བོད་མདོ་སྨད་མགོ་ལོག་གཅིག་སྒྲིལ་རྫོང་དཔལ་ཡུལ་དར་ཐང་དགོན་དུ། བོད་བསྟན་སྲིད་ཆེད་རང་ལུས་མེར་བསྲེཊ་གནང་མཁན་རྒྱལ་གཅེས་དཔའ་བོ་དཔའ་མོ་ཡོངས་ཀྱི་ཆེད་བསྔོ་སྨོན་མཆོད་འབུལ་གནང་ཡོད་འདུག
ཟླ་འདིའི་ཕྱི་ཚེས་ ༩ ཉིན་བོད་མདོ་སྨད་མཚོ་སྔོན་ཞིང་ཆེན་མགོ་ལོག་བོད་རིཊ་རང་སྐྱོང་ཁུལ་གཅིག་སྒྲིལ་རྫོང་ཁོངས་སུ་ཡོད་པའི་དཔལ་ཡུལ་དར་ཐང་དགོན་མདོ་སྔགས་བཤད་སྒྲུབ་ཆོས་གླིང་དུ། དགོན་པའི་དགེ་འདུན་པ་རྣམས་ཀྱིས་ ༸གོང་ས་མཆོག་གི་སྐུ་པར་མདུན་དང་། དགོན་པའི་འདུ་ཁང་ཕྱིན་ནང་དང་ཡང་སྟེང་། དགོན་པའི་ར་སྐོར་སོགས་ཕྱོགས་ཡོངས་སུ་མཆོད་མེ་སྒྲོན་པ་དང་། བླ་མ་དཔལ་ཡུལ་སྐར་ངག་ཉི་མ་མཆོག་དབུ་བཞུགས་ཐོག་བོད་བསྟན་སྲིད་མི་རིཊ་ཀྱི་ཆེད་དུ་རང་ལུས་མེར་བསྲེཊ་གནང་མཁན་རྒྱལ་གཅེས་དཔའ་བོ་དཔའ་མོ་ཡོངས་ལ་བསྔོ་སྨོན་མཆོད་འབུལ་གནང་ཡོད་འདུག
དཔལ་ཡུལ་དར་ཐང་དགོན་མདོ་སྔགས་བཤད་སྒྲུབ་ཆོས་གླིང་ནི། བོད་མདོ་སྨད་མཚོ་ཞིང་ཆེན་མགོ་ལོག་བོད་རིགས་རང་སྐྱོང་ཁུལ་གཅིག་སྒྲིལ་རྫོང་ཁོངས་སུ་ཡོད་ཅིང་། དེ་སྔོན་བླ་མ་ཀརྨ་འགྱུར་མེད་མཆོག་གིས་ཕྱག་བཏབ་སྟེ་ད་ལྟའི་བར་མི་ལོ་ ༡༦༠ ཙམ་གྱི་ལོ་རྒྱུས་ཡོད་པའི་དགོན་པ་ཞིག་ཡིན་འདུག་ལ། ད་ཆར་དགོན་པ་དེར་དགེ་འདུན་པ་ཞལ་གྲངས་ ༨༠༠ ཙམ་ཡོད་འདུག
