམ། ད་དུང་སེམས་ཀྱི་བཟའ་ཟླ་དང་གཅེས་པའི་བུ་ཕྲུག་རྣམས་འདི་ལྟར་བཞག་ནས་འགྲོ་ཕོད་པ་འདི་ངས་ཟུར་ཙམ་ཡང་གླེང་རྒྱུ་ལྟ་ཞོག ཡིད་ལ་ཤར་སྒོམ་ཙམ་ཡང་བྱེད་ཐུབ་ཀྱི་མི་འདུག དཔའ་བོ་དཔའ་མོ་ཚོ། ད་མུ་མཐུད་ནས་བསྲེགས་དགོས་པ་རེད་དམ། ག་ཚོད་བར་དུ་བསྲེགས་དགོས་པ་རེད།། བདེན་པ་མེད་པའི་གནམ་འོག་འདི།

Dorjee Puntsok གྲོགས་པོ་ཅི་མཛད་ཀྱིན་ཡོད། དེ་སང་ལས་དཀའི་བྲེལ་བ་ཆེའམ།
དེ་རིང་ཡང་བོད་ནང་ནས་མི་གཅིག་མེར་བསྲེགས་བཏང་འདུག། ཁྱེད་ཀྱིས་རིག་སོང་ངམ། ཨོ་མ་ཎི་པདྨེ་ཧཱུཾ༔
Tsering Dawa ང་ནི་རྟག་པར་དྲ་རྒྱ་ལ་མགོ་འཁོར་བཞིན་ཡོད། དེ་རིང་གོང་གསེང་ཡིན། བོད་ནང་མེར་བསྲེགས་བཏང་འདུག་པ་ཧ་གོ་སོང་། ཡིན་ནའང་ཅི་གང་བྱེད་ཡ་མི་འདུག་གྲོགས་པོ། ཨ་ཧོ་ ད་ཅི་བྱེད་
Dorjee Puntsok ངས་བསམས་ན་ཁྱོད་ཀྱིས་གཅིག་བྱས་པ་རེད། ཁྱོད་ལ་”ཨ་ཧོ་”སྙམ་པའི་ཚོར་བ་སྐྱེས་པ་དེ་ག་རང་གིས་ཁོང་ལ་རྒྱབ་སྐྱོར་བྱས་པ་རེད། མ་གཞི་ངས་ཁོང་ཚོས་ངོ་རྒོལ་བྱེད་སྟངས་འདིས་རྒྱ་ནག་ལ་གནོད་པ་ཙམ་དུ་མ་ཟད། བོད་དོན་ལ་ཧ་སང་ཡ་ཕན་ཐོག་འདུག་བསམས་ཀྱིན་ཡོད། བོད་དོན་ནི་བོད་མི་རེ་རེའི་ངོས་ནས་བསྒྲུབ་དགོས་པ་ཞིག་ལས། ཚོགས་པ་ཞིག་གམ་གཞུང་ཞེས་དམིགས་གསལ་ཞིག་གིས་འགྲུབ་ཡོང་བ་ཞིག་གཏན་ནས་མིན་ལ། དེ་བས་བོད་མི་རེ་རེ་བཞིན་བོད་དོན་ལས་འགུལ་དུ་ཞུགས་པར་ཚོར་བ་ཡོད་པའི་ཐོག་ནས་ཞུགས་ཡོང་བ་ཞིག་ལས། རང་གར་གོ་མེད་ཚོར་མེད་ཀྱིས་ཞུགས་པ་ནི་ཕལ་ཆེར་མེད་ཅིང་གལ་སྲིད་ཞུགས་ནའང་དེ་ནི་ཧ་ཅང་གི་ཕུག་མེད་ཅིག་ལས་ཅི་ཡང་མིན་ཞིང་། དེ་ལས་ཁོང་ཚོའི་ལས་འགུལ་སྤེལ་སྟངས་འདི་ཚོ་ལས་ང་ཚོར་སེམས་ཤུགས་དང་ཚོར་བ་ཧག་ལས་པ་འདི་འདྲ་སྤྲོད་ཀྱིན་འདུག་པས། འདི་ནི་ཁོང་ཚོས་བོད་དོན་ལས་འགུལ་གྱི་གྲུབ་འབྲས་ཡག་ཤོས་ཤིག་ལ་བགྲངས་ཆོག་ལ། ཁོང་ཚོའི་ཕུག་འདུན་གྱི་ཆ་ཤས་ཤིག་ཀྱང་ཡིན་སྲིད་པ་རེད། ཁྱོད་ཀྱིས་བསམ་ན་དེ་འདྲ་ཞིག་ཨེ་རེད།
ངས་བསམ་ན་ང་ཚོ་ལས་བོད་ནང་དུ་ཡོད་པའི་བོད་མི་ཚོར་སེམས་ཤུགས་དང་ཚོར་བ་ཆེ་བ་སྤྲོད་ཀྱིན་ཡོད་རྒྱུ་རེད་བསམ་གྱིན་འདུག ང་ཚོར་ ཨ་ཧོ་ སྙམ་པའི་ཚོར་བ་འདི་ཡོད་ཅིང་འདི་ནི་ང་ཚོའི་བོད་དོན་ལས་འགུལ་གྱི་རྨང་གཞི་ཡང་རེད། ཁྱོད་ལ་དེ་ལྟ་བུའི་ཚོར་བ་སྐྱེས་ཡོད་པ་ནི་དངོས་གནས་སེམས་ཤུགས་དང་སེམས་ཁུལ་ཡོད་པས་རེད།
Tsering Dawa ངས་ཇི་ལྟར་བསམ་ནའང་ཁྱོད་ཀྱིས་བཤད་པ་འདི་དག་མ་རེད་ལབ་ཐུབ་ཀྱིན་མི་འདུག ཡིན་ནའང་ད་དུང་ངས་ཁོང་ཚོའི་ཆེད་དུ་ཅི་ཡང་བྱས་ཡོད་པའི་ཚོར་བ་ཞིག་ཡོང་གིན་མི་འདུག་ལ། ཅི་གང་བྱས་ཡོད་ཅེས་ལབ་ནའང་ངོ་ཚ་བ་དང་གནོང་ཡོང་བ་ཞིག་ལས་ཅི་ཡང་ཡོང་གིན་མི་འདུག
Dorjee Puntsok རེད་གྲོགས་པོ། ངས་ཀྱང་དེ་ལྟར་བསམ་ནས་མ་ཎི་ཞིག་བགྲངས་བ་དེ་ཡིན། མ་ཎི་རེ་ཟུང་གིས་ཁོང་ཚོ་བདེ་བ་ཅན་དུ་བསྐྱལ་འགྲོ་མིན་མི་ཤེས་ཏེ། རང་ངོས་ནས་སེམས་གསོ་བྱེད་ཙམ་ཞིག་ནི་ཅིས་ཀྱང་ཡོང་གིན་འདུག ཨོ་མ་ཎི་པདྨེ་ཧཱུཾ༔ ཨོ་མ་ཎི་པདྨེ་ཧཱུཾ༔ ཨོ་མ་ཎི་པདྨེ་ཧཱུཾ༔
Tsering Dawa ཡ་ཡ་གྲོགས་པོ། དེ་ན་ངས་ཀྱང་མ་ཎི་དང་སྨོན་ལམ་རེ་བྱེད་རྒྱུ་ཡིན། ཨོ་མ་ཎི་པདྨེ་ཧཱུཾ༔ བདེ་བ་ཅན་དུ་སྐྱེ་བར་ཤོག དག་པའི་ཞིང་དུ་འགོད་པར་ཤོག བསམ་དོན་ལྷུན་གྱིས་འགྲུབ་པར་ཤོག ཨོ་མ་ཎི་པདྨེ་ཧཱུཾ༔ ཨོ་མ་ཎི་པདྨེ་ཧཱུཾ༔ ཨོ་མ་ཎི་པདྨེ་ཧཱུཾ༔ ་་་་་་་
(འདི་ནི་ད་ལྟ་རང་ངོ་དེབ་ལས་གྲོགས་ཚེ་རིང་ཟླ་བ་ལ་ཁ་བརྡ་བྱས་པ་ཞིག་ཡིན།)

མྱ་ངན་གུས་འདུད་དང་། དལ་འབྱོར་མིའི་རྟེན་བཟང་མྱུར་དུ་ཐོབ་པའི་སྨོན་འདུན་ཡོད།

དེ་རིང་སྟེ་སྤྱི་ལོ2012／10／6ཉིན་མདོ་ལྷོ་གཙོས་གྲོང་ཁྱེར་དང་མི་རིང་བའི་སྤྱི་ལེ་བཅུ་ཙམ་གྱི་སར་ཡོད་པའི་རྡོ་དཀར་དགོན་པའི་གཡོན་ངོས་མཆོད་རྟེན་ཉེ་འགྲམ་དུ་ཆུ་ཚོད་12ཡོལ་ཙམ་ལ་ཡུལ་ཚོ་དེའི་ན་གཞོན་སངས་རྒྱས་རྒྱ་མཚོ་ཟེར་བས་རང་ལུས་མེར་བསྲེགས་བཏང་ནས་འདས་གྲོངས་སུ་གྱུར་འདུག ཁོའི་ཕ་མིང་ལ་མགོན་པོ་དོན་འགྲུབ་དང་མ་མིང་ལ་མགོན་པོ་འཚོ། སྡེ་བའི་མིང་ལ་རྫས་རུ་བ། དགོན་པ་དང་སྤྱི་ལེ་གཅིག་ཙམ་གྱི་སར་ཡོད། བྱིས་པ་ཕོ་མོ་གཉིས་ཀྱི་ཕ་དང་ལོ་ཉེར་བདུན་རེད། ཁོའི་བུའི་མིང་ལ་རྡོ་རྗེ་དོན་འགྲུབ་དང་ལོ་བདུན། བུ་མོའི་མིང་ལ་ཏིང་འཛིན་འཚོ་ལོ་དྲུག ༼ངའི་གླེང་མོལ་ནང་བོད་ནས་བཏང་སོང་ངསངས་ཁོང་ཚོའི་བདེ་འཇགས་ཆེད་ཁ་བརྡ་བྱས་མེད།༽