རྒྱ་ནག་གཞུང་གིས་ནག་ཆུར་རང་ལུས་མེར་བསྲེཊ་ཀྱིས་རྒྱ་གཞུང་ལ་ངོ་རྒོལ་སྐད་འབོད་གནང་མཁན་རྒྱལ་གཅེས་དཔའ་བོ་དགུ་འགྲུབ་ལཊ་ཀྱི་སྤུན་མཆེད་གཙོས་བོད་མི་སུམ་ཅུ་ལྷག་འཛིན་བཟུང་བྱས་འདུག
རྒྱ་གར་ལྷོ་ཕྱོགས་སེ་ར་དགོན་པའི་གློ་པ་ཁམས་ཚན་གྱི་གྲྭ་སྐལ་བཟང་རྒྱ་མཚོས་གསར་ལམ་དུ་གནས་ཚུལ་མཁོ་སྤྲོད་གནང་བ་ལྟར་ན། ཟླ་འདིའི་ཕྱི་ཚེས་ ༤ ཉིན་ནག་ཆུ་འབྲི་རུ་རྫོང་ཤག་ཆུ་གྲོང་རྡལ་ཉི་ཤུ་ཡུངས་དཀར་ལྷའི་གྲོང་ཚོའི་རང་ལོ་ ༤༣ ཡིན་པའི་རྒྱལ་གཅེས་དཔའ་བོ་དགུ་འགྲུབ་ལགས་ཀྱིས། ནག་ཆུ་གྲོང་ཁྱེར་གྱི་ཁྲོམ་གཞུང་དུ་རང་ལུས་མེར་བསྲེཊ་ཀྱིས་རྒྱ་གཞུང་ལ་ངོ་རྒོལ་སྐད་འབོད་བྱས་ཏེ་སྐུ་གྲོངས་རྗེས། རྒྱ་གཞུང་གིས་ཁོང་གི་ཨ་ཞང་ཚེ་དབང་འགྱུར་མེད་ལགས་འཛིན་བཟུང་བཙན་འཁྲིད་བྱས་ཏེ་ད་ལྟའི་ཆར་གནས་ཚུལ་ཅི་ཡང་མ་ཤེས་པར་ལྷག་ཡོད་པ་མ་ཟད། ཕྱི་ཚེས་ ༥ ཉིན་ནས་སྔ་ཕྱིར་ཁོང་གི་སྤུན་མཆེད་ཀླུ་འབུམ་དང་། ཁོང་གི་གཅུང་མོ་དང་ཁྱོ་ག་སྐལ་བཟང་རྒྱལ་མཚན་གཉིས་ཉེན་རྟོག་པས་བཙན་འཁྲིད་བྱས་ཏེ། ཁོང་གི་གཅུང་མོ་དང་ཁྱོ་ག་གཉིས་ལ་དགུ་འགྲུབ་ལགས་ལ་གཉེན་ཉེ་ག་ཚོད་ཡོད་མེད་དང་། ས་ཕྱོགས་གང་དུ་ཡོད་མེད། སུ་སུ་ཡིན་མིན་དང་། གནས་ཚུལ་བྱུང་རྗེས་མི་སུས་འབྲེལ་བ་བྱས་པ་དང་ཕར་སུ་ལ་འབྲེལ་བྱས་ཡོད་མེད་བཅས་འདྲི་བརྩད་རིམ་པ་བྱས་རྗེས་གཅུང་མོ་ཀློད་གྲོལ་བཏང་ཡོད་ཀྱང་། གཅུང་མོའི་ཁྱོ་ག་སྐལ་བཟང་རྒྱལ་མཚན་ད་ལྟའི་ཆར་གར་ཡོད་ཅི་བྱུང་གི་གནས་ཚུལ་ཅི་ཡང་མ་ཤེས་པར་ལྷག་ཡོད་འདུག
གཞན། ཕྱི་ཚེས་ ༤ ཉིན་དགུ་འགྲུབ་ལགས་ཀྱིས་རང་ལུས་མེར་བསྲེཊ་བཏང་རྗེས་ཉེན་རྟོག་པས་ཁོང་གི་སྐུ་ཕུང་སྨན་ཁང་དུ་འཁྱེར་ཡོད་པ་ལྟར། སྐབས་དེར་སྨན་ཁང་ནང་ལྟ་རུ་འགྲོ་མཁན་གྱི་བོད་མི་ ༣༠ ལྷག་རྒྱ་གཞུང་གིས་འཛིན་བཟུང་བཙན་འཁྲིད་བྱས་ཏེ། གར་ཡོད་ཅི་བྱུང་གི་གནས་ཚུལ་ཅི་ཡང་མ་ཤེས་པར་ལྷག་ཡོད་འདུག་ལ། ཉེ་ཆར་རང་ལུས་མེར་བསྲེཊ་ཀྱི་གནས་ཚུལ་བྱུང་རྗེས་རྒྱ་གཞུང་གིས་འབྲི་རུ་རྫོང་དུ་དམག་མི་འགྲེམས་འཇོག་གིས་ཁ་པར་དང་དྲ་རྒྱའི་བརྒྱུད་ལམ་ཡོངས་བཀག་ཡོད་པ་མ་ཟད། བོད་མི་ཚོའི་འགྲོ་འོང་ལ་བཀག་སྡོམ་ནན་མོ་བྱེད་ཀྱི་ཡོད་འདུག
གསར་འགོད་པ། དོན་གོ
ད་ལྟའི་རྒྱ་གཞུང་གི་བོད་པར་གདུག་རྩུབ་ཆེ་དྲག་བགྱིད་འདུག