མདང་དགོང་བཞུཊ་སྒར་དུ་རྒྱལ་གཅེས་དཔའ་བོ་དོན་འགྲུབ་ལཊ་སུ་གདུང་སེམས་མཉམ་སྐྱེད་ཀྱི་མྱ་ངན་འདུ་འཛོམས་ཤིག་བསྐངས་སོང་།
ཕྱི་ཚེས་ ༢༢ གྱི་དགོང་དྲོའི་ཆུ་ཚོད་ ༧།༠༠ ཡས་མས་སུ་ངྷ་ས་ས་གནས་གཞོན་ནུ་དང་ས་གནས་བུད་མེད། བོད་རང་བཙན་སློབ་ཕྲུག་ཚོགས་པ་བཅས་ཐུན་མོང་གི་གོ་སྒྲིག་འོག ཁ་སང་ཞོགས་པའི་བོད་ནང་གི་ཆུ་ཚོད་ ༡།༣༠ ཡས་མས་སུ་མདོ་སྨད་བླ་བྲང་དུ་རང་ལུས་མེར་བསྲེཊ་ཀྱིས་རྒྱ་གཞུང་ལ་ངོ་རྒོལ་བྱས་ཏེ། འདས་གྲོངས་སུ་ཕྱིན་པའི་རྒྱལ་གཅེས་དཔའ་བོ་ཁ་གྱའི་དོན་འགྲུབ་ལགས་ལ་མྱ་ངན་ལས་འགུལ་ཞིག་སྤེལ་སོང་ལ། ལས་འགུལ་ཐོག་བོད་མི་མང་སྤྱི་འཐུས་དགེ་བཤེས་སྨོན་ལམ་མཐར་ཕྱིན་ལགས་གཙོས། གཞུང་འབྲེལ་མིན་པའི་ཚོགས་པ་ཁག་གི་ཚོགས་མི་རྣམ་པ་དང་། བཞུགས་སྒར་ཁུལ་གྱི་སེར་སྐྱ་མང་ཚོཊ་དང་ཕྱི་རྒྱལ་བ་བཅས་མི་ ༡༠༠ ལྷག་འདུ་འཛོམས་ཐོག བྱང་ཆུབ་སེམས་མཆོག་དང་ཚད་མེད་ཡོན་ཏན། བོད་རྒྱལ་ཁབ་ཆེན་པོའི་རྒྱལ་གླུ་བཅས་སྐྱོར་ཏེ། བོད་བསྟན་སྲིད་ཆེད་རང་སྲོག་བློས་བཏང་བའི་རྒྱལ་གཅེས་དཔའ་བོ་དོན་འགྲུབ་ལགས་གཙོས་བོད་ཀྱི་དཔའ་བོ་དཔའ་མོ་ཚོར་སྐར་མ་གཅིག་རིང་ངག་བཅད་མྱ་ངན་གནང་སོང་།
དེའི་རྗེས་བོད་མི་མང་སྤྱི་འཐུས་དགེ་བཤེས་སྨོན་ལམ་མཐར་ཕྱིན་ལགས་ཀྱིས། རྒྱལ་གཅེས་དཔའ་བོད་དོན་འགྲུབ་ལགས་ཀྱིས་བོད་བསྟན་སྲིད་ཆེད་རང་ལུས་མེར་བསྲེཊ་བཏང་བའི་ཞིབ་ཕྲའི་གནས་ཚུལ་དང་། འདི་ལོའི་ཕྱི་ཟླ་ ༨ པ་ནས་མདོ་སྨད་ཀན་ལྷོ་ཁུལ་དུ། རྒྱལ་གཅེས་དཔའ་མོ་སྒྲོལ་དཀར་འཚོ་དང་རྒྱལ་གཅེས་དཔའ་བོ་སངས་རྒྱས་རྒྱ་མཚོ། རྒྱལ་གཅེས་དཔའ་བོ་རྟ་མགྲིན་རྡོ་རྗེ། རྒྱལ་གཅེས་དཔའ་བོ་ལྷ་མོ་སྐྱབས་བཅས་ཀྱིས་རིམ་པ་བཞིན་རང་ལུས་མེར་བསྲེཊ་བཏང་བའི་གནས་ཚུལ་ངོ་སྤྲོད་དང་འབྲེལ། ད་བར་བོད་མདོ་དབུས་ཁམས་གསུམ་དུ་རང་ལུས་མེར་བསྲེཊ་ཀྱི་གནས་ཚུལ་བྱུང་རྐྱེན་གཙོ་བོ། རྒྱ་ནག་དབུས་དང་ས་གནས་རིམ་པས་ས་གནས་ཁག་ཏུ་བོད་མིས་རང་ལུས་མེར་བསྲེཊ་རིམ་པར་བཏང་ཡང་། བོད་མི་ཚོའི་དགོས་འདུན་དང་རེ་བར་བདག་པོ་གང་ཡང་མ་བརྒྱབ་པར། སུན་གཙེར་དམ་དྲག་རིམ་པ་བྱས་པའི་དབང་གིས་ཡིན་པའི་སྐོར་དང་། འཛིན་སྐྱོང་བཀའ་ཤག་དང་བོད་མི་མང་སྤྱི་འཐུས་ལྷན་
ཚོགས་ཀྱིས་གནས་ཚུལ་དེ་དག་ཆེད། རྒྱལ་སྤྱིའི་སྤྱི་ཚོགས་སུ་རང་ལུས་མེར་བསྲེཊ་ཀྱི་གནས་ཚུལ་རིམ་པ་གསལ་བསྒྲགས་གནང་བཞིན་པ་ལྟར། བོད་མི་མི་རེ་ངོ་རེས་གནས་སྟངས་ཤེས་པའི་ཐོག་གནས་ཚུལ་ཁྱབ་བསྒྲགས་དང་ལས་འགུལ་ཁག་ལ་རྒྱབ་སྐྱོར་གནང་རྒྱུ། རྒྱལ་སྤྱིའི་གསར་ལམ་ཁག་གིས་བོད་ཀྱི་གནད་དོན་ལ་དོ་སྣང་བྱེད་ཀྱིན་པ་ལྟར། མ་འོངས་པར་རང་ལུས་མེར་བསྲེཊ་གཙོས་བོད་ཀྱི་གནས་ཚུལ་ཁག་ལ་ཐུགས་སྣང་གནང་དགོས་པའི་འབོད་སྐུལ་བཅས་གནང་སོང་།
མཇུག་ཏུ་བོད་དོན་འཐབ་རྩོད་པ་བསྟན་འཛིན་བརྩོན་འགྲུས་ལགས་ཀྱིས་དབྱིན་སྐད་ཐོག་གནས་ཚུལ་ངོ་སྤྲོད་གནང་རྗེས། ངག་དབང་ཆོས་འཕེལ་ལགས་ཀྱིས་བསྡུ་སྒྲིག་བྱས་པའི་བོད་ཕྱི་ནང་གཉིས་སུ་རང་ལུས་མེར་བསྲེཊ་ཀྱིས་རྒྱ་གཞུང་ལ་ངོ་རྒོལ་གནང་བའི་རྒྱལ་གཅེས་དཔའ་བོ་དཔའ་མོའི་འདྲ་པར་ཡོད་པའི་སྐར་མ་ ༩ ཅན་གྱི་གློག་བརྙན་གཟིགས་འབུལ་བཅས་གནང་སོང་།
གསར་འགོད་པ། དོན་གོ
