རིག་པའི་རྡོ་རྗེའི་འབོད་བསྐུལ།

མཁན་པོ་ངག་དབང་རྡོ་རྗེ་ལགས། ད་ནངས་ཞོགས་པ་རླུང་འཕྲིན་ལས་ཁྱེད་ཀྱི་བཅར་འདྲི་གོ་བས་འདིར་ཆེད་དུ་ཡོང་བ་ཡིན། འདིར་བཀླགས་ནས་བསམ་ཚུལ་ཞིག་གླེང་འདོད་བྱུང་། མཁན་པོ་ལགས་ཀྱིས་ལས་འགུལ་འདི་ལྟ་བུ་ཞིག་སྤེལ་བས་ནུས་པ་ཆེན་པོ་ཞིག་ཐོན་དགོས་པ་དེ་ལས་འགུལ་འདིའི་དམིགས་ཡུལ་གཙོ་བོར་བཞག་ན་གནས་ཚུལ་དང་སྣང་ཚུལ་ལོག་པའི་མཐོང་ཚུལ་ཞིག་ཡོད། གཤམ་ནས་བོད་མི་ཁ་ཤས་ཀྱིས་བསམ་ཚུལ་སྤེལ་བར་ཡང་གོ་རྒྱུ་མེད་པ་མ་རེད། དུས་དང་གནས་བབ་བཅས་ཡོངས་སུ་ཚང་བ་ཞིག་དགོས་པ་ཨ་ཅང་ཅང་རེད། འོན་ཀྱང་ངའི་བསམ་ཚུལ་ནི་ཁྱེད་ཀྱི་ལས་འགུལ་འདི་ལྟ་བུ་ཞིག་སྤེལ་བར་འབོད་སྐུལ་དང་མཉམ་ཞུགས་ཀྱི་གྲ་སྒྲིག་རེ་བ་བཅས་ཡོད། རྒྱུ་མཚན་གཞིས་ལུས་བོད་མི་བདུན་བཅུས་རང་གི་གཅེས་པའི་ལུས་སྲོག་འདི་ལྟར་བློས་གཏོང་མཛད་པ་ལ། ང་ཚོ་ཁུ་སིམ་སིམ་རང་གནས་སུ་སྡོད་པ་ནི་རྒྱལ་གཅེས་ཤི་བོ་ཚོའི་མདུན་དུ་ནམ་ཡང་བླ་དགས་ཀྱི་མ་རེད་ལ། ལོ་རྒྱུས་ཀྱི་ངོས་ནས་ཀྱང་བླ་དགས་ཀྱི་མ་རེད། སྤྱིར་ད་ལྟའི་དུས་བབ་འདིར་བོད་དོན་ཐད་འགྱུར་ལྡོག་མངོན་འགྱུར་བ་ཞིག་འབྱུང་བར་གཞིས་སྡོད་བོད་མི་དཔའ་བོ་དཔའ་མོ་དག་གི་དུར་མདུན་དུ་ང་ཚོར་བྱ་རྒྱུ་གང་ཡང་ལྷག་ཡོད་པ་མ་རེད་ལ། བྱ་ཤེས་པ་མེད་པ་ཡང་དོན་དངོས་རེད།
འོན་ཀྱང་ང་ཚོའི་ངོས་ནས་བྱ་ཐུབ་པའི་ལས་འགུལ་འདི་ལྟ་བུ་ཞིག་ཀྱང་མ་སྤེལ་བ་ཡིན་ན། མ་འོངས་གཞིས་ལུས་བོད་མི་ཚོའི་མདུན་དུ་ང་ཚོས་གདོང་ཇི་ལྟར་བསྟན་དགོས་ཀྱི་རེད། དེ་བས་ང་ཚོས་གཞིས་ལུས་མི་མང་ལ་རང་གི་སེམས་འདུན་ཙམ་སྟོན་པ་ཁོ་ནའི་ཆེད་དུ་ལས་འགུལ་འདི་ལྟ་བུ་ཞིག་ངེས་པར་དུ་སྤེལ་དགོས་འདུག དྲ་གྲོགས་རྣམ་པ། ང་ཚོས་ནང་ཁུལ་ཕན་ཚུན་སེམས་ལ་ཚིག་མཚོན་འདེབས་པ་ལས། བསམ་བློ་གུ་ཡངས་ཤིག་དང་། དཀྱེལ་ཆེ་བ་ཞིག་གིས་དོན་དངོས་ལ་དང་ལེན་གནོངས་དང་། ཚང་མའི་སེམས་དང་ལུས་པོ་ཐེངས་གཅིག་མཉམ་སྦྲེལ་བྱོས་དང་། ང་ཚོའི་ངོས་ནས་གཞིས་ལུས་བོད་མའི་མདུན་དུ་མགོ་བོ་དུད་དེ་མྱ་ངན་གྱི་གུས་པ་ཙམ་སྟོན་པའི་ཆེད་དང་། བཞུད་ཟིན་པ་ཁོང་རྣམ་པའི་ཁ་ཆེམས་ཀྱི་ཆེད་དུ་མཐུན་ལམ་རྡོག་རྩ་གཅིག་སྒྲིལ་མཚོན་པའི་མཉམ་འཛོམས་ཐེངས་གཅིག་གནོངས་དང་། ད་ལྟ་འབར་བཞིན་པའི་མེ་ཕུང་དེ་ཕུགས་སུ་དེད་ན་ང་དང་ཁྱོད་ཀྱི་མ་འོངས་པའི་ཆེད་དུ་རེད། ཁོང་ཚོ་ན་ཟུག་དང་མེ་ཕུང་ཁྲོད་གཏན་དུ་ཆས་ཟིན་པ་རེད། ཡོད་ཚད་ང་ཚོའི་ཆེད་དུ་བཞག་ནས་ཆས་ཟིན་པ་རེད། མཐུན་སྒྲིལ་དགོས་པའི་རེ་བའི་ཁ་ཆེམས་བཞག་ནས་ཆས་ཟིན་པ་རེད།

དྲ་གྲོགས་དག་ལ་ཞུ་རྒྱུར།ལོ་མང་གི་རིང་ལ་བོད་པ་ཚང་གིས་ལས་འགུལ་སྣེ་མང་སྤེལ་ཟིན་པ་དང་
སྤེལ་བཞིན་པ་རེད།ཡིན་ན་ཡང་ཁྱེད་རྣམས་ཀྱིས་
འཆར་སྣང་དང་སེམས་ཤུགས་ནི་།ཉམས་མྱོང་མེད་པའི་འཆར་སྣང་དང་འགན་འཁུར་མི་དགོས་པའི་སེམས་ཤུགས་ཤིག་རེད་ཅེས་བརྗོད་ཆོག་་་
བོད་པ་ཚང་གིས་འདས་པའི་ལོ་མང་གི་རིང་ལས་
འགུལ་གང་མང་སྤེལ་བའི་ཉམས་མྱོང་ལ་གཞིགས་ན་རྙིང་མ་པ་དང་ས་སྐྱ་དཀའ་རྒྱུད་པའི་དབུ་ཁྲིད་
དག་གིས་སྣེ་ཁྲིད་དེ་བོད་མི་རིགས་ཀྱི་ཆེད་དུ་ལས་འགུལ་ལ་ཞུགས་མི་སྲིད་པ་ནི་ཧ་ཅང་གི་གསལ་པོ་ཡིན།་་༢༠༠༨་ནས་༢༠༡༢་བར་ལས་འགུལ་རིམ་པ་སྤེལ་ཡོད་མོད།ཆོས་རྒྱུན་ཁག་དེ་དག་གི་ཁྱབ་ཁོངས་ཀྱི་མཁན་བླ་དང་དགེ་འདུན་པ་ག་ཚོད་
མཉམ་ཞུགས་བྱས་ཡོད་མེད་ལ་བལྟས་ན་ཤེས་ཐུབ།།རྒྱ་གར་དང་བལ་ཡུལ་ནང་ལ་ལས་འགུལ་འདྲ་མིན་བྱུང་ཡོད་ཀྱང་ཆོས་རྒྱུན་དེ་དག་གི་དགེ་འདུན་པ་དཀྱུས་མ་ཡང་རེ་ཟུང་མ་གཏོགས་མཉམ་ཞུགས་བྱས་མཁན་མི་འདུག།ཆོས་ལུགས་དེ་དག་གི་དབུ་
ཁྲིད་རྣམས་ཀྱིས་མི་རིགས་ཀྱི་རྩ་དོན་ལ་ཕན་པའི་ཆབ་སྲིད་ཀྱི་གཏམ་བཤད་ཙམ་སྤེལ་བའི་ལོ་རྒྱུས་མེད།།་དེས་ན་ཁྱེད་རྣམས་ཀྱིས་བསམ་དོན་བཞིན་འགྲུབ་སྲིད་དམ་མི་སྲིད།་མི་སྲིད་པ་ཞིག་པ་ཡིན་པ་ཤེས་བཞིན་དུ་བཤད་ན་དགོས་པ་གང་ཡང་མི་འདུག་ཅེས་དྲང་བདེན་གྱི་གཏམ་དམར་དམར་རྗེན་རྗེན་འདི་འདྲ་ཞིག་ཁ་ནས་ཤོར་སོང་།།

མཁྱེན་ལྡན་གྱི་དྲ་གྲོགས་ཚོ། རིག་པའི་རྡོ་རྗེ་ལགས་ཀྱི་འབུལ་སྐུལ་དེར་ལེགས་པར་དཔྱད་དང་། ངས་བལྟས་ན་ཁོང་གིས་དོན་དངོས་དང་མཐུན་པའི་ལས་འགུལ་སྤེལ་ཕྱོགས་སྐོར་ལ་ལྷག་བསམ་ཆེན་པོས་རང་ཉིད་ཀྱི་བསམ་ཚུལ་ཚད་དང་ལྡན་པ་བྱེད་ཐུབ་པ་ སྒྲུབ་ཐུབ་པ་ཞིག་བརྗོད་འདུག་པས་རྗེས་སུ་ཡིད་རངས་ཡོད།
ཡིནའང་མི་ཉག་བཙན་པོ་འབོད་པའི་ཀླད་སྟོང་དེའི་གཏམ་འཆལ་ལ་ཆོ་ག་རེ་ཡོད་རེད་དམ། རིག་པའི་རྡོ་རྗེས་བཙན་འབྱོར་བོད་མི་ཤི་དགོས་བརྗོད་ནི་མི་འདུག ཁོང་གི་འབོད་སྒྲ་ནི་མདོར་ན་རྒྱ་གར་བཙན་བྱོལ་བོད་མི་ཡོད་དོ་ཅོག རྒྱ་གར་རྒྱལ་ས་ལྡི་ལིར་དུས་གཅིག་ལ་འཛོམས་ཤོག་ཟེར། དེ་བཞིན་ཁེ་ན་ཀྲ་དང་། ཡོ་རོབ་ཏུ་ཡོད་པའི་སྐུ་ཚབ་དོན་གཅོད་ཁག་དང་། བོད་རིགས་ཚོགས་པའི་ཚོགས་གཙོ་རྣམས་ཀྱིས་སྣེ་ཁྲིད་དེ་བོད་མི་ཡོངས་རྫོགས་རྒྱལ་ཁབ་དེ་དང་དེར་ཡོད་པའི་མཉམ་འབྲེལ་རྒྱལ་ཚོགས་དང་། རྒྱ་ནག་གཞུང་ཚབ་ཁང་ཁག་ཏུ་མཉམ་དུ་འཛོམས་ཤོག་ཟེར།
མུ་མཐུད་ནས།
གལ་ཏེ་བོད་མིའི་སྐྱིད་སྡུག་མཉམ་ཟེར་བ་དེ་དོན་ལ་གནས་ན། བྱེས་སྡོད་གངས་ཅན་པ་རྣམས། མཉམ་དུ་འཛོམས་ཤོག བོད་མིའི་སྐྱིད་སྡུག་མཉམ་མྱོང་བྱེད་འདོད་ན་མཉམ་དུ་འཛོམས་ཤོག ང་ཚོས་མཉམ་དུ་ཞི་བའི་ལས་འགུལ་སྤེལ། ང་ཚོས་དོན་དམ་པའི་བོད་མིའི་སྐྱིད་སྡུག་མཉམ་མྱོང་བྱེད། འཛོམས་ཤོག འཛོམས་ཤོག མཉམ་དུ་འཛོམས་ཤོག ཟེར།
མི་ཉག་བཙན་པོ་དང་འཇམ་གཅེས་ལ་སོགས་པའི་ཀླད་སྟོང་བྲང་གོ་ན་ནས་གང་མྱུར་ཤི་རྒྱུ་ཚོ་དོན་མེད་སེམས་འབྲལ་མ་བྱེད།

སྨྲ་བརྗོད་རང་དབང་ཡོད་པའི་ས་ཆ་ཞིག་ལ་སྡོད་མཁན་ཞིག་གིས་
འགན་འཁུར་མི་དགོས་པའི་བསམ་འཆར་རྣོ་ངར་ལྡན་པ་ཡིན་ཁུལ་བྱས་ནས་གང་དྲན་སྨྲ་བ་ནི་རྣམ་དཔྱོད་ཅན་དག་གིས་བསམ་གཞིགས་བྱས་ན་དགོད་བྲོ་བའི་གནས་སུ་གྱུར།མི་སྲིད་པ་དང་མི་ཡོང་བ་ཞིག་ལ་རེ་བ་རྒྱག་པ་ནི་འཇའ་ཚོན་གོས་སུ་བསམ་པ་དང་མཚུངས་སོ།སྐད་ཆ་དེ་ནི་༢༠༠༨་ནང་གཞོན་ནུས་ཚོགས་པ་དང་གཞན་ཚོགས་པ་ཁ་ཤས་ཀྱིས་བོད་བར་དུ་གོམ་འགྲོ་བྱས་ཁུལ་བྱས་པ་དང་གཅིག་མཚུངས་རེད།ཕན་འབྲས་གང་ཡང་འབྱུང་མི་སྲིད་པ་ཞིག་རེད།

ཁ་བརྡ་དྲ་ནང་དུ་མི་ཁ་ཤས་ཀྱིས་༧གོས་མཆོག་ལས་འགུལ་སྐེལ་སར་ཕེབས་དགོས་ཟེར་འདུག་པས །༧གོང་ས་ཡིད་བཞིན་ནོར་བུ་ལས་འགུལ་སྤེལ་སར་ཕེབས་ཤོག་ཟེར་བ་ནི་ངོ་མ་སྨྱོས་ཆུ་ཡི་གཟི་བས་སྐད་ཆ་འམ་བསམས་ཚུལ་རང་ལས་མ་འདས། ཁྱོད་ཚོས་ཤེས་དགོས་པ་ཞིག་ནི་༧གོང་ས་མཆོག་ནི་དེང་གིས་དུས་འདིར་འཇིག་རྟེན་སྤྱིར་ཡངས་ཀྱིས་མགོན་སྐྱབས་དང་བླང་དོར་ལམ་བསྟོན་གྱི་སྒྲོན་མེ་ཡིན་པ་ལས་མི་རིགས་བྱེ་དྲག་པ་ཞིག་དང་རྒྱལ་ཁབ་རེ་ཟུང་གིས་བེད་སྤྱོད་གཏང་ཆོག་ཆོག་མེད་པར་ཤེས་དགོས །དེ་ལྟར་ཤེས་བཞིན་དུ་བཤད་པ་ཡིན་ན་ནི་གནས་ཚུལ་ཁ་ཁར་རེད། མ་ཤེས་ན་གཞན་ལ་དྲིས། ཡང་ན་ཁ་ཙུམ་ནས་བསྡོད་དང་མཛེས་ཤོས་རེད། སྙིང་རྗེ་ཁྱོད་ཚོ་ད་དུང་མི་ལ་ངན་སྨས་འདྲ་བཟོ་ཁུལ་་ཧ་ཧ་

རིག་པའི་རྡོ་རྗེ་ལགས་ཀྱིས་གསུངས་པ་བཞིན་ངེད་ཚོས་ལས་འགུལ་ནུས་ལྡན་ཞིག་སྤེལ་རྒྱུའི་དུས་ལ་སླེབས་འདུག་སྙམ། ངེད་ཚོས་ཁ་ནས་གདུང་སེམས་སྙམ་སྐྱེད་གཅིག་པུས་མི་འགྲིགས་པར། ད་ལྟ་བྱ་སྤྱོད་ངོ་མའི་ཐོག་ནས་གདུང་སེམས་མཉམ་སྐྱེད་བྱེད་དགོས་སྙམ།

ཡང་བསྐྱར་ཚིག་ཁ་ཤས་མ་བཤད་ན་མི་འགྲིག་ངོ་མ་རེད། ཉོན་ཨ་གྲོགས་པོ་ཚོ། ང་ཚོས་ཉམས་མྱོང་དང་། རྒྱ་ནག་དང་རྒྱལ་སྤྱིའི་གནསས་བབས་སོགས་ཕྱོགས་གང་ལ་བལྟས་རུང་། རྒྱ་ནག་ནང་ཁུལ་དུ་འགྱུར་བ་ཆེན་པོ་ཞིག་མ་བྱུང་བར་དུ་ལས་འགུལ་གང་འདྲ་ཞིག་སྤེལ་ཀྱང་། གནད་ལ་སྨིན་པའི་གྲུབ་འབྲས་ཞིག་ཐོབ་པར་ངོ་མ་དཀའ་བས་གནས་སུ་མཐོང་། ལྷག་པར་དུ་ང་ཚོ་ལྡི་ལིའི་གཙོས་ས་གནས་གང་སར་མི་མང་འདུ་འཛོམས་ལེན་གཅིག་ཙམ་གྱིས་ས་ཆོད་གང་ཡང་མི་ཡོང་བ་མིག་མཐོང་ལག་ཟིན་ཡིན་པར་ནི་ང་ཡི་འདོད་ཚུལ་ངོ་མ་དེ་ཡིན། ང་ཚོས་ལས་འགུལ་གང་འདྲ་ཞིག་སྤེལ་རུང་གཞིས་ལུས་དཔའ་བོ་དཔའ་མོ་དག་གིས་སྤེལ་བས་ལས་འགུལ་ལས་རྒྱ་ཆེ་བ་དང་ཚད་མཐོབ་ཞིག་སྤེལ་ཡ་མེད་པ་དང་སྤེལ་མི་ཐུབ་པ་ཡང་ཁྱོད་ཚོས་ཤེས་དགོས། ད་དུང་༧གོང་ས་མཆོག་ལས་སྤེལ་སར་ཕེབས་ཤོག་ཟེར་བ་ནི་ངོ་སྨྱོས་ཆུ་མཐུང་མཁན་གྱི་མི་ཞིག་གིས་བསམ་ཚུལ་ལྟ་བུར་ལས་གང་མི་འདུག །རྣམ་དཔྱོད་དང་མཁྱེན་རྒྱལ་ཡངས་པའི་བོད་རིགས་སྤུན་ཟླ་ཚོར། ནམ་རིང་སྒྲུང་གིས་མི་ཆོད་པར་ངེས་པར་དུ་མཁྱེན་དགོས། མདོར་བསྡུས་ནས་བཤད་ན་ང་ཚོའི་གཞུང་དང་དབུ་ཁྲིད་དག་གིས་ལམ་སྟོན་དང་། ལྷག་པར་༧གོང་ས་ཡིད་བཞིན་ནོར་བུའི་དགོངས་གཞིར་རྟོགས་པར་བྱས་ནས་བྱ་བར་བཙོན་དགོས་གལ་ཆེ། དེ་མིན་དྲྭ་འབུ་དག་ལ་ཡིད་ཆེས་དུས་ནམ་ཡང་གནང་མི་རུང་། རིགས་ཞེན་དང་། རྒྱལ་ཞེན། ལྟ་གྲུབ་སོགས་ཁ་ལ་འཁྱེར་ཏེ་འུར་སྒྲོག་བཟོ་མཁན་དག་ནི་དུས་ནམ་ཡང་ཡོད་ཡོད་པ་རེད། །

རིག་པའི་རྡོ་རྗེའི་བསམ་ཚུལ་དང་རེ་སྐུལ་ལ་རྒྱབ་སྐྱོར་ཡོད་ལ། བོད་གཞུང་མང་གཉིས་ཀྱིས་ལས་འགུལ་ག་དུས་སྤེལ་ན་མཉམ་ཞུགས་བྱེད་རྐྱང་ཡིན་པ་མ་ཟད། གལ་ཏེ་གཟུགས་པོ་མེར་བསྲེག་གཏོང་དགོས་ཀྱང་ཕན་ཐོགས་ཡོད་པར་མཐོང་ན་བསྲེག་རྐྱང་ཡིན། ང་ཚོ་སྐྱིད་པོ་བྱས་ནས་འདུག་ཚོད་གཏན་ནས་མ་རེད།

ང་ཚོ་བོད་རིགས་དྲྭ་འབུ་ཚོས་ཀྱང་། ལས་འགུལ་ཅི་ཞིག་རྩོམ་ཐུབ་བམ། ལགས།

ཨ་རྩི་་་་་་་་་་་་་་་་ངོ་མ་དུས་ཚོད་འདི་འདྲ་ཞིག་ག་དུས་ཤར་ཡོང་།
འོ་ཛི་་་་་་་་་་་་་་་་མི་ཐུབ་པའི་རྒྱུ་མཚན་གང་འདྲ་ཞིག་བཤད་ཡོང་།
རིག་པའི་རྡོ་རྗེས་ལགས་ཐུགས་རྗེ་ཆེ།