ཁ་སང་གཟའ་ཕུར་བའི་ཉིན་ནས་བཟུང་རྒྱ་གཞུང་ཉེན་རྟོག་པས་ཡང་བསྐྱར་དབོན་པོ་དགོན་པའི་གྲྭ་བ་བདུན་འཛིན་བཟུང་བཙན་འཁྲིད་བྱས་འདུག
རྒྱ་གར་ལྷོ་ཕྱོགས་སེ་ར་དགོན་པའི་གྲྭ་བྱམས་པ་ཡོན་ཏན་ལགས་ཀྱིས་འདི་གར་གནས་ཚུལ་བཏང་འབྱོར་ལྟར་ན། ཟླ་འདིའི་ཕྱི་ཚེས་ ༡༥ ཉིན་རྒྱ་ནག་གཞུང་གིས་རྫ་ཆུ་ཁ་དབོན་པོ་ཞང་དུ་རྒྱ་དར་བསྒྲེངས་འཛུགས་དང་། ངོ་རྒོལ་ལས་འགུལ་གྱི་གནས་ཚུལ་ལ་དོགས་གཞི་ཡོད་པའི་ཉེས་འཛུགས་འོག་དབོན་པོ་དགོན་པའི་གྲྭ་པ་ ༥ འཛིན་བཟུང་བཙན་འཁྲིད་བྱས་ཡོད་པ་མ་ཟད། ཁ་སང་ཕྱི་ཚེས་ ༡༨ ཉིན་ཡང་བསྐྱར་དབོན་པོ་དགོན་པའི་འཕྲུལ་ཆས་བཟོ་མཁན་གྱི་གྲྭ་བ་ ༡ དང་། དགོན་པའི་དགེ་རྒན་ ༢ བཅས་འཛིན་བཟུང་བཙན་འཁྲིད་བྱས་ཡོད་པ་དང་། ཕྱི་དྲོ་ཉེན་རྟོག་པ་ ༡༣ དགོན་པར་ཡོང་སྟེ་དགེ་རྒན་གཉིས་ཀྱི་གྲྭ་ཤག་སྔོག་བཤེར་གྱིས་རྩོམ་ཡིག་ ༢༠ ལྷག་འཁྱེར་ཡོད་འདུག
དེ་རིང་ཕྱི་ཚེས་ ༡༩ ཉིན་གྱི་སྔ་དྲོ་ཉེན་རྟོག་པས་དགོན་པའི་དྲུང་ཡིག་གཙོས་པའི་གྲྭ་བ་ ༤ འཛིན་བཟུང་བཙན་འཁྲིད་དང་། ཉིན་གུང་ཆུ་ཚོད་ ༡ དང་སྐར་མ་ ༡༧ ཡས་མས་ནས་བཟུང་དགོན་པའི་གྲྭ་བ་ཚོ་ཕྱོགས་གཉིས་སུ་བགོས་ཏེ། ཟླ་སྔོན་མའི་ཕྱི་ཚེས་ ༧ ཉིན་གྱི་དགོང་མོ་རྒྱ་དར་བསྒྲེངས་འཛུཊ་དང་ཡིག་ཆ་གཏོར་མཁན་སུ་ཡིན་བརྟག་དཔྱད་ཆེད། གྲྭ་བ་ཚོས་ཡིག་གཟུགས་ལ་ཞིབ་འཇུག་བྱེད་ཀྱི་ཡོད་འདུག
གསར་འགོད་པ། དོན་གོ
ཨ་ཁ་ཁ། ད་རེ་རེ་བཞིན་ཚང་མ་འཁྲིད་རྒྱུ་ཡིན་ནམ།
གནས་ཚུལ་འདི་མཐོང་མ་ཐག་འདས་པའི་ལོ་ངོ་ཉི་ཤུ་རྩ་བཞི་གོང་གི་གནས་ཚུལ་ཁག་གཅིག་མིག་ལམ་དུ་ཕྲ་ལམ་མེར་འཆར། གང་ལྟར་ཡང་རང་མི་རིགས་རིག་གཞུང་དང་བཅས་པར་ཤེས་ནས་ཤ་ཚ་བསྐྱེད་པའི་དགེ་འདུན་པ་དགོན་པ་དང་བཅས་པ་རྣམས་ལ་དཀའ་ངལ་དང་མནར་གཅོད་། མདོར་ན་ཁྲག་དྲི་དྲོ་བའི་སྡུག་སྦྱོང་གི་འགོ་ཚུགས་པས་ཤིན་ཏུ་ནས་བློ་འཚམ་ཆེ། དཀོན་མཆོག་མཁྱེནནོ།།