ད་ནངས་ཞོཊ་པར་མདོ་སྨད་བླ་བྲང་བསང་ཆུ་རྫོང་དུ་རང་ལུས་མེར་བསྲེཊ་གཏོང་མཁན་ཁ་གྱའི་དོན་འགྲུབ་ལཊ་སྐུ་གྲོངས་འདུག
རྒྱ་གར་ལྷོ་ཕྱོགས་འབྲས་སྤུངས་དགོན་པའི་གྲྭ་བསོད་ནམས་ལགས་ཀྱིས་གསར་དུ་གནས་ཚུལ་བཏང་འབྱོར་ལྟར་ན། དེ་རིང་ཞོགས་པར་བོད་ནང་གི་ཞོགས་པའི་ཆུ་ཚོད་ ༧།༣༠ ཡས་མས་སུ། བོད་མདོ་སྨད་བསང་ཆུ་རྫོང་བླ་བྲང་དགོན་པའི་སྟོན་ཆོས་ཆོས་གྲྭའི་རྒྱབ་ལོགས་སུ། བསང་ཆུ་རྫོང་མདའ་སྨད་ཞང་གི་རང་ལོ་ ༦༡ ཡིན་པའི་རྒྱལ་གཅེས་དཔའ་བོ་ཧོར་ཁ་གྱའི་དོན་འགྲུབ་ལགས་ཀྱིས། རང་ལུས་མེར་བསྲེཊ་ཀྱིས་རྒྱ་གཞུང་ལ་ངོ་རྒོལ་བྱས་ཏེ་ས་གནས་དེར་སྐུ་གྲོངས་འདུག
རང་ལུས་མེར་བསྲེཊ་ཀྱིས་གནས་ཚུལ་བྱུང་མ་ཐག་དགོན་པར་སྐོར་བ་འགྲོ་མཁན་ཚོས་མཐོང་སྟེ། འདས་པོའི་སྐུ་ཕུང་ཉེན་རྟོག་པར་ཁྱེར་མ་བཅུག་པར་དགོན་པའི་དོན་དམ་མི་སྣར་རྩིས་སྤྲོད་ཀྱིས་སྨན་ཁང་དུ་ཁྱེར་འདུག་མོད། མེ་འབར་ཤུཊ་ཆེ་བས་ཁོང་སྐུ་གྲོངས་ཡོད་འདུག
རྒྱལ་གཅེས་དཔའ་བོ་ཧོར་ཁ་གྱའི་དོན་འགྲུབ་ལགས་ནི། མདོ་སྨད་བླ་བྲང་བསང་ཆུ་རྫོང་མདའ་སྨད་ཞང་གི་ཡིན་པ་དང་། ཁོང་གི་བཟའ་ཟླའི་མིང་ལ་སྒྲོལ་མ་མཚོ་འབོད་ཀྱི་ཡོད་འདུག ཁོང་བཟའ་མི་གཉིས་ཀྱིས་གཉེན་ཉེ་ཞིག་གི་བུ་རིག་འཛིན་ཆོས་འཕེལ་ཞུ་བ་ཞིག་བུ་སྐལ་དུ་བླངས་ཡོད་པ་དང་། རིག་འཛིན་དང་ཁོང་གི་བཟའ་ཟླ་སྒྲོལ་མ་གཉིས་ལ་བྱིས་པ་སྟོབས་ལྡན་འབོད་པ་ཞིག་བཅས་ཡོད་འདུག
གསར་འགོད་པ། དོན་གོ
རེ་གཅིག་གི་དཔའ་བོ་དོན་གྲུབ།།
མི་རིགས་ཀྱི་ལས་དབང་ཆེད་དུ།།
འདི་ལྟར་གྱི་མེ་ཕུང་ཞིག་ཏུ།།
ལུས་སྲོག་དེ་བོད་ལ་གནང་བར།།
བཀའ་དྲིན་དུ་བླ་མེད་ཆེ་སོང་།།
ང་ཚོ་ཡི་གཞིས་བྱེས་གཉིས་ནས།།
ཁྱེད་རང་གི་ཞལ་ཆེམས་བཞིན་དུ།།
འབད་པ་དེ་ཉིན་མཚན་བྱ་ཆོག།
ལྷོད་ཀྱིས་ཕེབས་རོགས། ང་ཚོས་བསླུས་མི་ཡོང་དཔའ་བོ་ལགས། ཁྱེད་ནི་མེ་ཕུང་ནང་གི་གྲས་དཔོན་ནོ།། གུས་ཕྱག་ཞུས།།