ཁ་སང་གཟའ་ལྷག་པའི་ཉིན་མདོ་སྨད་རྔ་པ་ཁུལ་རྔ་སྟོད་སྔོ་ཤུལ་དགོན་པའི་གྲྭ་པ་གསུམ་གྱིས་དུ་རང་ལུས་མེར་བསྲེཊ་ཀྱིས་རྒྱ་གཞུང་ལ་ངོ་རྒོལ་བྱས་ཏེ། མི་གཅིག་འདས་གྲོངས་དང་། གཞན་གཉིས་སྨན་ཁང་དུ་འཁྱེར་ཡོད་འདུག
བཞུགས་སྒར་ཀིརྟིའི་བྱེས་པ་གྲྭ་ཚང་གི་བོད་གནས་འབྲེལ་མཐུད་པ་བློ་བཟང་ཡེ་ཤེས་དང་ཀ་ཉག་ཚེ་རིང་གཉིས་ཀྱིས་འདི་གར་གནས་ཚུལ་བཏང་འབྱོར་ལྟར་ན། ཁ་སང་ཕྱི་ཚེས་ ༧ ཉིན་གྱི་བོད་ནང་གི་ཕྱི་དྲོའི་ཆུ་ཚོད་ ༣ །༠༠ ཡས་མས་སུ་ མདོ་སྨད་རྔ་པ་རྫོང་རྔ་སྟོད་སྒོ་མང་ཞང་ཚོ་དྲུག་སྡེ་བའི་ནང་ཚན་སྔོ་ཤུལ་ཐང་བ་མའི་ཆུ་ཁ་ཚང་གི་ཕ་ཚེ་རིང་དང་། མ་ཚེ་འདས་གངས་དཀར་གཉིས་ཀྱི་བུ། རང་ལོ་ ༡༥ ཡིན་པའི་སྔོ་ཤུལ་དགོན་གྱི་གྲྭ་རྡོ་རྗེ་ལགས་དང་། སྔོ་ཤུལ་ཐང་བ་མའི་ཐང་ལྷ་ཚང་གི་ཕ་བསོད་དར་དང་མ་པ་སངས་གཉིས་ཀྱི་བུ། རང་ལོ་ ༡༦ ཡིན་པའི་སྔོ་ཤུལ་དགོན་གྱི་གྲྭ་བསམ་འགྲུབ་ལགས། སྔོ་ཤུལ་རྨེའུ་སྐྱོང་སྡེ་བའི་ཕ་ཚེ་རིང་དོན་འགྲུབ་གྱི་བུ། རང་ལོ་ ༡༦ ཡིན་པའི་སྔོ་ཤུལ་དགོན་གྱི་གྲྭ་རྡོ་རྗེ་སྐྱབས་ལགས་བཅས་གྲྭ་བ་གསུམ་གྱིས་རྔ་སྟོད་སྒོ་མང་ཞང་ཉེན་རྟོག་ཁང་གི་སྒོ་འགྲམ་ནས་རང་ལུས་མེར་བསྲེཊ་ཀྱིས། “ ༸རྒྱལ་བ་རིན་པོ་ཆེ་བོད་ལ་ཕེབས་འཇུག་དགོས། བོད་ལ་རང་དབང་དགོས། ”ཞེས་ངོ་རྒོལ་སྐད་འབོད་བྱས་ཏེ། རང་ལོ་ ༡༥ ཡིན་པའི་གྲྭ་རྡོ་རྗེ་ལགས་སྐུ་གྲོངས་ཡོད་པའི་གནས་ཚུལ་ཐོན་འདུག
རང་ལུས་མེར་བསྲེཊ་ཀྱི་གནས་ཚུལ་བྱུང་རྗེས་ས་གནས་ཀྱི་ཉེན་རྟོག་པ་སོགས་འབྱོར་ཡོད་ཀྱང་། བསམ་འགྲུབ་དང་རྡོ་རྗེ་སྐྱབས་གཉིས་སྐབས་ཐོག་དེར་གྲོངས་མེད་པ་དང་རྔ་པ་རྫོང་སྨན་ཁང་དུ་ཁྱེར་འདུག་ཀྱང་། རྗེས་སུ་རྔ་པ་རྫོང་མཁར་ཡོངས་ལ་དྲག་ཆས་ཉེན་རྟོག་པ་སོགས་འགྲེམས་འཇོག་གིས་ཕར་འགྲོ་ཚུར་འོང་གི་འགྲོ་ལམ་ཡོངས་རྫོགས་དམ་བསྒྲགས་བཀག་སྡོམ་ནན་མོ་བྱས་འདུག་པ་མ་ཟད། རྔ་སྟོད་སྒོ་མང་ཞང་དང་སྔོ་ཤུལ་དགོན་པ་སོགས་ལ་དམ་དྲག་ནན་མོ་བྱེད་མུས་ཡིན་འདུག
རྔ་སྟོད་སྔོ་ཤུལ་དགོན་པ་གྲུབ་མཐའ་དགེ་ལུགས་པ་ཡིན་ཞིང་། སྔོ་ཤུལ་དཔོན་སློབ་ངག་དབང་ཡར་འཕེལ་གྱིས་ཕྱག་བཏབ་པ་དང་། དེང་སྐབས་དགོན་པར་དགེ་འདུན་པ་ཞལ་གྲངས་ ༡༣༠ ཙམ་ཡོད་པ་དང་། རྔ་པ་རྫོང་མཁར་ནུབ་ཕྱོགས་ཀྱི་སྤྱི་ལེ་ ༡༢ ལྷག་གི་མཚམས་སུ་ཡོད་འདུག
གསར་འགོད་པ། དོན་གོ
བོད་ལྗོངས་ཞིང་ཁམས།
སྟོད་མངའ་རིས་སྐོར་གསུམ་ཞི་བདེའི་ཞིང་། །
བར་དབུས་གཙང་རུ་བཞི་ཆོས་རིག་ཞིང་། །
སྨད་མདོ་ཁམས་སྒང་དྲུག་དཔའ་བོའི་ཞིང་། །
བོད་ཡོངས་རྫོགས་དཀར་ཕྱོགས་ལྷའི་ཞིང་། །
རང་ཞིང་སྲུངས་དགོས།
སྐྱོ་བའི་མིག་ཆུས་བདག་གི་མགྲིན་པ་བརྣངས། །དཔའ་བོའི་སྙིང་སྟོབས་བསམ་པའི་ཡུལ་ལས་འདས། །གངས་ཅན་རི་བོའི་དཔའ་བོ་དཔའ་མོ་རྣམས། །ཁྱེད་རྣམས་ང་ཚོའི་སྙིང་གི་རྡོ་རིང་ཡིན། །གདོང་དམར་བོད་འདིའི་ཟུངས་ཁྲག་མ་ཟད་བར། །སྐྱེས་པའི་ཕོ་ཟད་མོ་ལ་མ་ཐུག་བར། །རྒྱ་ངན་བཙན་དབང་ཇི་ཙམ་ཆེ་ན་འང་། །ང་ཚོའི་སྙིང་སྟོབས་ནམ་ཡང་ཞུམ་པ་མེད། །གུང་ཁྲན་བདུད་ནག་འགྱེལ་སོང་མ་ཟེར་བར། །གངས་སེ་དཀར་མོ་རྒྱལ་སོང་མ་ཟེར་བར། །ང་ཚོའི་ཤ་ཟད་རུས་ལ་ཐུག་དགོས་ཀྱང་། །གུང་ཁྲན་ནག་པོར་ཁ་གཏད་བཀྱག་ངེས་ཡིན། །༸གོང་ས་མཆོག་རྒྱལ་གྱུར་ཅིག བོད་རྒྱལ་ལོ། །ཡབ་རྗེ་སྲོང་བཙན་སྒམ་པོ་རྒྱལ་གྱུར་ཅིག །།།